( الي يسألون كيف رغد عرفت كلام معيض ترا سعد علم الهنوف كل الي قاله معيض و الهنوف قالت لرغد كل الي قاله )
وزعت رغد الاكل عليهم وانسدحت على رجل حصه ونامت
حصه بأستغراب : وي علامها ذي رقدت
الهنوف برحمه : خليها خليها تهاوشت مع الحب حقها
مشاعل : نايف؟
الهنوف برفعه حاجب لمشاعل : شفيتس انتي على نايف حنا قاعدين نهرج عن معيض مو نايف الله يخلف عليتس
ساره بشك : بديت احس ان مشاعل هي الي تحب نايف من كثر ما تجيب طاريه
مشاعل : حبايبي انا ما اجيب طاريه الا وانا مشبكته مع رغد ابي اضبطهم من الحين شفيكم اعوذ بالله
نوال : صدقنا صدقنا
ميرال : ما تدرين ممكن صادقه؟
مشاعل : اهخ يا حليلتس يا مريالو
لفت ميرال على مشاعل : وجع وش مريال؟
مشاعل : اذا جيت اكتب اسمتس بالكيبورد يطلع مريال
ميرال : بعني انتي تسميني على اي اسم يجي في الكيبورد يا الظالمه
مشاعل : عادي ترا حتى ساره الكيبورد يخليها ساؤنع
ساره : لا لا شكلتس جالسه على الكيبورد
مشاعل : شفيكم علي ترا الكيبورد هو الي يكتب مو انا
حصه بعصبيه : اص خلو رغد ترقد شوفوها بسم الله على قلبها تفتح النفس مو مثكن بس تهاوشن على اساميكن في الكيبورد
الهنوف بغيره : لا لا بدينا غيره
ساره : خليها تنام في غرفه النوم
حصه بنظره لرغد : خايفه اقيمها
مشاعل : خليها بالطقاق هي لو اقطها من برج خليفه ما تقوم
قامت حصه بحذر وسدحت رغد بغرفه النوم ولحفتها بالبطانه وطفت النور وشغلت المكيف وطلعت
في اليوم الثاني
معيض لأمير بضيقه : ياولد اقولك البنت ما تبيني وتحب غيري وش اسوي؟
امير بطفش من سالفتهم : اعرف غلطتك بنفسك ممكن سويت لها شي ازعجها ولا في حركه فيك ما تحبها ما تدريي حاول تغير من نفسك و تصير نفس الي تبيه هي
معيض : خلني اعرف اول وش الي تبيه عشان اغير من نفسي
سعد : بصرك بس الموضوع راجع لك ممكن انت تسوي غلطه تخلي علاقتك فيها تنقطع
سكت معيض وراح يلبس ويكشخ للعزيمه
ونفس الشي مع امير وسعد راحو يلبسون لعزيمه ابو فهد
حط معيض من العطر الي تحبه رغد : كذا زين
امير بغيره : ما عرفتك كشوخي
دخل سعد عليهم : وانا؟
امير بصدمه : اوف اوف ذا سعد؟
سعد بتفاخر : بشحمه ولحمه
امير : كنت بمدحك بس تفاخرك ذا خلاني اغير رأيي
سعد بحركه الهنوف ( كش على وجهك ) : مالت
شهق امير : مالت علي انا؟
سعد بشخصنه : عليك انت والي وراك
معيض : هي هي وانا شدخلني؟
سعد بنظره فاحصه لمعيض : ما الوم رغد يوم تركتك
معيض بخيبه : ليه؟
سعد : لأنك طلعت مز
'
معيض بزفير : زين طمنتني
طلعو العيال لبيت ابو فهد و سلمو عليهم
امير لمعيض : هي ولد عان رغد عند الدريهه ( الارجوحه )
معيض : كفو
طلع معيض بسرعه وراح لرغد
معيض : رغد اسف
رغد : بعد وش؟
طلع معيض جوال من جيبه جديد : هاك فيه رقمي واسف
ناظرت رغد فيه من فوق لتحت وشمقت : ما ابيه ابوي جابلي واحد ثاني
ماتحمل معيض وضمها لصدره : اسف اقسم بالله اسف ما كان قصدي كنت معصب
ما قاومت رغد وانتظرته يبعد : خلصت يله ابعد عني ماني ناقصتك
معيض بحزن : مو معقول كل ذا الزعل عشاني ضربتتس و كسرت جوالتس
انصدمت رغد من جحده للي سواه : لا والله والي كان يطقني بالبيض و يرمي علي الزبايل ( عزكم الله ) كل يوم جني؟
سكت معيض بجحده مع انه سوى كذا عشان تتنرفز وترجع له وتترجاه يوقف : لا وين مو انا
رفعت رغد حاجبها : كذاب وتقط علي اوراق فيها اعتذري تراك ابدا ما تهمني وانا اصلا الغلطانه الي حبيتك وهاذي سواتك وع
قامت رغد من الدريهه وهي ودها تسامحه بس الي سواه فيها ما يتسامح عليه
اما معيض رجع لأمير بخيبه امل اقوى من الي قبلها : ماعاد تبيني
امير : خلاص معليك دور لك وحده ثانيه ترا الدنيا ماهي موقفه عليها
