[ إبـراهـيـم VS يـونـغـي ]
___________
في الشقه بعد الظهر..
جيمين قاعد مربع في نص السرير ناكش شعره بانزعاج رمي الكشكول من ايده بخنقه : ايه المسأله إلى مش ببتحل دي!!
نامجون ساند على باب الاوضه بتاعتهم بيبصله : و هو طبيعي ان اول يوم في الجامعه يديكوا واجب تحلوه بالتعقيد ده! هو انتوا ناقصين تعقيد!!
بصله بسخط و تذمر : بس كفايه كلام معقد كفايه إلى انا شايفه في الورقه ده مش فاهم منه حاجة!
همهم بصمت بعدها سأل بتعجب : امال فين تاي؟؟!
.
في المطبخ ..
تاي بياكل جزره متشعلق علي ظهر جونغكوك مش ناوي ينزل النهارده ف طبعا ظهره وجعه مهو مش حمّل قسيه هو : تاااااي.. انا ظهري وجعني انزل!
قطم من الجزره و اردف بعد ما ثبت ايده حوالين رقبه التاني : لا مش نازل، انا مشيت النهارده كتير في الجامعه رجلي مش شايلاني
بسخريه : ما انا كنت معاك في نفس الجامعه لو أخذت بالك و مشيت نفسي المشي على فكره!
نفى بسرعه : لا انا مشيت اكتر منك و اتحرك بقى من المطبخ علشان انا زهقت منه و ودينا الصاله بقي
اتنهد بيحاول ميفقدش أعصابه عليه حاليا : مكنتش شيال امك انا!
مردش عليه عمل نفسه مش سامع و كمل اكل، جنبهم جين إلى بيقلب في حله الرز إلى بيعملها على النار : تاي هو انت مش وراك نفس الواجب بردو بتاع جيمين إلى مجننه جوه ده؟! مش بتعمله ليه؟؟
طلع صوت ساخر و اردف بفخر : انا أذكى من المسائل الهبله دي، انا اصلا أذكى من اني اتحط في جامعه ولا كليه زي دي اساسا
كوك بسخريه : ليه يعني فاكر نفسك أينشتاين؟؟
بصله بسخط مع انه مش شايف غير قفاه و اردف : لا ليناردو دافنشي يا خفه
جين بتعجب : الرسام؟؟
يونغي إلى بقاله فتره موجود و بيفتح الثلاجه : قصدكوا لعيب الكوره
الثلاثه بصوله بصدمه ف هو بصلهم بتعجب : وات؟!
.
في الصاله..
تاي لسه بيتكلم في ذكائه الخارق الطبيعه - كذب طبعا - و مصدق نفسه على الاخر، ف كان قاعده لي الكنبه بيتفاخر : لازم تشوفولي مكان يناسب ذكائي
يونغي قصفه : هنوديك جبلايه القرود حاضر
جون كمل قصف : على الاقل فيهم من فصيلتك
كوك بيدعك رقبته إلى اتكسرت من شعلقه تاي عليها و بغل نطق : إلى بتتشعلق على ظهر الخلق من غير رحمه تذكر
تاي : خلاااص كلكوا بقيتوا عليا دلوقتي!!
جين جه قعد جنبه : منحرمش من ذكائك يا حبيبي - تاي ابتسمله بوسع بس ملحقش يفرح لما جين ربت على رجله - قوم حضر السفره انت و جيمين يلا
الابتسامه اختفت بالتدريج ف جين قعد يزقه من على الكنبه علشان يقوم : ييلا يلا مش ناقص لكاعه و روح نادي إلى جوه، أنجزوا
تاي عدل هدومه لما وقف بسخط : مش أسلوب ده على فكره!
يونغي بتملل : لو مش عجبك اسوابه الباب يفوت جمل عادي يعني
عبس في وشهم و اتقمص : انتوا وحشين
دخل جوه بخطوات بيدبدب فيها على الأرض زي الطفل الصغير الي أمه خدت منه المصاصة بالعافيه علشان مضره بسنانه إلى لسه بتطلع جديد
محدش اداله اي اعتبار اصلا و ولا اكن فيه حاجة حصلت، جين سأل فجأه لما حس ان فيه حد ناقص بتعجب : امال فين جيهوب؟؟!
