الكبيره ٢ بقلم / لولو_محمد

الحلقه ١٠

((((((( الكبيره ٢)))))))
#لولو_محمد
الحلقه ١٠
جوزيف / انا مش فارق معايا فلوس رشيد اللى بتقولوا عليها انا كل اللى طالبه منكوا انكوا تدونى فرصه اعمل منكوا جيش حقيقي و الا كلنا كلنا بلا استثناء هنندفن فى خلال يومين بس دى برده مش اسوء حاجه ... كل بنت جوه هتتبعت على بلد شكل و هناك مش محتاج اوضح هيتعمل معاها ايه و كل الاولاد تحت سن حداشر سنه هيروحوا المعسكر و دا زى ما تقولوا غابه البقاء فيها للاقوى و الاذكى و الاسرع الباقي الكلاب بتاكلهم ... القرار ليكوا
ناصر / طب و احنا ايه هيخلينا نثق فيك برده ما يمكن داخل تدحلب و تتسحلب
جوزيف / ما تثقش اصل عيب تبقي طول بعرض و ما تعرفش ان الضربه بتيجي من القريب قبل الغريب يعني
جابر / و ما دام انت عارف كدا عاوزنا نامنك على نجاه ليه ان شاء الله
جوزيف / ما هى كانت فى حضنى و رجعتها
جابر يجى يهجم على جوزيف و الكل يحوش و جوزيف قاعد هادى يخرجوا جابر بره و الغفر ملموملين و جابر جاب اخره و بيصرخ
جابر / و الله لاقتله اوعى
امين / اهدى مش كدا
جابر / يعني انت مش سامعه
امين / ما هو قاريك و جايب اخرك ما تمسكوش ايدك بقي ما ابوها جوه
نجاه تسيب المكان و تطلع بره تاخد جابر و يروحوا الجنينه الورانيه و الرجاله واقفه تتفرج و جوزيف قاعد جوه هادى مختار يرجعله يقعد قصاده
مختار / اميره فين
............................
جوزيف / امايا !! هتيجي ما تقلقش و لا اقلق اصل لو فاكر ان امايا هى العيله الهبله اللى ابنك كان بينام معاها تبقي غلطان امايا دى ساحره ... تلميذتى
مختار / هتيجي معايا نعمل التحليل
جوزيف / بس كدا تؤمر
مختار / و البتاعه بتاعه نجاه هتقلعهالها
جوزيف / عيني ايه تانى
مختار / هتعيش وسطينا هتلتزم بقانونا
جوزيف / ليه ما كنا حلوين انا جاى اغير قانونكوا اللى هيقتلكوا ده امشي عليه ازاى
مختار/ هتفهم مع الوقت ... اهلا بيك فى بيتك الجديد
جوزيف / هنا ؟! ... حلو ... هيبقي فى اكل من ده كل يوم صح و لا ارتب امورى انا من بره
مختار يبتسم و يمشي جوزيف يناديه
جوزيف / انا مش هو على فكره
مختار يبص
جوزيف / حتى لو ابنه ... انا مش رشيد ... عشان ما ترسمش احلام كدا يعني
مختار يبتسم و يمشي جوزيف يمد ايده و ياخد صابع محشي و يستطعم و ياخد واحد تانى و يكلمه
جوزيف / الحرب دى كلها عليك يا ابنى مش حاجه تانيه
..............................
