C h a p t e r (Thirty Eight)
Anong oras na pero hindi parin umuuwi si Jace. Shiz! Ano na bang nangyari don? At bakit ang tagal niya naman? Nakakakaba na ah!
Pinagmasdan ko nalang si Shami na mahimbing na natutulog. Buti nga at mukang nakatulog na eh. Kanina pa kasi ‘to tanong ng tanong kung nasan and Daddy Jace niya. Ano namang isasagot ko? Eh hindi ko naman alam. Wala naman akong nareceive na text galing sakanya o kaya tawag. Kainis!
“Daddy…” nakakunot noong sambit ni Shami. Mukang hanggang sa panaginip niya hinahanap niya parin si Jace.
Hinaplos haplos ko nalang ang buhok niya at tumingin ulit sa relo. 11:20 na! Dapat natutulog na ko nito, eh! Buti nalang at hindi ako participant sa intrams bukas kaya okay lang kung hindi ako magpakita doon. Pero yung lalaking ‘yun?! Haynako!
Bumibigay na ang mata ko nang marinig ang tunog ng sasakyan. Shiz! Siya na yun!
Dahan-dahan kong iniangat ang ulo ni Shami mula sa lap ko at ipinatong sa unan. Halos madulas naman ako nang tumakbo papunta sa pinto. Nasalubong ko siya at halatang pagod na pagod. Anyareh?
“Ba’t gising ka pa?” tanong niya pagkapasok sa pinto.
“Eh bakit ang tagal mo?” nagcross arms ako. “San ka ba galing?”
Hindi siya sumagot. Naglakad siya papuntang sofa at ibinagsak ang sarili. Akala ko nga masisira na yung sofa sa lakas ng pagkakabagsak niya eh! Hay. Sobra siguro siyang napagod.
Agad naman akong sumunod.
“Huy! San ka ba galing?” pangungulit ko habang tinatanggal yung sapatos niya. Ha! Hindi kita tatantanan!
“Diyan lang.”
“Psh. Diyan lang pero ang tagal mo?” tinaasan ko siya ng kilay kahit hindi niya naman nakikita.
“Matulog ka na.”
“Kainis ‘to! Ayaw sagutin yung tanong ko!” napasimangot ako. “Teka, kumain ka na ba?”
“Busog pa ko.”
Nakagat ko ang ibabang labi. Parang gusto kong maiyak sa inis! Bakit pakiramdam ko ang cold niya sakin?
“Bakit ang cold mo sakin?” diniretso ko na.
Mukang hindi niya inexpect ang tanong kong ‘yon kaya napadilat siya at diretsong tumitig sakin.
“Am I?” hinila niya ako para maupo sa tabi niya. He sighed. “I’m sorry…” hinawakan niya ang gilid ng ulo ko at isinandal sa balikat niya. “I’m just tired.”
“San ka ba kasi galing at pagod na pagod ka?” pero wala! Wala na naman akong nakuhang sagot! Tiningnan ko siya at nakitang tulog na pala.
Baka naman nagtutulug-tulugan lang ‘to?
“Huy,” sabay pitik ko sa makinis niyang pisngi. “Wag kang magtulug-tulugan diyan! Hindi mo pa sinasagot tanong ko kung san ka galing!”
Kruu kruu. No response.
Napabuntong hininga nalang ako. “Sige na, hindi na kita kukulitin. Kainis ka naman e.”
Tumayo na ako para maihiga siya ng maayos sa sofa. Umupo ulit ako dun para ipatong ang ulo niya sa hita ko. Yung antok ko kanina nawala na. Nakakaloko lang.
“Unfair. Bakit ba ang gwapo mo?” tanong ko habang pinapasadahan ng daliri ang matangos niyang ilong. “Tangos ng ilong oh. Daya!”
Napunta naman ang daliri ko sa mga mata niya. “Haba pa ng eyelashes. Unfair talaga!”
Tapos ay sa labi niyang medyo mapula-pula. “Ang pula ng labi oh. Naglipstick ka no?” natawa ako na parang baliw. Kailangan ko na atang madala sa mental.
“I love you.” Ahhh ang cheesy! Pero ganun ata talaga. Ninakawan ko siya ng halik sa labi. Hindi niya naman malalaman eh. Mehehehe.
***
“Geoff, feeling ko talaga may tinatago sakin si Jace.” Sumbong ko kay baklito habang nakaupo kami sa bleachers at nanonood ng practice game. Andito kami sa pinakasulok at hindi nakikisali sa mga nagwiwild na crowd. Partida practice game palang yan ha!
“Go Cordova! We love you!” sabay sabay na sigaw ng mga babae kaya napangiwi kaming pareho ni Geoff.
“Leche ang ingay!” umirap siya. As usual. “Ano nga ulit sinabi mo?” baling niya sakin. Ano ba yan! Uulitin ko na naman!
Napa-tsk ako. “Sabi ko, feeling ko may nililihim sakin si Jace.”
“Oh? Si Sir? Ba’t mo naman nasabi?”
“Eh kase, umuwi siya kagabi na gabing-gabi na. Tapos tinanong ko kung san galing, hindi sumagot.” Nagkibit-balikat ako.
“Hala ka Sha. Baka may iba na!” ngumisi siya ng nakakaloko kaya binatukan ko. “Sinong nabigay permiso sayo na batukan ako?!” if looks could kill… yikes!
