جلست البندري بحماس : يوووهه ما عرفتك يا رغد بالنقاب مشاء الله
العنود بفرحهه لجيه رغد : حتى ليان ما عرفتها بسم الله عليها
الهنوف بزعل : يحمارات ليه ما تجن هنا كثير دايم بجده
عقدت رغد حواجبها : حتى لهجتكم تغيرت
تنهدت ليان براحه : اخيرا احد ما يتكلم بلهجه الديره غيرنا
سحبت البندري رغد تلعب بيدها : كم لكم هنا؟
ميلت رغد راسها : اممممم والله مدري
العنود لليان و رغد : نزلو عباياتكم و النقاب نشوف الكشخه
رغد فزت من مكانها نست انها بتنزل عبايتها : احظه بعدل شكلي اتوقع خرب
ليان مشت مع رغد : الخوي ما يخلي خويه
ضحكو البنات و مشو رغد و ليان عند المرايه يضبطون نفسهم : رغد شكلي كذا زين؟
كانت رغد لابسه فستانها البنفسجي و ماسك على جسمها و قصير لفوق الركبه بشوي وشعرها الكيرلي و شكلها بالمكياج الي خلا ملامحها حاده
صدت ليان وكشت بوجهها : احلا مني
رغد بعصبيه مزح : وجع انتي احلا شوفي شكلك الي بيشوفك بيخق عليك
توجهت ليان وضمت رغد : اووههه اسفه اني كشيت عليك
كتمت رغد ضحكتها وهي تبادلها الحضن : خلاث مشينا تأخرنا على البنات
طلعت ليان الايلاينر : خلاص روحي بلحقك
مشت رغد و راحت للبنات : شراايكمم؟؟؟
صارخو البنات : يمههه
استغربت رغد ولفت وراها تحسب في شي : وش السالفه؟
حصه : يادلخه قصدهن انتس زينه
البندري قامت لرغد : يازينك تهبلين
البنات : معاد لنا كلمه خلصو المدح علينا
العنود ارسلت بوسه بالهواء : بما ان ذا شكلك ليان بتطلع احلا
عند ليان
ليان بعصبيه : يوووههه ما يضبط
ناصر دخل قسم البنات ( مو الحريم ) يدور العنود : عنووددد وينك؟
شاف بنت عند المغسله و راح لها تنادي العنود : هي بنت
لفت ليان عليه مستغربه : نعم؟
وقف ناصر مكانه وهو يشوف البنت الي قدامه لابسه فستان اصفر فاتح ماسك لجسمها وقصير سكت يتأملها وماحس الا بكف جا على خده : ما تستحي؟ تناظر بنات الناس!!!
حاول ناصر يطلع زله عشان ماتحسبه قليل ادب : احسبك بنت خالتي وقعدت اناظرك ابي اتأكد اذا انتي هي ولا لا؟؟
ما ردت ليان واخذت شنطتها ومشت للبنات
ليان لالبندري : ناصر هناك كلميه يطلع
قامت البندري ومشت لناصر : وش جابك هنا؟
ناصر استوعب ان البنت هي نفسها ليان الي كانت برا لابسه نقاب و عبايه لأن لهم نفس العيون و ليان مسحت الايلاينر تعدله فعرفها من عيونها ولف على البندري يبي يتأكد من انها ليان : تكفين يا بندري من هي البنت الي لابسه اصفر؟؟
البندري برفعه حاجب : ليه؟
ناصر بأبتسامه : صاارووخخ بخطبها شسمها؟
البندري شمقت وهي تمشي : مالك دخل
ناصر مسك يد البندري : هي ليان سلمان صح؟
لفت البندري عليه بصدمه : كيف عرفت اسمها؟
'
ناصر استغرب من سؤالها : اليوم شفتها عند سياره جالسه تشيل شناط و جيت اساعدها وقلت اسمي وهي قالت اسمها و شفت عيونها كانت نفس عيون البنت الي كانت تشيل الشناط
تنهدت البندري براحه تحسب ان الي في عقلها صار : طيب روح خل البنات ياخذون راحتهم
ناصر ابتسم وعطاها ظهره : لا تنسين تهتمين فيها ابي زوجتي تكون كويسه
ما ردت البندري و رجعت للبنات
العنود : وش يبي؟
البندري بتأفف : يتفلسف هو وراسه
عفاف طق الطاوله بيدها : اسمعووونيييي!!
لفو عليها البنات مستغربين : وش؟
عفاف رفعت صوتها : ابيكم تدورون لي عريس
ابي اتزوج
انهارو ضحك عليها ومن تصرفاتها الي تثبت انها منجد بزر ، رغد : بخلي فهد يجيبلك عريس من اخوياه تراهم مزز انصحك
صدقت عفاف و طارت لرغد و الابتسامه شاقه وجهها : صدز تكفين قولي!!
