وهي تلعب بشعر رغد : امسحيها بوجهي وسامحيها حتى لو مو راضيه عنها ، رغد ابتسمت بهدوء وقامت تطلع : ان شاء الله ، ارخت نظرها للكاسه الي بيدها : تسلم يدك ، ابتسمت امواج ورفعت راسها على طلعه رغد ،
بعد اسبوعين انتشر خبر ان هادي حي وبدو البنات يداومون في الجامعه وليان تحاول تصالح رغد بطريقه غير مباشره ، ومشاعل رغم هدوءها في ذيك الايام الا ان علاقتها برغد صارت بارده وما يتكلمون الا نادرا والكلام مختصر من جهه رغد
قامت رغد الصباح واخذت شاور
بعد ما طلعت لبست تنوره كحلي وبلوزه بيضاء وفوقهم جاكيت خفيف كحلي ، سوت شعرها ذيل حصان وطلعت خصلتين ولبست عبايتها ، نزلت تحت وجلست تفطر مع مسلط وفهد : اففف اشتقت لنوره ، مسلط : امداك تشتاقين توها امس جايه ، رغد تجاهلته ونطقت : فهد ابيك تجيب لي سواق ، فهد بهدوء : طيب ، كمل ياكل بنفس الهدوء تحت استغراب مسلط ورغد هدوءه : علامك؟ ، رغد : صدق شفيك؟ ، ترك فهد الملعقه وقام : لا تتأخرون عن مدراسكم ، شكت رغد بالوضع بس ما علقت ، قامت بعد ما رن جوالها بأسم حصه : هلا حصيص ، حصه : يلا استعجلي حنا برا ، عدلت رغد حجابها وطلعت لهم : صباح الخير ، ساره : انتي الي يشوف وجهك ما يشوف خير ، رغد بأبتسامه : طالعه عليك حياتي ، جلست رغد بعيده عن مشاعل
حصه تسوق وجمبها الهنوف و مشاعل ورا الهنوف ورغد ورا حصه وساره متوسطتهم اما نوال وميرال واخر شي ورا ، رغد لحصه : يلا مشينا ، حصه : لحظه ليان ، حصه لاحظه برود رغد من نطقت اسم ليان وتنهدت بقله حيله : رغد خلاص سامحيها وسامحي مشاعل صح ليان غلطت عليك بس تراها غلطه وقالتها بلحظه غضب ، كانت رغد بترد بس سكتت من ركبت ليان : روحي ورا ، وقفت ليان لثواني وراحت لورا مع نوال وميرال ، حصه : لمتى ذا البرود يا قمرا؟ ، ماردت رغد واكتفت تطالع مع الدريشه ، مشاعل : مسويه البارده الي ما تهتم لشي وهي تموت شوق اذا شافت ليان ، لفت رغد عليها بحده : اتمنى تسدين حلقك لأن مالي خلق اسمع نباحك ، صدت مشاعل بقهر ، السياره كانت صمت وبحكم ان الجامعه بعيده اضطرت حصه تسولف لعلها تكسر الصمت الي بينهم : وش تبون اغني؟ ، ميرال : خلي رغد الي تغني ، رغد سكتت لثواني وابتسمت : طيب ، ما كان لها خلق تنطق حرف بس كانت تبي تبين لليان ومشاعل انها مو مهتمه لهم :
ما عرفتك يا غرامي
ما هو انت الي عشقته
حتى وجهك والملامح
ماهي ذيك الاوليه
نظرتك قسوه عيونك
تحكي شيٍ ما نطقته
كن روحك عافت
ايام السنين العاطفيه
كل جرحٍ بي زفرته
كل حبٍ لك شهقته
كل درب لك مشيته
بالوله روحه وجيه
مابقى بحر من بحوري
لوصلك ما غرقته
مدري وش اكثر اسوي
ما بقى بي مقدريه
اخذت نفس وبدت تعلي صوتها
'
