طوق نجاة

الفصل35

#طوق_نجاة
الفصل35
امي بحزن ..حقك عليا يابنتي احمد
انا..نعم يا يا امي
امي..هو ان شاءالله معاد يصير غير كل خير لكن اللي مريت بيه امس وشعوري بالعجز فشوفلي كيف اني بندير العملية كل شئ الا وردة
انا..بجد امي تحكي جديات
امي ..ايه جديات
وردة بفرحة ..ياريتني طحت من قبل
عبير ..ياريتك
انا..شنو تقولن انتن الاثنين خزي
عبير..ماهو قديش انحايلو عليها وهيا ماوافقتش بكل وتو عشان وردة طاحت غيرت رايها معناها ياريت وردة طاحت من قبل
امي..بعيد السو عليها
وردة ..والله يا امي اول مرة نحب طيحتي حتى الوجع اللي نحس بيه تما مريح
امي..والله يابنتي مش عشان طحتي بس لكن بديت نقتنع بكلامك اللي ديمة تقوليلي فيه غير طيحتك هيا اللي زادت اكدت لي اني لازم انديرها
انا.. الله يا امي يعني نحن على قد ماحايلنا عليك مابيتيش توافقي
عبير..خلاص نحن معاش لينا قيمة عندها
امي.. لا انتم مكانتكم عارفينها شنو 
لكن وردة كلامها يختلف عليكم
انا..شنو كنتي تقولي ليها ياوردة
وردة بضحكة ..سر
انا وعبير مع بعض ..سرررر
انا..حلوة هذي سر قال
عبير .. لا وعليا انا خيانة
امي..يجي وقت وتعرفوه لكن توا لا
انا..خلاص يا امي باذن الله حنبدا انتواصل مع الدكتور ومابين يحدد لينا الموعد تكون وردة صحصحت وناخذوها معانا
وردة باستغراب ..ليش
انا..اولا مانقدرش نستغنى عليك وثانيا عشان تعاونيني وثالثا عشان تشوفي دولة  ثانية جديدة عليك
عبير .. الله الله وينك يا وائل تسمع صاحبك فيش يقول وتتعلم منه
على جيت وائل
وائل..شنو اللي بنتعلمه من احمد على اخر عمري
انا..ههههه حسستني ان عمرك خمسين وانت الثلاثين كيف خشيتهن
وائل..وشنو ياست عبير تبيني نتعلمه من احمد
عبير ..كيف يحب في مرته ويقول بكل صراحة انه مايستغناش عليها
وائل..يا سلام على اساس انا مانحبكش
عبير..مش القصد
وائل..امنا شنو واذا نقدر نستغنى عليك التوأم اللي عمرهم اربع سنين ليش جبناهم اصلا واللي بيشرف جديد وفي الاخير نطلع مانعبرش عن حبك ياستي انا انحبك ونموت فيك
عبير حطت ايدها على فم وائل ..خلاص فضحت بيا قدام امي وخوي
وائل وهو يحول في ايدها.. انتي اللي جبتيه لروحك
انا..استنو شوي شنو قلت تو يا وائل وانتبهت لوردة كأن عيونها رقرقن
وائل..شنو قلت اني نحبها ونموت
انا..لا ياراجل 
وردة بنبرة حزن .. اللي بيشرف جديد
عبير ..احم ماهو نحن نستنو في بيبي جديد
وردة بفرحة ..الف الف مبارك حبيبة وتفتحي عيونك على خير يارب
امي ..الف مبارك يابنتي
انا جيت حضنت عبير وحبيت على راسها..الف مبارك ياعبورة بتولي ام للمرة الثانية ربي يعينك مايجوك توأم اخرى
عبير ..حرام عليك انا الاولين ماوصلو لعمرهم هذا نين ربي خذا فيا وعطى
انا ..ياسلام على اساس كبرتي بروحك
امنا وائل اللي لا ليله ليل ولانهاره نهار وانا وعمتك عفاف وعمتك عايشة وامي 
وائل..الله ينصر دينك ياشيخ واخيرا لقيت من ينصفني ويعطيني حقي المهدور
امي..ههههه ربي يهديكم ان شاءالله
اكبرو ياهمي والله تقول عمركم عشرة سنين زي انت زي مرتك مش اب وام
عبير..يعني كان ام بنقعد ماما كشر يعني
وردة ..ربي يحفظكم يارب اااه
انا جيتها بسرعة ..شنو وردتي كنك
وردة ..مافيا شئ غير راسي حسيته داخ
انا..هيا نخششك ترتاحي
وردة ..سامحوني نحس في راسي مصدع من الخبطة شكله
وائل..خوذي راحتك شكلنا نفخناها لك
وردة بخجل ..لا والله
عبير..ماتعدليش عليه غير داير روحه ذوق خشي حبيبة ارتاحي
على فكرة يا احمد ريم جت بدري وقالت لما وردة تروح كلموني
انا..خليها تو على الاقل وردة ترتاح وبعدين تو نكلمها انا
عبير ..به
خشيت وانا ساند وردة لجناحنا وساعدتها تغسل اطرافها من ريحة الدم وغيرت دبشها ومددتها على السرير وغطيتها
انا..حبيبي ارتاحي مابين خذيت دوش وجيتك
وردة ..به بس مرات تلقاني راقدة
انا..نوم العوافي ياقلبي
وبستها على جبينها وخذيت دبشي وخشيت للدوش واستغربت ان وردة اللون الرصاصي مافارقش عيونها وماتغيرش من امس مش عارف شنو السبب ودوشت وطلعت لقيت وردة راقدة فطلعت برا وخليتها ترتاح وقلت نتصل بي روان خير ماتزعل
انا..السلام عليكم
روان ..وعليكم السلام
انا..روان بنقولك بس ماتنشغليش
روان بخوف..ان شاءالله خير وردة فيها حاجة طمني
انا..وردة طاحت امس من الدروج
روان ..شنو صارلها ان شاءالله مانضرتش
انا..نكسرت ايدها والتوء في رجلها
ومابيتش نقول على الفجخة هي هكي وبدت تبكي
روان بدموع .. هذين بس يا احمد متأكد
انا..ماتخافيش ياروان ماهيش حاجة كبيرة وبعدين قاعدة في الحوش وتو راقدة كنهدا خليتك تكلميها وتطمني غير قلت نكلمك خير ماتسمعي بعدين تزعلي
روان ..خلاص تو نجيها العشية طالما راقدة تو
انا..تعالي في اي وقت روان بالله قولي لوسام امس لهيت مع وردة معاودتش عليه
روان ..حاضر تو نقوله
.......
