Naisip ko na hindi na ako bata na pwede niyang diktahan. Gusto kong dito lang ako.
“Saan ang punta mo?” tanong ni Kuya kasama si Janelle sa living room.“Bilin ni Mommy na hindi ka pwedeng maglabas-labas” dagdag niya pa.
“Tulungan mo 'ko.” ani ko. Hindi lang ako ang maagrabyado, pati rin siya. Alam ko na hindi rin siya papayag sa gusto ni Daddy.
Kumunot ang noo niya, “Saan kita tutulungan?”
“Gusto ni Dad na umalis tayong dalawa. Pupuntahan ko si Hell.”
“Ano?! Hindi ako papayag!”
“Alam ko Kuya” alam ko na hindi niya iiwan si Janelle.
“Skie, kaya mo bang suwayin ang Daddy mo?” Naiinis ako kay Dad. Dahil sa gusto niya may ibang tao na nasasaktan.
“Oo. Hindi kita iiwan.”
“Kuya...” niyakap ko siya. Hindi ko nakikita ang sarili ko sa kaniya. Naisip ko, bakit ganoon nalang kadali sakin na sabihing iiwan ko si Hell?
“Magtiwala ka sakin Heaven, puntahan mo si Hell. Alam kong binantaan na siya ni Dad.” kumunot ang noo ko, binantaan? That old man! Naiinis talaga ako sa kaniya!
“Sige Kuya, bye Janelle” kumaway ako sa kanila. Nakita ko pang nagyakapan sila habang papalayo ako. Nakikita ko ang sarili ko at si Hell sa kanilang dalawa.
Kinuha ko ang susi ng kotse sa driver namin. Agad naman akong sumakay at mabilis na pinaandar iyon.
Napahinto ako sa isang park nang makita ko siyang tulala habang nakatingin sa mga batang nagtatakbuhan.
Napaluha naman ako nang bigla kong maalala yung nangyari sakin. Nanginginig ang mga tuhod ko at nanginginig din ang labi ko. Masusundan pa kaya si Angelo? Si Hell ba ang makakasama ko sa pagbuo ng masayang pamilya?
Umupo ako sa tabi niya at sinabayan siyang tumingin sa mga bata na masayang naglalaro.
“Umuwi kana” sambit niya, agad akong umiling.
“Ayoko, hindi kita iiwan.” nakangiti kong sambit habang sa mga bata parin ang tingin.
“Iwan mo na 'ko.” nanliit ang mga mata ko. Kapag ako nainis, babayagan ko siya.
“A-yo-ko” tumingin ako sa kaniya habang siya ay sakin din ang tingin.
“hahalikan kita kapag hindi ka umalis” banta niya.
“Edi makikipaghalikan ako sa'yo basta hindi kita iiwan.” matigas kong sambit.
“Dadalhin kita sa kwarto ko tapos itatali kita sa kama.” pervert! Napalunok naman ako nang tingnan niya ako sa mata.
“Maniac ka!” bulyaw ko nang tingnan niya ako sa dibdib. Shit! Bakit kita cleavage ko.
“Tss. Nakita ko na 'yan. Nahawakan ko pa nga eh.”
Hinampas ko siya ng dala kong bag dahil feeling ko pulang-pula na ang mukha ko.
“Ts,” hinatak niya ako at niyakap. Napangiti naman ako dahil alam kong hindi niya ako matitiis.
“I love you, gusto kong sumama sayo. Ilayo mo 'ko Hell.” ang sarap sa pakiramdam na nasasabi ko ang mga bagay na ito sa kaniya. Naramdaman kong dumampi ang labi niya sa aking noo
“May usapan kami ng Dad mo. Kapag hindi kita nilayuan... Tuluyan na talaga kitang hindi makikita.” sarap niya talagang kalbuhin. Paepal sa lovelife ko eh!
“Please h'wag... Huwag kang susunod sa gusto niya.” wala akong pake kung nagmumukha akong kawawa.
sandali siyang natahimik. Kumunot ang noo ko. Hindi ko gusto ang ganitong pagiging tahimik niya.
“Nagdesisyon na ako. I'm sorry.” tumayo siya at naglakad palayo sakin.