فى الجنينه الورانيه
جابر / و انا المفروض ابقي عادى يعني
نجاه / اهدى
جابر / ازاى قوليلى ازاى
نجاه / انت مش واثق فيا و لا ايه
جابر / مش واثق فيه هو و مش هسيبك ليه مش ده اللى هيحميكي يعني لما نموت يبقي يوريني شطارته
نجاه / بعد الشر عنك يا غبى انت عاوز توجع قلبي ليه ما تركز انا هو ما يفرقش معايا فى حاجه خلينا نتعلم منه و نكمل اللى ناقصنا
جابر / وحياه امك
نجاه / احترم نفسك بدل ما اقل منك مش عشان عيانه مش هقدر عليك
جابر / الجدع ده تبعدى عنه نهائى و لحد ما نشوفله صرفه تفضلى فى السرايا مع الحريم
نجاه / هيجولى جوه هم لما خطفونى خطفونى منين ما هو من حمام الحريم اهدى يا جابر عشان تركز هو مزاكر كل واحد فينا و عارف ازاى يستفزه و يجيب اخره لازم نبقي هادين عشان نقدر احنا كمان نجيب اخره صدقنى الجدع ده هينفعنا
جابر / ده مش رشيد
نجاه / رشيد ما كانش ملاك كان نجس و مطرود من البلد و لولا ان عمى مختار وثق فيه حتى دى حتى دى كان بادئها عشان الفلوس و سبحان من هدى قلبه و نحسبه عند ربنا شهيد يا جابر ربنا وحده الاعلم بخواتيمنا يا جابر لعل ربنا يصلح حاله و يهديه
ناصر يدخل
ناصر / و اللى عمله هيروح كدا حقوق الناس اللى اذاهم هتروح يعني
نجاه / حقوق الناس مش هتروح بس يقدر يعوضهم
جابر / دا لما يبقي يتنيل و يتوب الاول دا ملحد يا متخلفه
نجاه / علم علينا فى كل مواجهه و انكار الحكايه دى مش هيلغى انها حقيقه
ناصر / دا شكله دخل دماغك جامد بقي 
نجاه / اقسم بالله ان ما خفيت من وشي لوريك منى وش عمرك ما شوفته
جابر / اخفى يا ناصر السعادى انت مش عارف انت بتقول ايه
ناصر / انتوا فهمتوا ايه انا ما اقصدش كدا خالص انا قصدى ان الهانم منبهره بعم الكافر و شيفانا جنبه زيلع
نجاه / لا بس هو معاه حق احنا حركاتنا متوقعه احنا بنمشي على الكتاب بالحرف
ناصر / بصي اخر كلام الجدع ده هيفضل هنا لحد ما يجيب لينا اللى اسمها امايا دى و نخلص منهم هم الاتنين و خلصنا
نجاه / احنا محتاجينه ... دا احنا دخلناه لحد بيتنا و قعدناه فى المضيفه و اكلناه و لولا انه زهق و نهى اللعبه يا عالم كان هينهيها امتى ما تفوقوا بقي الجدع ده مدرب اعلى مننا بكتير و لازم نتعلم منه اى حاجه اننا نفضل نتمرن مع بعض مش هتفيدنا بدليل اننا اول ما خرجنا روحنا بحرى زمان اتصدمنا و رجعنا غيرنا كل سياسيات التدريب يونس كمان هيفرق معانا فكروا
ناصر / يقدم امايا عربون حسن نيه
نجاه/ روح قوله انت مش صغير اتكلم بلسانك
ناصر / و انا مش جايبك محامى عنى انا اقوم بيه بطولى
نجاه / ربنا معاك
ناصر يمسك ايد نجاه اللى فيها الاسوره و يرفعها لفوق
ناصر/ انتى اللى تخافى منه مش انا
جابر يزق ناصر بعيد عن نجاه ناصر يمسك دماغه و يمشي
نجاه / ربنا يهديه... انا حاسه بناره اقسم بالله
جابر / الجدع ده خطر علينا يا نجاه
نجاه / خليه تحت عينك و عيني و ما تخافش احنا قده بعون الله
جابر / ما اقدرش اجازف بيكي
نجاه / ثق فيا يا جابر انا هقدر
جابر / انتى مش قده دا دارسك و حافظك صم
نجاه / معايا ربنا و من بعده انتوا انما هو بطوله وسطينا
جابر / هتجنن هموت يا ناس
نجاه / اهدى بقولك
جابر / مش قادر انتى ايه جبله مش قادر يوووووه
جابر يشوط زلطه صغيره فى الارض و يروح بعيد يمسك دماغه و نجاه متابعاه تروح فى هدوء تقعد على المرجيحه و تمرجح نفسها بهدوء و هى شيفاه مش قادر يقف فى مكانه ثابت و عمال بيفرك و يغلى
..................................
