شقة رقم ٧

ماذا لو.. [ تـاي مـأذون ]

ماذا لو.. الحلقة السادسة
- تـاي مـأذون -

_________

- المؤسسة المتخصصة في الإفتاء -

كيم تايهيونغ المأذون الفرفوش الفتّاي ، بيجيله كل يوم مكتبه ناس يا تتجوز او علشان تتطلق او هو بيروح للناس

و هو مشهور بحكمته الرهيبه و رأيه الجبار اي حد عاوز فتوه في حاجة بيكلمه و الحقيقة انها مش فتوه خالص ده فتي التنين

و زي كل يوم قاعد في مكتبه القدير بيشرب الشاي باللبن بتاعه بثلاث معالق سكر الي عاملهوله سيد بتاع الكافتيريا و بيسقي فيه بقسماط و بيشفط بعدها من الكوبايه بصوت و هييح و مش هيح و حاجة الله يقرفه

سقف بأيده مرتين و اردف بصوت عالي
" دخلي اول حاله.. اتسعنا على الشقا بالله "

دخل من باب مكتبه واحده ست كده لابسه كعب و مضبظه شعرها ضربه كيلو مكياج في وشها عامله نفسها نيلي كريم باين وقفت مكتبه

" صباح الخير"

تاي مركز انه يسقي البقسماطه في الشاي

" صباح النوـ - وقفت ايده قبل ما البقسماطه تدخلين بؤه لما رفع عينه ناحيتها و تمتم - ايه صينيه المسقعه المحروقه الي دخلت عليا دي - كمل بصوت عالي - افندم قولي الي عندك يا ست "

ضرب البقسماطه في بؤه و هي قعدت تتكلم

" حضرتك انا معدش قادره استحمل كل الي بيجري ده انا تعبت تعبت مفيش مسؤوليه و لا احساس "

تاي و هو بيسقي البقسماطه التانيه علشان ياكلها
" ايوه يعني عاوزه ايه أخلصي.. "

" عاوزه ارفع قضيه خلع على جوزي "
" و السبب.. "

دبدبت في الأرض برجلها و انتحبت

" مش بيعملي اي حاجة انا عاوزاها حتى فاتوره الكهرباء بيرفض يدفعها بنفسه.. ده حتى مش بيرضي يجيبلي الميكاب الي بحبه "

ضرب بأيده على المكتب بخفه

" و الله مش ذنبه ان عنده ست فاتحه بيوتي سنتر في وشها و بعدين ما لازم طبعا ميدفعش فاتوره الكهرباء علشان ميشوفش وشك العكر ده بليل كمان مش كفايه بيشوفه في النهار!! "

" يا استاذ اسمعني انا هحكيلك الي فيها "

حط ايده على خده بتملل
" همم.. اتفضلي "