((((((( الكبيره ٢ ))))))))
#لولو_محمد
الحلقه ١٩
دياب / طب لو هو ميكروروبوت فعلا الحل معاه ايه ... اللى حصل لمنصور ممكن يحصل لاى حد ... الدرون دخل جوه السرايا الحشرات دى ممكن تدخل من الشبابيك و البلاعات هنواجهها ازاى
جوزيف / مش عارف ... ما فكرتش فيها ... ادونى فرصه اسال و افكر
منصور / كنت فهيم اوى لما استخدمتها ضدنا
جوزيف / اشترى برمج نفذ فين الصعوبه دلوقت لازم ادرس اكتر ازاى اوقفها و اقاومها الموضوع اصعب بكتير لما بتبقي انت التارجت
دياب / معاك حق ... فى دى بالذات معاك كل الحق
جوزيف / عشان كدا لازم تعملوا اللى قولت عليه و كل ما تم بشكل اسرع كل ما كان اسهل
منصور / هيعملوا ايه يعني ؟! اخرهم ايه ؟! هيموتونا ؟! يموتونا ... من قتل دون ماله فهو شهيد، ومن قتل دون أهله فهو شهيد، ومن قتل دون دينه فهو شهيد، ومن قتل دون دمه فهو شهيد ... مفيش احسن من كدا موته نموت رجاله ... و اقولك حاجه كمان حتى لو لا قدر الله جت فى الحريم و العيال ... ما حدش بيموت ناقص عمر لكل اجل كتاب ... يا ابن آدم لو اجتمع الانس والجن علي ان يضروك بشيء لن يضروك الا بشيء قد كتبه الله عليك ولو اجتمع الانس والجن على ان ينفعوك بشيء لن ينفعوك الا بشيء قد كتبه الله لك رفعت الاقلام وجفت الصحف ... اخرهم يعملوه
صمت
جوزيف / يا ترى دا هيبقي رايك يا لقيت مراتك بتصرخ من وجع البى كاى و انت ما عكش علاج
.............................
منصور يبصله
جوزيف / اللى على البر عوام زى ما بتقولوا ساعتها بس بتفتكر الحكم اللى انت بتقولها دى
دياب / دى احاديث
جوزيف / عليه الصلاه و السلام ... وقت الجد وقت الوجع وقت الموت كل القوانين بتتغير
دياب / ما انت حقنت نجاه نقصت من عمرها و لا عمر اللى حواليها ... امى اتصابت اه اتوجعنا و بكينا و كل حاجه بس بتفتكر ربنا اكتر وقت الوجع و الموت بتفتكر ربنا قبل اى حاجه و بتلجاله قبل اى حد و هو سميع مجيب الدعاء ارحم عليك من امك اللى ولدتك منصور معاه حق ... ربنا الحافظ
جوزيف / لابس سديرى واقى ليه ما دام ربنا الحافظ راكب عربيه ضد الرصاص تمنها قد كدا ليه ما دام ربنا الحافظ ما تفتح صدرك كدا و تمشي و ربنا الحافظ
منصور / ما هو ربنا برده قال لا تلقوا بايديكم الى التهلكه ... و برده قال ... يا أيها الذين آمنوا خذوا حذركم ...وقال ... وأعدوا لهم ما استطعتم من قوة ومن رباط الخيل ... يعني ربنا امرنى اكون جاهز و مستعد بس الامر الاول و الاخير ليه هو ربنا امرنى ادافع عن حياتى و اهلى و مالى و ارضي بس لو لا قدر الله ربنا كاتبلى حاجه هشوفها و انا راضي بقضاءه اى كان ... دى حاجات صعب على واحد زيك يفهمها
جوزيف / زيي !!
دياب / مش مؤمن يعني ... بس هو يقصد تحسها ... انت مؤمن باى قضيه يا يونس
جوزيف / لا
دياب / هو ده قصد منصور
جوزيف / تمام ... اركن هنا عاوز اللف حوالين السور
دياب / ليه
جوزيف / كدا اركن
دياب يركن جنب سور السرايا و التلاته ينزلوا يتمشوا و جوزيف قدام و دياب و منصور وراه
..........................
