#نهوة الشيخ عياش
(البارت الثامن والثلاثون38)
يلوموني
واحسّك تكبر بْروحي
ويلوموني
واْناْ بْلا شوفتك
شينفعن عْيوني؟🖤
............ ♥'...........
جمارة: ضلينه نبجي ونصيح عليهم نريدهم يعوفونهم ابد ولا يعوفونهم مجلبين بيهم دموهم دمي التمت لناس ع صياحنه واجت لشرطه بلكوه وخروهم ضلي يصيح علينه عياش وكل لواحد من الولد يرجعنه للبيت مو طلعه صارت علينه سم ابد ما تونسنه لو ندري هيج يصير جان ما طلعنه كلشش خفت ع عياش سوده عليه خشمه ضل يصب دم الله لا يوفقهم انشالله يعني هسه اله تذبون حجي يلا بلا هسه شستفاديتو نكتلتو كتله طول عمركم ما تنسونها رجعنه للبيت واني بالي يم عياش ومهند كلش خفت عليهم
عياش: جاي نتمشه كدام البنات وشفت ولد ابد ما رتاحيت الهم شلون يباوعون عليهم مثل ما جاي امشي واسمع واحد يتغزل بجمارتي بويه احس الدم صعد لراسي بدون اي تفكير هجمنه عليهم انه ومهند طيحنه حضهم اجو جماعت الولد وهم شاركو ولشباب دخلو هم واجت لشرطه ع صوتنه بلكوه وخرونه عنهم كلت لواحد من لولد يرجعهن للبيت طلعه الكشره صارت حاجيت لشرطه وحجيت الهم كلشي وكتلهم نفضها عشائريه لا تدخلون انتم كلت للولد يتحضرون للكعده سبوع الجاي ورجعنه للبيت سولفت للشيخ كلشي وكتله سبوع لجاي لكعده علمود مره لثانيه يتوبون وما يتحاشرون بعرض لناس ترخصت وصعدت ارتاح واشوف جمارتي خطيه ماتت من لبجي كلت اشوفها واطمنها علي وانام صعدت فتحت الباب لكيتها كاعده تقره قرءان وتبجي بس شافتني اجت تركض حضنتني
جماره: بس وصلنه للبيت صعدت اركض للغرفه غيرت ملابسي وتوضيت وكعدت اقره قرءان وادعي كون ما يصير اله وللولد شي شوي ونفتح الباب علي صدقت ورفعت راسي شفت عياش خليت لقرءان ع ميز ورحت ركض حضنته حبيبي ليش تخوفني عليك ليش هيج سويت بيهم ليش ما عفتهم يولون ما فكرت شيصير بيه لو صار عليك شي*بجي
عياش: ياروح عياش ليش هالبجي عيوني هاي انه كدامج كلشي مابيه وهذول لجلاب انشالله ياخذون جزاتهم ويتوبون بعد ما يتحارشون بنات الناس ترديني اسكت وانه اسمعهم يتحارشون ببنيتي
جماره: ونبي خفت عليك لا سوي هيج بعد فدوه اروحلك خاف يصير عليك شي وين انطي وجهي منو الي اني بعدك !!22
عياش: بعد كلبي اروح فدوه للتخاف علي بستها من خدها وكتلها يله بويه نامي لا تضلين سهرانه وانشالله اعوضج عن هاي لطلعه
جماره: ما اريد اطلع بعد خاف هم يرجعون يسون هيج وانت ما تتحمل ونوب يسون بيك شي
عياش: لا يعمري انشالله اعوضج يله بويه تصبحين ع خير نامي زين بنيتي بستها من شفتها بوسه خفيفه وطلعت رحت الغرفتي حضرتلي ملابس ورحت سبحت ونمت
جماره: باسني وطلع واني ضليت لازمه شفتي وصافنه اول مره احس بوسته كلشش حلو حساسها يمه متت خجل يمه فديته شكد احبه الله لا يحرمني منه اييييي احبه احبه يااناس احبههههههه 😂🥺🥺