.
.
في الكافيه..
ماسك الممسحه حطها في المياه المسح و عصرها في العصاره تبعها و حطها على الأرض بيمسح يتذمر شديد لأنه اتعاقب بمسح الكافيه كله بسبب ان روبن إلى معاه فتن عليه فتنه كذابه انه خنسر على حد من الزبائن بجنيه في الفلوس و ده محصلش ف اتعاقب
روبن إلى قاعد على الكرسي جنبه بيشرب في قهوته باستمتاع تام و هو بيراقب هوسوك المتذمر من المسح : ايوه ايوه امسح الحته دي كويس .. و دي كمان علشان فيه طفل تف عليها من شويه
هوسوك وقف اممسحه و بصله ب علامات تشمئزاز بسبب الي قاله : ايه القرف ده
رفع كتافه بلاهه : ده الي حصل فعلا مش بكذب انا!
مسح و تمتم مع نفسه : انت اخر واحد تتكلم عن الكدب اصلا يا كداب
روبن مال على قدام شويه بيشوف تذمره : بتقول عليا حاجة؟؟
بصله بسخط و سخريه : هو انا اقدر اصلا !
ابتسم بانتصار و رجع ظهره على الكرسي بيشرب من قهوته : انا بقول كده بردو
.
.
في شقه رقم 1 - الدور الأول
( شقه المصريين )
إبراهيم في الصاله على الكرسي بيتكلم في التليفون : ايوه بالضبط زي ما قولتلك.. على 5 كده و اه خلي بالك محدش ياخد باله منه و انت جاي ها.. اه تمام كده اوي.. اه يلا سلام مع السلامه مع السلامه
قفل الموبايل و حطه على الطربيزه قصاده، دخلت عليه سلوى و في ايدها صينيه عليها كوبايتين شاي حطيتها غلى الطربيزه و قعدت على الكنبه إلى جنبه : في ايه يا حج؟!
بصلها و اتنهد : مفيش مفيش - شاورلها - ناوليني كوبايه الشاي دي كده - ناولته و اخداها منها - اااييوه تسلم ايدك
سلوى : تسلم يا حج.. بس بردو مقولتليش يا حج.. هو فيه ايه؟؟ في حاجة بتحصل من ورايا ولا مخبيها عليا ولا ايه؟!
خد شويه من الشاي و حطهم على الطربيزه : ولا مخبي عليكي حاجة ولا إلى فى بالك ده خالص بس بفكر في حظه كده محكمه التنفيذ
قربت عليه سنه و بترقب : إلى هي ايه بقااااه؟؟؟
بصلها باستنكار : متبقيش حاشره بوزك كده في كل حاجة خلي عندك شويه!
بتصميم : لا بقي اتا معنديش الشويه دول، قول إلى عندك و خلصني بسرعه يلا
اتنهد بقله حيله على مراته دي و ارذف بعد ما قرب منها علشان يتكلم بصوت واطي حذر جدا : فاكره موضوع الجنينه
بتأكيد : اه اكيد طبعا فاكره هو ده موضوع يتنسي
اتلفت حواليه بسرعه اكنه مثلا بيسرق مخدرات الملكه مادونا و مستني الحراس يقفشوه بعدها رجع كمل بنفس النبره : اصلي لقيت واحد يقدر يثبت بالورق أن الجنينه دي من حقنا بالشرع و القانون
بتفاجؤ ف صوتها على : ايه ذه بجد!! و لقيته ازاي ده؟؟
شاورلها بسرعه : ششش شش وطى صوتك يا وليه هتفضحينا..افرض حد سمع و وصل الكلام الجيران
بسخريه : على أساس يعني انهم مركبين كاميرات مراقبه في شقتنا ولا حطين جهاز تصنط في علبه السكر! عيب عليك يا حج بأفكارك العجيبه دي عيب على سنك حتى!
