❤️பகுதி - 114❤️
ரிச்சர்ட் தன் கரங்களில் தாமரையை ஏந்தியவனாக , " சரண்..", என்று அலற..
மறுநொடி , " என்னாச்சு..", என்று அடித்துப் பிடித்து.. தொய்ந்து தலை தொங்கியவளாய் கரங்களுக்குள் சுமந்து வந்தவனிடம் புயலாய் பாய்ந்து இருந்தான் .
" சீக்கிரமா.. வண்டிய எடுங்க..", என்று ரிச்சர்ட்டின் அவசரமும் , நிலைக் குத்திய பார்வையுடன் இருந்த சரணை தீண்டயதாக தெரியவில்லை .
அவள் அணிந்து இருந்த ஆடையை நனைத்த உதிரத்திற்கு போதவில்லை போலும் , அவள் பாதங்களையும் நனைத்து இருக்க.. சரணின் ஜீவன் அவன் வசம் இல்லை . வெறித்த நிலையிலேயே , நின்று இருந்தவனிடம் வெளிப்படையாக தென்பட்ட பதற்றமும் நடுக்கமும்..
"பாப்பா..", என்ற கதறலுடன் அவளை தாங்க நினைத்து ரிச்சர்ட்டுடன் போராடியவனை , கன்னத்தில் ஒரு அறை அறைந்தே நிதானத்திற்கு அழைத்து வந்து இருந்தா ஆரவ்.. சூழ்நிலையை கையில் எடுத்துக் கொண்டான் .
இரத்த வெள்ளத்தில் , இமை திறவாது கிடந்த தாமரையை பார்க்கவே முடியாதவனாய் , " பாப்பா.. என்னாச்சு டீ.. கண்ணை முழுச்சு பாரு டீ.. ஸாரி ம்மா.. நீ இல்லேனா உன் மித்ரன் செத்துருவேன் டீ.. ", என்று ஏதே ஏதோ அரற்றியவனாக.. புலம்பிக் கொண்டே வர.. அவர்களோடு , உடன் வந்து இருந்த தாரா மற்றும் மான்சிக்குமே.. சரணின் தவிப்பு நில்லாமல் விழி நீரை சுரக்கச் செய்ததாய் .
குழந்தையைப் பற்றிய அக்கறையே அவனுக்கு இருந்ததாகவே தெரியவில்லை . மருத்துவமனை வளாகத்திற்குள் , வாகனம் நுழைந்ததோ இல்லையோ.. தன் தோளில் தன்னவளை அள்ளிக் கொண்டு புயல் வேகத்தில் உள்ளே ஓடத் துவங்கிவிட்டான் .
ஆரவ் தொலைபேசியில் மருத்துவமனையில் மருத்துவரிடம் தகவலை தெரிவித்து இருக்கவே , முன் ஏற்பாடாய் வாயில் நின்று இருந்த ஸ்ரெக்சர் மற்றும் மருத்துவர் குழு எதையும் சரண் கவனிக்க மறந்தவனாய் மனைவியுடன் சூறாவளி போல் நுழைந்து இருக்க.. அவன் பின்னோடு அவர்கள் ஓடி வர வேண்டியதாய் இருந்தது .
அவசரச் சிகிச்சை பிரிவிற்குள் நுழைந்ததும்.. மருத்துவரை தேடி அதீத பதற்றத்தில் துடித்த சரணிடம் ,
" ஸார்.. ப்ளீஸ் காம் டவுன்.. கொஞ்சம் நகருங்க..", என்று அங்கு பணி புரியும் பெண் மருத்துவர் தாமரையின் நிலையை சோதித்தவாறே ,
" என்னாச்சு..", என்று விசாரிக்க , சரணின் பார்வை மிக அவசரமாய் ரிச்சர்ட்டை தேடிட , அவனின் பரிதவிப்பான பார்வையின் சுழற்சியை கண்டவர் , எழும் பரிதாபத்தையும் மறைத்துக் கொண்டே திரும்பி பார்க்க .. மற்றொரு , ஆடவன் நின்று இருந்தான் .
" மேம் பேசீட்டே இருந்தவங்க திடீர்னு மயங்கீட்டாங்க . அப்புறம் , இப்படி ஆயிடுச்சு..", என்றான்
"மயங்கினதுல கீழே விழுந்துட்டாங்களா.. ", என்று அவனோடு உரையாடியவராக இருந்தாலும் , அவளை பரிதோசித்தவராகவே வினவ ,
" இல்லை.. டாக்டர்.. பேசீட்டே இருக்கும் போது வயிறை பிடிச்சு சுருண்டு தரைல படுத்துட்டாங்க.. அப்போ , இப்படி ஆச்சு..", என்று அவளது ஆடையை சுட்டிக் காண்பித்து கூறினான் .