نمت واني البتسامه شاكه وجهي 😅
عياش: كعدت ساعه7:00كمت غسلت وتوضيت وصليت بدلت ملابسي ونزلت صبحت ع كل صباح لخير
الجميع: صباح النور شيخ
الشيخ مصعب: هلا بويه شلونك شنو ما قررت شوكت تعرس انه اليوم انشالله اروح للعماره ما اطول انشالله بس اكمل لطلابه وارجع
عياش: بخير مادامك بخير يي شيخ قررت انشالله لعرس بس ترجع وانشالله نبدي نجهز التجهيزات من باجر ويارب تروح وترجع بسلامة شيخ
الشيخ مصعب: الله يسلمك وليدي
عياش: كملت ريوك وطلعت خابرت المروان وكتله ع موعد عرسي وكتله باجر نبدي نجهز واريدك وياي ابد لا تعوفني
كملت مخابره ورحت لسوك الذهب عجبني اشتري هديه الجماره رحت لمحل صديقي دخلت سلام عليكم
علي ابو الذهب: وعليكم السلام زارتنه البركه شعجب ذكرتنه شيخ عياش شعجب ذكرت عندك صديق يبيع ذهب
عياش: انه دوم ذاكرك بويه بس انت مطي وما تذكرني المهم انجب هسه وطلعلي لذهب الي عندك شخبارك صدك
علي ابو الذهب: الحمدالله افا هسه انه صرت مطي جا روح شتري ذهب من غيري عزلنه
عياش: شلون الزكك بلعكال هسه طلع لذهب وبلا لغوه زايده فضني يول وراي شغل
علي ابو الذهب: لا لا خلاص كلشي ولا لعكال مالتك وهاك شوف هاذ لذهب كله كدامك ختار الي يعجبك* بشقه
عياش: عجبني طقم كلش حلو ونازك كتله يطلعه الي وسوار هم كلش حلو ناعم حسيته يطلع يجنن ع ايدها حاسبت وكتله ع يوم عرسي باع لك عرسي بهاي الايام انشالله مو ما تجي اذا ما تجي اجي اسحلك بلعكال خوش
علي ابو الذهب: خوش شيخ انت بس عرس وشوف لكواد الي ما يجي والله اله العب لعب بعرسك وهاي احلى هلهوله لعيونك شيخ كككككللللوووووشششش
عياش:وسم لسمك انشالله شهرتنه صوجي كتله يلا مع السلامه اروح انه عندي شغل *بشقه
علي ابو الذهب: الله وياك شيخ عود زورنه مره ثانيه خل نشوفك
عياش: انشالله خويه رحت اكمل شغلي كلت خل اخابر لجماره اشوفها بعدها نايمه تحب النوم هاي اتصلت عليها ما تجاوب رجعت اتصلت مره ثانيه وهم ما تجاوب كلش تعصبت ليش ما تجاوب انه شنو كايللها بسيطه رجعت اتصلت وفتحت خط الو وجع وينج اتصل وما تجاوبين شجاي تسوين
جماره: كعدت لصبح ع سوالف لبنات كاعدات يسولفن يمي ويخططن ع عرس خيرر شعدجن يمي وع عرس منو تحجن
اماني: خاب وجع جاي نحجي ع عرسج واخيرا راح تعرسين ونخلص منج
جماره: ياا يمه شوكت راح اعرس اشو ما ادري ثوله انتي وين تخلصين مني وانه وياج بنفس البيت
اماني: هم صدك ما اخلص منج المهم اليوم لشيخ حاجه الشيخ مصعب وابوج ومن باجر راح نبدي نجهز للعرس وبس يرجع الشيخ مصعب من لعماره نسوي لعرس
جماره: وليش ما كلي عياش ليش اخر من يعلم اني كلش ضجت ليش ما كلي اول لناس هذا عرسي ولازم اني اول وحده تعرف بهذا لشي مو اخر وحده كمت غسلت وصليت ونزلت صبحت عليهم واني ضايجه انتبهت علي الشيخه وكالت.