رجع عدل باستنكار : جرا ايه يا وليه انتي! تصدقي أنا غلطان اني بقولك حاجة اساسا، ابقي تفي على وشي لو قولتلك حاجة تاني
ببلاهه : حاضر هتف.. ق قصدي يعني.. بلاش تحبكها اوي كده، هيعرفوا منين يعني؟؟
بصلها بطرف عينه : منو لسانك إلى متبري منك ده هو الي هيودينا في داهيه، تقعدي مع أي حد من الجيران بتكري القديم الجديد زي الكراكه
عملت اكنها بتقفل بؤها بالسوسته : اهو يا حج سكتنا خالص.. المهم قولي بقى هو مين ده الي هيعملك المصلحه دي؟!
اتنهد و رجع ظهره لورا : مش مهم مين دلوقتي المهم انك تسكوتي خالص و تبعدي بذات عن صحاب الشقه رقم 7، دول اجانب و مش عاوزين مشاكل سياحيه
ببلاهه : مهو العماره كلهم اجانب يا حج جت على دول يعني!
كان هيقلع إلى في رجله يرميه بيها : امشي يا وليه من وشي امشي، اعملي الغداء افيدلك
و هي كانت طلعت تجري بالفعل على المطبخ : حاضر يا حج
اتنهد و ريح على الكرسي : ناس متختشيش صحيح تشه .. بس يا ترى هيصدقوا اللعبه دي ولا هنتكشف!
.
.
عند البواب تحت..
قاعد جنب مراته على السلم بتاع العماره : سمعتي.. مش بيقولوا ان صحاب الشقه رقم 9 ناويين يرجعوا
مراته بتعجب : ايه ده بجد؟؟ محدش اتكلم من سكان العماره يعني؟!
البواب : مهو يا ذكيه محدش يعرف حاجة اصلا، و علشان انا بواب شاطر من يومي عرفت قبل الكل
بسخريه : بواب شاطر اه - قامت وقفت و ربتت على كتفه ف هو بصلها - طب خد بالك بعد كده يا إلى بتقول على نفسك بواب شاطر من إلى عدي دلوقتي من جنبك دخل العماره من غير احم ولا دستور و هو مش من السكان اصلا ماشي.. فوتك بعافيه
.
.
في شقه رقم 6 - الدور الثالث
( شقة البلجيكيين )
توماس بيكلم كيفين ابنه إلى قاعد قصاد ابوه بوقار و احترام بيدل على تربيته الصح : أظن انك تعلم بالفعل ما سوف تفعله في جارك ابن الكلب صاحب الشقه رقم 1 إلى إلهي تنقطع عنهم الكهرباء
أومأله بتفهم : نعم يا ابي لقد علمت بالفعل
بتفاخر : أجل هذا هو ابني الذي ربيته
لورا من المطبخ و معاها يانغ هويان بيبصوا منه على الصاله ناحيه إلى بيتكلموا ف نطقت هويان : هم قلبوا على قناه اسبيستون كده ليه؟؟
لورا من وراها : قصدك قناه الجزيره للأخبار
بصتلها ل ورا و رجعت بصت ناحيتهم : طب بس علشان الرقابه
سألتها : تفتكري عاوزين ايه من استاذ ابراهيم و مدام سلوي مراته؟؟!
رفعت كتافها بعدم معرفه : العلم علمك - بصتلها - يمكن مثلا تكن خطه جديده علشان يستولوا على الجنينه؟؟
بصتلها ل ورا و تفكير : يمكن!
.
.
في شقه 5 - الدور الثالث
( شقة العواجيز الصينيين )
الأستاذ الفاضل السيد لي قاعد قصاده في الصاله الاستاذ الفاضل اميتاب و الاستاذه الفضلاء قاعدين بيشيشوا و الدخان خرج من تحب عقب باب الشقه اصلا من كتره و كون سحاب في الشقه كلها
* طبعا ما الست لما بتسيب جوزها في لبيت لوحده بيصيع اما بيصدق بقى يلاقي نفسه تشه *
السيد لي بيكح بعد ما بعد الشيشه عنه : الشيشه دي صعبه اوي.. انا كده هيجيلي كرشه نفس مش هلاقي إلى يلحقني
الاستاذ اميتاب بيشد من الشيشه : شد شد يا عم أن شالله ما حد حوش.. كرشه نفس ايه انسى انسى
شد نفس و خرجه بصعوبه بعدها كح : و لما مراتك ولا مراتي دلوقتي يدخلوا علينا يقولوا ايه؟!
