لغرفتها و انسدحت على السرير وناظرت جوالها بملل وهي تفتحه لثواني وقفلته
الساعه 6:45
ليان بصوت عالي : قومي يلا الساعه 7 الا ربع قومي
رغد : طيب طيب
شالت ليان البطانيه : بتاخذين سنتين بطلع ثوبك
مسحت رغد عيونها : طيب طيب
ليان وهي تفتح الدرج تطلع فستان : تكلمي زي الناس وقومي غسلي وجهك
قامت رغد وراحت تغسل وجهها وطلعت لليان : وين ثوبي
ليان وهي تأشر على فستان بنفسجي : هاذا
رغد بأستغراب : رايحه عرس طلعي ثوب ثاني
رجعت ليان الفستان : صح لو لبستيه بيحبك اكثر
طلعت ليان بلوزه ازرق فاتح عشان البرد تنوره بيضاء وشرابات زرقاء فاتحه وجوردن : ذا زين؟
هزت رغد راسها بمعنى اي وطلعت ليان
لبست رغد و رفعت شعرها لفوق : كذا زين؟
ليان : تجنين مشاء الله امشي يالله الساعه 7
لبست رغد جاكيت ابيض طويل للركبه وطلعت وهي تمشي
الهنوف من بعيد : ليه ما لبستي عبايتس؟
رغد : قررت انزلها ما ابي سمعه اهلي تروح عشان عبايه
الهنوف بأستعجال : الله يوفقتس مع السلامه مستعجله
رغد : الله يستر عليك
الهنوف : وياتس
رات الهنوف وكملت رغد مشي الين وصلت للحديقه وجلست على وحده من الكراسي
ونفخت على يدها تدفيها من البرد
نايف : تأخرت عليتس؟
نزلت رغد يدها واشرت له يجلس : لا
ناظرت رغد فيه من شافته متكشخ وحزنت عليه ما يدري انها بتعترف له يتركها مو بحبها
كان لابس ثوب بني شتوي و لابس معه فروه خفيفه و عمامه بيضاء ولابس ساعه ذهبيه وكبك بني غامق مع ذهبي
نايف : شبغيتي؟
ما حبت رغد تكسر بخاطره وقررت تمهد له الموضوع : شوف ما ادري كيف ابدا الموضوع لكن انت تعرف ان فاهد وومعيض و انت تحبوني ما يحتاج تنكر لأن الكل عارف فعشان امهد لك الموضوع ابيك تبعد عني
انصدم نايف وكأن احد طعنه بظهره : ك كيف يع عني؟
رغد بشفقه : اسفه بس ما ابي ادخل في علاقات حاليا فاتمنى تبعد عني
وكملت بتصريفه : انا مو قصدي اني ما احبك قصدي اني ماراح ادخل علاقه حب مع اي احد الى الين اقرر بنفسي واشوف اذا انا جاهزه ولا لا و اذا قررت بكلمك لكن حاليا ابعد عني
سكت نايف جزء منه مستانس انها ما تكرهه وجزء منه زعلان انه بيبعد عنها : ابشري
قامت رغد بتروح لكن وقفها صوت نايف : احبك
لفت رغد عليه و ابتسمت
'
وبكذب عشان ما تجرحه : وانا بعد
راحت للبيت اما نايف الي صرخ بفرح
وكل ذا تحت انظار سعد الي تقطع قلبه بعد ما عرف ان نايف يحب ليان وليان تبادله الشعور نفسه وراح للبيت وهو شوي وينهار بس مسك نفسه عشان ايش ( عيب الرجال يبكي ) وانسدح على الكنب تحت استغراب الهنوف : فيك شي؟
سعد بغصه : لا
جلست الهنوف عن راسه وناظرت فيه : كذاب فيك شي قول انا عندك؟
نزلت دموع سعد : توي ادري اني قاعد احب من طرف واحد
انصدمت الهنوف بس اكتفت انها تبوس راسه عارفه انه ما يحب يفضفض : من الي تحبها؟
مسح سعد دموعه الي نزلت لا شعوريا : انسي اني كلمتس و بكيت عندتس
وقام اما الهنوف قلبها عصرها ما تحب تشوف سعد زعلان او متضايق خاصه ان مر بأشياء كثيره بس مع ذلك مستمر و مانزلت منه دمعه وحده بس اليوم بكى عشانه يحب من طرف واحد
زفرت بضيقه تحاول تعرف من الي يحبها سعد وقامت تنام عشان بكره جمعه
ولازم تقوم بدري
عند رغد
نزلت تتعشى
ابو فهد : وينك؟