الشيخه: خير بنيتي شبيج ضايجه ؟
جماره: لا شيخه ما ضايجه كلشي مابيه بس هيج لأن توني كاعده
الشيخه: لاجذبين علي بنيتي اعرفج من ضوجين احجي شبيج
جماره: ضايجه من عياش ليش هيج سوه ليش ما كلي ع موعد لعرس ليش اخر من يعلم اني ؟!
الشيخه: يا يمه ع هاي ضايجه سمعي يمه عياش اليوم بس كل لجدج واكل لكمتين وطلع وشوفت عينج بعده لهسه ما راجع وين يكلج وانتي نايمه وهوه عنده شغل
جماره: هم صدك بس لو دازلي رساله وكايلي المهم يرجع واني احجي ويه يلا اروح اساعد لبنات رحت يم لبنات شوي واجت ريحان طتني تلفوني كالت لشيخ جاي يتصل عليج يمه متت خوف راح اترزل يبوو شلون سالفه هاي فتحت خط واجاني صوته اليرعد يمه حتاريت شحجي بلكوه كتله جان لتلفون فوك بلغرفه
عياش: بس فهميني جم مره كايلج لتلفون ما تعوفنيه بلغرفه من تنزلين جم مره كايلج بياا وكت اتصل عليج تردين ليش ما سمعين لكلام انتي فهميني راح تموتيني انتي
جماره: والله نسيت وحته من كعدت ما ادري لتلفون وين ما شفته
عياش: استغفرالله بويه تلفونج خلي يمج لا تخلينه فوك من تنزلين لا تعصبيني بنيتي
جماره: انشالله حبيبي يي شنو تريد مني؟
عياش: ياروح حبيبج انتي اتصل اريد اكلج انشالله باجر نبدي نجهر لعرسنه وابدي جهزي نفسج
جماره: انشالله حياتي بس ليش ما كتلي من امس وين الحك هسه لازم اروح للصالون احجز واختار بدله للعرس وللحنه
عياش: تلحكين بويه تلحكين كلشي سوين باجر اخلي امي وامج وسحر وسرور ياخذنج تحجزين لصالون وتختارين لبدلات وشتري كلشي ناقصج بعد ماشي بنيتي
جماره: ماشي حبيبي يلا اني اروح اكمل تنضيف ويه لبنات انتبه لنفسك
عياش: الله وياج بويه انشالله وانتي هم انتبهي لنفسج لا تتاذين وراج عرس
جماره: بخجل* اوك حبيبي يلا باي سديته من عياش ورحت اكمل شغل ويه لبنات كملنه وكعدنه نسولف ويه لشيخه ولشيخ
الشيخ مصعب: انشالله وره لغده اروح للعماره انتبهو لنفسكم ولا تعوفون لبنات وحدهن بلبيت واحد منكم يضل وياهن ماشيي
لشباب: انشالله شيخ تروح وترجع بسلامه
جماره: كاعدين نسولف وشوي ودخل عياش يمه احس روحي ردت الي اروحله فدوه يجننن فديته ضليت صافنه علي وهوه انتبه الي وضحك وغمزلي واني متت خجل كبل دنكت
عياش: رجعت للبيت لكيت لكل كاعد بلصاله سلمت وكعدت يم جدي وكلي وره الغده يروح للعماره كاعد اسولف ويه ودرت ع بنيتي لكيتها صافنه علي ضحكت وغمزت الها وهيه صارت طماطيه من لخجل ضحكت ع سوالفها وترخصت منهم صعدت بدلت وضميت لذهب الي جبته كلت بيوم لعرس اطي الها صليت ونزلت لكيتهم صابين لغده كعدت اتغده واباوع ع بنيتي شكد حلو لواحد ياكل كبال وجها الي يرد لروح
جماره: كام عياش صعد للغرفته واحنه كمنه نصب بلغده رحت صليت بسرعه ونزلت لكيتهن جاي ينكلن بلغده ساعدتهن وشوي ونزل عياش كعدنه نتغده كلنه وهوه يباوع علي واني ميته خجل بلكوه اكل من لخجل كملت بسرعه وكمت غسلت الماعين الي موجوده بلمطبخ وخليت لجاي ع نار بين ما يكملون اصبلهم كملو ولبنات جابن لماعين صبيت الهم لجاي ورحت اساعدهن كملنه وكل وحده راحت لغرفتها
.