كح كام كحه و هو بيضحك : هيقولوا علينا رجاله في عمر المراهقه المتأخره مش لاقيين يلمنا
و الاثنين وقعوا ضحك مش عارفين على ايه، ما طبعا الحجر شغال الله ينور، ف راح الأستاذ الفاضل لي الي معدش فاضل سأله بتعجب : هو انت حاطط في البتاعه دي حشيش؟؟ اصلي شايفك على ثلاث مراحل
ضحك و ردت : ليه هو بتتفرج على فيلم 3d
و الاثنين وقعوا ضحك بعذها نطق اميتاب : طب شد دي بقي علشان تشوفني على خمس مراحل
ضحك لي و اردف بضحك : و كده ببقى وصلت ل ليفيل الوحش
ضحكوا الاثنين ف اردف اميتاب : و أخذت المديليه الذهبيه كمان
خد منه الشيشه بتاعته : لا يبقى نشد بقى قبل ما نيجي نتشد من المدامات الكبار
اميتاب : يا عم شد بلا ييجوا بلا ميجوش بقى
لي لقي نفسه بيضحك فجأه ف اميتاب سأله : ايه مالك فيه ايه؟؟
بصله و وقع ضحك بعدها اردف : شكلي وصلت ل ليفيل الوحش بسرعه
ضحك معاه و الاثنين وقعوا ضحك للمره الألف النهارده و اردف : طب اوعي السلاح يقع منك
بضحك رد عليه : لا متخافش ماسكه كويس
الاثنين فضلوا يشدوا في صمت باصين في سقف البيت الي بقى حلو فجأه ده لحد ما فجأه اردف لي بنبره جاديه : اميتاب
همهم و بصله بتعجب من نبرته : ايه؟!
بصله بجديه و اردف : انا شايف هويان طايره في سقف بيتنا و ماسكه جزمه في ايدها
الاثنين بصوا لبعض بصمت للحظه و وشوش جاديه بس فجأه فطسوا ضحك أشد من الاول بكتير
.
.
شقة رقم 7 - الدور الرابع -
بعد الأكل كلهم تسيوا بس مش زي تتييسه تاي و يونغي إلى مرميين على الكنبه زي التبوع مش سايد ما بينهم غير الصمت و التتنيح فس شاشه التلفزيون السوداء بس تحس انهم واخدين طلقه في نفوخهم
بعد دقايق صمت زياده يونغي لف راسه بثقل ناحيه تاي الخملان بشده : صديقي في الكفاح و السداغ
تاي بصله بثقل و رفع ايده : هاي فايف
يونغي رفع ايده ردهاله بعذها رجعوا ايدهم تاني
جين بيتكلم في الموبايل بيمشي في الصاله راح قعد على الكنبه : يعني انت دلوقتي لسه هناك و مش لاقي مواصله ترجعك؟! - نفخ و اتنهد - طيب طيب خلاص بلاش زن انا هشوف كده و يا هبعتلك جد يا هاجي بنفسي.. سلام
قفل الموبايل و نادي بصوت عالي : كيييم ناامممججووووننن
نامجون بتملل خرج من الطورقه بيلعب في الموبايل : عاوز ايه؟؟
بتنهد : روح هات هوسوك من عند الكافيه واقف هناك مش لاقي مواصله ترجعه
بصله و رفع كتافه :و انا مالي مش قادر، شوف حد من الاربعه الباقيين بقى!
خد بعضه و رجع الاوضه تاني من غير ما يخلي جين يعترض حتى، جين بيكلم نفسه : جيمين مش بيعرف يسوق و انا مش قادر اقوم - بص جنبه على الاثنين المفرشحين - و دول ميتين.. يبقي مين الي فاضل كده مممم - بصوت عالي - جوونغغكوووكك
جونغكوك خارج من الطورقه - كنت هكتب من التربه - : ياااااااا الله على المسا بقي ابو كده - وقف عند الكنبه و اتكتف - نعم يا نعم الواحد ميعرفش يسكت شويه يلاقي حد ناططتله في بؤه بيناديه زس الراديو اللاسلكي
جين طنشه : بس يلا و البس يلا روح هات عمك جيهوب من الكافيه إلى بيشتغل فيه هو بعد شارعين من هنا في آخره هالاقيه واقف زي الراحلين كده هاته و تعالى على طول
جونغكوك بحقاره : و ايه المقابل؟؟
اتنهد من حقاره إلى قصاده و شاورله : اي حاجة روح بس على طول يلا هو مستني في الشارع بقاله نص ساعه خلص نفسك
فصل ساكت شويه بعدها استسلم و نزل ايده للجناب : طيب علشان خاطره بس مش اكتر
جين طلع صوت ساخر و مهتمش ل كلامه ف هو دخل جوه علشان يلبس بيفكر هياخد منه ايه
.