Nakikita ko nalang ang sarili ko na umiiyak. Ayoko di ako papayag.
“Hell!” napahinto siya ng batuhin ko siya ng tsinelas sa ulo. Tumakbo ako papunta sa kaniya at niyakap siya ng mahigpit.
Pero... Tinanggal niya 'yon. Para akong napapraning dahil ubos lakas ko siyang dinala sa kotse ko.
Hinalikan ko siya kahit na feeling ko mawawalan ako ng malay. Alam ko na agad ang susunod na mangyayari dahil gumaganti rin siya ng halik sakin.
“Huwag mo 'kong iwan please...” mahina kong bulong kahit na patuloy na umaagos ang luha ko.
“Mali 'to ” aniya at tumigil sa paghalik. Bago pa ako magreact biglang may tumamang malaking bato sa salamin ng kotse ko kaya nabasag ito.
“Dad.”mahina kong bigkas. May dala siyang baril.
Alam kong nakita ni Hell 'yon pero tahimik lang siya na nakatingin sa harapan.
Agad kong inistart ang kotse ko at mabilis na pinaandar. Nakakatakot ang aura ni Daddy. Alam kong sobra siyang nagagalit ngayon.
“Hayaan mo na akong patayin niya.”
“No!” sambit ko nang may galit sa tono ko. Naiinis ako kay Hell.
“Hindi niya tayo titigilan.”
Tumingin ako sa side mirror at nakita ko ang dalawang sasakyan na kasunod namin.
Mas binilisan ko pa ang pagdrive hanggang sa niyakap ako ni Hell.
Tangina!
Pumikit ako at yumakap rin sa kaniya nang makita ko ang isang humaharurot na truck papalapit samin.
@#$%&
---
Janelle
“Skie!” nakita ko ang dugong lumalabas sa mga kamay niya habang pumupulot ng bubog.
“Ako na riyan!” nagsuot ako ng gloves at pinulot 'yon.
“Nabasag yung baso. Masama ang kutob ko.”
“Ts, hindi totoo 'yan. Tanga lang talaga yung baso kaya nahulog.” pinilit kong magpatawa pero nanatili parin siyang seryoso. Hays, pati tuloy ako kinakabahan na rin.
“Isuot mo 'to ” binigay niya sakin ang suot niya jacket.
Sumunod ako sa kaniya na sumakay sa kotse.
“Saan tayo pupunta?” tanong ko.
“Kay Dad” tumahimik nalang ako at tumingin nalang sa paligid na nadadaanan namin.
Hindi ko alam ang pinaplano ng daddy niya pero natatakot ako sa pwedeng mangyari.
Napatingin ako kay Skie nang hawakan niya ako sa isang kamay.
“Hindi kita iiwan,Pangako.” ngumiti ako at inilahad sa kaniya ang hinliliit ko.
“I'll trust you.” mas lumawak pa ang ngiti ko nang idikit niya rin ang daliri niya.
“Sandali,”
“Hmm? Fvck!” mura ko ng may dugo akong nakita sa dinadaanan namin. Napakarami rin ng tao.
Biglang lumabas si Skie at pumunta roon. Bumaba rin ako ng sasakyan.
“H-heaven...” nanlaki ang mga mata ko ng makita ko siyang inilalagay sa sasakyan ng ambulansya.
“Tangina! Heaven ano bang nangyari sayo! Hindi ka nagiingat.”
“Kuya... Si Hell” may konting dugo na lumalabas sa noo niya.
“Nasaan yung isa niya pang kasama?” tanong ni Skie sa isang nurse na nagaasikaso.
“Lalaki po ba?” tanong naman nito.
Konting sugat lang ang natamo ni Heaven pero grabe ang sinapit ng kotse niya.
Hindi ako makapaniwalang nangyari 'to. Ilang oras palang kami nagkakahiwalay.
“Janelle... Si Hell nasaan?” tanong niya. Kinalabit ko naman si Skie.
“Ayan na yung nurse. May kinonfirm lang.” sambit ni Skie.
“Sir lalaki po ba yung kasama ni Miss Shin?”
“Oo” sagot ni Skie. Tumango naman ako.
“Ah, may natagpuan po kasing Dead on the spot. Dinala na roon sa funeral.”
Dead on the spot?!