فى المضيفه
الكل متجمع و نجاه بتتخانق و صوتها عالى
نجاه / انت اصلا مش من حقك تكلمنى كدا و لا انت مش شايف نفسك
فارس / انتى اللى مش شايفه نفسك و لا عامله حساب لحد
نجاه / ليه عملت ايه هو ما قدرش على الحمار و لا ايه
فارس / احترمى نفسك
نجاه / انا محترمه غصب عن عين الطخين انا اختك الكبيره
فارس / الكبير كبير بافعاله يا اختى
عباده / انا بقول نقوم نمشي ما دام كدا كدا ما حدش شايفنا فبلاها بقى قله القيمه
نجاه / يعني حضرتك مش شايف بيكلمنى ازاى دا حتى الصبح ما علقتش على كلمه جابر
جابر / ما تحشرينيش
نجاه / لا و الله ... تمام كلكوا شايفيني غلطانه تمام ... قولولى انا عملت ايه غلط ... انا مش واخده الاذن من حضرتك ... مش انتوا اللى اتفقتوا انه يمرنى و انه يكون مسؤل عنى ... انا عملت ايه غلط ؟ اتمايعت عليه و لا حتى هزرت معاه ما هو تمرين زى اى تمرين
كارم / و انا اشهد
نجاه / كتر خيرك اخيرا حد نطق و وقف فى صفى ... انا هعمل اللى تقولوا عليه انا كدا كدا مش فارق معايا حاجه هو مش من باقي عيلتى عشان ابقيه عليكوا
جابر / يا شيخه ... سبحان الله حقيقي
نجاه / انا مش راده عليك
جابر / ما ترديش يا اختى قال مستنين ردك اوى
نجاه تسكت و تبصلهم و تبص لابوها
نجاه / اؤمر يابا ... اعمل ايه و انا اعمل
عباده ساكت
مختار / احنا عمرنا ما اتحطينا فى الموقف ده ... موقف ما تبقاش عارف فيه الصح من الغلط
نجاه / سبحان الله لما الكبار ما يعرفوش بتحاسبونى انا
مختار / ما حدش فينا حاسبك
نجاه / ما طلقينهم عليا اهو ... تدوله الاذن و تيجوا تلومونى تدونى الاذن و برده ترجعوا تلومونى ... انا عملت ايه
عباده / و لا حاجه
نجاه تعيط
نجاه / امال ساكتلهم ليه
نجاه تسيب المكان و تمشي جابر يضايق و يفضلوا يتبادلوا نظرات جابر يقوم
جابر / عن اذنكوا
عباده / استنى انت انا اللى هتكلم معاها
جابر يهرش فى شعره و يهز راسه عباده يطلع بره
كارم / انا كنت قاعد حاضر التمرينه كلها و عينه ما غفلتش من عليهم كانت تمرين طول الوقت و كانت بتدوس على نفسها حتى لو تعبانه و لما طلبت منه يعلمنى الحركه اللى كان بيعلمهالها ما اتاخرش و علمهانى عادى و حتى لما فارس قعد ينبط عليه بالكلام و صوته كان عالى و نجاه تقوله وطى صوتك وطى صوتك يونس ما عملش اى حاجه و لا بصله حتى مع انه سامعه و كان مركز معايا و لما جاب اخره سابنا و مشي
فارس / و الهانم جريت وراه تراضيه
كارم / و الله انا لو مكانه و سامعك ما كنت سبتك اصلا فاحمد ربنا
فارس / و الله
كارم / احنا جالنا مدربين بالهبل و لعبنا ماطشات بالهبل ما جتش مره اتكلمت و قولت رافعين الاريال ليه
فارس / عشان كلنا من دين واحد انما ده
مختار / فرقت يعني يا فارس لو مسلم لمس اختك لمسه لا مؤاخذه عادى عندك
فارس / انا ما قولتش كدا يا عمى بس
مختار / انت حتى و انت بتكلمها ما راعيتش انك بتحرجها قدامنا نصبتوا المحكمه و كل واحد محشور فى زوره كلمه قالها ... حتى انت يا كارم لما نطقت نطقت بعد ما مشيت ... و انت يا جابر
