شقة رقم ٧

ماذا لو.. [ السباعي صريحين بزيادة.. اوي ]

ماذا لو.. الحلقة التاسعة عشر
- السباعي صريحين بزيادة.. اوي -

---

عارفين الكلام الي بنعمله delete أو قرار إزاله قبل ما يخرج؟؟ تخيلوا لو معملناش قرار إزاله و خرج زي ما هو

وهو ده الي هيكون عليه السباعي النهاردة..

ماذا لو السباعي كانوا صريحين بزيادة، يعني بيقولوا الي في قلبهم من غير ما يعملوا فِلتر للكلام قبل ما يقولوه

_____

- جين -

جين بيفتح باب الفصل في المدرسه برجله بعنف ف الباب اترزع في الحيطة ف الطلاب شهقوا من دخلته

دخل مكشر و الضيق مالي وشه وكأنه مجبور، لابس نظارة شمس واكله نص وشه ، رمى حاجته على المكتب بعشوائيه تحت عيون الطلبه الي بصلهم بضغينه غير مبرره

" صباح الزفت على دماغكم كلكوا يا عيال يا معفنه يالي مشوفتوش نص ساعه تربيه ، انا بكرهكوا و مش بطيقكم كلكم يا شوية اوباش ، زوري بيتنبح على الفاضي كلللل يوووم وياريته بفايده او المرتب الي باخده علشان انبح عليكوا صوتي بيكفي نص الشهر حتى!؟ مستني اللحظة الي هترفد فيها او استقيل من الشغلانه الزفت دي!!! "

أنهى جملته بصياح وهو بيقلع نظاره الشمس بعنف ثم كشر ملامحه أكتر وإذ بطالب بريء متخوف يرفع ايده لفوق

" طب مستر اـ "

قاطعه جين بصياح
" بس يا زفت! و افتح أم الصفحه الهباب الطين رقم ٧٧ زي العفاريت الي هيركبوك انت واهلك ونرتاح منكم! "

~~~

- نامجون -

اخته قاعده قصاده في الشقة مع عيالها الإثنين مع ابتسامه واسعه جداً غير مبرره قائله
" وحشتني اوي يا اخويا يا حبيبي يا نور عيني "

رفع حاجبه بإستنكار و اندفع بالقول
" وحشك قبر يا شيخه.. وحشك قبر، انتي مش ناويه تمشي انتي و عيالك بقى ها؟؟ مبتزهقيش من القاعده؟. أنتي مش شايفه انكوا طولتوا بزياده ده غير انكوا بتيجوا في اي وقت تحبوه ولا كأنه بيت ابوكي! "

اخته متعجبه منه
" هو احنا قعدنا كتير؟؟ في ايه مكانوش يومين يعني؟!"

" انا بقى بقولك انكوا طولتوا كتير اوي بزياده، كل اسبوع تجيبي عيالك و تقرفينا و منعرفش ننام منكوا ، ده انا ببقى حامل هم مجيكوا و مرواحكوا مين الي هينطف وراكوا بعد البهدله الي بتعملوها انتي و عيالك في الشقة ، ف ياريت لو تخلصوا و تمشوا بسرعه ، ده حتى بيقولك يا بخت من زار و خفف يا اخوانا "