خرج من الطورقه و هو جاهز و مفاتيح العربيه في جيبه وقفه جين و في ايده ورقه مدها ليه أخذها منه و فتحها : دي شويه طلبات للبيت عاوزك تجيبها.. شويه لبن و عيش و حاجات كده هاتها من السوبر ماركت إلى فى أول الشارع مش هتاخد وقت بعذ ما تجيب جيهوب يعني
رفع رأسه من على الورقه بصله ببرود : فين المقابل!
اندفع فيه : ما قولتلك هعملك إلى انت عاوزه الله!!
طلع صوت ساخر و زقه علشان يتحرك : طيب طيب
كان هيمشي لولا صوت تاي الي وقفه : رايح فين؟!
لف و اتنهد : رايح اجيب جيهوب و هروح اشتري حاجات ماما جين عاوزاها
جين ضربه على دماغه : بس يا كلب
مهتمش و كمل معاه : ليه عاوز حاجة؟!!
همهم و بعذها قال بحذر : هو انا ممكن اجي معاك؟؟
سكت شويه بعدها قال بقله حيله : طيب البس بسرعه و انا مستنيك في العربيه
قام نط فجأه من الكنبه على جوه بحماس علشام يلبس جرى ف يونغي حس بفراغ ف اردف بصوت تحت الأرض من النعاس : مطلعش صديقي في الكفاح ولا حاجة تشه
.
.
في السوبر ماركت..
سابوا هوسوك نايم في العربيه بتعب فاتح بؤه شبرين و مرجع راسه لورا ساند من كتر عمق حلمه و الاثنين التانيين دخلوا السوبر ماركت
طبعا جونغكوك في لحظه ندم انه جاب تاي معاه أو بمعنى أصح وافق انه يجيبه معاه لأن الوضع خرج عن السيطره بشده
تاي بيحط كل حاجة تقابلها ايده في العربيه : انا هاخد دي و دي و دي و دي.. اه و دي حلوه ماشي هناخدها و دي و دي و دي مع اننا مش محتاجينها اوي بس انا محتاجها، اه يبقى كمان دي و دي و دي
تقريبا هو خد نوع من أي حاجة موجوده في السوبر ماركت تخت نظرات كوك المصدوم مش عارف يعمل ايه غير أنه رفع الموبايل ل ودنه : جين هيونغ
- عملتوا حادثه ولا ايه انطق بسرعه؟؟
- لا بس تاي بياخد المكان كله في ايده
- ( بتعجب) يعني ايه؟؟
- يعني بياخد اي حاجة بتتحط ايده عليها في المكان
- اااااااااه طيب (سرخ بشده) لا لا طيب ايه.. استنى خليه يقف انا كده هفلس يالهوتاااااااي
( جون ظهر من الناحيه التانيه سأل جين إلى بيولول : في ايه؟؟)
( جين لف و بصله : تاي هيقضي على الأخضر و اليابس هنفلس يالهوتاااااااي)
( جون سحب منه الموبايل و قال ل كوك بشبه سريخ : طلعه بره بسرعه أو اربط ايده في العمود)
( جين سحب منه التليفون و قال ل جون : يربط ايده في العمود ايه هو حرامي!! - كلم كوك - بص يا حبيبي قدامك حاجة من الاثنين يا تطلبتله البوليس أو تسلمه الأمانات و تقول ده للمفقودات و تبقى تيجي أمه تأخذه بقى يا إما - اتنهد بقله حيله - سيطر عليه شويه و هاتله إلى هو عاوزه)
- ( رفع حاجبه باستنكار) طب و انا؟؟؟
- ( جين تمتلك نفسه انه يولع فيه ف سرخ : هو انا هلاقيها منك ولا منه اتفلقوا سوا سلام!!!)
