شقة رقم ٧

الفصل الواحد والأربعون

[ مصارعة سومو ]

__________

دكتور المادة في المحاضرة بيرمي كتابه على المكتب و بيصيح في تاي و جيمين الي واقفين قصاده بيهزقهم وهم معندهمش دم : كمية الاستهتار وقله الأدب الي عندكم مش طبيعيه، انا مش عاوز اشوف وشكم هنا تاني.. اطلعوا بره! براااه

تاي بيغني بكل تناحة بيعصبه اكتر وهو بيرقص بعشوائية و جيمين بيطبل : كل براااه بشوفك فيها

خروجه عن شعوره فسرخ اكتر : برراااااععع!!!!

وفي لحظات كانوا بره المدرج و مكسور وراهم قله كبيره من الدكتور الي قفل الباب بقوه وتمنى انهم ميرجعوش تاني بقيه السنه

تاي بعد ما اتقفل في وشهم الباب : هو ماله خلقه بقى ضيق كده ليه؟
جيمين ببلاهه شديدة : مش عارف

تاي : و هنروح فين دلوقتي
جيمين بنفس البلاهه : مش عارف بردو

تاي بصله مستغرب من بلاهته : ولا انت شارب تِنر على الصبح ولا ايه ايه التناحه الي انت فيها دي

جيمين بصله بطرف عينه متمتم : انا بردو؟!

تاي اتنهد واضع ايده على جنبه : عموماً خلينا  يا نروح ناكل يا نروح نخلي بقيه العيال تطرد علشان نقعد سوا

ولسه مخلصش جملته ولقى جونغكوك و مينجي داخلين عليهم فـ صفق تاي بحماس وصاح : لسه كنت بقول هنروح نخليهم يطردوكم

جونغكوك بتهجم : انا مدخلتش اصلا
مينجي بيتاوب : وانا جيت متأخر

تاي بصلهم بطرف عينه : عيال فصيله

جيمين : صحيح مين هيشوف ماتش أسبانيا النهاردة؟؟
جونغكوك : انا طبعاً

مينجي : وانا اكيد وش
تاي بتفكير : مش ده بردو الفريق الي بيلعب فيه مجدي عفشه وعبشافي؟

قوله خلاهم في حاله اندهاش وصدمه وهو مش فاهم هو في ايه : ايه؟ مالكم؟!

جونغكوك بصدمه : مين عبشافي ده، اسمه تشافي يخربيت سنينك واصلا بطل يلعب وبقى مدرب في برشلونه

تاي هرش في دماغه : اه صح صح، يبقى اكيد معاهم عويس مش كده؟
جيمين بتفكير : عويس؟ مين عويس ده؟!

جونغكوك : عويس ازاي في منتخب أسبانيا؟!
تاي : معرفش واحد كده رفيع وطويل وتحس انه واكل سد الحنك

جونغكوك حس انه بيتشل : طب اسكت علشان مفيش حد اسمه كده أساساً وانت بتخرف

تاي : وكان معاهم واحد اسمه روبيرتو كالو صح؟
جيمين : كالو! والله انت الي هتجيبلي كالو في دماغي

مينجي راح ناحيه تاي طير دماغه بأيده : اولا اسمه باجيو يا ابن الجزمه و ثانياً ده لاعب إيطالي متقاعد، ايه الي جابه في اسبانيا اساساً