ما ظهرت اي رده فعل لأن هاذي عاده رغد تنام اذا شبعت من الاكل
طلعت ليان جوال رغد من مخباها ( جيبها ) لأن رغد اعطته لليان يوم كانو ياكلون
وحطت الجوال عند راس رغد و راحت لسريرها
واخذت جوالها و دخلت الواتس بس شافت ان محادثتها هي وموضي انفتحت قبل مده قصيره
خافت ليان ان رغد شافتها وجلست على سريرها تناظر رغد بقلق
ليان كانت متأكده ان رغد فهمت غلط ان ليان كانت بتغصب رغد تروح الديره وبس قعدت تفكر كيف بتعلم رغد ان رساله ليان كانت كذبه بس عشان ماتسوي موضي شي ما يعجب رغد ولا يعجب ليان
بس ما طولت تفكر ونامت بدون ما تحس
صحت على صوت ام هادي تقومها تصلي الفجر
وراحت توضت و قومت ليان تصلي
بس ليان ما صحت ابدا ولا حتى تحركت
راحت رغد لأم هادي
رغد : خاله ليان ماقامت
ام هادي : ليش؟
رغد : مدري اهزها اناديها ما ترد
ام هادي : خلاص روحي صلي وانا بروح اقومها
رغد : طيب
راحت رغد وفرشت السجاده و بدت تصلي
بعد ما سلمت رن جوالها وكان المتصل مسلط
فتحت رغد الخط : هلا فيك شي
مسلط : لا بس حبيت اتطمن عليك
رغد : اخخ ادري انكم ما تقدرون تعيشون بدوني بالذات انت يا اخ سلطان
عصب مسلط وندم انه اتصل عليها : يا شيخه الشرهه علي انا الي دقيت اتطمن عليك
رغد : امزح يا ولد لا تشدها وصلتو الديره ولا للحين
مسلط : اي وصلنا والله لا يوريك العزايم و الذبايح لنا حنا
رغد : الله يكون بعونكم
مسلط : ليه
رغد : بنصرع من هروج الشيبان
مسلط : اي والله
رغد : امي و ابوي صاحين ولا لا
مسلط : كلهم نايمين الا نوره صاحيه
رغد : اعطني اياها بكلمها
راح مسلط وعطا الجوال نوره
نوره : الو؟
رغد: ليه نسيتوني ما عطيتوني خبر انكم وصلتو الله يهديكم
نوره : شذا الحب المفاجئ للديره خابرتس ما تحبينها
رغد : اي ما احبها بس اشتقت لفوفو
نوره : قصدتس الهنوف؟
رغد : اي الهنوف بس وش فيك تتكلمين بالسين ؟
نوره : عماتي حلفو ان ما تكلمت بالسين انهم بيتبرون مني
رغد : وجع مو لذي الدرجه؟!!
نوره : عاد وش اسوي لهم ذا تفكيرهم الخايس
رغد : صدقتي
نوره : ما اطول عليتس سلميلي على ام هادي و ليان
رغد : ابشري
قفلت رغد الخط وراحت للغرفه وشافت ليان تصلي
سكتت رغد واخذت ملابسها وراحت
للحمام ( عزكم الله ) تتروش
طلعت من الحمام ( عزكم الله ) وجففت شعرها وربطته
وراحت للمطبخ تسوي فطور
شافها ابو هادي وراح يساعدها
ابو هادي : ماذا تفعلين
رغد : اني اصنع الفطور
ما توقع ابو هادي انها بترد عليه بالفصحى وضحك : حسبتك مانك هارجه فيها
رغد : تبيني اخرب وناستك
ابو هادي : وناست وش
رغد : وراك شي مخبيه عن خالتي صح؟
ابو هادي بصدمه : يويلي كيف عرفتي لا يكون هي بعد عارفه
رغد : لا لا معليك محد يعرف الا انا وليان
ابو هادي : يانعنبو ذي الليان
كملت رغد الفطور وجلست تسولف مع ابو هادي
ملاحظه : رغد اخت ليان من الرضاعه لأن ابو هادي وابو فهد اصدقاء من زمان ونفس الشي مع ام هادي و ام فهد فأم هادي رضعت رغد وصارت اخت ليان من الرضاعه فابو هادي وام هادي يعتبرون اهلها و ما تتغطى عنهم
ابو هادي : يلا يلا الفطور تعالو
ام هادي : وش طبختو اليوم؟
ابو هادي بتكبر : طبخنا احلا بان كيك
رغد بضحكه : كلامك نفس كلام خالتي امس
ابو هادي : ها؟
رغد : امس خالتي قالت اليوم طبخت احلا مكرونه بالبشاميل
ام هادي : قلود
ابو هادي : الحين صرت قلود
نزلت ليان على اصواتهم وجلست معهم
ليان : لا والله تاكلون بدوني؟!!
