طوق نجاة

الفصل 13

#طوق_نجاة
الفصل13
وردة
رفعت راسي لقيت احمد واقف قدامي فصبيت لاشعوريا ماشاءالله كيف طالع بلحيته اللي تهبل وطاولة شوي لكن زايداته حلاوة جسم مفصل تفصيل بالبدلة  لان احمد جسمه مش عريض واجد لكن مش رقيق جسم رياضي والبدلة تقول اصلا صممت ليه وريحة عطره اللي من اول ماخش للدار وهي طغت على كل شئ فيها
انا
نطقت السلام ومعاش عرفت صح انا تخيلتها حلوة بس مش فاتنة فعلا بالفيلو كيف راسم تفاصيل جسمها لانه كان عبارة عن فستان من قماش الدانتيل مرصع بي احجار كريستال صغيرة بشكل السمكة مفصل بشكل حورية برقبة واسعة شوي تنزل بشكل مثلث على فتحة الصدر مبينة جزء بسيط من صدرها خلت رقبتها تبان  وكمه ضابط وطرحته اللي من الشيفون والدانتيل وطولها زادها حلاوة مع تسريحتها وتاجها البسيط والرقيق زيها ومع لون عيونها الاخضر اللي بديت اكثر حاجة انشوف فيه وروج احمر داكن زاد حلاوة لشفايفها اللي زي الفروالة بنفختهن الطبيعية من ربي خلتني كان نلقى ناخذهن في بوسة طووووووويلة بلعت ريقي وابتسمت ليها
وردة بصوت واطي .. وعليكم السلام
انا
قربت منها وضميتها ليا بقوة ومش عارف درت هكي ليش حسيت بيها متوترة وانا متوتر اكثر منها حسيت ان الحضن يهديها ويهديني في البداية مادارت شئ عرفتها تحشمت لكن شوي ولفت ايديها عليا
وردة
لما حضني في البداية حسيت الدم وقف بعروقي لكن بعدها حسيت بدفء جسمه ولقيت روحي لاشعوريا لافة ايديا عليه وكان لقيت معاش نحول من بين احضانه واه ياوردة هذا حضن بس وكيف حلو امنا لو حاجة ثانية كيف بتكون الله ياوردة ربي كان داسلي الاحسن في حياتي ماتخيلتش بعد هذا نلقى طوق نجاة ويكون بالحنية هذي ومانقصش عليا حاجة لو واحد مكانه راه معبرنيش وكمل طول الوقت وهو يتجمل عليا بلي داره لكن احمد عكس كل لحظة يحسس فيا ان كل شئ من حقي ومن حقي نفرح وهو سبب فرحي الله يارب احفظه ليا واحفظلي فرحتي يارب وقدرني اني نسعده
عبير ..ماشاءالله مش سادكم هكي
انا ووردة بعدنا على بعض ووردة خدودها زادو نحمرو عرفتها تحشمت
انا..مش في باب يدقو عليه
عبير..ماتوقعتش اني نشوف هكي توقعت نشوف اثنين متوترين مش حاضنين
انا..عبيرررررر بطلي شوفي وردة كيف راحت
وخذيت وردة لحضني ثاني وهي خفت وجهها في صدري الله على الشعور اللي حسيت بيه
عبير..هيا الزفة بتبدا
وخشيت وانا ووردة وكان كل حاجة زي مانبي حطيتها على المسرح وقمعزت حذاها شوي وطلعت
وائل..شنو ياعريس
انا..شنو
وائل..عليك رد شنو يعني كيف طلعت
انا بتوهان..قمر لا ملكة لا لا لا تقول حورية من الجنة ونزلت على الارض عشان تكون نصيبي
وائل..الله الله الله هذا وانت ماتحبهاش
انا فطنت لروحي..نكذب عليك كان نقولك قلبي مايدقش في حضورها واني نتمنى عيني ماتنزلش عليها ومانملش من اني نسمعها وهي تحكي
وائل..بتم زواجك معاها
انا..ان شاءالله لاني حاسس انها هيا اللي حتكون سعادتي معاها وهناي معاها لاني شنو نبي اكثر من هكي مراء متمسكة بصلاتها ودينها واكثر من هكي بدير بالها علي امي واضح في عيونها لما تحكي عليها غير بالشوي مهما انكان هي صغيرة ووحدة وحدة بنمشي معاها
وائل..ربي يهنيك يا صاحبي تستاهل كل خير
انا..زبطت امور الليلة  لان الساعة 7الصبح  لازم نكونو في المطار
وائل..كون هاني وانا على الموعد تلقاني
تعلم هيا بالسفرة