فى اوضه عباده
خديجه / انت اتجنيت رسمي
عباده يبصلها باستغراب
خديجه رايحه جايه متعصبه و عباده قاعد
خديجه / هتامن الكلب ده على بنتك هتسمحله يروح و يجي معاها ازاى ؟ ازاى بعد كل اللى عمله تفتحوله بيتنا و تنسوا كل اللى حصل كدا بالساهل
عباده / ما نسيتش و ما حدش هينسي بس ... محتاجينه
خديجه/ لمجرد انه شبه رشيد
عباده / لمجرد انه مدوخنا و ملففنا حوالين ديولنا بقاله سنين يا خديجه باماره انه قدر يدخل وسطينا بكل الطرق اللى لازم ما يغفليناش عين الا اما نعرفها عشان نقدر نامنها و نسد ثغراتنا
خديجه / انا مش مرتاحاله العيال بيقولوا واد لعبى و دحلاب
عباده / و فيه كل العبر ...الفتره دى مش وقت خناق خالص مع بنتك او عند بالعكس تحتويها و تصاحبيها و تقربى منها اكتر من اى وقت فات
خديجه / انا اسفه
عباده / على ايه
خديجه/ انى اتعصبت عليك بس انا اقسم بالله تعبت
عباده / مش قدى و للاسف مش لاقى اى حل تانى قدامى اعمل ايه تعبت ... الواد ده لو ربع ابوه بس لو ربعه مع ان اللى شوفته منه لحد دلوقت يقول انه بلوه سوده يخليني اعمل اى حاجه عشان يبقي فى صفى
خديجه / حتى لو هتديله بنتك
عباده / ليه شيفانى ازاى انتى يا خديجه
خديجه/ ما انا مش فهماك
عباده / انا وجوده جنب نجاه امان ليها الواد ده يعرف كل الزباله اللى كانوا بيشتغلوا معاه يعنى اى حد منهم هيحاول يقرب منها هينبهها كفايانا خوازيق بقي اتهرينا
خديجه / و تضمن منين انه هو ذات شخصه مش خازوق
عباده / هو انا هسيبه يستفرد بالبت ما كفايا استفزاز بقي انا ساكتلك عشان مقدر خضتك لما عرفتى الحقيقه بس
خديجه / حقك عليا بس فهمنى طمن قلبي اللى ما بيبردش ده يا ابو نجاه
عباده / هقولك اقعدى و اهدى و خلينا نتكلم بالعقل
خديجه تقعد قصاد عباده عباده يشد الكرسي يقربه منه
عباده / اسمعيني كويس عشان مش هينفع اكرر الكلام مرتين
خديجه تهز راسها
..........................
فى هول السرايا
مختار بيسلم على اكرم و مهره
مختار / اهلا اهلا نورتوا و انستوا شرفتونا و انستونا اهلا اهلا
اكرم / انا محرج منكوا جدا ما حسبناش ابدا وقت الوصول و احنا بنحجز القطر حقيقي كنا جينا طيران اسرع بدل الموقف السخيف ده
مختار / لا متاخذنيش يا اكرم بيه الموقف السخيف الحقيقي ان يبقي بيت اهلك و ناسك مفتوح و تروح تدور على فندق تبات فيه طب و الله زعلتنى
اكرم / ما اقدرش على زعلك بس صدقنى السفر كان مرهق جدا احنا حتى ما جبناش معانا لبس و لا عملنا حسابنا على بيات زى ما قولت لحضرتك انا فاتنى خالص انى اسال او احسبها كنا فاكرينه مشوار صد رد
مختار / بص يا سيدي الاوضه دى فاضيه اهلا و سهلا بيك فيها فى اى وقت و ما تحملش هم حاجه على ما تاكل لقمه غيارين تلاته جداد يكونوا عندك و نفس الكلام لست العرايس بس هى بقي اوضتها هتبقي فوق مع نجاه
مهره / بجد يا عموا !! الله انا مبسوطه اوى
مختار/ ما فيهاش كسوف لو عاوزه اوضه لوحدك فى دقايق نخلقلك اكبر واحده بس صدقيني بنات السرايا هنا انا عارفهم مش هيسيبوكى تنامى فيها لوحدك طبل و مغنى و رقص و سهره صباحى
مهره / الله انا نفسي فى الجو ده من زمان
مختار / استنى ... يا فاتن فاتن
فاتن ص تطلع من المطبخ
فاتن / اؤمر يا خالى
مختار / فاتن دى بقي تبقي بنت بنت اخويا الله يرحمه 
مهره / ازاى يعني
مختار / اه و الله المفروض تقولى يا جدى بس هى ما حبتهاش و بقت تقولى يا خالى زى امها
اكرم / ما تركزيش احنا فى الصعيد يعني ليهم عاداتهم و قانونهم لوحدهم كانهم دوله جوه الدوله 
مختار / خدى مهره و اطلعى بيها لنجاه و هاتيلها جلبيه جديده و غيارين و اهتمى بيها على الاخر
فاتن / دا انا هحطها فى عنيا ... بقولك ايه ما تيجي اوضتى اكبر
مهره / اى حاجه و الله كلكوا قمرات ما شاء الله
فاتن تاخد مهره و يجروا على فوق و اكرم متابعها
اكرم / و ازى عمران
مختار / بخير تعال اخدك تسلم عليه اتفضل ... الهمه فى الاكل يا ام شاكر ... اتفضل يا معالى الباشا نورت البلد كلها اهلا و سهلا اهلا و سهلا اتفضل
مختار و اكرم يطلعوا بهدوء
........................