جابر / انا مش مرتاح لكل اللى بيحصل و الجدع ده مركز كل طاقته انه يخرجنى عن شعورى
مختار / و انا بقالى سنين بمرن فيك للحظه دى عشان دى تكون رد فعلك
جابر / كتر الضغط يولد الانفجار انت ما بتشوفش اللى بشوفه
مختار يتنفض يقف قدام جابر
مختار / بتشوف ايه قولى بتشوف ايه ... نجاه عارفه حدودها كويس
جابر / نجاه ست الكل و اللى يقول عنها حرف اقطع خبره بس هو ابن حرام و لو الدنيا كلها قالت غير كدا هيفضل ابن حرام برده
مختار يتنهد
مختار / نجاه بتعرف تحط كل واحد عند حده
جابر / تمام ... ارميها فى النار و قول هى بتعرف تتصرف ... الجدع ده حلنجى و مش سالك و هى طلعت نزلت عيله بالنسباله
امين / بعد اذن الجميع انا كنت فاكر اننا متجمعين عشان نشوف اللى حصل النهرده بس واضح ان بدل ما نتجمع نشوف هنحمى نجاه و نمنع اللى حصل ده انه يتكرر ازاى فتحنا ماسوره هجوم على البت
فارس / ما اللى حصل
كارم / اللى حصل انت الغلطان فيه ... و جابر كمان غلطان
فارس / و ابوك كمان غلطان انه سامح بكل الهبل ده انه يحصل
مختار / و انا كمان غلطان انى مستنى منكوا مساعده و لا حل .. اتعدلوا كلكوا ... مالكوا فى ايه
محمد / انا ما فتحتش بقي
مختار / انت حد كلمك انت كمان اصلا ... دا ايه التخلف ده
مختار يطلع بره و هو على اخره
.........................
فى المستشفي
فى اوضه عبد الهادى
الست/ و انتى يا اختى هتخففيه بقعادك جنبه سبناكى امبارح و شوفنا اخرتها
عبد الهادى / روحى خدى العيال و روحى يا نسمه و بالليل امى هتعدى تاخدهم منك و تيجي تباتى انتى معايا .. بعد اذنك وصلها يا رعد
رعد / عيني يا خويا
نسمه / متاكد مش هتحتاج منى حاجه
الست / و هو هيحتاج منك ايه يا اختى و احنا موجودين
عبد الهادى / روحى يا نسمه تسلمى
نسمه تبصله بحزن و تهز راسها و تمشي
رعد / هوصلها و ارجعلك هتحتاج اى حاجه اجيبهالك من البيت
الست / خلى الشملوله تبعت معاك غيار نضيف و لا اتنين
رعد / تمام ياما عن اذنك
رعد يمشي
الست / اموت و اعرف انت متمسك بالبومه دى ليه دى ما فيهاش خير يا وله
عبد الهادى / و هى عملت ايه بس ياما دى غلبانه سبيها فى حالها
الست / يا ابنى اللى ما لوش خير فى اهله ما لوش خير فى حد و دى مقاطعه اهلها من يوم ما اتجوزتوا
عبد الهادى / ما ليش دخل باللى بينهم انا عن نفسي ما شوفتش منها غير كل خير
الست / باماره امبارح
عبد الهادى / لا يكلف الله نفسا الا وسعها انا كنت فى العنايه و هى كانت بره اللى رايح و اللى جاى يبص عليها
الست/ و الله انت ما فى فايده فيك انا مش فاهمه انت و اخوك على طول فى صفها كدا ما ليها حق تتمرع
عبد الهادى / بالله ياما ما قادر
الست / سلامتك يا كبد امك سلامتك ان شالله هى اللى كانت انشكت ما قامت منها
عبد الهادى / استغفر الله العظيم
الست / خلاص خلاص سكت سكت ارتاح انت بس يا ضنايا ارتاح يا كبد امك ارتاح
عبد الهادى يبص للسقف الست تقعد تمصمص شفايفها
......................
