عند الرجال
دخلو العيال وسلمو
ابو فهد : ترا ابو هادي بيجي كلمو الحريم يسوون قهوه وشاهي
الجد ابو ام فهد : حياه الله منزمان عنه
ابو فهيد : سعد رح جب القهوه عان شروق عند الباب
قام سعد و لحقه مشاري
مشاري : ورع انت علامك مفهي العيال من ساعه يهرجون في المجلس و انت ماتتكلم الا شوي؟
سعد بعد ما حس انه انقفط : ماني مفهي بس ما ابي اهرج صوتي رايح فيها
مشاري : طيب
رجع مشاري للرجال و سعد راح للمطبخ
شروق : اخ يازهره شبابي رحتي وسحبتي علي كأني عجوز
نوره : لا توك في زهره شبابتس
شروق : انتي كم عمرتس الحين احستس اكبر مني
نوره : انا 26 سنه
شروق : خساره للحين ما تزوجنا
نوره : انا صراحه قد جاني خطاب كثير بس رفضت عشان بنشغل مع عيالي و اسحب على وضيفتي
شروق : بس اذا كبرتي اكثر محد بيقبل فيتس؟
نوره : بالعكس احلا شي اذا كنتي اكبر عشان تكونين عاقله ومكتفيه من الدنيا احسن من تكونين صغيره وما تفهمين شي و تبين تسوين كل شي يخطر ببالتس بس عيالتس بيكونون مشكله بحيث ان لازم تأكلينهم و تشربينهم و تعلمينهم و تلعبينهم و تنومينهم وما يجي لتس وقت تسوين فيه الي تبين
شروق : اقنعتيني
نوره : حتى فهودي ملزم علي انه بيختارلي افضل رجال
شروق : الله يخليه لتس
دخل سعد وشاف نوره وشروق
سعد : شلونتس ينويران؟
نوره بضحكه : بخير يسعيدان
( لا تنسون قانون الديره ان ممنوع يتغطون الا اذا تزوجو فنوره ماتتغطى عن سعد او اي احد )
سعد : لا تذكرني بماضيي الي راح
نوره : لا ترجعني ترا ما انصحك
شروق : يع كرنج
نوره : انتي المثال الكرنجي فأسكتي
اخذ سعد الدله وهو يضحك
طلع ولف على مجلس البنات و يبي يشوف الي لابسه ابيض قعد يفكر من هي لأن ملامح وجهها كانت غيرعن بنات خالاته كثير فسحب من عقله ان الي شافها من بنات خالاته
لكن جا فباله ان الي شافها هي ليان لأنه ماقد شافها ولأنها جت مع رغد فكان %90 ان الي شافها ليان والي اكد كلامه هو يم قالت انا ماني من بناتكم
بس تذكر كلام مسلط ( حتى ليان مو عشان ما عندها اخ سند لها تنزله لا والله ما نخلي اختنا )
سحب كل شي من راسه وراح للريجيل وحط القدوع وجلس جنب فهد
فهد : علامك جالس جنبي
سعد بتقليد لمؤيد : عاوز حنان من حضرتك
فهد : وانا عاوز تذلف عني يا مستر سعد
سعد : مالت
فهد : امزح اجلس اجلس
سعد : غصب
فهد : متأكد انك مو بزر؟
سعد : جلست مع جوري واجد
'
فهد : لايسمعونك عبد القادر وفراج
سعد : ابشر طال عمرك
مشاري : سعد
سعد : هلا
مشاري : تروح معي للأسطبل؟
قام سعد من مكانه وراح يلبس حذيانه : اي اي
ضحك مشاري و لحق سعد : اركد وانا اخوك
سعد : الله يحبي لها
مشاري : زوجتك هي؟
سعد : لا بس بلقى حب حياتي هناك
مشاري شهق : ياكلب تحب من وراي؟؟
سعد : اركد قصدي ان لو لقيت بنت تركب خيل بتزوجها مو قصدي شي ثاني يحمار
مشاري : زين طمنتني بس لو كنت تحب علمني اخطبها لك
سعد : امي انت؟
مشاري : مي ماذر يو تو
سعد : الاكسنت عندك صفر
مشاري : الساعه كم؟
سعد : 2:06 ص
مشاري : يوه اذكر الساعه كانت 12 يوم جانا ابو هادي
سعد : اما جا وانا اقول ليه فهد مقصر صوته؟
مشاري : انت وين و العالم وين
عند البنات
رغد للهنوف بهمس : وانا طالعه ادور فهد لقيت اسطبل نروح لها؟
الهنوف : تعرفين تركبين الخيل؟
رغد : ما تذكرين يوم اركب الخيل؟
الهنوف : لا بس اذكر كنتي تركبين وخالي مشعان ماسكك عشان ما تطيحين
رغد : اقول امشي بس انا بروح اول وانتي قولي للبنات
الهنوف : عاني عند الاسطبل بتلقين لبس الخيل حقي
رغد : طيب
قامت وطلعت للأسطبل وهي تركض عشان ما يلحوقنها البنات بسرعه واول ما وصلت راحت لغرفه الملابس واخذت لبس الهنوف الي كان بلوزه سودا و بنطلون ابيض وبدلت وفكت شعرها وراحت تدور خيل