جلست رغد جنب ليان : رحت اتمشى برا واعطي الاطفال حلويات
هز ابو فهد راسه وكمل اكله
ناظرت رغد فيهم ناويه تعلمهم انها بتنزل العبايه والحجاب : اسمعو
ناظروها كلهم : صارحه قررت انزل العبايه
حط فهد الملعقه على الطاوله : في احد غاصبك تنزلينها؟
رغد: لا بس جا في بالي انزله
مسلط : انتي بكيفك تبين تنزلينه ولا ماتبين حنا ما عندنا مشكله بس اهم شي يكون برضاك ما حد يجبرك تسوين الي يبي
ولف فهد لليان : وانتي بعد ما عليك من اي احد لو غصبك تنزلينه الطميه بكف يخلي وجهه يدور مرتين
ابتسم ابو فهد لعياله : انتي بصرك تبين تنزلينه نزليه واذا ما تبين لا تنزلين ونفس الشي معك يا ليونتي
ناظرت ليان ابو فهد وهي شوي وتبكي كيف ان ربي رزقها بأخوان مثل مسلط وفهد وابو وام يهتمون فيها وامها وابوها الحقيقين كيف عوضوها عن فقدان اخوها هادي
ام فهد : بكره بنروح لبيت خوالكم بنجتمع عندهم الفجر الساعه 5 وبعدها بنروح البر نكشت هناك جهزو اغراضكم بعدها نامو وانتي يا ليوني امك قالت دقي علي اذا خلصتي
ليان : ابشري
كملو عشاهم وراح كل واحد منهم لغرفته
اخذت ليان جوالها و دقت على ام هادي
ام هادي : لبيه كليتي؟
ليان : اي تعشيت وانتي وابوي؟
ام هادي : قاعده ازين العشاء
ليان : كيف شغل ابوي؟
ام هادي : زين الحمدالله وانتي كيفك؟
ليان : والله بخير بس عادي اطلبك طلب؟
ام هادي : شبغيتي
ليان : انا ورغد بننزل العبايه عادي؟
ام هادي بتفكير : بكيفك الي يريحك
ليان : ما اطول عليك مع السلامه
قفلت ليان وراحت لرغد تجهز معها
'
ليان : وش اخذ
طلعت رغد شنطه صغيره : حطي بس لبسين و كعب وجزمه والباقي كيفك
طلعت ليان شنطه صغيره مثل حقت رغد : طيب
اخذت رغد بلوزتين بيضاء و بلوفرين واحد اسود وواحد موف و بنطلون ابيض وبنطلون اسود و كونفرس اسود
و الفستان اخذت الفستان البنفسجي غامق الي طلعته ليان لها قبل كان علاقي ضيق من عند الصدر و الخصر ومن تحت نصه مرتفع شوي و النص الثاني شبه مرتفع وناعم وكعب وسط لونه ابيض
حطت ملابسها في الشنطه اما الفستان علقته و حطت الكعب جنبه
عند ليان
اخذت بلوفرها الفوشي و بلوفر برتقالي وبنطلونين اسود اما الفستان اخذت فستانها الاصفر فاتح شرته مع رغد يوم كانو بسويسرا
كان له اكمام قصيره من تحت الكتف و ضيق من عند الصدر و الخصر كان نفس حق رغد بس اللون غير و له اكمام وكعب ابيض وجوردن اسود
وسوت نفس الي سوته رغد ونامت
اليوم الثاني الصباح الساعه 5:30
ام فهد : يله يله قومو صباح خير
رغد : عادي ننام شوي بس؟
ام فهد : ترا قدامكم 35 دقيقه اذا ما تجهزتن بنروح ونسحب عليكم
فزو رغد وليان يلبسون
اشرت رغد للفير الي كان جنب ليان : عطيني الفير عطيني
مدت ليان الفير لها : هاك
جهزت رغد نفسها وسوت شعرها كيرلي وحطت روج خفيف وليان تسويلها الايلاينر
وإكسسواراتها كانت سلسال فضي بتعليقه نجمه ☆ وخاتم ملتوي كذا ~ بخرز شفاف واسواره متصله بخاتم الوسطى وحلق جوهر
اما ليان سوت شعرها ويفي وحطت شباصه مستطيل مفتوحه من النص ومزينه بلؤلؤ
وحطت روج خفيف وايلاينر سوته بنفسها
وإكسسواراتها سلسال فضي بتعليقه قلب ♡ وخاتم ساده بالنص قلب واسواره عليها حرف H كانت هديه من هادي وحلق جوهره نفس حق رغد
