شقة رقم ٧

الفصل الخامس و العشرون

[ صـدمـات إغـمـائـيـة ]
  - غـيـر الطـبـيـعـة -
.
.

- الساعة ٦:٤٥ مساءاً

جونغكوك قاعد و وشه في شاشه اللابتوب إلى مفتوحه على صفحه اليوتيوب بتاعته بيتأمل فيها بصمت ايده على خده و بسحرك صوابعه بملل على الطربيزه..

< الفيديو >
[ Hello..! ] عنوان الفيويو
- GoldenJK - اسم القناة

~ منشور منذ اسبوعين..

مشاهدات : 3.556.666 مشاهده
لايك : 550.000 إعجاب

اشتراك : 1.850.780 من المشتركين
تعليقات : 16.000 تعليق

و هو ده كان الفيديو الوحيد المنشور في قناته، كان ناوي ينشر الفيديو التعريفي الفاشل بتاعهم بس علشان كانت نيته حقيره انه يفضحهم ضاعت الفلاشه إلى كان حافظ فيها الفيديو و هو رايح عند اهله في كوريا

اتنهد و حاطط ايده على خده بتملل من كتر التفكير قطع عليه موبايله إلى رن رفع رد على طول لانه عارف هويه المتصل و مستنيه اصلا : اعمل ايه ؟!

- اطلع لايف و خلي الناس تتعرف عليك اكتر أحسن من اي فيديو

جاله الرد من مينجي على طول فـ عقد حواجبه و سأل بشك : انت واثق من الحوار ده؟!

- ايوه يا ابني و بعدين انت كده تعتبر أول واحد يعمل لايف على اليوتيوب من غير ما يكون عنده فديوهات لسه اصلا

اتنهد بيأس : و الله انا حاسس انه كان قرار فاشل اني افتح القناه دي اصلا

- اسمع كلامي بس و مع الوقت هتحب الموضوع اوي.. مش انت عاوز يبقى معاك فلوس كتير ؟؟

لمعت عينه : اااه جدا
- هتبقى غني

' كذاب جدي و عمتي كمان '

سرح بأفكاره فجأه قعد يتخيل نفسه الفلوس بتمطر عليه من كل اتجاه و بيلعب بيهم من كترهم و لابس نظاره شمس و حاطط رجل على رجل متقنعر اوي

فاق من أحلامه و هو بيقوله بحماس زايد : ايوه.. ايوه انا هبقي غني

و انتهى بيه الأمر بقاله ساعه جوه في الاوضه فاتح بث بيرغي مع الناس الي بتسأله و عاوزين يعرفوا عنه اكتر لانهم ميعرفوش حاجة و مش دريان بالوقت

بره في الصاله بقى تاي كان قاعد على موبايله بيقلب فيه فجأه بص ل جيمين المنهمك في رسمته على السفره و ناشر الالون حواليه و من كتر تركيزه بؤه مفتوح و شويه و لسانه هيطلع زي الكلب الحزين

تاي رفع حاجبه باستنكار من منظر الاخر و سأله : انا طالبه معايا انزل اجيب حاجات حلوه من السوبر ماركت تيجي معايا ولا ايه؟

جيمين من تركيزه : لـ لا اه.. لا لا روح انت انا مركز دلوقتي في الرسمه إلى عاوز اخلصها دي