#طوق_نجاة
الفصل5
جت وردة وروان لمكتبي وهنا تحت تأثير الصدمة واني سمعت كل شئ يحكن فيه
انا.. قمعزي ياوردة وانتي ياروان
روان ..ان شاءالله خير يا استاذ
انا..خير ان شاءالله انا بنسئل وردة شنو بديري تو
وردة بدموع وباستغراب من سؤالي لانه كلهم عارفيني اني مانعدلش على حد ولانهتم بحد اصلا بسبب طبعي الواعر والصعب
وردة بدموع.. بندير في شنو
انا..في اللي صارلك اليوم
وردة..انت سمعتنا
انا..عشان نكون واضح معاك انا نعرف كل شئ عليك وسامحيني غصب عني لقيت روحي نسمع في كلامك والحاجات اللي تصيرلك وغصب عني ماقدرتش نمنع روحي من اني نسمع ونعرف كل شئ يخصك
روان .. بس نحن كنا نجو حذا الروشن هذا تحديدا لان عارفينه مسكر مايحبش حد يقعد فيه
انا.. بس انا ارتحت فيه وقعدت فيه من بداية السنة
وردة بدموع..تعرف يا استاذ لو عرفت انك تسمع فينا في وقت اخر غير اليوم كان تصرفي معاك شئ اخر لكن انا اليوم ماعنديش حتى طاقة اني نحكي
ورجعت وردة تبكي وبحرقة اكثر لان تو همها اكبر من انها تعاتبني او تعاركني على اني نسمع فيهن
انا..شنو بديري ياوردة
وردة ..مش عارفة لو بنمشي نبلغ عليه مافيش حد حيوقف معاي ولو بنسكت مش عارفة شنو بيدير فيا لاني اليوم قدرت ندافع على روحي لكن لامتى بنقدر وخصوصا ان امي الاسبوع الجاي عندها عرس في المرج حتعدي بخوتي كلهم وانا بتخليني فمش ضامنه انه مايحطش امي ويرجعلي طالما قرر انه يدير فيا شئ خايفة خايفة واجد
وردة هي وروان قعدن يبكن الاثنين ومديت ليهن امية وبعد صمت طويل من امني مافيشي الا صوت بكاء وردة ودموع روان
انا..عندي الحل
وردة بدموع..كيف يا استاذ
انا..روان ممكن تسيبيني شوي مع وردة
وردة..بس انا ماندسش في شئ عليها
انا..انا نحكيلك وانتي حرة بعدين تحكي ليها او لا
روان.. خلاص ياوردة انا تو نطلع نستنى برا وزي ماقال استاذ احمد انتي بعدين تحكيلي او لا شوفي اللي عنده قبل
وردة هزت راسها بالموافقة وطلعت روان وسكرت الباب لكن وردة قفزت ومشت فتحت الباب وانا عجباتني الحركة اللي دارتها
انا.. وردة تتزوجيني
وردة بصدمة .. شنو
انا.. تتزوجيني
وردة بدموع.. مش عشان حاسس بالشفقة ناحيتي يخليك تقرر القرار هذا
انا.. ممكن تسمعي اللي عندي قبل
وردة ومازالن دموعها ينزلن .. تفضل
انا .. من فترة وانا نبي نتزوج لكن خايف
ايه خايف على امي من اللي بنتزوجها لان امي مراء ضريرة وتبي اهتمام رغم ان عندها من يهتم بيها لكن برضو نبي مرتي ادير بالها عليها وحاسس انك انتي حتكوني المراء اللي تهتم بامي ومانبي منك شئ انتي تهتمي بامي وانا نطلعك من اللي انتي فيه
وردة .. ممكن نفكر في كلامك
انا..خوذي راحتك
وردة .. راحتي بالله وين بكرة باذن الله نرد عليك او اليوم بعد المحاضرة الثانية
انا..تمام
وطلعت وردة من عندي وانا نقول لروحي شنو اللي قررته لكن انا الفكرة هذي ليها يومين في دماغي هيا من حدير بالها من امي وفي نفس الوقت هيا ترتاح من الحوش والظلم اللي هيا فيه لكن ريم بنفوتها وخلاص لاني انا ماوعدتها بشئ وما حكيتش معاها بصراحة علي في قلبي واكيد تو يجيني وقت ونحب وردة
روان .. به اللي هديتي شوي
وردة ..الحمدلله على كل حال
روان .. شنو بتقوليلي اللي حكاه ليك الاستاذ احمد
وردة .. اكيد وحكت ليها
روان.. معقولة حل ياسلام وبعدين استاذ احمد اكثر واحد يقدر يوقف في وجه راجل امك بسبب مركزه ومعارفه وحتى حالته المادية كويسة
