ماذا لو.. الحلقة الحادية عشر
- السباعي مُدرسين -
_______
[ ١- جين مدرس زراعة ]
جيت بيشاور علي قصريه فيها وردة علي مكتبه
" دي ايه؟؟ "
الطلاب في نفس واحد
" وردة "
شاور علي وشه بإبتسامه
" و ده ايه؟؟ "
الطلاب في نفس النفس
" ورده بردو "
جين سقف بفخر و الدمعه هتفر من عينه
" برافو برافو عرفت اعلمكوا كويس و علشان كده كل واحد فيكو هديله نجمه علي كشكوله "
الطلاب سقفوا بفرح
" هيييييه "
حمحم و اردف
" اسمعوا دي والي يعرف يجاوب.. الي بينقط مياه يا ترى هيكون اسمه ايه؟؟"
محدش رد عليه وهو مستناش وراح قايل
" حنفي "
خلص الجمله و فضل يضحك علي نكتته الي عجبته علي عكس صرصور الحقل الي بقى في قلب الفصل فـ بعد م خلص ضحك حمحم و بصلهم بتعجب للصمت
" مبتضحكوش ليه ؟؟؟ "
صوت صرصور الحقل اكتر فـ اتعصب و اردف بـ عند
" مخصوم منكوا خمس نجوم للسنادي و السنه الجايه كمان مقدماً هاا "
~~
[ ٢- يونغي مدرس عربي ]
ماسك العصايه و واقف عند الصبوره و العيال على دسكاتها خايفه منه اساسا
" بصوا يا كلاب علشان انا اصلا مش طايقكوا ولا طايق نفسي، اسمعوني كويس ومن غير نفس ماشي؟؟ نبدأ بالحروف الأبجديه و الامثله عليها.. "
بيشاور بالعصايه علي السبوره و هو بيتكلم
" أ.. ابعد عني بدل ما اعورك ودي تقولها لما حد يثبتك في الشارع ، ب.. بلاش عوأ ودي تقولها لما حد يكون هيضحك عليك، ج.. جربوع من يومك ودي تقولها ما حد يكون بيردحلك، س.. سمج زي وش اهلك ودي تقولها لما حد يقولك نكته سخيفه، ص.. صبرك عليا ودي تقولها للي بيضيّق عليك، و.. وياكش تولع يا بعيد.. "
قاطعه الطالب الي سأل بحذر
" بس يا مستر ده بحرف الـ ي مش الـ و؟؟ "
ضرب بالعصايه علي الصبوره
" و انت اشفهنك انت!! انا ادرى ولا انت؟؟ انا طبعاً.. خلينا نكمل، ح.. حاميها حراميها و دي تقولها لما حد يسألك علي اسم فيلم انت متعرفوش "
KAMU SEDANG MEMBACA
شقة رقم ٧
Humor# شقة رقم ٧ دايماً في شقة في العمارة هي الي طالع منها الصوت و العبر و الزعيق بس الحقيقة ان مش بتبقى شقة واحدة بس ، دي كل الشقق.. سبع شبان الغُربة اجبرتهم انهم يعيشوا في بلد غير بلدهم و كمان يعيشوا في عمارة كل سكنها اجانب و محدش زي التاني ابدا كله م...
