طوق نجاة

الفصل17

#طوق_نجاة
الفصل17
وردة .. انا مش فارس ولافتى احلام
انا زحمة وربكة وشغل جنان
نص بيضحك والثاني زعلان
انا شيخ فلتان
طيب شرير
جرئ وجبان
اوقات مشرق واوقات بهتان
وساعات سلم وساعات ثعبان
مفتري جدا
وكمان غلبان
شبابيك وبيبان
توهة عنوان
انا من الاخر عفريت لابس بدلة انسان
انا
بدهشة واستغراب ومن صوتها الحلو وكيف هيا تقول في الاغنية هذي وكيف تغيرت من ام كلثوم لاغنية اخرى مانعرفش من يغني فيها لكن كلماتها حلوة واجد وكيف الاغنية ركبتها في رد عليا
انا.. انتي كل هذووم
وردة ..اه تقدر تقول هكي
انا..بس ليش في نص زعلان
وردة.. مش انت السبب ولاعمرك حتكون يوم بزعلي لكن نصي الزعلان على فقدي لبابا واللي خلى عمتي رقية هكي
انا..تعرفي تقدر ادير عملية وتفتح من جديد لكن هيا ماتبيش كأنها بعد وفاة باتي معاش تبي تشوف حد
وردة ..كانت تحبه
انا وبدون تركيز ..علاقة باتي وامي كانت خيالية حب ماشفتش زيه وديمة تمنيت حياتي زيه واني ماناخذش الا على حب وامي تعبت واجد لما توفى باتي
وردة بحزن..الله يرحمه
تأكدت ان فعلا احمد ماحبنيش صح مهتم بيا ويحن عليا لكن حب لا
انا ..امين ويرحم باتك
وبعدين فطنت لعيون وردة انهن تمن رصاصيات وفطنت لروحي شنو قلت ومعاش عرفت شنو اندير فحاوالت نغير الموضوع
انا..لمن الاغنية اللي غنيتها تو
وردة ..فريق بلاك تيما
انا..تسمعي حتى لهدووم
وردة..مش قلت ليك
انا زحمة وربكة وجنان
انا..ههههه واحلى ربكة واحلى جنان لان بفضلك امي ماتضحكش الا بوجودك من قلبها وغيرتي واجد في حياتنا لدرجة نعد في الدقايق عشان نروح للحوش
امي..نسمع في حد يجيب في سيرتي
وردة..صح النوم ياعمتي
انا..صح النوم امي
امي..عليش كنتو تحكو عليا
وردة..اكيد في كل خير معقولة بنقولو عليك غير الخير
امي ..ربي يخليك ليا يارب
انا وجيت قمعزت احذا امي
انا.. وانا وين يخليها هي بس ليك
امي ..انت عارف روحك ولدي لكن وردة حاجة ثانية زعمك تحبيني زي مانحبك يابنتي
وردة
سيبت اللي في ايدي وجيت احذاها وبصوت واطي لكن مسموع
وردة ..وحياة عينيك وفداها عنيا انا بحبك قد عنيا
وحياة عينيك وفداها عنيا انا بحبك قد عنيا
لا قد روحي لا لا شوي طب قد عمري برضو شوية ياعنيا
وردة ..ها عندك شك
امي ..اه عندي
وردة..عليش ياعمتي
امي ..نقولك انتي حاجة ثانية عندي وغلاوتك ورغم ان ليك ثلاثة شهور مرت ولدي مايعلم الا ربي بكبرها ومازالتي تقوليلي عمتي
وردة.. ربي يخليك بس شنو تبيني اناديك وانا حاضرة بيه
امي ..تناديني امي زي احمد وعبير
وردة بدموع ..امي انت احلى واحن ام وليش مانقولك امي
انا
جيت لوردة ضميتها ومسحت دموعها
انا..عليش الدموع
وردة ..لاني من اول اسبوع بعد مرواحتنا من السفر وانا خاطري اناديها امي لاني شفت فيها الحن اللي ماشفتاش من امي لكن خفت منها انها ماتبينيش اناديها بامي
امي ..تعالي لحضني وردة
جت وردة لحضن امي وقديش فرحت بالمحبة اللي نشوف فيها بينهم لكن انا اللي مش عارف شنو فيا تقول الرسائل تختار في الوقت اللي نفكر فيه ان وردة لازم تكون حلالي فعليا ياربي شنو ندير
وبدا السمستر الجديد وانا اول محاضرة
انا..هيا وردتي وقت على المحاضرة
وردة..واتية غير كنت نجهزلك في القهوة
وركبنا السيارة واول ماركبنا حسيت وردة بتقول حاجة
انا..وردة شنو في
وردة..ههه كيف عرفت اني نبي حاجة
انا..هههه احساس وردتي
وردة..ممكن نطلب منك طلب
انا..اذا نقدر عليه انتي تأمري بيه
وردة..انا خاطري نمشي للملاهي وخاطري نرفع عمر وعامر معاي
انا..هذي بس مع ان لا عمري ولاشكلي شكل ملاهي لكن انا قديش عندي وردة
وردة بحب..ربي يخليك لي
انا..شنو رايك نكلمو عبير ووائل
وردة بفرحة ..ياريت والله بس كلم عمي محمد على خاطر يطلق عمر وعامر معانا 
انا..خلاص تو نكلمهم اول مانطلع من المحاضرة
وردة..روان ماهيش جاية اليوم
انا..تمام معناها في الفاصل بين المحاضرتين  تطلعي معاي
وردة..حاضر
