الكبيره ٢ بقلم / لولو_محمد

الحلقة ١٢

((((((( الكبيره ٢)))))))
#لولو_محمد
الحلقه ١٢
منصور / اسمها الست ياسمينا يا حيلتها ما تنساش نفسك

نجاه / جوزيف اللى صمم الفايروس

جوزيف / و مش بس كدا انا دقه نشانى ميه فى الميه شارب ما بجليش يعني انا لما ضربت عليك النار و يا دوب خدشتك كنت قاصد اخدشك انت مش ياسو

منصور / قولتلك اسمها ياسمينا و لا ما تجيبش سيرتها على لسانك خالص

جوزيف / و لما سبت الميكروروبوت جنبها كان ممكن احقنها بس ما رضيتش و لما حددت موقع تيم و هيا و قتلتهم و لما دمرت كل الموبايلات اللى بتحاول تتفرج على جسمها و خليت الباقيين يخافوا يعملوا سيرش حتى على اسمها و مش بس كدا انا اتخلصت من ربع مليون شخص حاول يتفرج على جسم مراتك ما عدا واحد قريب منك و عايش فى بيتك تحب تعرف هو مين يا منصور

دياب / كتر خيرك مش عارفين نرد جمايلك دى ازاى خلينا فى اللى احنا جايين عشانه

جوزيف / انت مش كنت بتحاول بقالك سنين توصلى ادينى قدامك

منصور / جاى متحامى فى نجاه و بتقول قدامى دا انت بجح اوى

جوزيف / لا احب افكرك ان لولا الصدفه الغريبه دى انتوا ما كنتوش هتشموا ست نجاه دى تانى بس مش ده اللى اقصده اعرفك باسمى الامريكى انا يا سيدي ابقي دانيال برادلى

..............................

منصور يبص لدياب و يرجع يبص لجوزيف

جوزيف / اهدى عشان هتتعلم منى حاجات كتير هتفرق معاك جدا

منصور / الله الغنى عن اللى هيجي من وراك

نجاه / اهدى يا منصور انت عارف انه قال ياسو عشان يستفزك ثباتك الانفعالى احسن من كدا

منصور / انا هغير و اسخن و اجى اللاعبك

جوزيف / انا هبدا مع نجاه عشان عاوز اعلمها كذا حاجه نظرى هطبقهم فيكم عملى

جابر / و احنا هنسيبك تحط ايدك عليها و لا ايه

جوزيف يضحك بصوت عالى بشكل مستفز

جوزيف / قومى سخنى يا نوجه

جابر يجي يضرب جوزيف جوزيف يكهربه جابر يقع فى الارض نجاه تضرب جوزيف يتفاجئ

نجاه / اقسم بالله لو جابر جراله حاجه ما هرحمك بلا اتفاق بلا عم رشيد بلا يونس بلا زفت انت فاهم و لا لا فكه ... فكه حالا

جوزيف / لما تكسبيني الاول

نجاه / اتفقنا ... ما حدش فيكوا يدخل

نجاه توشوش دياب

نجاه / ركز و ادرسه

دياب يهز راسه و جابر متابع و مستغرب نجاه تروح تسخن فى جنب جابر يروح لها