فى الجنينه الورانيه
نجاه / ما هو انا نفسي تعبت انا اللى بيهاجمنى المرادى اهلى
عباده / غيرانين عليكي
نجاه/ من امتى
عباده / وحياه امك ما طول عمرهم بيخافوا عليكي فى ايه يا بت مالك
نجاه / يعني انا لما اللعب ماطش مع جابر دياب همام عادى ... دا حتى ماطش شاهين لو تفتكره ما سمعتش حس ... جايين على يونس و ما شاء الله عليهم و ياريت حسهم فى وشه هو ده عليا انا يابا
عباده / غيرانين عليكي
نجاه / برده... تمام ... ايه المطلوب منى
عباده / و لا اى حاجه
نجاه / طب و كرامتى
عباده / محفوظه يا نجاه
دياب و جوزيف يدخلوا نجاه تلم نفسها و تقف بعيد
عباده / اتاخرتوا كدا ليه الكل قاعد مستني من بدرى
جوزيف / هو فى ايه
جوزيف يشاور براسه على نجاه مدياهم ضهرها
عباده / ما فيش حاجه ... قالولك على اللى حصل
دياب / بيقول مايكروروبوت يقدر يعملها بسهوله و الكاميرات مش هتاخد بالها منه لانه صغير جدا
عباده / وارد ... الحل
جوزيف / ما اعرفش و قولتلهم الكلام ده ... بس انا هحاول اكلم اى حد من معارفى يمكن الاقى عندهم حل
دياب / يونس كان عاوز يقترح على حضرتك حاجه تخلينا نكسب وقت نعيد تشكيل صفوفنا
عباده / سامعك
نجاه تسيب المكان و تمشي و جوزيف عينه معاها
عباده / سامعك يا يونس سامعك
....................
فى شقه نسمه
رعد قاعد فى الصاله بيلعب مع ولدين صغيرين نسمه تطلع تديله شنطه
نسمه / غيارين و فوطتين و طقم خروج ... اجيب اى حاجه تانى
رعد / كتير خيرك ... مش ناقصك انتى اى حاجه اجيبهالك
نسمه / كتر الف خيرك
رعد / عن اذنك
رعد يمشي يركب العربيه و يسوق لحد ما يوصل لمدرسه بنات و يشوف واحد راكن على عربيه يعدى من قدامه و يهدى السرعه و هو بيطبل على صاج الباب الراجل يبصله رعد يهز راسه الراجل يتعدل فى وقفته و يتحرك و هو بيبص يمين و شمال لحد ما يوصل لعماره نسمه يبص و يدخل يخبط بالراحه عيل يفتح نسمه تطلع تجرى و هى بتلف الطرحه
نسمه / استنى يا متخلف استنى ... سلام عليكم ... خير حضرتك اؤمر
الراجل / انا جايلك من طرف صابر وهدان
نسمه / افندم ... خير عاوز ايه
الراجل / بيقولك عاوزك فى موضوع مهم حياه او موت و لو ما طلعتيلوش الجبل خلال ساعه هينزلك هو
نسمه / انت لو ما غورتش من وشي السعادى هصوت و الم عليك امه لا اله الا الله ... غور داهيه تاخدك ... هو الجنان وصل للدرجادى
الراجل / انا مالى يا ست انا مجرد مرسال
نسمه / لو ما خفيتش من وشي السعادى
الراجل / خلاص خلاص انا مالى
الراجل يمشي و يطلع يشوف تاكس معدى يشاورله يقف الراجل يركب و التاكس يمشي
.........................
