" كيف ما احبك وانتي كل ما تشوفه عيوني "

13

ناظرت رغد ليان و شافتها تغمز لها وتضحك
رغد : وجع؟
ليان بأبتسامه عريضه : تزوجو والمهر علي
رغد بتحسف : ياحسره عمري عليك يا ليان بس
ليان وهي تعدل جلستها : بالعكس انا جالسه ادعمك عاطفياً
رغد : قصدك تدعميني بالسياره
ليان بأستغراب : كل ذا ما عرفتي انه يحبتس
رغد بعصبيه : حبك الابرص ان شاء الله مالقيتي الا هو؟
وكملت : وبعدين انا ما خلصت من معيض ونايف تبيني احبه هو؟؟
ليان : طيب شفيك عصبتي؟
رغد بهدوء : الولد ذا متحجر وعصبي بس يهاوش وحتى نايف بنفسه احسن منه واكثر
ليان : طيب ومعيض يحبك نفس نايف؟
رغد : في فرق بين ( الهوس ) و ( الحب )!
معيض دايم يلاحقني في كل مكان واذا شربت عصير و قطيت العلبه في الزباله يروح ياخذها و يحنطها عنده ويصورني بدون ما ادري و غرفته كلها صوري وتبيني ما اكرهه؟
سكتت ليان لأن معيض منجد مهووس
رغد بهدوء اقل : تبين اوضح لك اسباب كرهي للحب و للعيال هاذول؟
ليان : اي

رغد :
اول شي راح نستبعد سعد لأنه ما عطاني خبر وحتى انه كل ماشافني تهاوش معي واصلا هو ما سوى كذا الا توصيه من خالتي انه ما يحارشني و يتهاوش معي لأني سمعت مكالمه خالتي له يم كنت عند الحريم

ونايف معروف من كل خالاتي انه يحبني وهو اصلا ما اعترف وحبه يعتبر شوي صادق لكن مستحيل احبه او اتزوجه لأنه بأختصار يضرب امه والرايح والجاي فما بالك لو صرت زوجته وش بيسوي فيني و بعيالي؟ بأختصار بيذبحنا و خاصه ان متشدد في عادات و تقاليد الديره فما راح اقدر اعيش بحريه ابدا

ومعيض شي ثاني مهووس بالمعنى الحرفي يحب يناظرني لدرجه ان حط كاميرا في غرفتي بالسر وما اكتشفتها الا بعد شهر و احمد ربي اني كنت ابدل ملابسي بغرفه الملابس ولا كان صار شي ما يحتاج اقوله وياليته يكتفي بذا بس بعد اذا طلعنا مع عماتي دايم يكون موجود و اذا شربت ببسي بالعلبه حقت المطاعم يجي يشرب منها بنفس المكان الي شربت منه ويخبيها معه وما انكر انه طيب مع الكل لكن هوسه خربه 180°

ليان بأقتراح لرئيها : اول شي سعد صح استبعدناه وصارحه لاحظت انه يكرهك من زمان ونايف ماقد شفته يضرب امه وحتى ما جا في بالي انه يضرب امه بسبب حبه لديمه فقلت انه يحب امه نفس حبه لديمه اما معيض اعرف ايش سوا وايش بيسوي فما يحتاج نتكلم عنه
وكملت بتنهيده : اكره اني اشوفك تعانين كذا وانا ما اسوي شي ولا حتى اعرف بالي يصير لك
ابتسمت رغد وضمت ليان : كنت اخفي عليك ذا كله عشان ما تشيلين همي بس انتي مو راضيه تسكتين
ضحكت ليان وضحكت رغد معها

'

ليان بطقه : وش يقول الشاعر؟
رغد :

