نوره عدلت جلستها : ابد بتربع عندك ما اطلع من عندك واشوفه ، ابتسمت ام بدر ورفعت الريموت : وش تبين نشوف ، نوره ما سمعتها شارده ، ام بدر لفت للتلفزيون وشغلته على مسلسل مصري وجلست تتابع ، نوره شردت بتفكيرها الي استحواه بدر : من حقه يلمسني ، قامت بجديه وهي تفتح الباب ، انتبهت ام بدر لها : وين رايحه؟ ، نوره بدون وعي : لبدر ، ام بدر بأبتسامه جانبيه : وقعتي في الكمين ، نوره : لا بس هو اخذ جوالي يوم رغد كلمتني ورايحه اجيبه ، هزت ام بدر بطيب وطلعت نوره واخذت معها طرحه ام بدر تحسبا اذا قابلت عزام ، توجهت للغرفه واستغربت من شافت الباب شبه مفتوح ، تقدمت تدخل بس وقفها حوار بدر وعزام : شفيه الحلو زعلان ، سحب بدر يده وحطها تحت راسه : ماني زعلان ، عزام جلس على حافه السرير ويلعب بشعر بدر : نوره صح ، بدر هز بأي : ياخي احبها ، ابتسمت نوره من ورا الباب وهي تسجل كل شي ، عزام : طيب زوجتك وش تبي بعد ، بدر قام : حقوقي ، ضحك بدر بصوت عالي جعل نوره تنحرج وتركض للمطبخ ، لو راحت لغرفه ام بدر بتشك بالموضوع فما لقت الا انها تروح للمطبخ ، جلست فاتحه الثلاجه لثواني : صح هاذا من حقه وبعد من حقوقه....ليه امنعه ، تجمدت من حست ببدر يضم رقبتها من ورا : ليه تمنعيني صدق ، فزت نوره وسكرت الثلاجه بقوه : يمههه ، حط يده على فمها : ششش امي لا تسمعنا ، ابعدت نوره يد بدر وركضت خارج المطبخ لغرفتها : ياويحييي ، لحقها بدر وقفل الباب : من اليوم اراكض وراك ما تتعبين ، نوره فكرت لثواني وركضت للسرير وهي تغطي نفسها : عليك لعنه الله ، تقدم بدر لها وهو يضحك : يووههه الخوافه ، سكت من سحبت نوره البطانيه لها اكثر : اعترفي رغد موسوسه براسك صح ، همهمت نوره له بمعنى لا ، بدر انسدح جنبها وابعد شوي عشان ما تتضايق : اجل ليه خايفه ، نوره سحبت الغطاء من وجهها وبلعت ريقها بخوف : يقولون الولاده تخوف ، ضحك بدر بصوت عالي : شدخل الولاده الحين ، نوره هدت لثواني ورفعت عنها البطانيه كامله : كيف وش دخلها ، بدر : طفشت من وضع انك بغرفه وانا بغرفه ابيك تجلسين معي هنا محسستني باكلك ، نوره لفت عليه : وحقوقك ، ابتسم بدر بخبث وسحب نوره : باخذها الحين ،
عند رغد خلصت محاضرتها وجلست بمحلها صاده للنافذه المطله للخارج شارده التفكير ، ضحكت بخفه من شافت حصه في الجه الثانيه من النافذه تلوح لها ، رفعت نظرها لحصه الي حطت شاهي عند حافه النافذه : الشاهي لك اخذيه والحقينا ، مشت حصه ورغد مبتسمه بخفه ، نطت رغد من النافذه ولحقتهم ، ضحكت نوال : مجنونه في احد يقفز من الدريشه ، رغد جلست تحت ظل الشجره وتشرب الشاهي : ما ابي امتر الجامعه كامله عشان اوصل لكم انط احسن لي
'
رغد جلست تحت ظل الشجره وتشرب الشاهي : ما ابي امتر الجامعه كامله عشان اوصل لكم انط احسن لي ، ضحكو البنات وكملو يسولفون ، تقدمت دكتوره لرغد : السلام عليكم انتي رغد حسين؟ ، قامت رغد : اي انا رغد ، الدكتوره : عندك اخو اسمه فهد؟ اذا اي ترا هو برا يبيك ، استغربت رغد ومشت مع الدكتوره لفهد ، وصلت لفهد المستند على باب سيارته ويطالع في البوابه بشرود ، شكرت رغد الدكتوره وتقدمت له تلوح قدام وجهه : هي هي هي ، فز فهد واشر لها تركب السياره ، ركبت رغد جنبه وتربعت تنتظره يتكلم : يلا شعندك اكيد وراك مصيبه ، مشى فهد ووقف قريب من الجامعه بس مافيه اشخاص كثير : اسمعي يوم كانت نوره هنا كل علومي عندها بس الحين هي متزوجه وما ابي اعيقها وهي في بدايه زواجها ، حك جبينه بتوتر يفكر كيف يفتح الموضوع : في وحده جت لي واعترفت بحبها لي ، شهقت رغد بفرح بس سكتت من تذكرت امواج : من هي ، فهد شد على يده ورفعها يحك جبينه : اءءسحاب بنت عمتي خديجه ( ام امير ) ، فتحت رغد عيونها بصدمه : ايش؟؟؟ سحاب ما غيرها؟؟! ، هز فهد بأي وغطت رغد عيونها : كمل كمل بدري على الصدمات ، فهد بتوتر رفع نظره لرغد : وءءانا.....