فى الجنينه الورانيه
عباده / للصبر حدود و انت طلباتك كل يوم بتزيد
جوزيف/ انا ما عنديش اللى اخسره
عباده / انا عندى
جوزيف / يبقي انت اللى المفروض تسعى و تنحت فى الصخر مش تستنى منى الحل على الجاهز انا مش سوبر مان
عباده / دلوقت ما بقيتش الله يرحم فتحه صدرك و تهديدك للبت كل شويه
جوزيف / كنت فى صفهم دلوقت فى صفكوا و اللى هم بيقدموه انت ما بتقدمش ربعه
عباده / و ما فيش غير بنتى اللى تطلبها منى
جوزيف / هرجعها سليمه
عباده / انت عاوز تقنعنى انك لو خيروك بين عمرك و عمرها هتختارها
جوزيف / اكيد لا
عباده / يبقي بتكلمنى بانهى وش ... و انت ايه رايك فى الكلام ده
دياب / قولتله لا بس نجاه موافقه
عباده / عيله هبله ما بتعرفش توزن أمورها ... يا ابنى احنا مش زيك انت مش متخيل كميه الضغط اللى واقعه عليا لمجرد انك هنا انا مش بديك ضهرى و لا بتخلى عنك ... بس دى بنتى ... عارف لو ولد صدقنى الوضع هيتغير خد فارس خد كارم ولادى و نفس غلاوتها و الله بس الحريم لا ... يا ابنى انت تدريبك ليها لوحده قور نفوخى كلام و قرف و ضغط و كل اللى تتخيله ... احنا اصلا ما عندناش اختلاط انا اصلا طالع عيني لمجرد انى حاشرها بس وسط اهلها الرجاله ... اللى هم اصلا اهلها تخيل بقي معاك انت ... انا لو واثق فى بنتى مليون فى الميه و حتى لو واثق فيك الناس هقولهم ايه همسكهم واحد واحد افهمهم اللى بنمر بيه ... سمعه الحريم مش لعبه و دى مش اى حريم دى بنتى
جوزيف / تمام
دياب / بمعنى
جوزيف / تمام تمام ما لهاش معنى تانى اللى تشوفوه
دياب / مفيش بديل يعني
جوزيف / تؤ ... مفيش
دياب / بمعنى برضه
جوزيف / يعني يبقي الوضع على ما هو عليه و ندخل فى حرب النفس الطويل و اللى يفضل عايش للاخر يكسب ... و دا اكيد هيبقي هم ... عن اذنكوا
جوزيف يمشي
عباده / المفروض كنت اوافق يعني
دياب / اهدى انت بس يا كبير و انا هفكر ليها فى حل
عباده / احنا لسه حالا كنا بنتخانق على طلوعهم الجبل و تمرينهم لوحدهم مع ان اخواتها كانوا معاها انتوا بقي جايين تقولولى ياخدها و يسافروا لوحدهم ... لا يا حبيبي ادفنونى الاول و بعدين اعملوا ما بدالكوا
دياب / بعد الشر عنك يا كبير اكيد مش هتبقي كدا يعنى
عباده يهز راسه و يمشي و هو بيضرب كف على كف
......................
فى الجبل
الراجل اللى كان قدام المدرسه يطلع يقابل واحد من رجاله صابر
راجل صابر / خير يا بلدينا ايه اللى رماك علينا
راجل المدرسه / انا جاى مرسال لسي صابر
راجل صابر / خير
راجل المدرسه / ما تاخذنيش الامانه ما تتسلمش غير لصاحبها
راجل صابر يهز راسه و يشاورله يمشي وراه و الاتنين يطلعوا راجل صابر يدخله يلاقيه بينضف سلاحه
الراجل / لا مؤاخذه يا كبير فى واحد بره عاوز يقابلك بيقول مرسال و ما رضيش يقولى اكتر من كدا بيقول امانه
صابر / دلخه و اطلع بره اما نشوف حكايته
الراجل يطلع و الراجل التانى يدخل اول ما صابر يبصله يبلع ريقه
صابر / اؤمر
الراجل / انا مرسال و ما على الرسول الا البلاغ
صابر / ادلق ... خير ... مين اللى باعتك
الراجل / نسمه
صابر عنيه تنور
الراجل/ نسمه الدالى ... مراه عبد الهادى الجزار
صابر يقوم يقف و يتحرك ناحيه الراجل بالراحه الراجل يرجع خطوه لورا صابر يزنقه فى الحيط و يخنقه بكوعه
صابر / انت لو عاوز تنزل من هنا حى احسنلك تقول الحقيقه بدل ما اقطع من لحمك نساير و افرجك على الكلاب و هى بتاكلها انت فاهم و لا لا ... مين يا ابن الكلب اللى باعتك ... انطق
الراجل يبرق و هو مخضوض و صابر على اخره
.........................