وردة .. لكن مايحبنيش
روان .. الوقت والعشرة تخلي كل شئ يجي وبعدين اللي يعرفك من قريب صعب انه مايحبكش
وردة .. ربي يخليك لي
روان ..شنو قررتي
وردة .. اكيد بنوافق بس
روان .. بس شنو
وردة ..في حاجات لازم نقولها له قبل
روان .. ديري اللي يريحك المهم تطلعي من حوش محمد الحيوان ربي ياخذ فيه الحق
وردة ..امين
وخشن حضرن المحاضرات وطلعت وردة ومشت لمكتبي
انا..تفضل
وردة.. السلام عليكم
انا..وعليكم السلام
وردة .. قبل مانقولك رايي نبيك تسمعني قبل
انا.. تفضلي
وردة .. ممكن انت مش حاسس بروحك لكن انا نحس فيك بتتزوج مني شفقة
انا..لا
وردة قصت عليا .. معليش خليني نكمل وانا مش رافضة انك تشفق عليا لان لو كانت الحكاية وكال او ضرب بس كنت اكيد ماقبلتش شفقتك عليا لكن هذي المرة وصلت لشرفي اللي مش عارفة لامتى حنقدر نحميه فانا قابلة شفقتك عليا لاني في الاخير نبي السترة بس طلبي نكمل قرايتي وانا دموعي ينزلن وانك ماتفكرش طلقني لاني بعدها يبدا وضعي اصعب من توا
انا
جيت بنقوللها خلي الايام بينا وانا حنحبك واني مش شفقة بس لكن ماقدرتش لاني فعلا انحس روحي اني قررت القرار هذا من باب الشفقة عليها
وردة.. وين رحت استاذ احمد
انا..قاعد
وردة قعدت تبكي وحست نفسها صعبت عليها لكن هذا الحل اللي قدامها
انا نضت من كرسي مكتبي وجيت قمعزت في الكرسي اللي مقابلها
انا .. وردة انا مستحيل نسيبك وحتكوني في حمايتي طول ما انا على وجه الدنيا بس حتى انا عندي طلبات
وردة.. تفضل
انا.. اولا بطلي بكاء
وردة مسحت ادموعها ..حاضر
انا..القراية اكيد من غير ماتقولي وحتى اذا بتكملي ماجستير ودكتوراء بس الطلبات اللي عندي اولا تقبلي اي شئ مني بالنسبة للصرف لانك في الاخير بتبقي مرت احمد عبدالرحمن وثانيا النوم حيكون في مكان واحد لو انتي فهمتي ان زواجي منك شفقة وحيكون على الورق بس
وردة بسرعة تكلمت .. مستحيل انفكر هكي لان هذا حقك الشرعي وانا اكيد مش حنعارض ربي ونعصيه وتلعني الملائكة الا اذا انت ماتبيش
وهنا وجه وردة تما احمر زي الطماطم
انا
وهي حكت بسرعة تعجبت لكن بمجرد ماشفت وجهها كيف راح عرفت انها انحرجت وما احلاه من بنت تخجل
انا.. هو اكيد في البداية مش حنكذب عليك لان حيكون صعب عليا نقرب مراء مانحبهاش ومش معناها نكرهك وردة لكن النوم بيكون في دار وحدة لان عندي في الحوش مع امي عمتي عايشة اللي دايرة بالها من امي وتحكي في كل شئ لامي غير امي من نبرة صوتي تعرف اي تغير فيا
وردة
حسيت بروحي سخنت وكلمته انه مايحبنيش وجعتني لكن هو طوق نجاتي حتى لو بنكون خدامة ليه ولامه وانا حاسة بالامان وعرضي مصان
وردة .. انا في طوعك وتحت امرك بس ممكن طلب
انا..تفضلي
وردة .. ماتصرفش واجد عليا او تعطي فلوس لراجل امي
انا..هذين امور خليهن لوقتهن
وردة ..به بنروح انا
انا..عطيني رقم فونك بيش نطمن عليك لكن كيف بديري لو رجع واعتدى عليك مرة ثانية
وردة .. اليوم بنمشي نبات عند روان على خاطر عندنا طلبيات واجد بكرة بنشتغلوهن طول الليل هكي بنقول نين الله يفرجها وعلى الاقل عمر وعامر يصحو
انا..به تمام واه عطيني رقم راجل امك
وردة .. رقمي هو *******
ورقم راجل امي هو ********
#حياة
ВЫ ЧИТАЕТЕ
طوق نجاة
Разноеعندما تعتقد انك طوق نجاة لها ولكن تكتشف في الاخير انها هي من كانت طوق نجاتك رواية باللهجة الليبية لصديقتي حياة احمد