فى اوضه نجاه
نجاه بتصلى باب البلكونه يتفتح و جوزيف يدخل من ورا الستاره يشوفها بتصلى
جوزيف / انتى بتصلى ايه تانى انتى ما بتزهقيش
نجاه تتفزع و تخرج من الصلاه و تقوم جرى
نجاه / نهار ابوك طين دخلت هنا ازاى
جوزيف / مش قولتلك شبح قولت و لا ما قولتش
نجاه / انت فاكرها لعبه و لا الناس هنا بتهزر هيقتلوك و مش هيسموا عليك انت مجنون رسمي
جوزيف / جاى افك الاسوره هاتى ايدك
جوزيف يشد ايدها و يفك الاسوره
نجاه / عليك و على الاسوره مش خدتها غور من مطرح ما جيت هتودينى فى داهيه
جوزيف / انتى لسه بتتكلمى بصوت واطى ليه ... ليه ما بتصرخيش ... اوعى تكونى خايفه عليا
نجاه / هيقتلوك يا متخلف ما انا لو كنت عوزاك تموت دلوقت ما كنت خليتهم يقتلوك من ساعه ما رجلك هوبت ناحيه السرايا
جوزيف / حلوه اوضتك ... عمليه و احلى حاجه فيها انها ما فيهاش الحاجات الفقيعه بتاعه البنات دى
جوزيف يروح يدوس على المرتبه
جوزيف / حلوه..  لا حلوه
نجاه تشده ناحيه البلكونه و هو بيضحك من غير صوت
نجاه / غور من هنا مش وقت استظراف ما تخلينيش اتغابى عليك
باب الاوضه يخبط جوزيف يبتسم بخبث و نجاه تتفزع و تبص لجو
جوزيف / اوبسي
نجاه / لينا حساب فى الهبل ده بعدين
جوزيف / وزعيهم عاوزين نتكلم
صوت فاتن / نوجه نوجه افتحى عملالك مفاجاه
نجاه / مفيش كلام بينا امشي غور
جوزيف / هعلى صوتى و اسمعهم انى هنا
نجاه تبص على الباب و تبصله بغل
نجاه / انت الخسران وقتها مش انا
جوزيف / لو حقيقي موطيه صوتك ليه لسه ... ما فيش وقت للماطله اللى بتعملوها يومكوا بسنه و الثانيه عندى بتفرق يستنوا هم نتيجه التحليل انما انتى لازم تكونى جاهزه للى جاى
نجاه / مع اذان الفجر هاخدك و نروح مكان ما تحب بعيد عن هنا نتكلم و نرتب كل حاجه دلوقت لازم تمشي
فاتن / انتى نايمه و لا ايه معقول مش سامعه كل الخبط ده
جوزيف / اتفقنا
جوزيف يدخل البلكونه نجاه تقفل الباب و تقفل الستاره و تاخد نفس و تروح الحمام و تقف عند بابه
نجاه / ثوانى ثوانى كنت فى الحمام
نجاه تبص على البلكونه و تفتح الباب تلاقى فاتن و مهره تسلم و تحضن و تبوس
............................