ஆனால் , அக்கேள்வியோ சரணை மாபெரும் சுழலுக்குள் சுழற்றி அடித்தது . அறியாமலேயே என்னும் போதும் , அவன் தோட்டத்தில் பிடித்துத் தள்ளியதே படமாக விரிய , ஆடவனின் அதரங்கள் வறண்டு.. இதயம் நொறுங்கி விடவே , அதன் பிறகு அவரின் எந்த கேள்விகளும் அவனை சென்று அடையாமல் போனதாய் ,
" எத்தனையாவது மாசம்..", என்று அவரின் விசாரணைக்கு
" அஞ்சு..", என்று தயக்கமாகவே ரிச்சர்டே பதில் அளித்து இருந்தான் .
" ஓகே , ஸிஸ்டர் எழுதி தரதை வாங்கீட்டு வாங்க.. வெளில வெயிட் பண்ணுங்க..", என்றவர் அருகில் இருந்த செவிலியர் இடம் விவரங்களை தெரிவித்து மற்றொரு பெண்ணிடம் ஸ்கேனுக்கான ஏற்பாடுகளையும் , சில இரத்த பரிசோதனைகள் பற்றியும் கூறி அவளது வயிற்றில் குழந்தையின் ஆரோக்கியத்தின் நிலையை அறியும் முயற்சியில் ஈடுபட்டு இருந்தார் .
வெளியே காத்து இருந்தவர்களின் முகங்கள் பெரும் கவலையை பிரதிபலித்தவாறு இருந்தது.. சரணின் உயிரோ , அவன் வசத்தில் இல்லாதது போல் துடிதுடித்துக் கொண்டு இருக்க. அவசர சிகிச்சை பிரிவின் கதவையே வெறித்தவனாய் நின்று இருந்தான் .
கிட்டத்தட்ட நாற்பது நிமிடங்களுக்கு மேல் கடந்தே , மருத்துவர் வெளி வந்து இருந்தார்.. " டாக்டர் , அவங்க எப்படி இருக்காங்க.. நல்லா இருக்காங்களா.. முழிச்சிட்டாங்களா..", என்று கரம் பற்றி விழிகள் மலர்ந்துவிட்டாள் என்று கூறிவிடேன் என்பது போல் எதிர்பார்ப்புடன் ஏக்கம் போட்டிப் போட்டவனாக கரம் பற்றி கெஞ்சுபவனிடம் , அவளுக்கு இன்னும் மயக்கம் தெளிவில்லை என்று சொல்லவதற்கே அவர் அவ்வளவு சங்கடப்பட்டு போனார் .
" டாக்டர்.. குழந்தை..", என்று மயூரி பதற்றமாக கேட்ட மறுநொடி ,
" மாம்.. ", என்று அலறலாய் கண்டிப்புடன் அழைத்தவன் , " என் பாப்பா என்னோட இருந்தாலே போதும் . அவ ஹெல்தியா எழுந்துட்டான்னா.. ஒன்னு இல்ல பத்து குழந்தை வேணும்னாலும் உங்களுக்கு பெத்துக் கொடுப்பா.. நீங்க கேட்குற குழந்தைக்கும் அவ வேணும் மாம்.. ப்ளீஸ் மாம்..", என்று குரலில் அத்தனை அழுத்தத்தை கொடுத்து இறுகியவனாகவே கூறிய போதும் ,கை எடுத்து கும்பிட்டவனாக , கண்களில் கண்ணீர் வழிவதையும் உணராதவனாய் பேசியவன். அதே வேகத்துடன் மருத்துவரிடம் ,
" ப்ளீஸ் டாக்டர்.. ஹௌவ் ஷீ இஸ்..", என்று இதயத்தையே கையில் சுமந்து நின்று இருப்பவன் போன்று முகம் ஏந்தியவனாய் , அவரை வியப்பில் ஆழ்த்தி இருந்தான் .
அங்கு இருக்கும் அனைவருக்குமே , குழந்தையை பற்றிய சிந்தனையே மேலோங்கி இருக்க , ஏன் அப்பெண் மருத்துவருமே , சிசுவின் ஆரோக்கியத்தை பற்றி அறிந்துக் கொள்ளவே முதன்மை அளித்து இருந்தார் . அதற்கு , தாமரையின் ஆரோக்கியமான உடல்நிலையும் காரணமாக இருக்கலாம் .