ام هادي : من ساعه نناديك و ما جيتي
ليان : عوافي اهم شي ما اكلتو
قعدو ياكلون ويسولفون وليان ساكته
ليان لرغد : رغد
رغد : نعم؟
شالت ليان صحنها : الحقيني للغرفه اذا خلصتي
ماردت رغد وكملت اكلها
خلصت اكل و راحت غسلت صحنها
ولحقت ليان للغرفه
دخلت وشافت ليان جالسه كانت تنتظرها
ليان : تعالي اجلسي هنا
جلست رغد بأستغراب تطالع بليان
فتحت ليان جوالها ودخلت الواتس وفتحت المحادثه
وورتها لرغد : انتي الي فتحتي المحادثه صح؟
رغد : اي بس زين اني اكتشفت انك تبين تغصبيني اروح لكن ماراح اصعب عليك راح اروح بعد كم اسبوع فا ما يحتاج تغصبيني
تنهدت ليان عرفت ان رغد فهمت غلط : شوفي بقول لك كل شي و اسمعيني زين عشان تعرفين من الغلطان انا ولا انتي
رغد : طيب قولي
ليان قبل امس جتني رساله من رقم غريب فدخلت له عشان اشوف من الي ارسل لكن شفتها تكتب لي وتقول غصبي رغد تروح الديره ف انا سألتها من هي وقالت انها خالتك موضي فوافقت عشان لو ما وافقت راح تسوي شي ما راح يعجبك فسويت نفسي موافقه و ما قدرت اقولك الا وانتي فاتحه المحادثه وفاهمه غلط
حست رغد بضيقه بعد ما عرفت ان الرساله من خالتها موضي الي تعتبر اكبر و اول كارهين رغد
رغد : اسفه اني ظلمتك
ضمت ليان رغد : يعمري لا تزعلين اعرف ان موضي زفته انتي مالك ذنب
رغد : المشكله بشوفها بعد اسبوع وكم يوم
ليان : اح نسيت انك بتروحين لها
رغد : ياربييي
ليان : وش رايك نروح للمول نشتري اغراض للسفر
رغد : فكره حلوه بس بدق على ابوي يحول لي فلوس مطفره
ليان : يلا انا بنتظرك
قامت ليان وراحت تدور لها ملابس
اما رغد راحت تدق على ابوها يحول لها فلوس
رغد : السلام عليكم
مسلط : عليكم السلام شتبين؟
رغد : وين ابوي
مسلط : ابوي عند ابو نايف وانا معه
رغد : طيب عطنياه
راح مسلط لأبوه واعطاه الجوال وهمس له
مسلط : ابوي رغد دقت عليك تبيك
اول ما قال مسلط رغد علطول لف نايف عليه بحكم انه جنب ابو فهد ويبي يعرف وش تبي رغد لأنه يحبها من وقت طويل بس ما اعترف
ابو فهد بنفس الهمس : ليه محتاجه شي ولا لا؟!
مسلط : والله مدري قالت وين ابوي و قفلت
دق ابو فهد على رغد وماهي الا ثواني وردت
ابو فهد : هلا يا رغد بغيتي شي
رغد : بس ابيك تحول لي عشان بروح السوق انا و ليان
حاول نايف يسمع الصوت الي غاب عنها وقت طويللل بس استوقفه نظرات مسلط
ابو فهد : ابشري كم تبين؟
رغد : تبشر بالجنه الي تقدر عليه
ابو فهد : ابشري
رغد : يلا مع السلامه
ابو فهد : مع السلامه
قفل ابو فهد وكمل سوالف مع سامر بعد ما حول لها فلوس
ابو نايف : ليه رغد ما جت معكم
ابو فهد : والله عيت بس ان شاء الله بتجي الاسبوع الجاي
ابو نايف : وينها فيه؟
ابو فهد : عن صديقتها ليان بنت ابو هادي
نايف تقلبت ملامحه من سعاده الى عصبيه لايكون البيت فيه اولاد
نايف : ليه جالسه وهو يمكن في عيال في البيت؟!
ابو فهد بحزن : ليان ما عندها الا اخو واحد وهو هادي و مات الله يرحمه
نايف بطمأنينه : الله يرحمه
ابو نايف : الله يرحمه
كملو سوالف
عند ليان و رغد
الساعه 4 العصر
ليان : بسرعه
رغد : اصبري قاعده البس جزمتي ( عزكم الله )
ليان : كم حول لك ابوك
رغد : مدري ما شفت
ليان : تمام اخلصييي
رغد : طيب لحظه
ام هادي من ورا الباب : يلا بسرعه
رغد وهي تلبس نقابها : يلا جينا
ركبو السياره و راحو للسوق
في المول
ليان : شوفي شوفي هذا حلو عليك
رغد : صح حلو بس في لون ثاني؟
ليان : وش فيه لونه بالعكس حلو
رغد : ابي اسود
ليان : رايحه عزا؟!
رغد : بس ما احب اللون البرتقالي
ليان : اجل شوفي ذا لونه احمر يجنن
كان الفستان بلون احمر
مفتوح من عند الرقبه له اكمام قصيره من تحت الكتف وله خطوط من عند الصدر
رغد : يجنن خذي نفسي
ليان : قد خذيت واحد نفسه بس بدون اكمام لونه ازرق غامق
رغد : يلا مشينا ندور فساتين ثانيه
ليان : يلا
قعدو ساعات يدورون الين خلصو
ليان : باقي لي شنط و عطر بجيبهم من ديور تروحين معي؟
رغد : لا رحت له قبل شوي بنتظرك في المقهى الي عند البوابه الثانيه
ليان : طيب
راحت رغد للمقهى وجلست تناظر جوالها وتتأكد من اغراضها
بس جاها اتصال من رقم غريب وردت