صحت سماسم وركضت للحمام وهي تستفرغ وامواج تطالع فيها بحزن ، لاحظت رغد حزن امواج وقامت وهي تلبس عبايتها وتمسك يد امواج : لا تخافين البيبي بيموت هي توها صغيره ، امواج : مو صغيره عمرها 15 ، عقدت رغد حواجبها بصدمه : كيف باين انها صغيره حتى تصرفاتها ، زفرت امواج ونطقت : سماسم لقب لقبته عليها اما اسمها الحقيقي روابي بس ناديتها سماسم عشان كان في بنت ببطني بس ماتت وانا كنت مخططه اسميها سماسم ومن يومها صرت عقيمه واضطريت اتبنى بنت ولقيت روابي قدامي وواضح انها صغيره بس يوم سألت صاحبه الميتم عنها قالت ان عمرها 12 وهي اصابت بصدمه قويه في طفولتها وفوقها جدتها اقفلت عليها في البيت لمده اربع سنين مغتربه عن الكل ما تعرف شي بس بعدها جدتها ماتت وما بقى لها احد الا خالها الي تبرى منها ورماها بالميتم وانا تبنيتها والحين لها 3 سنين معي وبتكمل 4 بعد شهرين ، سمعت سماسم كل شي وتقدمت لأمواج : ماما اسمي روبي؟ ، هزت امواج بأي : اسمك روبي روبي حبيبتي ، بكت روابي وحطت راسها في حضن امواج : ليه خالي مايبيني؟ ووين جدتي؟ ، سكتت امواج وحزنت رغد عليها : سمسم خالك ميت هو وجدتك ، سكتت روابي وجلست تطالع بالتلفزيون : لا تناديني سمسم اسمي روبي ، رغد : طيب ، لفت رغد على امواج : اسلوبها تغير وتصرفاتها تغيرت كأنها عقلت؟ ، قامت امواج بهدوء وشالت أغراضها : ما يهم اهم شي نروح للسعوديه قبل يرجع جاهر ، قامت رغد وطالعت فيهم : اسمعي انا بروح لمكان واجي وانتي بوديك انتي وروابي للمستشفى تفحصونها بعدين بجيكم لا تدقون ، شددت على كلمه لاتدقون وطلعت للسياره ومشت معهم للمستشفى ، نزلت امواج وهي ماسكه يد روابي ، نزلت رغد النافذه ومدت صرافتها لامواج : اسحبو منها الي تبون ، امواج : رذغد انتي ساعدتينا كثير ما يحتاج! ، رغد اعطتها لروابي : اذا ما تبيم روابي تبي ، دخلو امواج وروابي للمستشفى اما رغد فتحت جوالها ودخلت على موقع كل ماناظرته جاها ضيق وفضول غريبين ، توجهت للموقع ويدها على قلبها وهمست : لوكنت حي صدقني راح تكون افضل واقوى نفس ما كانت قبل " بوجودك " ،
عند سعد
كان يسولف لمشاري المستمتع بسوالفه : شفيك سهيت اصحى ، مشاري : سهيت بسوالفك وش اسوي تهبل ، قلد سعد مشاري بسخريه : تهبلل ، قام مشاري ومسك سعد يده : امزح يا رجال اجلس ، جلس مشاري وبفمه ابتسامه جانبيه : شتبي ، سعد ضحك ونطق : وش صار على ميسومه ، قلب وجه مشاري احراج من طاريها ومن الطريقه الي اعترف فيها هو وهي ، ضحك سعد على شكله وعرف في بلا : قل تكفى شكلك لحاله يوحي ان صار حفله!! ، مشاري : في اليوم البي صار لك حادث فيه لقيتها بنص الطريق لحالها واخذتها معي....... ، حكى السالفه كامله لسعد الي انهار ضحك
'
حكى السالفه كامله لسعد الي انهار ضحك : فاضي انت تعترف انت وهي انا بين الحياه والموت وبعد جو الرومانسيه تبكي علي خبل انت ، مشاري مسح وجهه بكف يده : اقول بس وش صار مع القمرا ، ابتسم سعد من طاريها وسرح بتفكيره ، مشاري كتم ضحكته ونطق : وش فيه العاشق الولهان سرح؟ ، سعد : وانا اخوك الحب لاعب فيني مدري تحبني ولا لا ، تجهم مشاري : ليه وش سوت؟ ، سعد استغرب ملامحه الي تغريت : ما سوت شي بس احسها ما تحبني طول الفتره ذي ما جتني زياره حتى ، مشاري بأبتسامه مصطنعه : الا جتك كثير يوم كنت في غيبوبه بس يوم قمت استحت تجيك نفس قبل ، سعد : شدعوه ، مشاري : لا تكفى الا ذي الكلمه ،
تسريع الاحداث " بعد ثلاث اسابيع خروج سعد وعوده رغد وامواج وروابي الحامل وزفاف شروق & حمزه ، نوره & بدر "
رغد كانت تركض في البيت تدور عبايتها ونوره تبكي عند ام فهد وتبوس راسها ومسلط وفهد طلعو برا يجيبون السياره
( ملاحظه صديقات رغد للحين لي الديره ومع رغد في البيت وامواج ساكنه معهم بس بالشقه حقت بيتهم ) وامواج تلبس وتلبّس روابي الحامل في الشهر الاول ،
رغد لبست فستان موف ناعم بدون اكمام قصير لتحت الركبه وفي فتحه وسط بضهرها غطت عليه بعض الخيوط السميكه ولبست على كتفها فروه بيضاء ناعمه