.
.
.
قيس: جنت كاعد يم بنيتي نباوع ع فلم سمعت صوت تلفوني شفته مروان فتحت خط الو هلا خويه شلونك شخبارك امي ابوي ازل زينه شلونهم
مروان: من كلي لشيخ ع عرسه كلش فرحت واخيرا راح يعرس صديقي واخوي وبير اسراري كملت شغلي ورحت للبيت كلت لهلي وخابرت ع قيس وكتله هلا خويه بخير كلنه بخير انت شلونك شخبارك مريتك شلونها ها صدك نسيت الف مبروك خويه الله يتمم الكم ع خير وانشالله يوم لولد لصالح شنو شوكت تجي ما شتاقيت لهلك
قيس: الله يبارك بيك خويه انشالله اجي والله مشاقلكم بكد رحمه الله
مروان: بعد كلبي دريت عرس الشيخ بهاي الايام انشالله ما ناوي تجي قبل لعرس؟
قيس: صدك الله يسعده والله فرحتني يي انشالله اجي باجر اروح احجز واجهز اموري هنا واجي
مروان: انشالله خويه يله انه اترخص اروح انام شوي
قيس: الله وياك خويه نوم العوافي سديته من مروان وكلت لسالين تحضر روحها نروح للمول نشتري ملابس وهدايه وباجر اروح احجز ونوب نكمل الجزء لثاني من لهدايه اتصلت ع ايهاب وكتله يروح للعراق لو لا وكال ي يروح كتله ماشي باجر تعال الصبح نروح نحجز للسفر وهسه راح نطلع نجهز للسفر وسديته من ايهاب وطلعنه للمول شترينه ملابس الي نحتاجهن ونص من لهدايه لأن تعبنه كلش ولوكت تاخر رجعنه للبيت كبل نمنه كعدت لصبح صبحت ع بنيتي وكتلها تحضر نفسها بس احجز وارجع ونروح للمول تريكت بسرعه وطلعت رحت حجزنه انه وايهاب حجزنه وكملنه ورجعت للبيت انشالله عكب باجر نسافر للعراق رحنه للمول شترينه لهدايه كلها رجعنه المغرب ميتين تعب من الصبح واحنه بلمول بس غيرنه ملابسنه ونمنه كبل
سالين: حضرنه كلشي نحتاجه ولهدايه كعدت لصبح سويت ريوك ورحت كعدت قيس حبيبي يله كوم صار لصبح كوم تريك حضرتلك احلى ريوك
قيس: صباح النور بنيتي ي هل كايم بستها وكمت غسلت ورحت تريكت واتصلت ع ايهاب اشوف جهز نفسه لو لا
الو ها مطي شنو كملت لو لا احنه كلشي كملنه بقه بس نحضر لجنطه
ايهاب : يا مطي يي كملنه كلشي وهسه جاي نحضر بلجنط شوكت نطلع للمطار؟
قيس: هاا ب 7:00بليل لأن الطياره ساعه 10 خاف زدحام لطريق مال مطار ونتاخر ع طياره ف نروح من وكت احسن
ايهاب: ماشي وهسه يلا ولي خل نكمل