சரணின் குடும்பத்தில் இருப்பவர்களுக்கோ தாமரையிடம் இருக்கும் மிகுந்த பாசம் மற்றும் அவள் ஆரோக்கியத்தின் மீது அக்கறையை வெளிப்படுத்தினாலும் , பல வருடங்களுக்கு பிறகு , ஏன் போராட்டகளுக்கும் ஏக்கங்களுக்கும் பிறகே கிடைத்த அக்குடும்ப வாரிசின் மீது ஏற்பட்டு இருந்த ஈர்ப்பும் , நெருக்கமும்.. ஜனித்து வெளி வராத ஜீவனின் நிலையை அறிய நினைத்தவராக கேட்டதற்கே மகனின் பேச்சு , மயூரின் நெஞ்சில் பாரம் அதிகரிக்கச் செய்து இருந்தது .
தன் நீண்ட நாள் கனவையும் ஏக்கத்தையுமே மறக்கும் அளவிற்கு இவ்வளவு நேசத்தை சுமந்து இருப்பவன் , அவளிடமும் வெளிப்படுத்தாமல் எதையோ நினைத்து குமைவதை தாள முடியதவராய் ராம் மார்பில் புதைந்து கொண்டு குலுங்கியவருக்கு மகனுக்கு மகிழ்ச்சியான நாட்கள் மீளாமலே போய்விடுமோ என்ற எண்ணமே மேலோங்கி கதற செய்து இருந்ததாய் .
டாக்டர் லஷ்மி , " தாமரைக்கு ப்ரஷர் ரொம்பவே ஜாஸ்தியா இருக்கு.. அவங்க கண் இன்னும் விழிக்களை ஆனா , பயப்பட எதுவும் இல்லை . குழந்தைக்கு துடிப்பு நார்மலா தெரியுது . பட் அப்படியே விட முடியாது ஸோ , எல்லா டெஸ்ட்ஸ் எடுத்து இருக்கோம் மயூரி . பார்க்கலாம் .. ப்ளீடிங் ஸ்டாப் பண்ணவும் மருந்து கொடுத்து இருக்கு . பார்க்கலாம் . எவ்ரி திங்ஸ் வில் பீ ஃபைன்..", என்று மென்மையாக கூறியவராய் நகர்ந்து இருந்தார் .
சாவித்திரியின் மூலமாகவே ராம் இல்லத்திற்கு விஷயம் தெரிந்து இருக்க.. அனைவரும் , மருத்துவமனைக்கே நேரடியாக வந்துவிட்டர்கள் . மருத்துவர் நகர்ந்து இருந்தாரோ இல்லை மயூரி , இடம் பொருள் பாராமல் முதல்முறையாக சரணிடம் பாய்ந்து இருந்தார் .
" இந்த அக்கறை அந்த பொண்ணு உன் கூட இருக்கும் போது இருந்து இருக்கணும் . உன் பேச்சுக்கும் , செயலுக்கும் கொஞ்சமாவது சம்மந்தம் இருக்கா.. வைஃப் வேணும்னு நினைக்கிறவன் யாரும் கூட இருக்கும் போது அடிச்சு துரத்த மாட்டாங்க . உனக்காக.. உன் சந்தோஷத்துக்காக அப்பாவி பொண்ணோட வாழ்க்கைய பலி ஆகிட்டோம் . எங்க சுயநலத்துக்காக அவளை.. அவளை இப்படி படுக்க வச்சுட்டோம் . ' நீங்க அவங்களுக்கு நல்லது செய்ய நினைக்குறீய ஆனா , அவருக்கு இஷ்டம் இல்லை . என்னைய பொண்டாட்டியா நடிக்க கூப்பிடுறாக .என் மித்ரன் ஸாரால என் தம்பி தங்கச்சிக்கு எந்த ஆபத்தும் வராதுன்னு எனக்கு நல்லாவே தெரியும் . அவருக்கு உதவ வந்தாலும் உங்க எல்லோரையும் ஏமாத்த எனக்கு மனசு வரலைன்னு சொன்ன பொண்ணாடா உன்னை ஏமாத்தி இருப்பா . உன்னை நம்பி எங்களை நம்பி வந்த பொண்ணை இப்படி இப்படி சாச்சுட்டோமே.. ", என்று கதறி இருந்தார் .
