طوق نجاة

الفصل22

#طوق_نجاة
الفصل22
روان..نزار
وردة..كنه نزار
روان..امس وقفني في الجامعة
وردة..امتى نحن طلعنا وسيبناك بتطلعي ورانا
روان.. ايه وقفني عند السيارة وخلاني نخش للجامعة من جديد
وردة ..وشنو يبي
روان ..يبي يتقدم ليا
وردة بفرحة ..والله احلى خبر سمعته واخير بتتزوجي اللي حبتيه طول عمرك
روان..تعرفي هو قالي انه معجب بيا كان من اول ماخشيت للجامعة ومقدرش يكلمني بالذات لم عرف اني ماعنديش اختلاط بيهم وقالي استنى انه يكون اخر سنة بيش يجي يخطب وحتى الفرح قالي في الصيف
وردة..حضنت روان وباركت ليها
مبارك حبيبتي والله تستاهلي انك تفرحي وقلبك يفرح ويرتاح الله قديش من ايام قضيتهن وانت تدعي ان ربي يجمعك بيه بحلاله
روان بفرحة ..الحمد لله يارب
الفال ليك ياوردة ربي يفرح قلبك
وردة ..انا قلبي فرحان والحمدلله
روان..كيف فرحان وانتي راجلك بيتزوج عليك وحدة يحبها قبلك
وردة..قلبي مليان بحنانه وعطفه واهتمامه بيا في حاجات اهم من الحب ياروني لان الزواج يجتمع فيها مسميات واجد غير الحب العشرة والمودة والرحمة واهم حاجة الاحترام والحب مسمى من المسميات لو موجود احلى واحلى ولو مش موجود صدقيني غيابه مايأثرش واجد
روان..ربي يكملك بعقلك ويريح قلبك انتي واحمد
وردة انتي حبيتي احمد
وردة .. نكذب كان نقول مانحباش وهو اماني وراحتي مانتخيلش يوم يقعد بعيد عليا
روان..به كيف بترقدي بعيد عليه وانتي قلتي مانقدرش نرقد مانغير حضنه
وردة..مش عارفة هو قال بيعدل بينا وربي يصبرني على الليلة اللي بيرقدها معاها
انا
جاي بنقول لوردة تحسبني في القهوة ولما قربت من الباب بندق عليه فسمعت سؤال روان الاخير لوردة وسئلت روحي نفس السؤال كيف بندير وانا معاش نقدر نرقد بدون مانحط وردة في حضني ووجهي يكون مغموم جوا شعرها ونشم في ريحتها الحلوة الممزوجة بنكهة الفروالة كيف بندير لكن اكيد ريم حتعوضني ونتعود ودقيت على الباب
وردة ..نعم يا احمد
انا..وردتي احسبيني في القهوة معاكن
وردة..حاضر حتى بدون ماتقول
انا..تسلمي يارب
وحسيت بوردة في فرحة في عيونها وقلت تو نسئلها بعد روان ماتروح وجهزت وردة ضيافة صاحبتها ودارتلي النسكافيه ومعاه طرف تارت بالشوكلا والفروالة  يهبل طعمته طبعا ما وردتي دايرته وهما خذو قهوتهن في الجنان وامي وعمتي عايشة معاهن وضحكهن وبصارت وردة مع روان وامي مانسمعش الا في ضحكت امي العالية اللي مستحيل نسمعها بالعلو هذا الا لما تكون امي مع وردة
............
امي ..خلاص ياوردة معاش نقدر اجنابي
وردة ..استني نكملك فلايطي
مرة جاي ضيف لبابا ووقتها كيف متعلمين انديرو في الكابتشينو وفرحانين بيه وقبل مانعرفو المضرب الكهربائي كنا انديرو فيها بخافقة الاسبريسو اللي اول ماعرفناه عرفناه للنسكافيه ووخذني الحماس والفرحة خفقت واجد وصبيت في الفناجين ورشيت اللوز وفرحانة ان اللوز قعد فوق مانزلش تحت ومديت السفرة لبابا وشوي وخش عليا بابا ميت من الضحك
ولما سئلته قالي ان الفنجان اللي جاء للراجل رغوة ولوز بس مافيش حاجة يشربها طبعا تحشمت واجد وعاودت الكابتشينو بس انتبهت هالمرة يكون في حليب في الفنجان وطبعا بعد ماروح لما قعد يحكيلي على رد فعل صاحبه وهو يقوله شربة اول مرة ماجاني شئ ثاني مرة ماجاني شئ ثالث مرة خذا من فنجان بابا وشرب منه فقاله لا في غلط شوف فنجاني
روان .. والله انتي مش عادية
وردة بضحك .. لا والله اندير في الحاجة عفوية ومن غير قصد لكن تقعد ذكرى اهو تو نعاود فيها وتضحكو عليها
روان بضحك ..حكتلك وردة على المكرونة
امي .. لا ماحكتليش
وردة ..خليها مرة ثانية سادكم اليوم
وروحت روان وجتني وردة
وردة بفرحة..روان بتنخطب
انا..الف مبارك ليها
وردة..الله يبارك فيك
انا..وربي يدووم عليك الفرح يارب
وردة بحماس ..فرحانة واجد لان روان كانت تحبه من طرف واحد من اول ماخشت للجامعة وديمة تدعي لربي يجمعها بيه في حلاله وربي استجاب لدعواته
انا..ربي يهنيها ان شاءالله طالما في الجامعة من هو
وردة..نزار محمد اللي في السنة الاخيرة
انا..اه عرفته ماشاءالله عليه شاب محترم وحتى في قرايته شاطر وحتى ماديتهم كويسة
وردة.. اه وطلع حتى هو يحبها زي ماهي تحبه
انا..ربي يهنيهم امتى بيجو
وردة.. يوم الخميس ان شاءالله
انا..بعد بكرة
وردة..ايه ان شاءالله
انا..بتعدي ليهم
وردة ..بعد اذنك اكيد بنكون معاها في يوم زي هذا
انا..اكيد وردتي مستحيل نمنعك
وردة..ربي يخليك لي
ومشن الايام ونخطبت روان ودارو تلبيسة بيسطة بحكم العرس في الصيف وطبعا وردتي طلعت زي الوردة فستان بسيط طويل وكم من الدانتيل وشعرها مظفور بطريقة تسريحة طريقة لقيتها تتعلم فيها من اليوتيوب  لان تمشي مع كثافة شعرها وطوله ومكياج بسيط وديمة ببساطتها تطلع اروع مايكون وفاتنة لابعد حد وجن ايام امتحانات وردة والحمدلله ماعليها خوف مستعدة ليهن على اتم مايكون وكنت نشوف في ريم في الجامعة لكن اندير في روحي ماشفتهاش على خاطر وردة وزاد تمسكي بوردة واجد بالذات قدامها فكنت ديمة نمسك في ايد وردة ونحن طالعين عشان مانخليهاش للحظة تفهم ان وردة مش مهمة عندي وروح وائل وعبير من سفرهم والتمينا وهدرزنا وكملن الامتحانات وكنت مرتاح عشان راحة وردة وكلمتها عبير عشان تتعشى عندهم وتغير جو وردة بعد ضغط الامتحانات وانا قررت اني نحكي لامي على موضوعي انا وريم ولكن اللي صار صدمني 
#حياة