قيس: ولي يلا سديته من ايهاب وكعدنه انه وبنيتي نحضر بلغراض كملنه وطلبت اكل من لمطعم اكلنه وكملنه وكعدنه سولف واسولفلها عن اهلي وعاداتهم صارت ساعه ب12 بليل نمنه وما كعدنه اله ساعه ب3الضهر يمه شدعوه هيج نايمين ابد ما حسينه ع روحنه كعدت سالين تكوم تحضر شنو ناقصها وشنو ناسيه ما ناسيه وتحضر روحها رحت سبحت وصليت وكلت لسالين لا تطبخ انه هسه اطلب اكل طلبت اكل وربع ساعه وجابو تغدينه وكملنه وطلعت اتصلت ع ايهاب وكتله يجي نروح ع بحر اجه وكعدنه نسولف ونوب ضلينه نفتر ب6 ونص رجعت للبيت لكيت سالين جاي تخلي مكياج ومحضره كلشي رحت سبحت بسرعه وبدلت وصارت ب7:00طلعنه للمطار كعدنه شوي ونوب اجه ايهاب وسالي كعدنه نسولف ونوب رحنه ناكل وضلينه نفتر بلمطار ننتضر موعد لطياره خابرت ع مروان وكتله ب10 طير طيارتنه وكتله منو راح يجي وياي ونوب كتله يطيني امي حجيت وياها بس ابد ما كتلها انه راح اجي للعراق حته مروان كتله لاتكلهم خنفاجئهم ضليت فوك الساعه احجي وياهم وحجو ويه ايهاب وسالين هم ونوب اجه وكت الي نصعد بلطياره رحنه سلمنه لجنط وصعدنه بلطياره وره شوي طارت لطياره كلشش فرحت راح ارجع اشوف اهلي وصلنه للعراق وانه احس روحي رجعت الي افيشش يا ريحت هلي نزلنه من لطياره وكبل اخذنه جنطنه واجرنه تكسي وكبل لبيت اهلي محد يدري رجعت غير مروان وحته من وصلت ما اتصلت علي وكتله يجي علينه حبيت اسوي الهم مفاجئة وصلت لبيت اهلي دمعت عيني وكل ذكرياتي رجعت الي نزلت ونزلنه لجنط حاسبت ابو لتكسي دكيت لباب محد فتح شوي وسمعت صوت مروان وراي
مروان: كعدت لصبح انتضر قيس يجي علمود استقبله رحت اجيب ريوك وصمون رجعت لكيت ولد ثنين وبنات ثنين جاي يدكون بلباب كلت لسلام عليكم تفضلو منو رايدين دار لولد واشوف قيس وكعن لغراض من ايدي ركضت حضنته وابجي يا بعد اخوك مشتاقلك يخوي ميت ع شوفتك واخيرا حنيت علينه ورجعت* بجي شلونك خويه شخبارك ليش ما كتلي وصلت جان اجيت عليك
قيس: حضنت مروان وضليت ابجي شكد مشتاقله بخير يخوي وانت شلونك والله حبيت اسوي الكم مفاجئة شنو اشو محد يفتح لباب امي وابوي وين ؟
مروان: نايمين يول اسف نسيت ما سلمت عليكم شلونكم هاذ ايهاب مو؟
قيس: يي خويه ايهاب هاذ وهاي مرته سالي وهاي مريتي سالين
مروان: اهلا وسهلا تشرفت بيكم شلونك خويه ايهاب شلونجن خويه انشالله زينات حمدالله ع سلامتكم
ايهاب: بعد كلبي النه الشرف بخير دامك بخير خويه والله يسلمك حبيبي
لبنات: الله يسلمك خويه
مروان: تفضلو فوتو لبيت بيتكم خل اروح اكعد امي وابوي
قيس: اوكف اجي وياك اريد انه اكعدهم
مروان: روح انت كعدهم وانه اضل يمهم عيب نروح ثنينه