فى الشركه
وفاء تدخل دياب بيراجع تسجيلات
وفاء / انت هترتاح امتى
دياب يبصلها بتعب و ياس و حزن وفاء تقفل الباب و تروح تاخد دياب فى حضنها
وفاء / لازم ترتاح عشان تعرف تركز
دياب / دخلناه بايدينا لحد جوه السرايا
وفاء / طب قوم ارتاح شويه و انا هكمل ... كنت بتعمل ايه
دياب / كنت براجع الكاميرات و اشوف الجدع ده دخل ازاى و امتى و ازاى عدى وسط كل الغفر دول
وفاء / بيقولوا كان متنكر فى راجل عجوز
دياب / يعني الراجل العجوز ده مولود من اهل البلد يعني ازاى الناس دى ما اخدتش بالها و مين بنته دى كمان
وفاء / قوم ارتاح و اوعدك هتصحى تلاقى تقرير كامل عندك فيه كل حاجه
دياب / مش هعرف انام اصلا الفكر هيموتنى يا وفاء
وفاء / اتسند عليا عمرى خذلتك طب ايه رايك بقي انا اللى هجيبلك قرار الجدع ده قوم يا جدع قوم انت مستشويني و لا ايه
دياب يبصلها و يبتسم
وفاء / افرد الكنبه و نام و ما لكش فيه يمين بالله لابهرك
دياب يبتسم و يقوم يفرد الكنبه و وفاء تقعد مكانه
.........................
قصاد اوضه جابر
نجاه تخبط و تروح تقف بعيد جابر يفتح مفيش حد يبص يلاقي نجاه
جابر / نوجه !! خير اؤمرى
نجاه / عاوزه اتلاجئ عليك فى طلب رخم
جابر / اؤمريني امر خير
نجاه / عاوزه انام فى اوضتك النهرده
جابر يتفاجئ و يتنح
جابر / ايه !! هو انا سمعت صح تباتى فى اوضتى ؟! طب ازاى
نجاه / انا اقصد نبدل الاوض عاوزه انام هنا النهرده
جابر / اه طبعا نبدل اكيد ايوه امال ايه اكيد نبدل
نجاه / مالك ؟ هو انت كنت فهمت ايه يعني ؟
جابر / انا !! ابدا انا ما كنتش فهمت حاجه ما هى ما تجيش غير نبدل اصلا على العموم ما تغلاش عليكي بس انا عاوز بس اعرف ليه من امتى دا انتى اوضتك اكبر و فيها حمام خصوصى و بلكونه دى جناح عرايسي
نجاه تبصله بحرج و هى بتفرك فى ايديها
نجاه / انا كنت بفكر اروح انام مع ابويا و امى بس ... فكرت فيك قولت مش هتعترض
جابر / ما انا مش معترض بس
جابر يلمح ايديها من غير اسوره يسكت و يمسك ايدها يبص عليها و يبص فى عين نجاه
جابر / البتاعه اللى بتكهرب فين
نجاه / اخدها تانى
جابر / تمام ... الاوضه اوضتك
جابر يمشي نجاه تجرى وراه و تشده من دراعه
نجاه / استنى طيب هفهمك
جابر / روحتيله ؟
نجاه / هفهمك و الله
جابر / روحتيله ؟
نجاه / لا
جابر / تمام
جابر يجى يمشي نجاه تقف قصاده و تمنعه
نجاه/ البيت فيه ضيوف بلاش فضايح الصبح انا بنفسي اقسم بالله اقسم بالله ما هعديهاله بس بالله عليك اعقل
جابر / جالك فين و ازاى ..  اوضتك من البلكونه... الشجر ... تمام
نجاه / هو ايه اللى تمام اصبر بس اما نتكلم
جابر / ما تخافيش عليه يا اختى مش هاجى جنبه انا هشوف الغلط فين و اصلحه دخوله ليكي تقصير مننا احنا
نجاه / على فكره انا لو هخاف هخاف عليك انت
جابر / للدرجادى مش مالى عينك انا
نجاه / للدرجادى غالى عندى انما هو ما يخصنيش افهم بقي بلاش غباوه
جابر / ماشي
نجاه / جابر بالله عليك
جابر / ما تقلقيش انا مش اهبل ... خشي و اقفلى عليكي الباب بالمفتاح تصبحى على خير
نجاه / مش هتحتاج حاجه من جوه
جابر / هتصرف
نجاه / جابر
جابر / افندم
نجاه / تصبح على خير
جابر يبتسم و يبص الناحيه التانيه و يرجع يبصلها
جابر / خشى نامى يا اخره صبرى و انتى من اهله
جابر يمشي و هو بيبرطم
جابر / انا عملت ايه بس فى دنيتي بس يا ربى عشان يجرالى العبط دا كله
نجاه تضحك و تدخل الاوضه تلاقيها مبهدله على الاخر تحط ايديها فى وسطها
نجاه / اكيد بتهرج
نجاه تبدا ترتب الاوضه و تغير الملايه 
......................