" تيت تيت تيت "
و كان بيدل علي انه قفل في وشه بشده ف اتنهد و رجعه في جيبه بص حواليه ملقاهوش ف اتفزع لحظه بعدها لقاه في آخر الطورقه ماسك علبه شامبو و يتمتم بحاجات هو مش سامعها
تاي بيكلم نفسه بصوت عالي و هو بيبص في علبه الشامبو : اجيب دي ولا - شد واحد تانيه - ولا اجيب دي؟؟ - شد ثالثه - ولا تجيب دي؟؟
سكت لحظه بيفكر بعدها ابتسم بسعاده و ضمهم في حضنه : هجيبكوا انتوا الثلاثه تعالو ل بابا يا حبايبي
كوك من بعيد ضرب ايده على راسه لما لقى تاي جاي ناحيته و ابتسامته للآخر في ايده ثلاث ازايز شامبو في حضنه و حطهم عنده في عربيه المشتروات
.
.
يونغي نزل من الشقه قال هيقعد شويه في الجنينه يصفي ذهنه لأن عنده صداع قاتل ف كان نازل بيخرج من العماره و هو بيفرك جبينه بأيده على امل ان الصداع يخف شويه
خد طريقه للجنينه ناوي يقعد على واحد من الخمس كراسي المحطوطين بس وقف مكانه متصنم لما لقى إبراهيم قاعد بيبصله بغطرسه و اكنه بيقوله
' جرب تخطوا خطوه كمان في جنينتي و الرصاصه هتلاقيها مطيره نفوخك و نفوخ إلى جابك'
بس طبعا مين سفاح بارد يونغي يهتم؟؟ لا طبعا! كمل طريقه عادي ناحيه الكرسي و قعد بصله بابتسامه مستفزه اكنه بيقوله ' اعمل الحبتين دول على روحك يا روح امك'
و بدأت حرب النظرات إلى بتدل على كلام مش بيقولوه بس بيوصل بالنظرات بس
يونغي سواغ VS إبراهيم نصاب
الجوله الأولى ل يونغي سواغ / swag :
' لو انت فاكر انك بالحبتين دول هتعملهم عليا ف انت لسه متعرفنيش كويس و احذر بدل ما اخليك تقول يا رحمن يا رحيم على روحك و امك تروح تحط ورد على قبرك بدري'
ابراهيم نصاب بيرد على يونغي سواغ :
( هه هه هه تصدق خوفت يامي يامي يامي.. خاف يا عيد.. يامي يامي يامي)
' عيد مين؟؟ '
( ذه افيه في فيلم مالكش فيه)
' طب كويس انك اخرك الفرجه على الأفلام بس '
( و انت اخرك النوم و الانتخه بس)
' اييااكك ثم اياك تغلط في نومي المقدس'
( ليه هو انت دب باندا ولا دب القطب الشمالي)
اوبااا و كده الجوله دي كسبها إبراهيم نصاب بقصف جبهه يونغي سواغ ف ده أدى ل غضب يونغي و ابتسامه انتصار على وش إبراهيم
الجوله التانيه / يونغي VS إبراهيم
يونغي بقوه دخل عليه ' طبعا واحد فاشل زيك هيفضل قاعد بينكش و بتخانق مع الناس على الجنينه إلى مش بتاعته اصلا لكن على الأقل الدب القطبي نايم طول الوقت مش بيعمل مشاكل زيك'
ضيقله عينه اكتر ( بتلمح بأيه بالضبط؟؟)
ابتسامه سخريه ظهرت ' زي ما فهمت بالضبط يااا.. عقل النمله '
اووووو و كده يونغي سواغ فاز على ابراهيم نصاب في الجوله دي الي أدت إلى ابتسام يونغي ب نصر و حرقه إبراهيم إلى مش لاقي رد
و كانت لسه الجوله الثالثه هتبتدي قاطعهم صوت سلوى العالي لدرحه انه كان ممكن يعمل شكل زي بتاع الانمي لما بيتكلموا بصوت عالي يطلع تأثيرات بصريهو أشكال
