شقة رقم ٧

الفصل التاسع عشر

[ عـربـيـة جـديـدة؟ ]

____________

صوت الديك بيدن بصوت عالي و المنبه بيرن بقاله ساعه و محدش عاويز يقوم يطفيه

الساعه 8:05 الصبح

جونغكوك بيحاول يصحى تاي الي مكلفت نفسه تحت الغطاء و رافض انه يقوم : قوم الساعه عدت 8 هتتاخر على الجامعة!!!

تاي شد الغطاء على راسه اكتر و اردف بصوت مكتوم : انا مش نازل انزل انت - رفع ايده من تخت الغطاء و شاورله - امشي انت و جيمين يلا

دخل ايده تاني تحت الغطاء و لف نفسه تاني فـ كوك نفخ و اردف بانفعال : مهو مفيش غيري و غيرك هنا جيمين هيونغ نزل مع يونغي و نامجون هيونغ الصبح و متبقاش غيري انا و انت حتى سايبنلنا العربية نروح بيها يلا بقى قووممم

بيحاول يدلقه من على السرير و هو لن يتزحرح ابدا : يوووه.. قوم يا ابني بقى بطل لكاعه!!!

تاي شال الغطا من عليه بعنف ف شعره اتنعكش و وشه احمر و سرخ فيه : انا مش رايح الجامعه قولت روح انت انا مش هخلي إلى يسوي و الي ميسواش يتريق عليا كفايه اوي التريقه إلى على النت ها

رجع الغطا تاني على وشه و اترمي على السرير فـ كوك طلع صوت ساخر : اااه علشان كددداااااه.. ضعيف انت طفل علشان تتهرب من الناس مش كده؟؟

تاي اتعصب و راح شايل الغطا تاني جامد قعد على ركبه قصاده و شاورله بصباعه إلى هيخزق بيه عينه و سرخ فيه : انا مش ضعيف ولا عاش ولا كان إلى يقول عليا ضعيف انا أقوى منك و من عشره زيك و مش معنى ان انا مش رايح يعني انا ضعيف لا انا قوي جدا و أقوى منهم كمان وا.. ايه ده انت بتعمل ايه سيبني!!

كوك استغل انه بيرغي وراح شاله علشان يطلع بيه بره الاوضه و تاي عاوز ينزل مش عاوز يروح و عمال يسرخ زي العروسه في يوم فرحها لما تدرك حجم الموقف الحقيقي و عاوزه ترجع في كلامها but it's too late و بيمسك في باب الاوض بكل طاقته مش عاوز يخرج و رافض بشده مواجه العالم

ماسك باب الشقه بأيده مش عاوز يفلتهو كوك عمال يشده : شيل ايدك بقى

شده جامد و قفل الباب وراه و لسه بيسرخ أكن في حد بيغتصبه باين ولا بيخطفه و كوك بيحاول يسكته : اسكت هيفتكروني خاطفك أخرس

سرخ بأعلى صوت : مش هخرس نزلني حالا بقولك انا اكبر مناااااككك!!!!

لونا بتخبط ايدها في بعض لما طلعت من باب الشقه بسبب أصوات السريخ : لا حول ولا قوة الا بالله.. يقلب الفار كلب - اتنهدت و طلعت كيس الزباله حطيته في الباسكت بتاع الدور - ناس غريية

هويان بتراقب من ورا عقب الباب و صعبان عليها تاي فحركت رأسها بأسي و راحه المطبخ : يا يعيني على نصيبك المهبب يا ابني

تاي مستمر في السريخ و كوك بيزعقله علشان يسكت مفيش ذره احترام حتى ولا أدب و كل سكان العماره سامعاهم و صوت سريخ تاي مذبذب و بيتقطع كل شوية بسبب جرى كوك على السلم بيه و هو شايله