( ماراح اوصفهم كلهم بس امواج وليان ورغد )
ليان فستان سكري وبأكمام ناعمه واطول من حق رغد بشوي ومزخرف بلؤلؤ من طبقه خشنه جت فوق الفستان
امواج فستان زيتي بأكمام بس مفتوحه من فوق الكتف بشوي وخشن بالطبقه الي تحت ومزخرف بقليل من الريش
جلست رغد والكوفيره تسوي شعرها والمكياج الخفيف وليان تضبط نفسها بعد ما رفضت تاخذ كوفيره وامواج الي طلبت من ليان تسوي لها لأنها ماتعرف او بالاخص ماعمرها لمست مكياج ،
ننتقل لعروساتنا شروق & نوره
نوره كانت تسوي الميكب ارتست لها المكياج وكل شوي تبكي ويخرب المكياج لين صملت وخلصت الميكب ارتست كل شي وطلعت دخلو البنات لها ويباركون لها : اطلعو ما ابي ابكي ويخرب الميكب ، نوره كانت تشاهق وتمسح دموعها قبل ما تنزل : ابي ماء من معها ، امواج التفت حولها تدور مويه : بروح اجيب مافي شي ، طلعت امواج ودخلت المطبخ تدور ماء واحتياط لبست رداء ام فهد الي كان على الطاوله وضحكت وهي تشوف عبايه ام فهد ولبستها تشوفه ، دخل فهد يدور العنود ( ام فهد ) وركزت عينه على امواج الي معطيته ضهرها : يمه القاعه حاهزه وكل شي جاهز باقي العصير والماء عطيني جوالك ادق على ابوي جوالي طفى ومسلط مايبي يعطيني جواله قلك خصوصيه وقذا ، كتمت امواج ضحكتها وطلعت صوت ضحكه خفيفه استغرب فهد منها
'
كتمت امواج ضحكتها وطلعت صوت ضحكه خفيفه استغرب فهد منها : شفي... قاطعته امواج : امواج امواج مو امك ، جته لحظه ادراك انها مو امه ولف على طول بفشله : الله يفشلك ، انهارت امواج ضحك بالمطبخ وتلف حولها تدور المويه الى ان لقت وحده ، ركصت لفوق وهي تمد المويه لنوره : اخذي اخذي ، استغربو البنات شكلها الي يوحي انها كانت تضحك : وش فيك ، امواج تذكرت فهد وانهارت ضحك : ولا شي ولا شي ، امواج كتمت ضحكتها ونطقت بنفسها : وش الي يضحك بكلامه شكلي انجنيت صدق ،
في القاعه
الموجودين بس ام فهيد وام فهد وام بدر و ام جفين وبناتهم وعيالهم كلهم ،
عند الرجال
كانو العيال يساعدون سعد يمشي منهم مشاري وفهد وفهيد ، سعد لمشاري : ماكان لازم تتعب نفسك وتجي ، مشاري : امش وانت ساكت ، وقف سعد ورجوله ترجف مو قادر يمشي وكل ماخطى خطوه طاح : لا تمسكوني بمشي ، تقدم سعد خطوه ورا الثانيه ووقف : الله ياخذ بليس رجلي وجعتني ، اخذ نفس عكيق وكمل يمشي للباب ، انصدم من شاف رغد تدخل وعليها عبايه ومتحجبه ، طالعت رغد فيه لثواني وصدت لمشاري : تعال ، ما استغرب مشاري ولحقها لبرا عند خزان كبير بعيد عن القاعه عشان محد يسمعهم ، مشاري سكت ينتظرها تتكلم ، رغد بهدوء : ادري انك حاط براسك ان اذا خلص زواج نوره وشروق بكم اسبوع راح يجي سعد يخطبني وانا راح اوافق غصب! ، شددت على اخر كلامها : لا تحسب اني بسكت لك وبخليك تسوي الي تبيه بمجرد انك هددتني انك راح تخرب حياه ليان... ولو انك رجال كان ما قلت ذا الكلام كذا كرهتني بسعد انا بكل الاحوال كنت بوافق لو انك ما هددت لأن ببساطه في مواقف كثيييرر جمعت بيني وبين سعد وما انكر ان كان لي مشاعر خفيفه!!..اتجاه سعد بس الاكيد ان سعد على قولتك يحبني واصر انه يتزوجني وانت تبي السعاده له واتهمتني اني انا سبب حادث سعد لأنه ببي يعترف بس والله العلي الجبار لو انك ما هددتني كان وافقت عليه لو خطبني ، ابتسمت ابتسامه جانبيه : وعلى علمك حتى لو خطبني مو بيدي اوافق او ابوي بالاصل ماراح يوافق لأني ، شددت عل كلامها : انا محجوزه لأخو صديق فهد ، رص مشاري على اسنانه ينتظرها تكمل : وانا يمين يسار اسمي جنب عزام في زواج سعد تلقى اسم سعد مع شهد ولا اي وحده اما انا في زاجي ان شاء الله تلقى اسمي مع عزام يعني رغد & عزام ، شكت سعد بقهر : تحسبين بسكت يعني؟ لا ياحبيبتي ، رفعت رغد اصبعها قدام وجه مشاري : قلها من جديد واكسر لك سنونك ، مشاري : خلاص يا زوجه سعد اعتبري حياه ليان مدمره من الحين انا ماراح اسكت واقول خلاص ومدري وش لا