رغد : وين الخيل حقي؟ ما اتوقع هنا مر خمس سنين
لفت للجهه الثانيه ولقت خيل اسود اعجبها اخذته و طلعته من مكانه
ركبت عليه وتركت كل ادوات السلامه وبدت تمشي بالخيل بشويش و بعدها بدت تمشي فيه بسرعه عاديه
عند مشاري و سعد
سعد : كم باقي خيل هناك؟
مشاري : الخيل حقي وحقك و حق خالي عبيد و الخيول الباقيه حقت خوالي
سعد وهو يركض : الحقني ان قدرت
مشاري : انثبر لا تطيح يا ورع
سبقه سعد للأسطبل يدور خيله بس ما لقاه طلع يدور يمين يسار الا ويلقا خيله قاعد يمشي لحاله
راح للخيل يبي يوقفه بس سمع ضحكات فوق الخيل فرجع لأن الي اخذ الخيل بنت وعشان ما يخرب وناستها وانتظر تخلص عشان يركب هو وقعد يناظرها
وسمعها تقول شعر؟
عند رغد فوق الخيل
رغد بصوت عالي مبحوح :
الله يا ذا الشعور كم مر عليك
خاب ضني وانا بعيده عنك
يا الشوق اذاني اجافيك
ليه ما ترجع لي وانا ابيك ؟
مانك كل يوم تسميني القمرا؟
شوف القمرا الحين تبكي على فرقاك
مشت بسرعه بالخيل وعيونها تدمع من الشوق لخالها مشعان الي لو تدور الارض كلها ما تلقى مثله
'
ركض سعد للخيل بعد ماشافه يسرع بس توقف صوت الخيل وماكان فيه الا صوت الهبوب ( الرياح ) مشة للاتجاه الي راح منه الخيل وسمع صوت بكى وشهقات هزت قلبه
عند رغد
ركضت بالخيل الين طاحت منه وانسدحت على الارض وهي لامه نفسها تبكي وسمعت صوت احد يمشي من عندها قامت تدور شي تغطي فيه نفسها بس فات الاوان وشافت سعد يناظر فيها مستغرب
رغد : خير؟
سعد : لك وجه بعد تقولين خير؟
استوعب سعد ان الي قدامه هي نفسها الي شافها عند المدخل
قامت رغد ومسحت التراب من ثيابها تحت انظار سعد المصدوم
رغد بصوت مبحوح : وش سويت
سعد بشفقه : ليه تبكين؟
عصبت رغد من تجاهله لسؤاله : جاوب على سؤالي اول
سعد : الي معك خيلي
مسكت رغد حبل سرج الخيل و عطته سعد : هاك خيلك واذلف عني
سعد : نفس ما قلتي جاوبي على سؤالي اول
رغد بصراخ : مالك دخل اذلف ناشب لي بكل مكان!!!
سعد بنفس الصراخ لكن اقل شوي: الشرهه علي انا بس
مشى بهدوء وركب خيله وراح لمشاري الي كان يدوره
مشاري : وينك يحمار ساعه ادورك؟؟
نزل سعد من الحصان وماهو طايق احد : برجع للرجال رجع الحصان مكانه
مشاري : علامك؟
راح سعد بدون اي كلمه ثانيه ولمح البنات يمشون ويضحكون غض عنهم وراح لخيمه صغيره كانت جنب المقلط وانسدح وهو يغطي عيونه بعمامته
عند البنات في الاسطبل
الهنوف : وين القمرا قالت انها بتجي هنا؟
ليان : امشو ندور عليها
حصه وهي تأشر على رغد : ما يحتاج هاذي هي جت بنفسها
راحو البنات لها وانصدمو من حالها
الهنوف : علامتس كذا
ليان : شفيك رغد تكلمي؟
طاحت رغد عليهم وهي حالتها ماش ملابسها غبار و يدها منجرحه من الطيحه وعيونها حمرا
ليان بخوف : رغد شفيك؟؟
شربت حصه رغد مويه الين بدت تفتح عيونها
رغد بنعاس وتعب : شفيكم؟
ليان : انتي الي شفيك طايحه علينا؟
تذكرت رغد الي صار وقامت تغسل وجهها بالمويه الي مع حصه : ولا شي
الهنوف : كذابه وش صار؟
رغد وهي ناويه تعلمهم : بس ركبت السياج ابي اخذ خيل وطحت
ليان بخوف : وعيونك الي كلها دموع وش سالفتها؟
رغد بجحده : وش دموعه الغبار دخل فعيني
عرفو البنات ان في شي صار بس ما ضغطو عليها
مشاعل : طيب امشي واضح تبين ترقدين
رغد : انتو روحو انا بدور لي مكان انام فيه
ساره : بصرتس بس انتبهي لنفستس
ابتسمت رغد ومشت لخيمه كانت قريبه منهم ودخلت وشافت سعد مغطي وجهه بعمامته ونايم
'
رغد : ورع اطلع برا بنام
سعد : انا الي لقيت الخيمه اول اطلعي يا الهنوف