" அண்ணி ", என்று அழைத்து அடக்கிய சாவித்திரியின் குரலும் அவரை தேக்கவில்லை . 'குழந்தையையே மறக்கும் அளவிற்கு அவள் மீது அன்பை வைத்து இருப்பவன் . சிறிது அளவு பொறுமையை கடைப்பிடித்து இருந்தால் என்ன என்ற எண்ணமே அவரிடம் ஆட்டுவித்து இருந்தது..
தாயின் ஒவ்வொரு வார்த்தைகளும் சரணின் ஆழம் வரை நுழைந்து இடி என இறங்க செய்து இருக்க . ராம் பிடிவாதமாக திருமணம் நடத்தியதற்கான முடிச்சு இன்று தாயின் பேச்சால் அவிழ்ந்து இருந்தது என்றால் , தன் மீது அவள் வைத்து இருந்த நம்பிக்கை.. அடிக்கடி அவன் அதரங்களில் இருந்து வெளிவரும் சொல்லான நம்பிக்கையில் , அதிர்ச்சியில் உறைந்தவனாய் , தாடை இறுக்க நின்று இருந்தான் .
" போதும் டா சாமி.. போதும்.. ஏற்கனவே , என்னாச்சு ஏதாச்சுன்னு உன்னை கேட்காம நாங்க தண்டிச்சதுக்கு , இப்போ நல்லவே எங்களை வாய் அடைக்கவச்சது போதும் . நீ நல்லா இருக்கணும் ஆசைப்பட்ட பாவத்துக்கு , நான் எப்படி அவர கல்யாணம் பண்ணிக்க முடியும்னு வந்து நின்ன பிள்ளைய பலி கொடுக்க , நீ தீர்த்துக்கிட்ட வரை போதும். எம் பையன் எப்பவும் எங்க பையனா மட்டுந்தான் இருப்பான்னு.. அவனால எப்பவும் மாற முடியாதுன்னு நாங்க முட்டாள்த்தனமா நினைச்சதும் போதும் . நீ மாறலை.. மாறவே இல்லை . இவ்வளவு சீக்கிரம் மிருகமா மாறின நீ.. அவ்வளவு ஈசியா உன்னால மனுஷனா மாற முடியல.. உன்னால மாற முடியாது . மாறவும் வேண்டாம் . பூ மாதிரி இருந்த பொண்ணு எப்படி கிடக்கிறா பாருங்க.. இதில , அவ மட்டும் போதுமாம் .. எதுக்கு , எதுக்காக அவளை ஒரேடிய சாய்க்கவா..", என்று அவனும் தவித்து அவளையும் தவிக்க வைத்துக் கொண்டு இருக்கிறானே என்ற ஆதங்கமுமே மகனின் கசங்கிய தோற்றத்தை கண்டு மயூரியை அதிகமாய் கோபங் கொள்ளச் செய்து இருந்தது .
மயூரியின் வார்த்தைகள் ஒவ்வொன்று அவன் நெஞ்சை குத்திக் கிழிக்க.. கடைசியாக , அவர் கேட்ட ,' அவளை ஒரேடிய சாய்க்கவா..', என்றதில் புழுவாய் துடித்த போதிலும் இறுகிய முகத்துடன் நின்று இருந்தான் .
மயூரியின் பேச்சு அதிகமாக தாக்கவே , அவசரமாய் அவனை நெருங்கிய தாரா " சரண்..", என்று அவன் கரம் பற்ற , பட்டென்று விலகியதோடு அல்லாமல் வேகமாக அவ்விடத்தில் இருந்தும் வெளியேறி இருந்தான் .
" பாரு.. நல்லா பாரு.. இது தான் அவன் . இப்படி தான் அவன் . என் பையன் இப்படியா இருந்தான் ..", என்று மொத்த சீற்றமும் இப்பொழுது மான்சியின் மீது திரும்பி இருக்க.. ராம் ப்ரசாத்தின் கண்டிப்பில் தன்னை அடக்கிக் கொண்டார் .
மயூரியின் வார்த்தைகள் சரணின் மனதை குத்திக் கிழிக்க.. அங்கு நிற்கவே தகுதி இருப்பதாக தோன்றாததாலேயே நகர்ந்து இருந்தவனின் பின்னோடு ஓடிச் சென்ற ரிச்சர்ட் , " குட்டி முழிக்கும் போது நீங்க இல்லேனா தாங்கிக்க மாட்டா..", என்று சொல்லவே , அரைவிநாடி , அமைதியாக இருந்தவன்..' நீ போ..', என்பது போல் கைக்காட்டி , பத்து நிமிடங்கள் கடந்தே மீண்டும் அங்கு வந்து சேர்ந்தான் . அவன் வரவும் , தாமரை கண் விழித்து விட்டதாகவும் கூறினார்கள் .