فى اوضه شاهين
شاهين / يعني انا بقالى يومين طالع عين اهلى و فى الاخر ارجع الاقيكي بالمنظر ده
وفاء / ماله منظرى معلش لا لابسه مقطع و لا نكشالك شعرى
شاهين / يا اختى اللبسي مقطع اللبسي مقطع يا اختى اهو نشوف اى لحمه
وفاء / هو انت عاوزنى اربعه و عشرين ساعه بقميص النوم هو انت ما تعرفنيش الا عشان كدا بس
شاهين / امال انا متجوزك اللعب معاكى صلح ما انا كنت قاعد اكل شارب نايم متهنى سعادتك كان ممكن تضيفيلى ايه غير كدا اصلا
وفاء / و انا ما اتاخرتش بس انت عارف انى تعبانه
شاهين / و امتى مش تعبانه و بعدين تعبانه ايه دا انتى لسه نوغه امال لما تكبرى شويه هتعملى ايه ... دا انا امى مهتميه بروحها عنك
وفاء / انت عاوز تتخانق و خلاص
شاهين / لا خناق ايه انتى اصلا ما فيش فايده فيكي انا لبستك خلاص اللحق بقي نفسي و اشوفلى واحده تانيه
وفاء / قول بقي كدا انت كل ده عشان شايفلك شوفه تانيه
شاهين / و الله ما كنت ناويها و لا عمرى فكرت فيها بس اعملك ايه انتى اللى على طول نايمه و تعبانه و لبسالي بجامه ستك و مدفيه صدرك و حاجه تقصف العمر ... الواحد عاوز يروح بيته يلاقي مراته مسيبه شعرها و مكحله عنيها و لبساله حته قصيره حاجه تفتح نفسه على الدنيا تخليه يجرى عاوز يروح بيته انما انا بالله عليكي ارجع ليه اديني سبب
وفاء / ما ترجعش
شاهين / دا بيتي يا روح امك انتى تمشي اسهل
وفاء/ روح امى !! ماشي يا شاهين ... مشيني
شاهين / نعدى اللى احنا فيه و ارجعك بيت ابوكى حاضر
وفاء / و هو ايه اللى احنا فيه ما نجاه رجعت خلاص و الحمد لله كل حاجه بقت تمام بتماطل ليه بقي انت اصلا عمرك ما اقتنعت بيا عمرك ما فتحت نفسي و لا بليت ريقي بكلمه حلوه
شاهين / ردى كمان ردى عليا و على حسك و سمعى الناس بينا يلا اتفضلى اتفضلى
وفاء / ما انت معلى حسك و مشمت السرايا كلها فيا كنت فتحت بقي و لا انا المفروض استحمل لحد امتى
شاهين / ما تستحمليش
شاهين يشد وفاء من دراعها و يزقها بره الاوضه
وفاء / انت بتعمل ايه بتعمل ايه اتجنيت و لا ايه شاهين انت بتعمل ايه طب اديني طرحه طيب لحد يشوفنى شاهين فوق لنفسك استرنى شاهين
شاهين يشد طرحه و يرميهالها على الارض و يرزع الباب و يقفله بالمفتاح و وفاء واقفه بره بتعيط
.......................