اخذت نفس وبدت تعلي صوتها
آه يا حلمٍ حطبته
في حناياي..وحرقته
آه ياحبٍ كتبته
لين غنت لين غنت
لين غنت الابجديه
آه ياحلم حطبته
في حناياي...وحرقته
آهههههههه
آه يا حبٍ كتبته
لين غنت لين غنت
لين غنت الأبجديه
بدو البنات يغنون معها بصوت واحد
ما عرفتك يا غرامي
ما هو انت الي عشقته
حتى وجهك والملامح
ماهي... ماهي ذيك الاوليه
نظرتك....قسوه عيونك
تحكي شيٍ ما نطقته
كن روحك عافت
ايام السنين العاطفيه
سكتو من نطقت ليان :
كان قلبك ما يبيني
قول يا اغلى من صدقته
كان عينك ما تبيني
قول لا تكذب عليه
يوم قلبي جا لقلبك
جيت وياه وسبقته
يوم قلبك صد قلبي
قلت راح اغلى البريه
عرفت رغد انها تقصدها بس ماعلقت ، استغربو البنات من نطقت مشاعل :
ما بقى بي الا انت
كل شيء مني سرقته
خذت حتى كبريائي
في الهوى والنرجسيه
ماهو انت الي تعلق
في حناياي وعشقته
كملت ليان بدموع :
ماعرفتك..
والا يمكن ماهو انا الاوليه
سكتو كلهم ورجعو لنفس الصمت ، مشاعل بهدوء مريب : بتزوج ، لفو كلهم عليها بصدمه : ايشش؟؟ ، مشاعل : من نايف كتبنا كتابنا الاسبوع الي راح وزواجنا مع زواج فاهد و غلباء ، رغد : مو قال فاهد انه بياخذ ربوح؟ ، مشاعل : انخطبت هي بعد واحد مو من الجماعه ، هزت رغد بطيب وللحظه تذكرت كلام نايف وفاهد ورجعت تلف لمشاعل بصدمه : اييشش؟؟ ، لفو البنات عليها مستغربين ، مشاعل : وش الي ايش بتزوج ، رغد عدلت جلستها : لا لا نايف وفاهد مو قالو انهم مث.... ، ماكملت كلامها وعضت ضهر يدها : اععع بنجن انا ، الهنوف : يمه شفيك مانك طبيعيه اليوم ، لمحت رغد محطه وفتحت باب السياره : لحظه وقفي هنا ، نزلت رغد بدون ما تسمع رد حصه ودخلت المحطه متجهه للبقاله : ياربيي صدق شفيني انا بغيت افضحهم ، تنهدت : تصرفاتي غريبه صراحه ، تجمدت بمكانها بصدمه من سمعت صوته : اتفق معك ، لفت له بسرعه : وش جابك ، سعد بأبتسامه : ابد اشتري زيي زيك ، زفرت رغد للمره المليون ومشت بأتجاه العصاير : حتى حليب الفراوله كرهته ، لفت نظرها سعد المتكأ على الجدار ويطالع فيها : ابك انت علامك ، سعد : لا بس اطالع ، شدت رغد على يدها وتوجهت لقسم البطاطس ، اخذت كم شي وجت بتحاسب : ياراسييي نسيت الشنطه ، كلمت الكاشير وركضت للسياره تاخذ شنطتها وتطلع البطاقه وبيدها الكيسه ، توجهت للبقاله بس استوقفها صوت سعد : حاسبت عوّدي ، تنهدت رغد مره ثانيه : شكل انفاسي بتخلص من كثر ما اتنهد ، سعد بغمزه : اصير اكسجين لك ، رغد تجهمت : سامج ، تقدم سعد لها بملامح هاديه : الحين ابي اعرف انتي صدق تحبيني؟ اذا اي ليه ذا كله صح عادي تجاهليني بس تصرفاتك توحي انك ما تبيني ولا تطيقيني قولي الحقيقه راضي انا
'