انا..لا دايرها مفاجاءة ليها
وائل ..ربي يهنيكم يارب
وخشيت للصالة غيرت الدبلة للوردة وغيرتلي دبلتي وايدها ترعش ولبستها سلسلة زي الانسيال اللي هديته ليها وطبعا كانت حفلة حلوة وطلعنا وركبنا للسيارة ساعدتها بيش تركب ومشينا جيهة استراحة في مزرعتنا لاني مانبيش الفندق ومانبيش امي تطلع من حوشها
وردة
كانت الحفلة تهبل ومانقصش عليا حاجة بحيث اني نكون ملكة الحفلة وفرقة روعة وجاء وغيرنا الدبل ولبسني سلسلة زي الانسيال اللي هداه ليا وقالي ان هذي هدية العرس ومانحولهاش من رقبتي بكل وفرحت بيها واجد وبعدها طلعنا  لاقتني امي اللي استغربت من كلامها وعمتي فاطمة اللي قعدت توصي في احمد عليا
العمة فاطمة .. رد بالك عليها ياولدي وردة مش بنتي لكن راهي قطعة من قلبي ولو يوم فكرت تظلمها ماحد حيحاسبك الا انا
انا..كوني هانية ياعمتي فاطمة وردة مستحيل تنضام معاي ابدا
وسلمت علينا عمتي رقية وبست ايدها وراسها ووصتني على احمد ووصت احمد عليا وطبعا جت روان وحضنتني وقعدنا نبكو نين بعدتها عليا عبير
وطلعنا وقعدت نقول امي اللي ولدتني توصي فيا اني مننسهاش من رزق احمد بهدايا سمحة وغالية وان عمتي فاطمة هي اللي توصي في احمد عليا حسيت بحسرة في قلبي وبعدها طلعنا للسيارة  وانا قلبي يدق واجد داير لروحه حفلة واكثر حاجة عجبتني ان احمد طالما هو احذاي محولش ايده من بين ايديا وكانه يقول للناس اني ملكه وليش يقول لاني فعلا ملكه ومستحيل نكون ملك شخص ثاني  وتو راكبة حذاه في السيارة ومش عارفة وين ماشيين لكن معاه حتى لو لاخر الدنيا ومولع المسجل على اغنية تعز عليا واجد وكنت ديمة نتمنى نلقى راجل يولعه ليا
مذهلة ماهي بس قصة حسن رغم ان الحسن فيها بحد ذاته مشكله
مذهلة كل شئ فيها طبيعي
ومو طبيعي واجمل من الاخيله
طيبها قسوة جفاها ضحكها هيبة بكاها روحها حدة ذكاها تملأك بالاسئلة
مذهلة
مذهلة تملأك بالاسئلة هي حقيقة او خيال ..هي ممكنة والا محال  
.........
عبير..تعالى هنا روان سادك بطلي دموع    
روان..نحس كأن روحي باعدت عليا لكن اللي مفرحني ان احمد حنين شكله عليها
عبير..فعلا احمد واعر وقاسي لكن من جواه حنين واجد ومتأكدة ان وردة حتخليه يطلع الحن اللي في قلبه
روان..وردة حنونة واجد وطيبة ربي يهنيهم يارب
عبير..قوليلي فضولي بيقتلني
روان..ان شاءالله خير
عبير..عيون صاحبتك
روان..ههههه حتى انتي خشيتي متاهة عيونها
عبير..ماهو يحيرن الحق لما خش بيها احمد وهيا عيونها خضر وبعد ماسيبها رجعن عسليات فاتحات  صافيات يهبلن وبعد مارجع احمد رجع اللون الاخضر اللون الاخضر عليش يدل
روان نست ان وردة منبهتها ان ماتقولش لحد لكن نست .. اللون الاخضر لون الراحة والحب والامان
عبير.. يابخت احمد بيهن معناها انتم تشوفو فيه ديمة
روان.. اه اصلا وردة طالما هيا عندنا ولون عيونها ديمة اخضر
روان فطنت لروحها واذكرت كلام وردة
روان..بالله عليك عبير ردي بالك تقولي لحد اني قلت ليك وردة لو تسمعني تقتلني بالله عليك
عبير ..كوني هانية تم
......
وصلنا لاستراحة المزرعة وساعدت وردة في النزول من السيارة ولقيت وائل ماشاءالله مجهزها باحسن شئ ورود وشموع
انا..تفضلي وردة خشي هذي استراحة لنا حنقضو ليلتنا فيها شنو رايك
وردة بخجل..حلوة
انا..مع اني قلت لوائل ماتزينهاش بالورد
وردة باستغراب..ليش
#حياة