رغد وهي تناظر الساعه : خلصنا في 25 دقيقه مشينا
شالت ليان شنطتها : حسبي الله تعبت
ونفس الشي مع رغد : مشينا مشينا خلنا نروح بدري نكمل هناك بعد ممكن نلقى ساره تزين الباقي
طلعو من الغرفه وشافو نوره تطلع
كانت لابسه فستان خفيف بأكمام بلون سماوي ضيق من الصدر ومفتوح من تحت
ليان بأعجاب : طلعتي مزه يا كلبه
رغد : ليه مخبيه كل ذا الجمال من وراي
نوره : اقول انتم احلا مني انزلو بس
نزلو من الدرج تحت انظار مسلط : اف اف ذول خواتي الله طلعتو مزز
حب فهد راس نوره : مو غريبه على نورتي
رغد بعصبيه : وانا بعد ابي
راح مسلط وحب راسها : ابشري
وجا ابو فهد وحب راس ليان : وليونتي بعد
ام فهد بزعل : حسافه عيالي وابوهم انقلعو
'
راح ابو فهد وباس راسها ويدها : رضيتي؟
استحت ام فهد وناظرت فيه : ما عرفتك رومنسي
ابو فهد بغمزه : اصير رومنسي لعيونتس يا شيخه
ام فهد : اطلق رومنسي
ضحكو العيال و ركبو السياره وهم مبسوطين بحب ابوهم لأمهم
ليان : ابي اروح بسرعه
ربط فهد حزام الامان وناظر ليان : ابشري
رن جوال رغد و المتصل الهنوف : هاا جايين
الهنوف : بسرعه كلنا وصلنا نبي نشوف كشختكم
رغد : مستعجله شوي ونجي انتظري
الهنوف : وينتس انتي الحين؟
رغد : في السياره عاني فهد
فهد : جايينكم جايينكم اصبرو علينا
الهنوف : طيب طيب
قفلت الهنوف ومشى فهد : شتبون اشغل الدرب طويل
ليان : شغل حب عشريني صلاح الزدجالي
شغلها فهد وغنو ليان و رغد :
يالحب حبنا ترا
حب ما توصف صوره
قالو عنا اسطوره
حب عشريني ثلاثيني
اربعيني وخمسيني
يبقى مهما العمر يبقى
حب ما يعرف الفرقه
فالحب واحنا سوا
صرنا غصن وحمامه
قالو فينا القصص ياما
حب يكفيني يغنني
ساكن عيني وشراييني
يبقى مهما العمر يبقى
حب ما يعرف الفرقه
مسلط : كملو كملو
تنحنحت رغد : حلقي رايح فيها
ليان : اجل لا تغنين تتعبين صوتك ما ننا
ناقصين
وقف فهد السياره : يله وصلنا انزلو
نزلت رغد بفرح و راحت تركض للهنوف وليان تأففت وهي تشيل الشناط
لمحها ناصر من بعيد وجا ساعدها بالشناط : من انتي؟
عقدت ليان حواجبها بأستغراب من سؤاله : انت الي من؟
ناصر كتم ضحكته : انا ناصر ولد حسن انتي من؟
ليان : انت ولد خال رغد صح؟
هز ناصر راسه بأي
ليان بتأفف : ماني من اقاربكم انا ليان بنت سلمان
ناصر : ما عرفتك؟
ليان بأستغراب من لهجته : انت ليه ما تتكلم بالسين؟
ناصر بتذكر : انا طول وقتي عايش في جده ما اجي هنا كثير وامس جينا الديره في اليل
وانتي وش جابك؟
ليان بهدوء : انا جايه مع اختي رغد
ناصر بصدمه : اعرف رغد ما عندها الا نوره؟
ليان بطفش من كلامه : بالرضاعه وهي صديقتي بعد
ناصر بفرحهه : متى جت اعرف لها 5 سنين ما جت متى جت وليه؟
ليان بعصبيه من اسألته : بعدين بعدين انا مستعجله
فهم ناصر عليها و شال الشناط عنها الين وصل عند باب الحريم ولف على ليان ببرود : مع السلامه
ليان بأستغراب : وش فيه ذا قلب قبل شوي متحمس يسولف والحين عطاني وضعيه الثقيل
سمعت البندري كلام ليان و ضحكت : معليك منه ترا يسوي كذا عشان تخقين تراه خفيف انتبهي
ضحكت ليان معها و دخلو يتعرفون على بعض
لفت رغد على ليان و البندري الي جالسات يتعرفون على بعض : اشوفك تعرفتي عليها
( ليان كانت لابسه عبايتها ونفس الشي مع رغد )