المهم امها ندت بصوت عالي : اببررااهيم تعالى الاكل جهز.. يا ابرااهييييمم
سرخ ك رد عليها : حاضر يا وليه جاي في ايه
يونغي طلع صوت ساخر ف ي سرخت من الشقه : مجتش ليه ييلا تعالى الاكل هيببرردد
قام واقف و سرخ : ما قولنا يا وليه جاي الله لا إله إلا الله يخربيت غباوتك اوف
يونغي شاورله بلامبالاه : روح روح ل مراتك قبل ما البوليس ييجي يقبض عليها سبب صوتها إلى زي مكبر الصوت ده
بصله ل تحت بعين ضيقه : انا رايح.. وجاي تاني، احسنلك اجي الاقي كل حاجة زي ما هي
بسخريه بصله و اردف : هاخدها و اطلع أجرى مثلا ولا هرش عليها اسمنت.. يا شيخ أجرى
رفع صابعه بتهديد : انا بقولك اهو
مراته سرخت من جوه تاني : يا اببررااههيييمم
سرخ بأقوى حاجة عنده و هو رايح ناحيه شقته : يا وليه قلت جاي جاي ابو شكلك يخربيت صوتك سرينه اسعاااف .. جاي جاي جاي خلاص اخرسي !!
يونغي دور عينه بملل على العماره الغريبه و سكانها العجب دول و اتنهد على حاله
.
.
.
# بعد يومين - الصبح
في المدرسه / وقت استراحه المدرسين
جين مع المدرسين إلى اتعرف عليهم في اليومين إلى فاتوا دول واقفين سوا في قاعه المدرسين ااي عاملنها مخصوص لوقت الراحه بتاعهم ياكلوا أو يشربوا فيه حتى ممكن يقعدوا يعملوا شغلهم
طبعا ده مش موجود في أي مدارس الا الغاليه بنت الغاليه إلى محدش قادر على مصاريفها اصلا
لوكاس ل جين بتذمر : انا نفسي اعرف انت ازاي قادر تقعد مع صف الحريم دول في أوضه واحده؟!
جين ضحك بخفه و اردف : معرفش انت مش طايقهم وليه ولا هم مش طايقينك ليه بس انت عامل زي درتهم الخامسه في الاوضه
ضحك جين و الثلاث مدرسين إلى كانوا واقفين معاهم بس لوكاس فضل يتذمر بالاسباني ف محدش فهم منه حاجة بس زاد الضحك عليه مش اكتر لأن شكله كان مضحك ساعتها
مدرس من المدرسين الثلاثه إلى معاهم قال ل جين : انت ازاي بتخلي الطلاب يسمعوا كلامك بسهوله و انا لسه جديد اصل عندنا اي مدرس جديد بيتم التنمر عليه لكن انت العكس .. ايه سرك؟؟
جين : ولا سر ولا حاجة، الفكره اني بخليهم كل شويه يعملوا إلى هم عاوزينه و في نفس الوقت مفيش حاجة بتضيع من الشرح.. الفكره كلها في تنظيم الوقت و حيل بسيطه كده مش اكتر
المدرس التاني بإعجاب من تفكيره : حلو النظام ده ، شكلك بتربي و عنكدك أطفال في البيت علشام كده عارف تتعامل و عندك حيل كمان
جين تمتم لنفسه : انا فعلا عندي أطفال في البيت.. بس زمانهم هم بيعملوا ايه دلوقتي في الجامعه؟؟!
.
.
في الجامعه / محاضره تاي و جيمين
الاثنين نايمين على نفسهم مش فاهمين حاجة من المحاضر إلى قصادهم و الحل لا يقل عن مينجي بس هو قاعد بيلعب على موبايله مش مع حد اصلا
تاي بتملل كبير بص ل جيمين إلى نام تقريبا و هو ساند خده على كف ايده و بؤه مفتوح شويه : جيمين؟؟
ملقتش رد ف زقه لورا : جيمين!!
جيمين اتسرع و بصله بسرعه : ايه ايه الدكتور شافني؟؟!