معيض : ما احب الا هي وما ابي الا هي وما ابي غيرها
سكت امير واكتفى انه يمسح على راس معيض بمواساه
بعد ثلاث اسابيع
فهد : رغود سليطان جهزو شناطكم بنروح سويسرا بسرعه
قمزت ( قفزت ) رغد بفرحهه وراحت تركض تجهز اغراضها اما مسلط راح بحزن يجهز اغراضه
راحت رغد لغرفه اللعب و حطت اللعابها و لفت على علبه صغيره كانت ورا الدرج وفتحتها بس لقت خاتم معيض الي اعطاها لها احتارت تاخذه نعها ولا تقطه بس وقع الاختيار انها تاخذه
خلصت اغراضها بسرعه وراحت تركض لبيت الهنوف تودعها
طقت باب بيت وفتحت لها شروق : حي من جانا
رغد ببسمه : حي عمرك نادي الهنوف
شروق : ابشري
راحت شروق وجت الهنوف تركض : ها؟
رغد وهي تضمها : مع السلامه بنسافر سويسرا
الهنوف بزعل : لا عاد اجلسو كم يوم بس
رغد : ما تحسين افضل لي عشان ما عاد اشوف معيض
لفت الهنوف لمعيض الي كان يلحق رغد من اول ما طلعت من بيتهم : متأكده؟
لفت رغد على معيض وتجهمت : خير خروف تلحقني لكل مكان؟
معيض : بتسافرين؟
رغد : اي واحسن فكه منك ومن وجهك يا الخسيس
عصب معيض ومسك رغد مع حلقها وضغط عليه : لا عاد اشوفكم تناديني يالخسيس
رغد بعناد : يالخسيس يا الخسيس يا الخسيس
طرحها معيض على الارض وبدا يضرب فيها بشكل جنوني و الهنوف تبكي تحاول تفكه عنها بس اغمى على رغد
'
شالها معيض لبيتها وهي ندمان على سواته
واول ماشاف ابو فهد منظر رغد راح وداها للمستشفى بدون ما يسأل معيض من الي سوا فيها كذا وشوي طلع الدكتور لأبو فهد : معي ابو البنت؟
ابو فهد : اي انا ابوها فيها شي ولا؟!!
الدكتور : تفضل معي وبفهمك
دخل ابو فهد مع الدكتور وجلس معيض برا
ابو فهد : وش فيها
اشر الدكتور على رقبه رغد : واضح من هنا انها انخنقت او في احد خنقها
واشر على صدرها : وفي ضربات هنا وهاذا ادى لضعف التنفس عندها و احتمال تتعب كثير اذا ركضت او افرطت في مشاعرها مثلا الغضب او الحزن او البكاء او التوتر و القلق فلازم تهتمون فيها زين
سكت ابو فهد بصدمه في يوم وليله يصير ببنته كذا ولف على رغد الي صحت : رغود من الي سوا فيتس كذا؟
طلع الدكتور و زفرت رغد : معيض
فتح ابو فهد عيونه على اخرها بصدمه : معيض؟
هزت رغد راسها بمعنى اي قام ابو فهد وراح لمعيض : انت الي طاق رغد؟؟
انصدم معيض ما توقع ان رغد بتقول انه هو الي سوا فيها كذا : لا لا يا خالي اقسم بالله اني ما لمستها
رغد من ورا الباب : لا تقسم يا كذاب اعترف انك انت الي مسوي فيني كذا
ابو فهد : شوفها بنفسك عانها تقول انك انت الي طقيتها
ما قدر معيض يجحد اكثر فأعترف بكل الي سواه لها وسالفته مع رغد من الالف الى الياء
ابو فهد بغضب : ليه تسوي فيها كذا دامك تحبها هاه؟ في احد يسوي للي يحبه كذا؟!! والله ما تطب يدك على رغد وان طبيت يدك عليها ما اكون حسين
مسك ابو فهد يد رغد وراحو للبيت و اول ما وصلو جهزو اغراضهم وعلطول لسويسرا
نرجع للوقت الحالي
حكت رغد هاذا كله لليان المصدومه : وبس ذا الي صار من بعدها ما عاد جيت الديره
ليان بغيض : ما ادري وش اقول بس حسبي الله
رغد وهو تقوم : قومي رتبي معي عشان نخلص بسرعه ونروح مع الهنوف للبيت المهجور
قامو البنات و رتبو اغراضهم و لبسو
لبست رغد بلوفر عنابي فيه كتابه بالنص وجينز ابيض مايل للرصاصي
ولبست ليان نفسها بس لون البلوفر فوشي غامق
وجلسو بالصاله
ليان بفضول : بما اني طفشانه ابي اسألك سؤال
رغد بطفش : اسألي
ليان : الحين انتي قلتي ان ديرتكم تمنع الحجاب صح ؟ وبعد قلتي ان ديرتكم مشهوره وفيها ناس كثير صح؟
رغد بمجامله : اي و المطلوب؟
ليان : انا بحثت عن ديرتك في التيك وشفت فيها بنات محجبين و لابسات نقاب فليش انتم الوحيدين الي ما تلبسون لا نقاب و لا حجاب او اي شي للستر