امي.. عبير طيبي برودا لوردة وحمريلها دجاجة
عبير ..حاضر يا ماما
امي..والله يابنيتي تتوحمي زي حملك الاول وماتقدريش اطيبي كنهدا كلمي عمتك عايشة
عبير ..لا يا ماما الحمدلله حملي هذا ماتوحمتش غير دوخة الصبح بس والترجيع مرة مرة
امي ..الحمدلله
عبير ..تو نوض انطيب ليها ماما قوليلي
امي..نعم ياعبورة
عبير..مش غريبة احمد خلى ريم تبات عند اهلها
امي..هو غريبة بس عادي متوقع لان طبيعة ريم ماتتقبلش افكار احمد فهذا ليش احمد ماتعبش روحه معاها وخلاها تبات
عبير ..ممكن
ريم ..السلام عليكم
امي وعبير ..وعليكم السلام
ريم ..كيف حال وردة شفت سيارة احمد برا
عبير ..حالها كويس الحمدلله
ريم بتصنع..الحمدلله انها بخير زعمك واعية
عبير ..لا رقدت تو احمد كان هنا وخش قال بنرقد الليل كله مارقدش
ريم .. اه صح هو الليل قضاه معاها في المصحة
امي..شنو تبي يخليها بروحها
ريم ..لا مش قصدي يعني كانت عبير قعدت معاها وهو جاها الصبح
عبير ..نقعد معاها امنا امي وعيالي من بيقعد معاهم امنا انتي
ريم ..كنك عبير تنرفزتي والله ماقصدي حاجة
امي..عبير عادي ماتنرفزتش
ريم ..عن اذنكم بنركب وفي العشية تو ننزل تكون وردة ناضت
امي ..خوذي راحتك
وركبت ريم وانا بعد ما كلمت روان وكلمت عمتي عفاف طمنتها على وردة خشيت خذيت وردة في حضني ورقدت وقديش صاعب عليا اللي صارلها وحاسس في حاجة لكن ماعرفتش شنو وبالذات مع لون عيونها الرصاصي اللي مافارقهاش من امس زاد شككني ان في حاجة لكن لما تنوض بنحلفها لان وردة ماتحبش الكذب ومستحيل تحلف بالكذب ولقيت روحي راقد وطبعا نضنا العشية وساعدت وردة في تغيير دبشها والوضوء والصلاة لان مازالت حركتها صعبة بسبب التواء رجلها وماحصلتش فرصة نحكي معاها لان جو عيت عمي عطية وعمتي فاطمة اللي حضنتها ببكاء تقول بنتها وجواهل وردة امها وراجل امها وجو اهل ريم وطبعا ماخليتش خوها يخش للحوش ومشى الوقت وجاء الليل وانا جيت بنخش الجناح ماتوقعتش ان روان مازالت قاعدة لكن سمعت وردتي تبكي جيت بنخش حتى بدون استأذن لكن اللي وقفني لما سمعت روان تقول
روان .. ليش قلتي للدكتور مايقولش لاحمد
وردة ..خفت عليه يزعل بفرحة ماكملتش زي ماحسيت
روان ..مش بايدك ياحبيبة الله غالب
وبعدين احمد اكيد حيلاحظ ياوردة لون عيونك
وردة ..حاولت اني مانحزنش لكن ماقدرتش لان تخيلي قديش بتكون سعادتنا لو ماصارش اللي صارلي
روان ..ربي يعوضكم خير حبيبة معاش تبكي خلاص
وردة ..الحمدلله على كل حال الحمدلله
روان ..هي بنمشي وسام يرن اكيد برا
وردة ..بالسلامة حبيبة وردي بالك تقولي حاجة لعمتي فاطمة
روان ..حاضر هي مع السلامة
تلاقيت مع روان وهي طالعة ودرت روحي كيف خشيت ولما طلعت روان خشيت على وردة
انا..وردتي شنو اللي قاله لك الدكتور وماتبينيش نعلم بيه
وردة ..انا
انا..ماتحاوليش تقولي حاجة غير الحق انا سمعت كلامك انتي وروان
وردة ..انا كنت
#حياة