رغد انهارت ضحك زياده : اي اي معليك اكلم فهد
عفاف فتحت شنطه رغد وطلعت جوالها : هاتس دقي عليه الحين!!
رغد انصدمت وضحكت اكثر : تكفين تكفين شفيك متحمسهه!!
تخيلت عفاف انها بتكبر و تصير مو حلوه وبعدها بتقعد عزباء : ما ابي اكبر واصير عزبا
وقفت رغد ضحك ولفت على البنات الي للحين يضحكون : ابشري ادق عليه الحين
دقت رغد على فهد و رد : لبيه؟
رغد : ابيك تدور لعفاف عريس من اخوياك
لف فهد على باسل الي جالس يسولف و العيال سمعون له ولا توقع ان رغد تمزح : بشوفهم
قفل فهد وتحنح : اسمعوني
مبارك : هلا؟
فهد سكت للحظه مايدري كيف يفاتحههم : بنت خالي كلمت اختي تقولي ادور لها عريس...قاطعه باسل يرفع يده : انا انا باخذها وش اسمها؟ كم عمرها؟ زينه ولا لا؟ كيف اخلاقها؟ كم عدد اخونها و خواتها ووش اسمهم؟
كتم فهد ضحكته واخذ جواله يدق على رغد وردت : ها لقيت لها عريس؟
فهد بأبتسامه : اي لقيت باسل الي يبيها وجاوبي على اسألته
باسل جلس جنب فهد : وش اسمها كامل؟ كم عمرها؟ زينه ولا لا؟ كيف اخلاقها؟ كم عدد اخونها وخواتها ووش اسمهم؟
رغد عقدت حواجبها : شوي يابن الحلال لاهي طايره اسمها عفاف طارق آل فيصل عمرها 22 تفتح النفس اخلاقها زينه بس متهوره كثير عندها اخوين مشاري وحسين وما عندها خوات و الباقي اخطبها وتعرف
باسل بفرحهه : عطيني اكلمها ابي اعرف اكثر عنها
رفع فهد اصبعهه قدام وجه باسل : لحظه برسلك رقم ابوها عيب تكلمها وهي مو من محارمك واذا تبيها صدق روح اخطبها وبتعرف كل شي عنها
باسل طلع جواله و نقل رقم ابو مشاري : واذا خطبتها من يجي معي ابوي مشغول اربعه وعشرين ساعه وماهو حولي ابدا وزين اذا كان يتذكر اسمي وامي متوفيه الله يرحمها
بدر تنهد بحزن لحاله باسل : بجيب ابوي انا انت بس كلم ابوها
'
قمز باسل من جنب فهد واتجهه لبدر يعانقه مبسوووططط : الله يخليكم لي ولا يحرمني منكم يا افضل اخواننن
ابتسمو العيال من نطقه لكلمه ( اخوان )
عند رغد
قفلت اول ما قال باسل ابي اكلمها : ونقدر نقول مبرووووككك يا عفافوو
سكتت عفاف مصدومه انها خلاص بتنخطب وراحت ركض لمشاري وهي تصارخ بأسمه
فز مشاري من سمعها تناديه : بسم الله على قلبتس انتي علامتس؟
عفاف عجزت تتكلم من الفرحهه وتلعثمت بالكلاك : ان..ا...انبخطت قاطعها مشاري : وش انبخطتي؟
عفاف بصوت عالي : انا بانخطب بانخطب
سكت مشاري يحسبها تهوجس : لا شكلتس تهوجسين صدز
عفاف قعدت تحلف له عشان يصدق : اقسم بالله اني بانخطب اسأل البنات
مانطق مشاري ويدعي ان الي في باله خطأ : تكلمين احد؟
عفاف انصدمت من تفكيره انها تكلم عيال : لا لا انا قلت للبنات ابي عريس مزحهه و رغد دقت على فهد يدورلي عريس وهو يعرف اني امزح و خطب لي واحد من اخوياه اسمه باسل وهو اول من قال انه يبيني وبيخطبني وعطاه فهد رقم ابوي
ما صدق مشاري كلامها و دق على فهد يتأكد : الو ولد الي تقوله عفاف صح؟
فهد ضحك : رغد دقت علي تقول دور لعفاف عريس من اخوياك و قلت للعيال و قال باسل انه يبي يخطبها و انا عطيته رقم ابوك عشان يخطبها ورغد ورتني صورته من الانستا
سكت مشاري وناظر لعفاف الي كانت مبسوطه : عطني رقمه اكلمه و لا تقوله اني اخذت رقمه
فهد دخل الواتساب وسجل رقم باسل وارسله لمشاري ودق عليه
مشاري : السلام عليكم
باسل : عليكم السلام من معي؟