ووصلنا للجامعة وعطيت المحاضرة وطلعت انا ووردة لمكتبي وانا طالع شفتها من بعيد شكلها ضاعف وذابل حسيت بحاجة في قلبي وخشيت للمكتب بدون مانكلمها لان في الاخير مش حلوة في حق مرتي خصوصا انها مش طالبة عندي 
وردة
احمد كان جوه يهبل وبعدين ونحن طالعين ابصر شاف منو وجه تغير وحسيت باحساس زي اول ليلة روحنا فيها من السفر وخشينا للمكتب واحمد مانطقش ولا كلمة حتى فطور نسى يسئلني او يجبلي حاجة وانا كالمعتاد ماتكلمتش
وردة..احمد موعد المحاضرة الثانية
انا..هي نمشي معاك للمدرج ولما تكمل المحاضرة رني عليا وانا نجيك نروحو
وبعد ماوصلت وردة للمدرج اذكرت اني مافطرتهاش واضايقت واجد لقيت روحي طالع من الكلية وماشي شور وائل
وائل..كنك يا احمد وجهك مايطمنش
انا..لهدرجة باين عليا
وائل..اه
انا بتنهيدة..تعباااان يا وائل وتايه
وائل ..احكي يا احمد
انا ..استنى شوي نص ساعة ووردة بتكون كملت محاضرتها خليني نشوف عبير كان فاضية تطلع تروح بيها وكنهدا نروح بيها ونجيك
وائل ..تمام
انا
اتصلت بعبير وقالت ليا اصلا انها بتجي لحوشنا وتو تكي على وردة واني تو نبعث ليها رسالة
وكتبت رسالة لوردة(وردتي لما تكمل المحاضرة رني على عبير صارلي شغل مع وائل بنتأخر فيه )
ردت عليا وردة(ولايهمك احمد ربي يعاونك وحاضر حنرن على عبير ماتنساش تاكل)
وردة
جتني رسالة احمد واستغربت هو اصلا قالي باهي على الملاهي وكنا بنمشو مع بعض لكن من لما طلعنا من المحاضرة وهو وضعه مش تمام هيا ربي يهدي سره كملت المحاضرة ورنيت على عبير ولقيتها تستنى فيا
وردة ..السلام عليكم
عبير..وعليكم السلام 
.....
قصدكم هذي الدحيحة ام عباية طول العام  خذت مني احمد
ندى ..اه وياستي لاصق فيها احمد بشكل غريب وحتى تو غريبة ان وحدة اخرى روحت بيها مش هو
ريم ..كيف لاصق فيها فهموني
نورا..لما تبدا صاحبتها مش قاعدة ياخذ فيها معاه لمكتبه وحتى المحاضرة تبدا مش ليه يوصلها هو للمدرج ولما صاحبتها تكون قاعدة مايخليش فيها تطلع منه حتى الفطور هو اللي يجبلها فيه
ندى..يعني مدللها على الاخير
ريم ..انا سنة نخطط ونقالب فيه وفي الاخير يتزوج الدحيحة
نورا..نصيب انتي اللي غبتي ياريم وسيبتي الساحة فاضية ليها
ريم ..ماهو عارفات نا سافرت ليش
ندى..لكن شكلك تعبتي واجد لان شكلك ذابل وضاعفة
ريم بمكر..صح تعبت واجد لكن جت في صالحي
نورا..كيف في صالحك
ريم..مع الرسائل اللي نبعث فيهن لاحمد ولما يشوف ذبولي يسحابني بسببه فهمتو تو
ندى ..يابنتي تي انتي طلعتي داهية
ريم ..انا عمري مانخسر والموضوع وراه حاجة كبيرة
......
عبير..كنك ياوردة شكلك مش تمام
وردة..لا عادي عبورة غير بداية سمستر جديد بس تغير جو بعد راحة
عبير..هذي ساهلة تبي حاجة نجيبها لك قبل مانروحو
وردة..لاسلامتك احمد مش منقصني شئ
عبير..ربي يحفظكم لبعض
وردة..امين
عبير ..قوليلي وردة مافيش حاجة هكي والله هكي
وردة..مافهمتش زي شنو
عبير..مافيش حمل ياوردة
وردة .. مازال ماسخرش ربي
عبير..ان شاءالله ربي يسخر انتم ليكم تو قريب تسكرو اربع شهور
وردة.. ايه الاسبوع الجاي نسكرو اربع شهور
عبير..به تمشي تعايني
وردة..مازال عبير نحن مش مستعجلين
عبير ..ماتزعليش مني ياوردة اني ندخل في حاجة خاصة لكن انتي عارفة نحن ماعندناش غير احمد ونبو نفرحو بعياله
وردة..مستحيل نزعل منك انتي زي اختي وحاضر حبيبة لو ربي ماسخرش في هالشهرين حنكلم احمد ونمشو نشوفو
عبير..ربي يكملك بعقلك ويسهل الامور
وردة ..ان شاءالله
بالله ياعبير منين بيجي العيل وانا مازالت مقضيتها مع احمد احضان بس
صح نتمنى يكونو عندي عيال منه لكن مستحيل نجبره على شئ ولانقدر اصلا شنو بنقوله يعني  تعال كمل زواجك بي بالغصب
عبير..وردة وين رحتي هيا وصلنا
انا
اطمنت على وردة انها روحت ونسيت اني قلت ليها على الملاهي
وائل ..ها يا احمد اهي مرتك روحك ووصلت حتى للحوش تو احكيلي كنك
انا بتهنيدة .. انا نبي
#حياة