முதல் ஆளாய் அவளை உள்ளே சென்று பார்த்தவனால் , தாங்கிக் கொள்ள முடியாது , தாமரையின் முகத்தை கையில் ஏந்த.. அவளோ , அயர்ந்த நிலையிலும் வெறுமையாக பார்த்து மேலும் கூறுப் போட்டாள் . அழுத்தமான , முத்தம் ஒன்றை அவள் நெற்றியில் பதித்தவன் , கலங்கிய கண்களையும் அவளுக்கு காட்டாது சீர் செய்தவனாக அவளை ஏறிட.. மௌனமாய் , அலைப்புரிந்தவளின் நிலையை காண சகிக்காதவனாய் ,
" அவ்வளவு சீக்கிரம் நம்ம லவ் கிஃப்ட் நம்மள விட்டுப் போகுமா.. ", என்று அவளது வயிற்றில் கரம் பதித்தவனாக , நெற்றியுடனே நெற்றி பதித்தவனாய் சொல்லவே ஆசுவாசமாக உணர்ந்தவளை கண்கள் பனிக்க கனிவாய் ஏறிட்டவன்.. மீண்டும் , ஒரு முத்தம் பதித்தே விலகிக் கொள்ள.. குடும்பத்தில் இருந்த அனைவரும் அவளை கண்டு சென்றார்கள் .
மறுநாள் , காலையே அறைக்கு மாற்றிவிட.. மேலும் , இரு தினங்கள் மருத்துவமனையில் தங்க நேரிட்டு இருந்தது . அதன்பின் சரணிடம் கோபமாக மயூரி பேசாத போதும் , சரண் ஒருவித அழுத்தத்துடனே இருக்க , தாமரையோ மௌனத்தை கடைப்பிடித்தவளாய் இருந்தாள் . அவன் இல்லை என்றால் பரிதவிப்பாய் அலைபுரிதலான விழிகளோடு இருப்பதும் , அவன் அருகாமையில் மௌனமாய் அவனை கொல்வதுமாய் வதைத்துக் கொண்டு இருந்தாள் .
எவ்வளவு சினம் அவன் மீது இருந்த போதிலும் , தாமரையின் மனம் அவன் அருகாமை விரும்புவதை உணர்ந்ததாலேயே சரண் மித்ரனும் அமைதியாகவே மனைவியின் தண்டனையை ஏற்று இருந்தான் என்று கூறலாம் .
மேலும் , இரு தினங்களில் அவள் உடல் முன்னேற்றத்தால் , முழுமையான உடல் ஓய்வு எடுக்கவும் அறிவுறுத்தி வீட்டிற்கு செல்லலாம் என்று மருத்துவர் கூறி விட , ரிச்சர்ட் சாந்தி இல்லத்திற்கு அழைக்க , மறுப்பு தெரிவித்த மயூரியிடம் , ' அது அவ அம்மா வீடு மேம்..', என்று பதில் அளித்து பெரியவர்களிடம் அனுமதியும் பெற்று பிடிவாதமாக அழைத்தும் சென்றுவிட்டான் . சரணின் மறுப்பை எதிர்ப்பார்த்து இருந்த அனைவருக்கும் தன் இறுகிய அமைதியால் எதுவும் சொல்லாமல் மௌனமாக இருக்க.. அவன் மனதில் இருப்பதை அறிய முடியாது திண்டாடிப் போயினர் .
ஹாய் ஃப்ரெண்ட்ஸ் ,
டூஊஊஊஊ லேட் யூடி , மொபைல் இல்லை . ஸோ , பேக் அப் எடுக்க முடியாததால போஸ்ட் பண்ண முடியாம போச்சு . இன்னைக்கு சின்ன யூடிதான் பட் எனக்காக அட்ஜெஸ் பண்ணிக்கங்க . முடிந்த வரை நாளை மறுநாள் போஸ்ட் போட முயற்சிக்கிறேன் . உங்க எல்லோருடைய பொறுமையையும் அதிகமாவே சோதிக்கிறேன்னு தெரியுது . ஆனாலும் , தவிர்க்க முடியவில்லை நட்புகளே.. 😁😁😁
இப்படிக்கு
கனி தேவ் 💕💕