مشاري : انا ابي اخذك ، سكت مشاري وحس انه جاب العيد بس كمل ، شفت صورك وقلت ابي اخذك لبنتي
باسل : شفت صوري وين؟
مشاري : من الانستا
باسل : اسف انا لقيت بنت حلال وبخطبها قريب بس اكلم ابوها و اخطبها وبنتك تلقى الاحسن ان شاء الله
ابتسم مشاري وعرف انه منجد يبي يخطب عفاف : الله يوفقك ويتمم لك على خير
قفل مشاري ولف على عفاف الي ضامته لا يرفض باسل : ها زين الولد؟
مشاري مسح على راسها : ان شاء الله بكلم ابوي عنه لجاء يخطبتس
هزت عفاف راسها بمعنى اي وراحت لرغد و البنات تبشرهم : انا جييتت
نوال : بشري وافق؟
عفاف مشت لرغد تبوس راسها : شكرا يا احلى بنت عمه
مشاعل ناظرت عفاف : احستس استعجلتي وانتي توتس صغيره كان انتظرتي سنه ولا سنتين وبعدها تزوجي الي تبين
ميرال هزت راسها بتأييد لمشاعل : صادقه مشاعل توتس صغيره بس لا تنسين ان الخيار راجع لتس وحنا مو قصدنا ارفضي بالعكس مبسوطين لتس والله يتمم لك على خير
عفاف بتفهم لكلامهم : عادي احمدو ربكن انكن ما تزوجتن بعمر 16 ولا 17
وكملت : اذا كبرت محد بيقبل فيني بيقول كبيره فعشان كذا البنات يتزوجون من عمر 17 و اذا وصلو 24 وما تزوجو ينقطع رزقهم بالرجال
سكتو وكلامها 90% صح لأن محد بيقبل ببنت اكبر من كذا
قامت الهنوف تشغل شيك شاك شوك وتهز والبنات يصفقون لها
عند العيال
مشاري ما سوى شي وينتظر باسل يكلم ابوه يخطب عفاف وجلس مع العيال يسولفون وكل شوي يناظر سعد الي كان يناظر فيهم بصمت
مشاري بأبتسامه واسعه : جيبو العود وخلو سعد يقول لنا قصيده من عنده
همس سعد لمشاري يسكت ماله حيل يقول قصيده وهو متضايق للحين
قام فراج ومد العود لسعد
تنهد سعد بقل حيله وناظر للعيال منتظرين قصيدته بحماس وابتسم لهم و دق بالعود الين زانت نبرته :
ما هقيت التقي فيك يا قمرا قلبي و دنياي
حتى احلامي عجزت تلمحك ياحبي الي ما ينتهي
اشوفك كل يوم في ظل عيوني تضحكين
وافدي لك روحي لذي الضحكه جعلها تدوم
واليوم اشوفك تحبين ، تحبين غيري ياقمراي؟
كيف اتحمل فرقاك وعيني تجفاك طول ليلي
وسهرت عيني و كثرت الليالي لعل اشوفك صدفه
وش ذنب قلبي يوم حبك وش ذنبي انا الي عشقتك
وانتي ما دريتي عني وانا واقف قدامك تلاحظين
ما همك حبي ماهمك قلبي الرهيف الي ينتظرك
كل يوم وليله يناديك ويحترق اذا ما رديتي؟
بس احبك ياروح المليف الي حبك و عشقك
سكت سعد ووقف يدق بالعود
ولف للعيال ماكان في المجلس الا
ناصر و مشاري وحمزه و فراج و مؤيد وسالم وحسين وعبد القادر
ناصر تجمعت الدموع بعيونه وناظر لسعد : من الي تحبها اسحبها هنا تحبك غصب ولا اذبحها
ما تحمل سعد شكل ناصر وانهار ضحك عليه وصد ناصر بقهر منه : ما يضحك الشرهه علي الي ابي اشيل همك
فراج كتم ضحكته ولف على مشاري يسكتهم لا يتهاوشون : قم
سالم قام جنب سعد وهمس له : هي سعيدان من الي تحبها و عيونك تجفاها كل ليل؟
سكت وكمل : عندها خوات اذا عندها ضبطني مع وحده منهن تكفى سعودي تراني احبك
سعد ضحك بضيق : لا يابن الحلال مغير اجيب كلمات من راسي وانت صدقت يا عوقك عوقاه
كشر سالم ومشى لمكانه والعيال يطقطقون عليه
مشاري عدل جلسته : اسمعو اسمعو بس عفافو بتنخطب ان شاء الله من خوي فهد باسل
حسين قام بصدمه لمشاري : ياولد انت صادق اختي بتنخطب وانا آخر من يعرف؟
مشاري ما استغرب من رده فعله : تونا ما قررنا متى بيكلم ابوي و يخطب انا شفته رجال وراعي حق وزين