فى سرايا الزنايته
تاكس يركن و نسمه تنزل و فى ايدها عيالها
نسمه / الكبير موجود
الغفير / ايوه استنى هنا اما اديله خبر
نسمه تهز راسها تمام الغفير يروح المضيفه الرجاله كلها صوتها عالى على بعض
جابر / الجدع ده بيشتغلنا كلنا و كل ده مترتبله و بكره تقولوا جابر قال
مختار/ احنا ما حدش جبرنا على حاجه و نقدر نفكر فى مليون طريقه بس طول ما احنا كلنا بنتصرف بالطريقه دى عمرنا ما هنتحرك من مكانا
شاكر / يا بويا مهما هدينا ما ينفعش بكل الطرق و كل اللغات ما ينفعش
عباده / و انتوا كنتوا شوفتونا وافقنا
الغفير / لا مؤاخذه يا كبير
عباده / خير فى ايه كمان
الغفير / فى واحده بره عاوزه جنابك ... نسمه الدالى سعادتك
الكل ينتبه و يبصوا لبعض عباده يطلع ليها جرى و فى ضهره مختار و دياب
عباده / خير يا بنتى فى ايه
دياب/ عبد الهادى جراله حاجه ... انا لسه مطمن عليه
عباده / حد من العيال فيه حاجه
نسمه تبصلهم و ترتبك
نسمه / كلنا بخير تسلم و تعيش بس انا كنت عاوزه حضرتك فى كلمتين ... خصوصي يعني لوحدنا
مختار / اااه و ماله روحوا الجنينه الورانيه و انا هخلى العيال معايا هنا لو تحبى
دياب يشيل الواد الصغير
دياب / جرا ايه يا واد انت مش تيجي كدا تسلم على عمك دياب
عباده / اتفضلى يا بنتى ... اتفضلى
نسمه تروح مع عباده ناحيه الجنينه الورانيه و هى بتتكلم
نسمه / الصراحه يا كبير انا مش عارفه اقول ايه بس ... احنا كان فى بينا اتفاق و الشهاده لله احنا بقالنا سنين و الدنيا ماشيه
عباده / تقصدى ايه
نسمه / صابر
عباده يقف نسمه تقف
نسمه / فى راجل خبط عليا و قالى انه من طرفه و يا اطلعله يا ينزلى و حضرتك ادرى منى بظروفى و بيتي انا اسم صابر بس بيولع الدنيا على دماغى... فحتى جوزى مش هقدر اشتكيله دا عيان مين هيقف للتانى
عباده / ما حدش هيقف لحد ... خير ما عملتى انك جيتيلى انا هتعامل
نسمه / تسلم يا كبير ربنا يبارك لينا فيك
مختار يدخل و ماسك الموبايل فى ايده
مختار / لا مؤاخذه يا كبير ... صابر على التليفون
التلاته يبصوا لبعض
.........................