رغد : ماني الهنوف اطلع
سعد وهو يشيل عمامته عن عيونه : يابنت الحلال انتي لاحقتني بكل مكان؟
رغد وهي شوي وتطيح من التعب : بدور لي وحده ثانيه اجلس
حس سعد بتعبها وقام : المكان لك
رغد : ليه؟
راح سعد بدون اي كلمه وطاحت رغد علطول على المسايد الي في الارض ونامت
عند سعد
راح يدور له مكان ينام فيه وما لقى الا الغرفه الي عند مجلس الريجيل وغطى عيونه بعمامته نفس قبل
جاه مشاري مستغرب من حالته : انت علامك صدز مانك قبل شوي متحمس تروح للأسطبل والحين مانك طايق احد؟
سعد ببحه : مشاري اطلع برا وناد لي فهيد
طلع مشاري وراح للعيال
مشاري : فهيد سعد يبيك
فهيد : ليه؟
مشاري : مدري عنه عانوه منبطح في الغرفه الي جنب مجلس الريجيل
قام فهيد : طيب
راح فهيد له وجلس مشاري
حسين : علامه؟
مشاري : قبل شوي قلت له نروح للأسطبل وقام متحمس يلبس حذيانه وسبقني له واول ما وصلت ما لقيته قعدت ادوره يمين يسار مالقيته الا واشوفه جاي من بعيد بحصانه وهو مدري زعلان و لامعصب ولا وش ماعرفت وش فيه ويم سألته علامك مشى وقال حط حصاني بمحله وراح بدون اي كلمه ثانيه وقعدت ادوره ولقيته منسدح الغرفه الي عند مجلس الريجيل مغطي وجهه بعمامته وسألته وش فيه قال اطلع وناد لي فهيد
عبد القادر : يمكن شاف شي
سالم : يعصب عشانه شاف شي
مؤيد : ويزعل عشانه؟
سالم : لا اكيد شاف بنت
فراج : ما يمزح شدوها
حسين : وش تحس فيه انت؟
امير : ماهو خروف نفسك
سالم : ورعان امزح
فراج : ماعلينا اكيد تعبان
مؤيد : كل شوي يتعب واحد؟
حسين : شكل رغد داعيه علينا هههههههه
مشاري : صادق من اول ما جت مرض معيض وانفقش راس نايف وسعد ماندري وش علته
مسلط : رغودتي الحلوه بخيلها كل يوم تدعي عليكم
عبد القادر : امحق كلام
نايف لمؤيد : ديمه وينها؟
مؤيد : عند امي
الجد فهيد : قومو افرشو فرشكم
عبدالله : بنرقد؟
فهد : لابنرقص قم
قام كل واحد منهم يفرش فراشه
عند البنات
الجده مشاعر : قومو يابنياتي افرشن فرشكن ترقدون
البنات : ابشري
ناظرت الجده البنات ومالقت رغد : رغدتي وينها؟
الهنوف : راقده في الخيمه الي جنبنا
الجده مشاعر : يالبى تسبدها عانوها اشطر منكن رقدت بدري وانتن بتشرق الشمس وانتن ما نمتن
نوال : على راسي بنرقد الحين
طلعت الجده مشاعر
وانسدحو البنات يسولفون
ميرال : وش تتوقعون صار لقمرا
مشاعل: من الجروح اقول طاحت من الحصان
ليان : ووين الحصان ياذكيه هي جت لحالها
الهنوف : احتمال انها طاحت من الحصان وهرب
ليان : ترا رغد تعرف تركب الحصان زين فالاحتمال هاذا مستحيل
'
عفاف : من متى وهي تركب الحصان
الهنوف وهي تطق راس عفاف : يا دلخه هي تركب من زمان
عفاف : طيب ليه خالي يمسكها؟
الهنوف : خايف عليها تطيح
عفاف : كيف تعرفون ذا كله
حصه : انتي وقتها كنتي بزره ودايم في الأحساء وما يجيتس فرصه تشوفيننا
عفاف : بس انا الحين هنا
ليان : مع انك رحتي للأحساء الا ان لهجتك ما تغيرت؟
ميرال : من زود الحب
ساره : ارقدوو
نوال : شفيها ذي تحولت جدتي مشاعر؟
حصه : وهي صادقه لازم نرقد بيقيمونا الساعه 8:30 ص مابقى شي عليه
مشاعل : حصيص صارت اله حاسبه
حصه : وش دخل!!
الهنوف وهي تغطي نفسها بالبطانيه : ارقدو بس
نامو البنات الا ليان كانت خايفه على رغد وراحت لها ولقتها قايمه
ليان بأستغراب : ليه قايمه؟
رغد : ليه جايه؟
ليان : اتطمن عليك
رغد وهي تحط مساده لليان : اجل زين اجلسي ولا بتنامين
ليان وهي تجلس : لا ماراح انام ابيك تقولين اي وش صار؟
رفعت رغد اصبعها الخنصر لوجه ليان : توعديني ما تعلمين احد؟
شبكت ليان اصبعها الخنصر في اصبع رغد : اوعدك
رغد حكت كل شي تحت انظار ليان المصدومة