شقة رقم ٧

الفصل العاشر

[ يـيـريـن أخـت جـيـن ]

______________

شقة السباعي / الساعه 1:30 بليل

الكهرباء قاطعه لسه و مرجعتش، مولعين شمعتين على الطربيزه إلى عند الكنبه و السبعه ملمومين حواليها، يونغي إلى نام بالفعل على نفسه و جيمين و هوسوك ماسكين في بعض خوف و بيحاولوا يناموا

جون حاطط ايده على خده و بيسقط كل شويه و جين الحال من بعضه بس مفتح عينه بيبص في الفراغ بعين ناعسه جدا و كوك نفسه ماعادا تاي الي أكن النوم راح من عينه نهائيا و قاعد بيبص في اللامكان بتفكير و مركز اوي بنظرات غريبه

جونغكوك بصله بعين ناعسه جدا و بتعجب : بتفكر في ايه مخليك مركز بالشكل ده؟!

خرج من أفكاره بصله و نفى بخفه : لا لا مفيش حاجة

بصله بشك و اردف : اصلي مش متعود منك على الوش السيريوس اوي ده! - serious -

نامجون عقد حواجبه و رفع حاجب : سيريوس؟؟!
جونغكوك بصله : هي مش بتتنطق كده ولا ايه؟؟

نامجون نفي بخفه : لا لا صح بس استغربت فجأه كده
جين و هو بينام تقريبا : انت مستغرب على طول ايه الجديد يعني

جيمين بتفكير : هو مش سيريوس ده كان اسم الشرير في سلسله هاري بوتر؟؟

جين جدف على وشه مخده يقطع أفكاره العجيب : نام يا اخويا نام.. قال سلسله هاري بوتر قال.. مهو الكرتون ده هو إلى هيلحس مخك مش بدل ما تتفرج على ناس بتقول شعوذه و تحول حاجات، تتفرج على حاجة مفيده تفيد مخك المقلقسه الي فوق دي يمكن في يوم تنفعنا ولا حاجة!

جيمين بصله بعبوس و استنكر كلامه : متغلطش في هاري بوتر!!

جين خبط ايده على راسه بقله حيله : مفيش فايده منك! طب ابقى خلي هاري بوتر ده بقى ينفعك في النكسه

كل ده و هوسوك و يونغي ناموا على ايد الكنبه مش دريانين بحاجة، جين خبط ايده على رجله بنفاذ صبر : هو النور طول كده ليه.. انا هقوم اشوف الزفت ده

قام و راح ناحيه البلكونه فتحها و خرج راسه و مده بصوت عالي : انت يا اشرف الزفت !!!!!

مجاولش رد ف زعق اكتر : يا اشرف!!!!!

سمع صوت حاجات بتقع و أشياء بتتخلط و قطط أكن في حد داس على ذيلها و اخيرا ظهر المنشود إلى بصله لفوق : ااا ايوه يا جين باشا!

اتنهد و قال بشويه يغضب : لقيتوا حل لكابل الكهربا إلى فرقع من غير سبب ده ولا لا؟؟

بلع ريقه و اردف : ل لسه يا جين باشا بنحاول نلاقي سلك اختي احطياتي نوصله بالسلك الرئيسي بس مش لاقيين

جين : هنام في الظلمه النهارده يعني ولا ايه؟؟

اتردد : ا ا اممم الله اعلم يا استاذ جين.. حكم الأستاذ بيحاول يلاقي السلك و يركبه