اتنهد بملل : لا لسه بس كان قرب يشوفك، المهم انا ملان جدا ما تيجي نهرب من المحاضره الممله دي
جيمين بتعجب : نهرب ازاي يعني؟؟
قرب عليه و همس : انا هقول اني عاوز اروح الحمام بس هبقي مستنيك بره و نعمل جوله في الجامعه اي حاجة بس نمشي من خلقه الميت ست مرات ده
اومأله بتفهم بس رجع شك : طب لو اتقفشنا؟!
نفخ بشده : مش هنتقفش ماشي!! انا هخرج و انت ورايا اوك!
اومأله بسرعه و شاور على إلى جنبهم : طب و مينجي؟!
تاي لف للي جنبه خبط على كتفه ف بصله من اللعبه : انا و جيمين هنهرب من المحاضره تيجي معانا؟؟!
اومأله : اوك بيس يعني
تاي اومأله بعدها رفع ايده ف المحاضر شافه : ايوه يا ابني عاوز ايه؟!
تاي وقف و ببراءة : الحمام!
سكت شويه بعدها رجع للشرح : لا مغيش خروج
تاي نفخ و قعد مكانه تاني اتكتف : هنعمل ايه دلوقتي؟؟ الميت ده مش عاوز يخرجنا ابدا عاوز يموتنا هنا معاه للأبد!
جيمين بتملل حط ايده على خده و سند : خلاص بقى خلينا هنا اهي كلها ساعتين و نمشي!
مينجي شاورلهم ف قربوا عليه : انا هبدأ الخطه ب
تاي بتعجب : ايه الخطه ب دي؟!
مينجي بعد عنهم و قام وقف فجأه : يا دكتور صاحبي تعبان و عنده انحطات في الأمعاء ق قصدي تقلص معوي و ده خطير جدا لازم نوديه للدكتور بتاع الجامعه فورا
الدكتور بصله بشك : فين صاحبك ده؟؟
مينجي زق تاي بأيده ب مفهمش ف همسله من بين سنانه : سرخ!
تاي بتعجب : ا ا ايه؟؟
مينجي بعصبيه : سرخ يا غبي!!
فهم اخيرا بعد لحظه صمت و حط ايده على معدته و سرخ يتألم : ااه معدتي مش قادر الحقوني يالهوي
اترمي على جيمين على مسكه على طول : هو انت بتولد ايه الي انت بتعمله ده!
خد كوع من تاي في بطنه خلاه يخرس تماما ف كمل مينجي مع تاي الي بيطلع أصوات تألم : شوفت حضرتك انا مش بكذب عليك
الدكتور بصلهم بشك تاني ف اردف مينجي : على فكره هو مرضه معدي
كل الطلاب خدوا جنب في لحظه ف تاي ضرب مينجي برجله و همسله بغضب : انت بتعمل ايه يخربيتك الناس هتفهمني غلط!
مينجي كمل مع الدكتور : ف انا برجح أن حضرتك تخرجنا دلوقتي بدل ما ننشر العدوى اللحظيه دي
الدكتور إلى بعد ورا سنه : ا ا ه ا هيا ابني اتفضلوا أخرجوا و مترجعوش تاني ق قصدي يعني ودوه هناك العياده لحد ما يبقى كويس و خليكوا معاه مغيش داعي للرجوع يعني
الثلاثه بصوا ل بعض بانتصار و ابتسامات نصر
.
خرجوا من المحاضره وقعوا ضحك على منظر الدكتور إلى اتخض و خرجهم بسرعه ف تاي كان واقع على ركبه بيضحك : لا لا بجد الاهبل صدق انه مرض معدي يخربيت هبله
جيمين و هو بيحاول ميقعش من الضحك : دخلت عليه الاشتغاله العبيط
مينجي ضحك بخفه و اردف بفخر : اي خدمه
تاي وقف عدل و اردف : هنعمل ايه دلوقتي؟
جيمين و مينجي بعين بتلمع : ناكل!
تاي مسح على بطنه بخفه : اه انا كلت قبل ما انزل بس منظركوا جوعني. يلا ناكل
لفوا الثلاثه علشان يمشوا بس وقفهم صوت خلاهم يبلعوا ريقهم : رايحين فين بسلامتكوا كده و عندكوا محاضره شغاله دلوقتي ها؟؟!