شقة رقم ٧

ماذا لو.. [ السباعي موظفين في شركة إنترنت]

ماذا لو.. الحلقة السادسة عشر
- السباعي موظفين في شركة إنترنت -

__________

- هوسوك -
(الموظف اسامه منير)

"ايوه كملي انا سامعك، اشتكي وقولي الي انتي عاوزاه "

هوسوك ساند على الكرسي مريح عليه لورا وبيقول بصوت هادي جداً وعميق أشبه بأسامة منير في عز أيامه فجاله رد العميله الي بتخفف دموعها الي بتهطل و بتعيط

- النت بقى وحش اوي اوي بطريقه مش قادره اوصفها مكنش بيعمل معايا كده في الأول، فجأه اتغير وبقى وحش جداً كل ما اجي اشغله يفصل مني - اجهثت بالبكاء تاني - انا تعبت منه خلاص تعبت اعمل ايه مش عارفه لاقيلي حل ارجوك انا تعبت اهيء اهيء اهيء

اردف بصوته الهادي المشل زي أسامه منير بيرد عليها
" لكل مشكله وليها حل متعيطيش علشان حد ميستاهلكيش ، فالحل اننا هنشيل الراوتر القديم خالص من عندنا و مبعده نهائي و هبعتلك واحد جديد تركبيه علشان تبدأي بدايه جديده وصفحه جديده مع حد هيقدرك مش هيفصل منك و هينزل دمعتك تاني ابداً "

- بجد شكرا انا مش عارفه اقولك ايه انت أنقذت حياتي من الضياع انت بجد حد بيحس بينا اوي

" ده واجبي اني احاول اسعدكوا ، و دلوقتي عندي عملاء تانيين، انا اسف اني هقفل الاتصال دلوقتي بس مع السلامه مع الف سلامه.. "

قفل مع المتصله بكل رقه و رد على العميل الجديد بنفس الطريقه الي فاتت
" ايوه مع حضرتك خدمه العملاء الي هتخدمك و تحل مشاكلك بكل حب وبكل إخلاص مع كلام في الحب في انا والنجوم وهواك على نجوم إف إم "

~~~

- تايهيونغ -
( الموظف المثالي )

تاي بيكلم العميل وساند السماعه على ودنه بكتفه و نازل تحت على الأرض وقصاده مجموعه من الأسلاك بالهبل عمال يلعب فيها مه العميل 

" ايوه يا أستاذ انا معاك كمل كمل وصلت لفين علشان انا بعمل زيك بالضبط "

" ايوه بعمل زيك ما لازم نشارك العميل في مشكلته ونحاول نحلها عندنا الأول امال نبقى شركه كويسه ازاي ولا ايه!؟ ها وصلت لفين شكلك سبقتني في خطوه صح؟؟ "

" تمام، ركبت السلوك كلها وشغلته؟؟ اللمض كلها نورت أحمر؟!!.. همم تمام تمام انا كمان اللمض عندي بقت كلها لونها أحمر ، هاهاها لا مفيش مشكله خالص كده تمام اوي احنا كده ماشيين صح و فصلنا النت عندي وعندك ، يعني مفيش حجه اهو علشان متقولوش ايه اننا حراميه وبناكل منكوا حق النت "