تقدم سعد لها بملامح هاديه : الحين ابي اعرف انتي صدق تحبيني؟ اذا اي ليه ذا كله صح عادي تجاهليني بس تصرفاتك توحي انك ما تبيني ولا تطيقيني قولي الحقيقه راضي انا ، رغد صدت عنه وركبت السياره واشرت لحصه تمشي ،
سعد اخذ فكره انها مستحيه وما تبي تعترف
مع ان جزء منه ماخذ فكره انها ما تبيه بس الاكيد اخذ الفكره الاولى براسه ،
وصلو للجامعه وتفرقو جميعهم لمحاضراتهم
دخلت رغد قاعتها بأبتسامه وبيدها جوالها عند اذنها تكلم نوره : يووهه اشتقت لكك ، نوره : طفشت من بدر ابيكم تجون ، رغد سحبت كرسيها تجلس : بدري بدري على الاقل انتظري الين يل... ، قاطعتها نوره : من زمان ترا....متزوجين من شهر وكم يوم ، رغد بصدمه : كذابه متى ، ضحكت رغد وهي ترفع رجليها من الارض وتهزهم : ياايييي ، نوره ابتسمت بهدوء وتطالع ببدر النايم : تصدقين مز وهو نايم ، رغد بضحكه : تخيلي يكون قايم ويسمعك!! ، سكتت نوره من نطق بدر : اجل مز انا ، رغد بصراخ : طلع يسمعك حطي رجلك لأقرب غرفه وقفلي ، سحب بدر نوره لحظنه وهو يضحك ونطق لرغد : اشغلتيها روحي ، نوره ابعدت عن بدر وبعصبيه : معليش ابيها توكل انت اشغلتني ، بدر مسك جوال نوره ونطق : تكفين رغد طلبتك خليها لي من امس وانتم تسولفون امداكم تشتاقون خليها لي اشتقت لها ، رغد ابعدت الجوال عن اذنها : ما طلبت شي ، قفلت المكالمه وهي تكتم ضحكتها من دخلت الدكتوره ،
عند نوره
نزلت من السرير بسرعه وهي تركض تفتح الباب : يمامييي ، لحقها بدر وهو كاتم ضحكته : يابنت استهدي ماني مسويلك شي ، نوره التفتت عليه ومازالت تركض: كذاابب ، لمحت نوره ام بدر وتخبت وراها : خالتيي شوفيه ، بدر وقف ونزل راسه ويده على ركبته : تعبتيني ، ام بدر : شفيكم من اليوم تراكضون ، نوره تخبت ورا ضهرها اكثر : شرير ، رفعت ام بدر راسها لبدر بعصبيه : ابك انت وش مسوي بججالبنت لهدرجه خايفه منك! ، بدر ابتسم بخفه : والله يا يمه ماني مسويلها شي بس سحبتها وهي هربت ، نوره بصراخ : كذاب يبي يلمسني! ، بدر مسح على راسه : زوجك انا ابسط حقوقي ، ام بدر لفت على نوره : معليك منه ان لمسك طشيته بكف ، شهق بدر بصدمه : افا يا يمه وانا ولدك تختارين زوجتي ، ام بدر صدت : ماني امك خل زوجه ابوك المستقبليه تكون امك ، ضحك بدر بصدمه : للحين زعلانه ترا كنت امزح معك لا تشدينها ، ام بدر سحبت نوره : معليك منه مشينا نتابع افلام ونشوف المزز ، بدر بأبتسامه خبث : اصلا هي قبل شوي قايله اني مز ، احمر وجه نوره ودخلت غرفه ام بدر : يارب صبرك انا ليه وافقت عليه ، دخلت ام بدر وهي تضحك : اذا تبينه روحي ، نوره عدلت جلستها : ابد بتربع عندك والله ما اطلع من عندك واشوفه