“Sorry na! Ikaw kasi, kung anong mga lumalabas sa bibig mo e!”
“E malay mo nambababae na nga! Alam mo yun, natauhan na sayo!” humalakhak siya na ikinairita ko. Naku! Kung pwede lang ‘tong sambunutan e!
“Napaka mo!” sumimangot ako at nagcross arms.
“Ok lang yan. The truth hurts talaga.” Tinapik-tapik niya ako sa balikat. Hinawi ko naman agad iyon.
“Bwisit ka. Wag mo akong mahawak-hawakan diyan.”
“Hahaha! Sarap mong pikunin shet! Mwahahaha!”
“Demonyong-demonyo tawa ah?” umirap ako.
“So… ano nang balak mo?”
“Ewan ko. Basta kailangan kong malaman yung nililihim niya sakin.”
“Hindi kaya wala naman talaga at paranoid ka lang?”
“Hindi e. Alam kong meron. At kailangan kong malaman ‘yon.”
“Pano mo naman gagawin yun aber?”
“Hindi ko nga alam e.” Haaaaay!
Natahimik kaming dalawa. Dinig na dinig ko ang hiyawan ng crowd. Grabe naman ‘tong mga ‘to. Hindi pa naman mismong intrams ah!
Si Geoff ang unang nagsalita. “May naisip ako.”
Mabilis naman akong umusog palapit sakanya. “Ano yun? Ano yun?”
“Why don’t you try seducing him?” ngiting-ngiti niyang sabi na halos makita ko na ang gilagid niya.
“Ha?” napanganga nalang ako sa kalokohang narinig ko mula sakanya.
“Diba? Akitin mo siya hanggang sa bumigay at makuha mo yung sagot.” Kumindat pa siya matapos sabihin ‘yon.
“Shiz? Ano ba ‘yang suggestion mo? Pano ko naman siya aakitin, ha?” iniimagine ko palang, kinikilabutan na ako!
Malapit na kami sa isa’t-isa pero mas lalo siyang umusog palapit sakin.
“Maghubad ka sa harap niya.”
“TANGINA GEOFFERSON HA BAKA GUSTO MONG HINDI NA SIKATAN NG ARAW?!?!?!” tinulak ko siya. Kainis!!! Lecheng bakla! Bwiset!
“OA ah! Joke lang naman! Baka pag ginawa mo yun mandiri lang yun sayo no! Psh.” Inirapan niya na naman ako. Gusto ko pong dukutin yung mga mata niya ngayon.
“Hindi ko alam pano mang-akit.” Nasabi ko nalang.
“Weh? Eh pano nagkagusto sayo si Sir?”
“Aba ewan ko! Hindi ko naman siya inakit no!”
“Aha! Alam ko na! Ginayuma mo no?”
“Anong ginayuma ka diyan! Ewan ko sayo! Inggit ka lang e!”
“Inggit? Ako? Excuse me lang ha?”
“Ay oo nga pala, may Skye ka na.” ako naman ngayon ang ngumiti ng nakakaloko.
“Leche. Kung ako sayo, pinag-iisipan ko na yung Operation Seducing Sir ko!”
“Operation Seducing Sir?” ano na namang kalokohan yan?
“Oo!”
“Ewan ko sayo Geoff! Siguro kailangan mo na rin magpamental!”
***
Iniisip ko parin hanggang ngayon yung sinabi ni Geoff. Wow, talagang kinoconsider ko yung suggestion niya? Ganon na ba ako kadesperada makakuha ng impormasyon? At talagang Operation Seducing Sir pa ang tinawag niya ha! Kung anu-ano talaga naiisip non! Parang kailan lang sinabi niyang magmature naman ako kaya ibinuwis ko naman ang muka ko para maging coloring book ni Carmel at alam niyo naman sigurong hindi nagustuhan ‘yon ni Jace diba!
Ngayon naman iseseduce? Shiz pano ko naman gagawin ‘yon eh wala naman akong kamuang-muang sa mga ganyan bagay! Inosente kaya ako. Ha-ha-ha.
Bago ko pa mapigilan ang sarili ko ay nadial ko na pala ang number ni Carmel. Sinagot niya iyon sa ikatlong ring.
[Hi Shara! Napatawag ka?!]
“Uh…” nakagat ko ang ibabang labi. “Mel, pano mang-akit ng lalaki?”
T^T
Rinig na rinig ko ang paghalakhak niya sa kabilang linya. Shiz! Nakakahiyaaaa! Ano ba naman kasing tanong ‘yun Shara?!!!
[HAHAHAHAHA OHMYGOSH! I can’t believe my ears! Hahaha teka tama ba talaga ang naring ko?!]
“Erm, oo…”
[WHAAAT?!] tumawa ulit siya. [O sige, sige! Pupunta na ko diyan!]
“Teka–”
“Byeee!” at naputol na ang kabilang linya. Shiz. Tama ba talaga yung ginawa kong desisyon na kontakin si Mel? Ugh hindi ko na alam!!!
***Kalerks! 1 year na ito sa Wattpad di parin tapos! Hahahaha I'm so sorry napakabagal ko. Teka, sinong nagbabasa ng Montello High?! Nakakaadik diba?! Ohemgeeh <33
Teka, magparamdam naman kayo! HAHA.