على سطح السرايا
نجاه قاعده جابر يدخل
جابر / هنا مش امان ليكي
نجاه / مش فارقه
جابر يشد كرسي و يقعد جنبها
جابر / انا اسف حقك عليا
نجاه تهز راسها
جابر / همام هيجيب ناس كتير بوديجاردات و كدا و نوزعهم فى كل حته فى البلد
نجاه / ضامنهم
جابر / انا مش ضامن الكائن اللى لازقينه فيكى
نجاه تهز راسها و تبص الناحيه التانيه و ترجع تبصله
نجاه / منصور اتحقن بنحله و ياسمينا اتصورت بكاميره قد النمله و الملايه بتاعتى باظت بميكروروبت صغير الكاميرات ما لقطتوش و انتوا فاكرين ان الحل فعلا فى الرجاله المنفخين عضل دول
جابر / الحل فى ربنا احنا بس بناخد بالاسباب مش اكتر
نجاه / و نعم بالله
جابر / انتى واثقه فيه ؟
نجاه / متعاطفه معاه ... بيحاول
جابر / ما يمكن بينفذ خطته فعلا
نجاه تتنهد
جابر / احنا شوفنا كتير مش قادرين نثق فى اى حد الشك بقي جزء مننا ... انا ما بنامش من الخوف عليكي ما عدتش قادر استحمل يجرالك حاجه
نجاه / استودعنى عند ربنا
جابر / فى كل صلاه
نجاه تبتسم و تبص الناحيه التانيه
نجاه / تفتكر لو عمى ما كانش امن بعم رشيد و اداله فرصه كان حاله بقي ازاى
جابر / خالى قعد سنين ينصح و ما ارتجعش ... الحب هو اللى غيره ... او الموت ... انه بقي قريب منه اقصد
نجاه / عم رشيد كان عايش مع الموت ما كانش بيعمله حساب اصلا
جابر / ايوه يعنى عاوزه ايه
نجاه / مش عاوزه حاجه ... ما احنا ادينا لاميره و ابتسام كل حاجه و برده اختاروا الوساخه ... ما حدش عارف حاجه ما حدش ضامن حاجه ... اعمل ايه يا جابر قولى انت اعمل ايه
جابر / سبينا احنا نتعامل معاه
نجاه تضحك بسخريه
جابر / فيكي ايه زياده تقدرى تقدمى ايه احنا ما نقدرش نقدمه
نجاه / تهدوا استفيدوا منه و اتعاونوا
جابر / انا ممكن اعمل اى حاجه و احط ايدى فى ايد اى حد لو ده هيحميكى بس ... طريقته مستفزه بيتمحك فيكي و ... نجاه احنا صعايده كل ده خارج عننا احنا مش مصراويه هشوفك رايحه جايه وياه و لا بتتكلموا ... قبل ما نكون صعايده احنا مسلمين ما ينفعش الخلوه بينكوا
نجاه / و قعدتنا مع بعض دلوقت ما تعتبرش خلوه ... و لا هو حلال ليك و حرام عليه
جابر / بتساويني بيه !!
نجاه / لا طبعا اش جاب لجاب بس المبادئ ما بتتجزاش
جابر / معاكى حق ... عن اذنك
جابر يقوم و يروح ناحيه السلم
نجاه / انا تايهه
جابر يبصلها
نجاه / و خايفه ... مش عارفه اللى بعمله صح و لا غلط زى اللى بيحفر فى نفق و تعب بس خايف يستسلم و يرجع يكون كان فاضل على النهايه خطوه ... خايفه اديله ضهرى يرجع و اكون السبب و خايفه ما يكونش فى فايده من تعبى معاه ... خايفه اثق فيه و خايفه اخونه و ما اديلوش فرصه ... انا مش عارفه المفروض اعمل ايه ... بس كنت مطمنه بيكوا ... دلوقت ما حدش فيكوا وقف معايا مع انى ما عملتش حاجه من وراكوا ... ما انتوا اللى اديتوله الاذن من الاول
جابر / و هو ساء استخدامه
نجاه / يعني اعمل ايه
جابر / ما اعتقدش فى اى حد فينا يقدر يقولك ايه هو الصح الفتره دى ... بس لازم تفهمى ... ان مهما حصل و خصوصا بينا ... انا دايما هكون فى ضهرك وقت ما تحتاجيني ... اى كانت النتايج انا جنبك
نجاه / ربنا ما يحرمنى منك
جابر يتنهد و ينزل
......................
