طوق نجاة

الفصل 28

#طوق_نجاة
الفصل28
وائل ..تغار ياحمد
انا..شكلي هكي
وائل..ها طمني امبدري مالحقناش نحكو شنو الوضع انت ووردة
انا..كله تمام التمام وردتي تمت  زوجتي فعليا وقديش كنت غبي اني صبرت لتو بسبب رسائل  ريم
وائل ..ان تأتي متأخرا خيرا من ان لاتصل
انا..عندك حق
وائل..هذاك هو كلم عبير بنروحو
انا..حاضر
وخشيت كلمت عبير وطلعت هي وصغارها وطلعت معاهم
عبير..احمد دير بالك من ريم على وردة
انا..عليش تقولي هكي
عبير ..البنت اللي شافتها عيني اليوم مش هوينة وواضح من كلامها مع وردة
انا ..قصدك قالت حاجة لوردة ضايقتها
عبير..مش بشكل مباشر  لكن مايمنعش تحط حد لريم و وردة راهي طيوبة مش قد كهن ريم
انا..يستر الله كوني هانية
وطلعت عبير وراجلها وروحو وشوي وجاء راجل عمتي وخذا عمتي وروح
................
وائل..كنك عبورة مضايقة
عبير ..خليني نحط الصغار في سرايرهم ونجيك
وائل..به مابين غيرت دبشي
وحطت عبير صغارها وغيرت دبشها وجت لوائل
عبير..خايفة
وائل..من شنو
عبير..قلبي حاسس ان ريم ماتحبش احمد وان زواجها منه في غرض وراه
وائل..عليش تقولي هكي
عبير.. المرا لما تكون حابة يبان عليها واجد واكبر دليل وردة ممكن من ثاني شهر زواج بدا حبها لاحمد واضح في عيونها في كلامها حتى لما اطبق في دبشه واضح حتى وهيا تقول في اسمه اما ريم مافيش ولا حاجة تقول انها تحب احمد لدرجة انها تتحمل تجي على مرة ثانية يعني بتقاسم حبيبها
وائل..ماهي وردة بتقاسم احمد رغم انها تحبه
عبير..وردة لانها ماتبيش احمد يطلع عيل بعد ماوعد البنت لكن انها راضية من قلبها لا لكن لانها تحب يهمها سعادة حبيبها
وائل.. يستر الله حبيبتي
عبير بدموع .. احمد ماليشي في البهدلة هذي احمد راجل عصامي ويموت على كلمته ولا ليه في كهن النسوان ولا مواويلهن وربي يحبه طيحه في وردة لكن مش عارفة شنو داير نين يخش في معمعة ريم هذي
وائل حضن عبير..به ليش الدموع هذين وبعدين مرات ربي يبي يختبر حب احمد ووردة فحط ريم في طريقهم وربي يحفظهم من شرها
عبير ..امين يارب
وائل..خلاص حبيبي معاش تفكري في شئ خلي كل حاجة للوقت
وائل
كان خاطري نطمن عبير ونقوللها ماتنشغلش على خوها هو فاطن لكل شئ ودار كل احتياطته من ريم عشان لو كانت ناوية نية مش تمام وبالذات لوردة لكن ماقدرتش لان عبير ماتعرفش تمسك لسانها 
...........
خشيت على امي مسيت عليها وطلعت لجناحنا لقيت وردة لابسة نفس بيجامة الشورت اللي لبستها في المزرعة بس هذي لونها سمائي هادي يهبل عليها
انا ..وردتي  مضايقة اليوم
وردة.. لا حبيبي ليش
انا..مجرد سؤال
وردة ..عشان خطبتك قصدك
انا..اه خايف تكون ريم ضايقاتك بحاجة
وردة..لا حبيبي ماصار شئ
جيت ضميت وردة ضمة قوية وبعدها حطيت جبيني على جبينها وبصوت هادي
انا..وردتي تحبيني انتي حتى بعد ما قررت اني نتزوج عليك
وردة بحب.. نحبك واااااجد قد الدنيا ومايهمنيش زواجك عليا طالما انت تحبني وبتحافظ عليا واني مانبعدش على امي رقية واختي عبير ولاعنك واني مانرجعش لامي اللي لما سمعت انك بتتزوج عليا تخيل شنو قالت لي
انا..شنو قالت
وردة بحزن..قالتلي طالما بيتزوج اشرطي عليه يجبلك ذهب زي اللي بيجبه ليها وعطيني ذهبك الاول تخيل
انا
تميت منصدم لهدرجة في ام هكي وخطر عليا موقف عمتي فاطمة كيف جت على المغرب بمجرد ماسمعت ماقدرتش حتى تستنى لثاني يوم الله يادنيا كل مرة الواحد يتعلم حاجة