على البوابه
الغفر واقفين باصين فى الارض و جابر واقف يهزء فيهم بصوت واطى
جابر / ما احنا شغلتنا نقعد جنب الباب نصب فى شاى و نطفح انما عنينا تفتح و تشوف مين رايح و مين جاى لا
غفير ١ / و الله يا سي جابر
جابر / الشجره اللى تحت بلكونه ستكوا نجاه ما يطلعش عليها نهار و ان حد سالكوا قولوا عيانه مفهوم
غفير ٢ / سلامتها ست نجاه مالها
جابر / الشجره يا بجم ... ما ترحموا امى من غبائكوا ده بقي مش كدا ... عاوزكوا تنتشروا حوالين السرايا مش عاوز نمله تقدر تطلع على الحيطان مفهوم
غفير ١ / طب ما تفهمنا طيب يا سي جابر ايه اللى حصل لكل ده دا احنا قاعدين قصاد باب المضيفه من الصبح يمين بالله ما خرج منها
جابر / امال اللى طلعلى اوضتى ده عفريت امه يعني و لا ايه ... فوقوا بلاش عبط بقي ما تخرجونيش عن شعورى
جابر حاجه تلفت انتباهه يبص وراه يلاقي جوزيف قاعد و مربع فوق سطوح المضيفه و بيتابعهم و مبتسم الغفر يشوفوه
غفير ١ / نهار ابيض دا انا ما اتعتعتش من مكانى
جابر / الشجره تتساوى بالارض و دا اخر انزار ليكوا
غفير ٢ / خلاص يا سي جابر خلاص هنركز و نفتح عنينا حاضر
جابر ينفخ و يسيبهم و يروح ناحيه جوزيف و يفتح باب المضيفه جوزيف يتعلق بين الجدران و ينزل جابر يبص وراه يلاقي جوزيف نزل من فوق
جابر / الصبر ليه حدود
جوزيف / الحق عليا انى فكيتها عشان تاخد راحتها... اصلى ما قولتلكش الاسوره فيها ميكروفون
جابر / زى ما احنا الفتره دى محتاجينك انت محتاج لينا فخف تعوم
جوزيف / ما تيجي نتراهن
جابر / ما براهنش
جوزيف / متاكد انك هتخسر و لا ايه
جابر / الرهان حرام 
جوزيف / طب بلاش رهان تعال نلعب لعبه و الكسبان ياخد جايزه
جابر / ابعد عن نجاه
جوزيف / لو بتحبها ابعد انت عنها انت كل حاجه وحشه حصلتلها فى وجودك انت فى كل مره بتثبت انك ما تقدرش تحميها فلو بجد يعني فارقه معاك ابعد عنها و سبها تعيش
جابر / ابعد انت عننا و كل حاجه هتبقي زى الفل ما تشغلش انت بالك
جوزيف / ما لو مش انا فى الف غيرى مليون غيرى انت ما قدرتش على واحد هتقدر على ... يا ابنى بص لنفسك هاتلى مره واحده قدرت تحميها فيها قدرت تثبت انك تستحق تكون الكبير فيها... صفر دا البت اللى انت جاى تحميها منى ارجل منك مليون مره
جابر / النهرده ليلتك الاولى هنا ليك ليلتين كمان و حق الضيافه يخلص و ساعتها هرجع و ارد عليك
جوزيف / هستناك مش هروح فى حته
جابر يمشي و يروح يقف تحت شباك نجاه و يبص عليه و يرجع يبص على جوزيف متابعه بابتسامه مستفزه و مربع ايديه جابر يدخل السرايا و يقفل الباب
جوزيف / هو الشاى ده بسكر
غفير ١ / انت عاوزه كام معلقه
جوزيف / ساده
غفير ١ يصبله كبايه و يوديهاله
غفير ١ / اتفضل يا سي يونس
جوزيف يبصله باستغراب و ياخد الكبايه و يدخل و يقفل الباب
.......................  