قيس: ماشي رحت لغرفه امي وابوي فتحت لباب لكيتهم نايمن كتلها صدك جذب دنيا ضهر وبعدكم نايمين ما تشبعون نوم ادهم كوم يله ما وراك شغل وانتي مروه ما وراج طبخ ما وراج ناس تغديهم كعدو امي وابوي بس شافوني ضلو يبجون وحضنوني وضليت حاضنهم وابجي
مروه: يا روح امك هاي شوكت اجيت يمه وليدي اروح فدوه لطولك واخيرا اجيت وكحلت عيني بشوفتك يا بعد عمري انت ليش ما كتلي راح تجي يا يمه
قيس: بعد روحي يمه حبيت اسويلكم مفاجئة بستها من راسها وبست ابوي هم شلونك بويه شخبارك
ادهم: بعد عمري وليدي بخير وانت شلونك شخبارك *بجي
قيس: ليش تبجي يبوي مو هل انه كدام عينك
ادهم: والله ما مصدك انت رجعت
قيس: فدوه لعمرك يا غالي
مروه: يلا كافي كومو نروح يم مريتك عيب ضلو وحدهم
قيس: يلا امشينه رحنه للصاله سلمو ع بعض وكعدنه نسولف ونزلت زينه سلمنه عليها وراحت هيه ولبنات يحضرن بلريوك كملنه وتريكنه نوب كتلها اريد اروح لبيت الشيخ
مروان: وره لغده نروح كلنه الهم هسه خلينه نشبع منك
قيس: ماشي ضلينه نسولف سولفتلهم ع حياتي وسالين وسالي ندمجن ويه زينه ومروان كال لمي لا سوي شي راح يجيب غده من لمطعم
سالين: وصلنه للعراق ورحنه لبيت اهل قيس شافنه اخو بلباب وسلم علي يمه متت بجي ع شكلهم ونوب سلم علينه ودخلنه جوه راح قيس يكعد اهل خطيه يكسرون القلب بلصاله وصوت بجيهم واصل ضليت كاعده وابجي عليهم واجو سلمنه عليهم ونزلت مرت مروان اسمها زينه سلمنه عليها وكعدنه نسولف وياهم ونوب رحنه حضرنه لريوك وياها خطيه حامل وبشهرها بلكوه تتحرك الله يكومها سلامه كملنه ورحنه تريكنه كملنه ريوك وغسلنه لماعين ونوب رجعنه نسولف كلش ندمجنه اني وسالي ويه زينه كلش حبابه وخوش بنيه ربي يحفظها شوي وكال قيس يريد يروح يشوف بيت لشيخ كال مروان وره لغده مروح كلش تحمست اشوفهم واشوف جماره ولبنات ضلينه نسولف ونوب مروان كال راح يجي غده من لمطعم لا سون شي بس حضرو لماعين ولازطه وهيج اشياء كمنه نساعد عمتي وره ربع ساعه اجه مروان جايب اشكال سمج ودجاج ولحم خير من الله صبينه بماعين خلينه للزلم وحد والنه وحد كعدنه ناكل ونسولف وتعرفنه عليهم اكثر كلش خوش ناس وحبابين كملنه غده وغسلنه لماعين ورتاحينه شوي علمود بعدين نروح لبيت لشيخ صعدت بغرفة قيس القديمه غيرت ملابسي وشوي ودخل قيس
قيس: ها بنيتي شلونج تونستي ويه اهلي
سالين: يي كلش تونست وياهم كلش حبابين ربي يحفظهم الك
قيس: يعمري انتي ويحفظج الي يله تعاي خل نام شوي علمود من نكعد نروح البيت الشيخ
سالين: ماشي حبيبي نمنه ساعه ونوب كعدنه بدلنه ورحنه البيت الشيخ...
#الكاتبـة نيروز الكربلائية .🖤