واحدن عاده من الاولين الطيبين
عشرته ما حافها لا فلان ولا فلان

عاده من اللي يقدر سلوم الطيبين
لا يخون الي يحبه ولا يرضى الهوان

ليان بتصفير وتصفيق : صح لاسانكك
رغد : لا داعي للتصفيق يا اختاه
ليان بتحسف : الثقه الزايده ياناس
رغد : بس في محلها
ليان : اي اي مشاء الله
رغد : مالت
ليان : اييي صح ابي اعرف وش قرابة اعمامك و خوالك؟
رغد : مافهمت؟
ليان : صح مشاعل قالت انها ما تقرب لأعمامك بس كيف ما تقرب لهم وانتي تقولين ان بينهم قرابه وليش سموكم آل فيصل
رغد : اول شي جدي فالح الله يرحمه و جدي فهيد اخوان و ابوهم الي هو فيصل كان تاجر كبير والكل يعرفه وبعد مامات ابوهم فيصل جدي فالح و جدي فهيد اخذو مكانه وبدو يتاجرون هم بعد من بعد ابوهم و بعدها بدو خوالي واعمامي وعيالهم يطورون الشغل الين صارت شركتين للتجاره فعشان كذا سمونا آل فيصل
ليان : الله
رغد : يلا نامي تصبحين على خير
ليان : وانتي من اهله
نامو البنات و صحو على صوت جده مشاعر تقومهم للصلاه
الجده مشاعر : يله قومو قومو نعنبوكم ذا نوم ولا سبات؟
ساره وهي تسحب البطانيه من وجهها : الله حبيت الذبه
طقت الجده مشاعر راس ساره بالعصا : تجمعو عليتس الذبان يا بنيتي
مشاعل بنعاس : الحين هاذي سبه ولا مدحه؟
نوال وهي تقوم : لهدرجه غبيه اكيد سبه
ميرال وهي تقوم هي الثانيه : لا لا مدحه قالت يا بنيتي
سجدت ( ضربت ) جده مشاعر العصا على ضهورهم : نعنبوكن انتن بس تهاوشن
نوال بتوجع : عشانتس جدتي بسكت
ميرال بتوجع اكثر لأن الجده كانت اقرب لميرال اكثر من نوال : ليش ضربتيني ما سويت شي حرام عليتس
الجده مشاعر : لابدن انتن الثنتين طقيتكن نفس الطقه
نوال : لا والله طقيتيني اكثر منها
قرصت ميرال نوال عشان تسكت ولا بيلقمون احلا تكفيخ من الجده
ميرال : ابشري حنا الغلطانات
الجده لنوال : عانيها يا حليلها اعترفت بغلطها الا انتي تكابرين
نوال : خلاص اسفه
ساره : وين الهنوف و عفاف و حصيص
جده مشاعر : قامن من زمان وانتن توكن
مشاعل : الله يرزقنا نشاطهم
جده مشاعر : معليه روحو قومو ليانتي و رغدتي
البنات : ابشري
قامو نوال و ميرال و ساره مع جده مشاعر اما مشاعل راحت تقوم رغد و ليان للفطور
مشاعل بعد ما شغلت النور : يالله يالله قومو صباح جميل ورائع لأجمل ثنتين في العالم رغودتنا وليانتنا
رغد بتمغط : حسبتك جده مشاعر
مشاعل : قبل شوي كفخت نوال وميرال عشانهم قعدو يتهاوشون على ذبه جده مشاعر
ليان بفركه لعيونها : وش هي الذبه؟
مشاعل : نعنبوكم ذا نوم ولا سبات؟
رغد : كل ذا عشان ذي الجمله

'

مشاعل : نعم والجده كفحتهم تكفيخ
ليان بصوت عال : جده مشاعر ترا مشاعل تحش فيك
مشاعل : نشبه
رغد وهي تقوم : قومو للفطور
ليان وهي تقوم مع رغد : وش فطوركم؟
مشاعل : مقلقل على كيف كيفتس
ليان بركض : الله اشتهيته من الحين تعالو بسرعه
مشاعل : انثبري لا تطيحين يا بنت
رغد : ماهي فاهمه نروح نلحقها
مشاعل : ياصبر الارض
راحو البنات لها ولقوها تغسل يدها
رغد : يحماره انثبري مولازم تنحاشين توهم ما غرفوه
ليان : ايم سوري
مشاعل : تو الناس بعد ما فرينا المزرعه كلها؟
رغد : امشو بس
راحو كلهم للفطور الي كان ثلاث صحون مقلقل وخبز تميس وخبز عادي وثنين ببسي كبير وثنين حمضيات كبير وقدر جريش على جنب
ليان بصدمه : مشاء الله بسم الله لا اله الا الله
ام فهيد : يالبى قلبتس انخرشتي تعالي تعشي يابنيتي
ليان لرغد : الله كيوت من ذي؟!
رغد وهي تحب راس ام فهيد : هاذي خالتي فرح ام الهنوف
راحت ليان تحب راس ام فهيد : يابعد قلبي هي ما الومك يوم تمدحينها عندي
ام فهيد : ياحليلتس انتي يا ام راس
ليان بتجهم لرغد : والله ما تخلين يا رغيدان
ام فهيد وهي تحضن رغد : لا لا رغودتي ما قالتها هنوف الي قالتها
الهنوف وفمها فيه لقمه : تجحديني يا يمه؟
ام فهيد : مانتس سنعه مثل رغودتي
الهنوف وهي تبلع لقمتها : هين يا رغوده تزرفين امي
شروق : وانا يمه تحبيني؟
ام فهيد : لا احب نوره
شروق بشهقه لنوره : ياحيوانات زرفتو امي!
ام فهيد بعصبيه مزح : والطقعه فيتس محد حيوان ذولي بناتي الحلوات!
نوره بضحكه : يا حره امكم تحبنا اكثر منكن
رغد وهي تحط يدها على راسها : اخذنا امكم
الهنوف : بزره
رنيم : وهي صدز بزر
سحاب بضحكه : اي منجد يع
شهد : مو غريبه عليها البزوره وع
سحاب : ياي ياحلوتس يا شهوده
شهد : شفتو الي جنبها بس وع
البنات بضحكه : ايييي يع يفشلون
ام نايف : علي الحرام ان ماسكتن عنهن والله ما تشوفن خير
شهد : يجيب الله مطر
رنيم بهمس : الحين ذي العجوز وش حاشرها
رغد : حدكم عاد حتى خالتي رفعتو صوتكم عليها
شهد : انتي اسكتي يا عديمه الكرامه الي بس تخششين عند خالاتي!
قامت رغد من محلها و اخذت كرتون الخبز ( فاضي مافيه شي ) وحذفتها على وجه شهد
صرخت شهد وجو العيال من صراخها
فراج : ابك انتم علامكم؟
عبد القادر : صياحكم لعندنا
جاسم بصراخ : من الكلبه الي طقت شهد؟!!
غطت رغد وجهها بردا ام فهيد ونفس الشي مع ليان بردا شروق
وقفت رغد قدام جاسم : انا انا عندك شيي؟
جا جاسم يمد يده عليها بس جا مسلط قدام رغد وصفق جاسم مسلط بالغلط