وردة بدموع..وعمتي فاطمة مارضتش فيا وجاتك وتمت تعارك
انا..اسسسس حبيبي عليش الدموع
ومسحت دموعها بشفايفي وهي تحشمت طول ودمعتها وقفت وضحكت على منظرها
انا..وردتي بطلي حشم حبيبي
وردة..بالشوي عليا مش بالساهل راه
انا..راجلك وزوجك فعليا تو مش ورق بس
وخطرها على فعليا شنو حبيبي انا مازالت راه ماشبعتش منك شنو نقدرو اليوم
وردة بحشم هزت راسها ودفنت راسها في صدري وضحكت على حركتها الطفولية ياربي غير وين كنت اعمى بس وماشفتش الحلاوة هذي كلها غير شنو درت وقريب بغبائي ودرت وردتي وقضينا ليلة من اروع الليالي بكل حب وكل حنان رويت عطشي وبكل حب هيا سقتني 
وجاء ثاني يوم وبعد الفطور طلعت شور الجامعة وبعدها مشيت للمزرعة واتصلت بيا ريم
ريم ..اهلين
انا..اهلين بيك كيف حالك
ريم ..بخير
انا..ان شاءالله دوم
ريم..ممكن نسئل احمد ليش مابيتش تقرا الفاتحة تو وخليتها للعرس
انا..لاني عارفك ياريم تبي تطلعي وتمشي توتي حاجتك ومرات حتى تسافري ولما بتكوني مراتي انا مش حنسمح بهذا كله الا وكل مشوار بتطلعيه يكون بعلمي واذني فمحبيتش نضايقك وقلت نخليك براحتك
ريم ..اه
انا..على فكرة ياريم من بتاتك ماتجيبيش شئ معاك الا دبشك بس
ريم ..بس
انا قصيت عليها ..مش بس ريم انا مانرضاش على نفسي ان مرتي تجيب اي حاجة من اهلها الا دبشها بس حتى لو كان زواجنا فعلي لابال تو زواجنا مؤقت فردي بالك ياريم وحتى الفيلو قلت مرات تبي تشريه فاذا بتشريه لازم تقوليلي على حقه بيش نعطيهن لك لان عليا الفيلو
ريم ..لا مش حنشري لان هيا فترة مؤقتة فعليش نشري حتى عرس بنديره عرس بسيط مش كبير ويوم واحد بس
انا..اللي يريحك ديريه
ريم ..على فكرة حتى ذهب مش لازم تجيب وانت عارف السبب
انا..انا عارف السبب لكن مافيش حد من العيلة عارف فكيف بنخليك من غير ذهب مستحيل
ريم ..معناها يوم ننفصلو حنخليه ليك
انا..اللي يريحك بعدين ديريه
ريم ..تمام هيا سلام
انا..سلام
وائل..كنها ريم
انا ..حكيت لوائل شنو دار بيني وبينها
وائل..به هكي احسن عشان كل واحد عارف اللي ليه وعليه بس تعرف يا احمد عبير شاكة في ريم
انا باستغراب..كيف
وائل..عبير قالت ريم وراها حاجة ريم ماتحبش احمد ولما قلت ليها كيف عرفتي دارت مقارنة بينها وبين وردة وقالت مافيش اي نظرة حب او احساس بالحب ليك عند ريم لدرجة يخليها ترضى تجي مرا ثانية ولما قلت ليها وردة رضت قالتلي وردة لانها تحب احمد ومستحيل تخليه يطلع ماعنداش كلمة قدام بنت ولو على حساب نفسها
انا..وانت شنو قلت ليها
وائل..ماقلت ليها شئ من اللي نعرفه لانك عارف عبير تصرفاتها عفوية ونخاف ماتشدش لسانها لما تعرف وتقول لوردة وانت ماتبيش حد يعلم الا انا وامك بس وتبي الحق في البداية نسحاب عبير غير تقول هكي لانها متعلقة بوردة وماتحبش ريم لكن لما رقدت عبير وقعدت نفكر في كلامها ومع اللي صار بينك وبينها  حسيت فعلا ان عبير معاها الحق وانك لازم ادير احتياطك يا احمد
انا..حتى انا قلبي مش مريحني من ناحية ريم وخايف على وردة واجد ومع اني بديت اندير في احتياطتي اول باول
وائل..شنو درت ثاني غير تسجيل املاكك كلهن لوردة
انا..في بالي حاجات غير انتمهن تو نحكيلك عليهن
وائل..تمام وربي يعينك
انا..ان شاءالله هي سلام تو بنمشي اكيد وردتي تستنى فيا
وائل بضحكة ..امشي امشي يابتاع وردتي
انا..واحلى وردة   
#حياة