فى اوضه مغاورى
وفاء تروح تخبط سماح تفتح و هى مخضوضه
سماح / وفاء !! خير يا بنتى فى حاجه و لا ايه
وفاء / انا عاوزه اطلق
مغاورى يطلع
مغاورى / ايه !! فى ايه يا بنتى ادخلى ادخلى و اهدى و احكيلى ايه اللى حصل
وفاء / انا مش عارفه احكى اقول ايه بس انا تعبت انا مش واحده جايه من الشارع عشان اتعامل بالطريقه دى
سماح / مين بس اللى زعلك و لا يستجرى يزعلك
وفاء / شاهين يا امى  ... هو لو مغصوب عليا اتجوزنى ليه هو اللى جالى مش انا اللى جيتله
مغاورى / مغصوب ايه بس دا اكيد شيطان و دخل بينكوا
سماح / و بعدين الراجل راجع تعبان مش فاضي للت الحريم و الزن و الحركات بتاعتك دى
وفاء / حركات ايه دا مش عاجبه اى حاجه فيا لا لبسي و لا ريحتى و لا اى حاجه انا تعبت مش عارفه ارضيه طب قوليلى انا اعمل ايه و انا اعمل
سماح / ما تعمليش اى حاجه انا بكره هتكلم معاه و اشوف ايه مشكلته و الغلطان فيكوا انا هعاقبه بنفسي
وفاء / و لحد بكره هنام فى الجنينه يعني
سماح / جنينه !!
وفاء / كتر خيره بعد محايله رمالى الطرحه استر شعرى و قافل على نفسه الباب
مغاورى ياخد نفس و يكتم جواه
مغاورى/ تعالى يا بنتى
سماح / اهدى بس يا كبير لما نفهم
مغاورى / تعالى يا وفاء
مغاورى يروح يخبط على اوضه شاهين شاهين يفتح
مغاورى / ادخلى ... تعلالى
سماح / فى ايه يا شاهين حد يعمل كدا
مغاورى / اسمع ياله الاوضه دى اوضه مراتك مش عاوز تقعد معاها غور فى داهيه لكن الحريم ما بتنامش بره اوضتها انت فاهم و لا لا
شاهين/ جريتي تعيطيلهم دا بدل ما تحاولى تراضيني
مغاورى / مهما عملت شوف لو ادتك بالجزمه ... تبات فى اوضتها مش تطردها تطرد لحمك يا عديم النخوه
سماح / صوتك يا كبير الناس نايمه
مغاورى / اسمعى يا بنتى ... عوزاه يفضل معاكى فى الاوضه الليله بكيفك عوزانى ابيته فى الطل و من غير غطا
سماح / يعني ما شافوهمش و هم بيتخانقوا شافوهم و هم بيتصالحوا اهدى يا كبير و روح انت و انا هتكلم معاهم
مغاورى / لااااا المرادى كبيره اوى
شاهين / يابا انت مش فاهم حاجه
مغاورى / بقولك لو ادتك بالجزمه تسيب انت المكان و لما يطلع النهار تتكلم مش تطردها تنام فى الشارع
شاهين / حقك عليا
وفاء / طلقنى
شاهين / شايف يابا
وفاء / انا مش عجباك و لا ماليه عينك طلقنى
شاهين / ماشي يطلع النهار اطلقك
سماح / عاجبك كدا يا كبير بعد اذنك بقي سيبهملى اتكلم معاهم و اشوف المشكله اساسها فين و احاول احلها بدل ما تكبر عن كدا و نخرب البيت خشي يا وفاء خشي يا حبيبتي نتكلم جوه خشي ... عن اذنك بقي يا ابو شاهين
مغاورى / لا عن اذنك انتى ادخلى يا وفاء و احكيلى كل حاجه اما اشوف انا الحكايه دى اخرتها ايه
الكل يدخل الاوضه و مغاورى يقفل الباب
..........................
فى سرايا زنايته اسكندريه
الحجه / يعني ايه جبت حق ابوك و لا لا يا كبير الزنايته
همام / اللى قتل ابويا ما طلعش عليه نهار انما اللى كرى عليه دى حكايه تانيه قولت
الحجه / يبقي مفيش عزا
همام / اما ... انا من ساعه ما طلعت من البيت ده ما غفلتش و مش قادر لكلام... العزا النهرده بالليل عشان من بكره الصبح فى نظام جديد
الحجه / انا قولت
همام يوطى يمسك فى كرسي امه و يتكلم بصوت واطى
همام / لو فاكره ان الايام الجايه مش هيروح فيها ناس ياما فانا بصححلك الدنيا و اللى بيجرا فيها احنا داخلين على مرار ما لوش اول من اخر
..................................