فى الجبل
صابر معلق الراجل متكمم من رجله و نازل فيه جلد
صابر / يمين بالله ما انا عاتقك يا ابن الكلب يا واطى دا انت جيت لموتك
عباده و مختار و دياب و جوزيف يدخلوا صابر يرمى الكرباج و هو بينهج و يروحلهم يبص لجوزيف
صابر / اهلا
صابر يبصلهم و يهز راسه ايه ؟؟
عباده / هو ده ؟
صابر / اه هو ... قولتلى انه راحلها و قالها نفس الكلام صح
دياب يوريه فيديو من كاميره قصاد البيت
صابر / حلو اوى ... سيبوهولى انا بقي معلش
عباده / عرفت طيب هو عمل كدا ليه
صابر / بيحلف انه ما بيكدبش ابن الوارمه بيقول هى اللى طلبت منه يجيلى و مش راضي ينطق
جوزيف / ما هو طبيعي عمره ما هينطق و انت قافل بقه
صابر / صوت صريخه صدعنى ليك فيه
دياب / ما قولتلك يا ابنى خليك فى العربيه
جوزيف / طب تسمحلى استجوبه انا دقيقه واحده دقيقه مش اكتر
صابر / بص يا ابن الناس مش وقتك خالص ما تحشرش نفسك فى اللى ما يخصكش ... مين اللى جابه ده يا كبير
عباده / اديله الدقيقه اللى طلبها
صابر / يا كبير الموضوع شخصي و ما كانش المفروض تجيبه معاك اصلا
عباده / اديله بس الفرصه دى لو سمحت دقيقه واحده عرف ياخد المعلومه تمام ما عرفش ينزل
جوزيف / موافق
صابر يكتم جواه و يبص لدياب و يهز راسه موافق
جوزيف يروح يقرفص و يمسكه من شعره و يوشوشه
جوزيف / اختار الطريقه اللى تعجبك .. اقطعلك الشريان و اسيبك على وضعك تنزف لحد ما تتصفى بالظبط فى خلال تلاتين دقيقه لو ما اعترفتش عشان اعدلك و لا اديك البى كاى المعدل و اخليك تقطع شراينك قصادى من العذاب و لا ابلعك قنبله و افجرك من جوه قدامك خمس ثوانى تفكر و تقولى اقتلك بانهى طريقه اقولك انا هجرب فيك التلاته
جوزيف يفتح كعب جزمته و يطلع علبه صغيره فيها حقنه انسولين و يحقنها فى رقبه الراجل الراجل عينه توسع جوزيف يعين الحقنه فى العلبه تانى و يقوم يقف و يمد ايده فى جيبه الورانى يطلع مشرط يوريه للراجل بدا يحاول يتحرك و يعيط جوزيف يقرفص تانى و يمسك شعره الراجل بيهز راسه لا جوزيف يعوره فى رقبته الراجل بيعيط و يهز راسه و الكل متابع اللى بيحصل جوزيف يطلع قنبله كوين يرميها فى السما بعيد و يفجرها تعمل انفجار كبير فى السما الكل عينه عليها و يطلع اختها و يشد القماشه من بق الراجل و يحاول يحشرها
الراجل / رعد اقسم بالله رعد الجزار اللى كاريني رعد اقسم بالله خلاص
جوزيف / هى دى الاجابه اللى عاوزين تسمعوها
صابر / و رعد خلاك تعمل كدا ليه رعد مش قدى
الراجل / عينه فيها عينه فى مراه اخوه و عاوزها تطلق و قال هيكتبلى فدانين ارض لما يتم المراد قولت ديتها علقه و امن نفسي بس العمر مش بعزقه انا مالى بكل ده حسبي الله و نعم الوكيل حسبي الله و نعم الوكيل
عباده / نزله يا صابر
صابر / مش هينزل غير على تربته
عباده / نزله يا صابر
صابر يطلع المسدس و يضرب الحبل الراجل يقع على راسه يعانى عشان يتعدل و يقعد و يرفع راسه لفوق
عباده / و هى لما تتفضح و تطلق فاكر انه هيتجوزها ازاى
الراجل / جواز ايه دا امه كانت تولع فيه دا بقاله سنين بيحاول معاها و هى تصده و يستهبل عليها و يطلعها الغلطانه لما امه كرهتها و فكراها بتوقع بين عيالها و كدا كدا هى مقاطعه اهلها فلما هتبقي فى الشارع بفضيحه مش هتلاقيلها مطرح الا حضنه اقسم بالله انا ما اعرف حاجه تانى
دياب / هى الناس جرالها ايه
صابر / هاتولى رعد
عباده / استنى ... بلاش انت يا صابر
صابر/ الموضوع ده يخصنى
عباده/ و عشان كدا بقولك خليك بعيد ... لمصلحتها
صابر / انا صبرت كتير و جيت على نفسي عشانكوا كتير
عباده/ اعتبرها اخر مره ... لجل خاطر الغاليين يا صابر
..........................