'

ضمت رغد مسلط بعد ما صفقه جاسم
رغد وعيونها تتطاير شرار : قسم بالله ما تخلى
جاسم : على زق يا الملعون..ه
طلع جاسم ومسكت رغد مسلط وشربته مويه ومن حظه الخايس الصفقه جت عند اذنه
رغد بغصه : مسلط مسلط
طالعت رغد لأذنه شافته ينزف حطت رغد راس مسلط على مركى وقامت تزين الطرحه وراحت لباب الرجال وهي ناويه على جاسم شر
رغد بصراخ : جاسممم
لفو عليها الرجال مستغربين
جاسم : شكلتس تبين كف ثاني صح؟
الجد بعصبيه : انتو علامكمم؟؟
رغد بصراخ اقوى: انا حلفت ما تخلى!!
جاسم : انتي الي حاذفه الكرتون على شهد و مسلط الخني..ف هو الي حاط نفسه بالمشكله!!
مسكت رغد المزهريه الي جنبها وحذفتها على جاسم وطاح وهو كله دم وجلست رغد على وضعيتها وهي تتنفس بسرعه وعيونها تتطاير شرار
فزو الرجال له يقومونه وهم يصيحون على رغد
رغد بأبتسامه جانبيه : تستاهل وما الخني...ف غيرك يا كلب
ابو جاسم جن جنونه يم شاف ولده طريح دم : وش سوا ولدي وش سوا يا الكلبه !!
ابو فهد وفهد مسكو رغد لا تسوي شي ثاني
ابو فهد بصدمه : ليه سويتي كذا علمينيي؟؟
رغد وهي باليالله تتنفس : صف...ق...مسل...ط
ضم فهد رغد : خلاص خلاص روحي استريحي
ابو جاسم بصارخ : علي الحرام ماتروح الين اخذ حق ولدي منها والله
مسكو الرجال ابو جاسم لايضرب رغد : صل على النبي يارجال
طاحت رغد من التعب بس للحين على وعييها
رغد لفهد : روح لمسلط!
مسكها فهد وركزها على كتفه و راح لمجلس الحريم واول ما دخل شاف مسلط طريح اذنه تصب دم : اي والله يا زين سواتك
ام فهد ببحه : ياوليدي تكفى وش صار عندكم؟!
ام فهيد : رغود لا يكون سوت شي ياربي سترك
فهد بحسره على حاله مسلط ورغد : وش سوت ووش ما سوت
الهنوف : فهد وش صار بالله؟؟
مشاعل : نسمع صياحكم لهنا؟!
فهد : رغد حذفت جاسم بالمزهريه
ليان : والله انها كفو ماسكتت عن حق مسلط
فهد : ومسلط علامه؟؟!!
ليان وهي تناظر سحاب و رنيم و شهد و مناير يروحون بسرعه : ذولي سبو رغد و رغد ما سكتت عن حقها وحذفت شهد يالكرتون و شهد صرخت وجا جاسم يصفق رغد بس مسلط جا قدام رغد وانصفق بدالها و من الحظ الشين الصفقه جت على اذنه وصبت دم
فهد بزفير : اجل الي سوته رغد يساويه من حق
سدح فهد رغد وشال مسلط وراح للمستشفى
اما الحريم انتشرت بينهم السالفه لأن مشاعل وام فهد و ام فهيد و ليان و رغد كانو في المجلس حق الحريم اما الحريم عند الفطور وكلهم قعدو يدعون ما تكبر السالفه