انا احب وحده ثانيه ، طالعت رغد فيه بصدمه وضربت جبينها : ياراسييي ، تنهدت بتعب وهي تطلع من السياره وتمشي للجامعه : في البيت نتفاهم الحين بتجيني جلطه اذا كملت ، ما خفى عليه ابتسامتها قبل تنزل : يارب اجعلها من نصيبي ، دخلت رغد الجامعه بحكم انهم ما ابعدو عنها ، جلست مع البنات تفكر بفهد : يارب انها مو امواج اذا كانت هي فمافي نصيب بينهم ، سمعوها البنات وتجمعو عليها : ايش السالفه ومن امواج؟ ، حكت رغد لهم السالفه بس ما قالت كلام فهد : بس ، حصه : طيب كيف مافي نصيب بينهم ومن هو اصلا الي يبيها ، صرخت رغد بعصبيه من كثره اسألتهم والضغط فوق راسها : خلاص البنت متزوجه كيف تاخذه؟؟ ، رفعت رغد جوالها تدق على امواج ، ثواني وردت امواج : هلا رغد ، رغد بهدوء : اسمعي انتي للجين على ذمه جاهر صح؟ ، امواج عقدت حواجبها : اي على ذمته ليه؟ ، رغد بدون وعي : ما تبينه؟ ، زفرت امواج بضيق : اي ما ابيه ، رغد : في البيت بكلمك طيب؟ ، امواج : ان شاء الله ، انسدحت رغد ثواني وقامت بعد ما بدت محاضرتها الثانيه
خلصت رغد المحاضره ورجعت للبيت احر من الجمر وجلست بغرفتها تنتظر فهد يجي ، دخل فهد وجلس جنبها : لا اله الا الله اخلص من تحبها ، فهد طالع فيها لثواني ونزل نظره : امواج ، توقعت رغد اسمها وتوجهت تطلع : لا تحاول متزوجه هي ، فتح فهد عيونه بصدمه كأن سكب عليه ماء بارد ، يده بدت ترجف بشكل ملحوظ ويطالع برغد يقول تمزحين ،
'
يده بدت ترجف بشكل ملحوظ ويطالع برغد يقول تمزحين ، كلامها اكبر من استيعابها هز راسه يمين ويسار اكثر من مره ولف بسرعه للباب الي قفلته رغد ، فتح الباب وركض لرغد وينادي بأسمها : رغدد ، تجاهلته رغد ، وراحت لشقه امواج وتطرقه اكثر من مره الى ان فتحت امواج بأبتسامه مصطنعه عارفه الموضوع الي بتتكلم رغد فيه الي هو " جاهر " : لا تسوين شي بس بكلمك واطلع ، هزت امواج بطيب وجلست رغد على الكنب شاده على يدها بقوه : اسمعي انا ملاحظه علاقتك مع فهد ومامنعت علاقتكم بس ، شردت لثواني وكملت : بنت عمتي تحب فهد وفهد ما يكن لها اي مشاعر...بأختصار انتي الي استحليتي قلبه ، ابتسمت امواج بخفه واخفت ابتسامتها قبل رغد تشوفها ، رغد رفعت نظرها لأمواج ، نظراتها كأنها تترجاها ما ترفض طلبها : بس انتي متزوجه فمافي نصيب ، قامت رغد وطلعت ، توجهت لغرفتها وقابلت فهد بطريقها ، جلست تطالع فيه ماسكه دموعها تشوف صدمه فهد وكيف يترجاها تكذّب الي قالته وان امواج مو متزوجه ، صرخت بكل ما عندها ودمعها ينزل على " وجنتها " : خلاص مافي نصيب مافي نصيب لا توجع قلبي يا فهد!! ، تقدمت له وهي تضرب صدره بحرقه ، ما ودها تشوف فهد ينخذل للمره الثانيه ما تبي حبه الثاني يروح مع مهب الريح نفس حبه الاول ، فهد تصنم مكانه سامح لدموعه تاخذ مجراها ، دخل معها الغرفه وقفل الباب ، ابعد رغد عنه شوي واشر لقلبه : يا رغد والله قاعد يحترق والله العظيم يحترق ويوجعني مثل اخر مره احترق " يوم طلقتها " ، نطق اخر كلمه بعصوبه وهو يشاهق ، رغد جلست على السرير وما ارخت نظرها عنه : روان؟ ، صرخ فهد بغضب : لا تنطقين اسمها!!! ، كمل فهد بتعب : طلقتها وخلاص مافي شي يربطني فيها ، رغد عقدت حواجبها بسخريه : كذاب ، كملت تاخذ نفس : صح طلقتها بس ماراحت من بالك الين طلعت امواج ، تجاهلها وشد على يده : لا تنطقين اسمها ، رغد : روان روان روان روان روان ، بانت عروق يد فهد من قوه شده لها ونطق بتعب : رغد تبين تعذبيني ولا وش؟ امواج وقلتي متزوجه من بقى لي؟...تبين اخذ سحاب؟ ، هزت رغد بلا وطالعت بعيونه الخاليه من المشاعر ودموعه الجافه : اذا تبي امواج بحاول بكل ما عندي اجمعكم واذا تبي روا ، قاطعها فهد وهو يستلقي على سريرها : لا تجيبين طاريها ما ابيها هي كانت شي من الماضي وتخطيته ، رغد مسحت على رأسه بهدوء : كذاب للحين عندك مشاعر لها ، اغلق عينه واستسلم لها : من يوم ضربت نوره وكذبت علي بحملها وانا كارهها وقلبي مسح كل مشاعري لها انمسح كل شي يربطني فيها ،
فلاش باك
صحى فهد بأبتسامه على صوت من حبها : يلا فهودي قم يلا ، ترا تعبت وانا اصحيك ، ضمها فهد له واغلق عينه بهدوء