نهوة الشيخ عياش

البارت السادس

#نهوة الشيخ عياش
(البارت السادس 6)
جمارة : انداريت ولكيته وراي ذبحوني ماتلكون قطره دم بيه صار وجهي ينطي الوان والساني نعكد مااعرف شكله الحجي مايطلع ..
زينة : شيخ والله ماتقصد شي
سحر : شيخ فدوه عوفهااا طفلة ماتفهم امسحهاا بوجهنه
الشيخ عياش : شنو طفلة وماتفهم شوفيها عمرهاا ١٦ راح صير ١٧ يعني الي بكدها مزوجات وعدهن جهال وهيه لسانهاا بطول ن..... وترادد لازم تتادب هسه احجي حيوانة منو الي يطبه مرض اخذتها سحح وصعدتها الغرفتي وسديت الباب وجريت الحزام وفقدت عليهاااا اكتلها وارجع اكعد ع قنفه الهث وادخن وانه ودي اشرب من دمهااا هسه تكولون انته تحبها شون هيج سوي بيهااا ( الحب وحد والاحترام وحد هيه لاخلت حب ولاخلت احترام ) ولج حيوانة انه يطبني مرض انه ماستحي ادبسزز ورجعت كتلتها بعدين كعدت يمها ولزمتها من فجهااا شوفي جمارة ولخلقج اموتج هنااا ومااخلي احد يعلم بيجج عادي عندي احبسج هناا ومااخلي كائن مخلوق يشوفج ولاحسبالج نسيتلج سالفه هذا الساقط الي تحجين عليه والله ماناسيها الج ورجعت اضرب بيهاا ..
جمارة : من شفته وراي مااعرف ليش الحجي بقه مايطلع وخفت حيل جابني براشدييي نسيت حته اسمييي ودخت وطحت بعدين سحني من شعري وصعدني بغرفته وضل يضرب بيه كتله انته شتريد مني ماتكلي شتريد يااخي افهم مااحبك اكرهك مااطيقك شنو اشتغل عندك خدامة كلشي تريده جمارة روحي جمارة تعاي مرتك اني شتريد مني الله لايوفقك الله ياخذك مااحبك شعليك احجي على الي يعجبني شتريد انته شتريد (بجي وعياط )
عياش : انه اسمع كلامها وانه خناجير بكلبي تضرب بعد ماكمت اسيطر على نفسي لحد ماسمعت الباب يندك تفلش تفلش وانه فاقد عليهاا بس اريد اطفي نار الي بكلبي وكتلهااا خدامة وغصبن ع راسج ولازم عجبج ست جمارة صيرين مرتي حاضر من عيوني مو تدللين اصلاً انه متاني هل يوم حته صيرين تحت جناحي ..
جمارة : انته تخبلت لو تبقه اخر رجال بلكون افهم اكرهكككككككككك مااحبك وخررر عني (بعياط )
عياش : يصير خير يابنت عمي واشوف منو الي تكرهي وماتحبي
جمارة : خفت حيل من كلامه بس ماهتميت شنو هيه هيته عباله ماعندي اهل يوكفونه عن حده واذا شيخ ع روحه مو علينه بعدين سمعت عمه مياده وامي يدكن بل باب
الام ميادة : ولك يمة افتح الباب البنيه راح تموت بين ايدك ولك فدوه اروحلك افتحلي الباب *بجي
الام منال : عمة وليدي بس افتح الباب بنتي راح تموت فدوه افتحلنه *بجي
عياش : فتحت الباب الهم واخذت سويج وطلعت وانه روحي مفرفحه منهااا مااعرف ليش هيج سويت وطلعت بس مااريد اشوف وجهه ابد اتصلت ع مراون كتله الووو مروان وينك ..
مروان : الو هلا شيخ شعجب اليوم ذاكرنه
عياش : انته وين اريدك تعال
مروان : يم الشباب جماعتي خير يااستار صاير
عياش : تعال بسرعه ولاضل تلغييي تلكاني ع بحر كاعد نفس مكانه
مروان : صار عمي ع كيفك هسه اجي
عياش : طبعاً انه علاقتي بمروان كلش قوية اكثر من اخوان احنه اذا جان هوه او اياد او اسر كلش احبهم والوحيد الي احجيله كلشي من غير مااتصنع بلقوه هوه  ويعرفني احب جمارة ..
جمارة : فتح الباب الامي وعمه وطلع مادري وين عسى روحه بلا رده ، ودخلن عليه سترني لان حته ملابسي نشكن من وره هل حقير واني ابجي واكله لعمه فدوه مااريد ازوجه عمه مااحبه حبوبه خليييي يبعد عنييي مااريد ليش مايفهم مااحبه اكرهه
الام منال : يمه استهدي بالله حبيبتي ماانخلي ياخذج بس كافيي كومي وياي حبيبة
عمه ميادة : يمه سوده عليه بنيتي والله اله اشتكي عد جده اضاهر انه ماعرفت اربييي زلم
سحر : عمه عوفيهاا بجي* انه اخذها يلا زينة تعاي كوميهاا وياي
زينة : اي عمه احنه ناخذها روحي لايضل بالج
جمارة : اخذني البنات سبحني وضمدن جروحي وجابتلي امي اكل
الام منال : يمه بنيتي حبيبة كومي اكليلج لكمة سوده عليه بجي
جمارة : يمه مااشتهي شي مااريد نفسي مسدوده وماشوفين جسمي مكسر شون اكل من وره هل حقير
الام منال : سوده عليه بنيتي انه اوكلج كومي يمه مايصير ضلين بلايه اكل وراج علاج
جمارة : كمت اكلت وشربت علاج مهدء ونمت وبعد مادريت شصار لحد ثاني يوم  ...
مروان : سلام شيخنة خيرك شو وجهك يتخاطف الوان صاير بيك شي احجي
عياش : والله ياخوي تعبت بعد مابيه حيل كلش ورثت جكاره (بحسره )شسوي وياهاا
مروان : جمارة مووو
عياش : اكو غيرها مروان تعبتني مجاي تفهم ولاجني شيخ شكدني وشكبرني ولواء والناس كلها تهاب مني اله هيه مو راضيه حته تشوفني
مروان : ياخوي انته هم اصبر عليهااا مايصير هيج بس كلي انته شمسوي وياها اذا هيه لهل درجة كارهتك
عياش : حجيتله القصة كاملة وسكتت
مروان : صدك تحجي انته اكو واحد يصرف هيج عياش شبيك ياخوي ماعرفتك هيج عود انته الجبير وشيخ شون سوي هيج
عياش : اذاني حجيهااا فقدت انته تعرفني من اتعصب ماشوف چدامي وهيه لسانهاااااااا متبري منهااا ماتكلييي شسويلهااا بعد ماتفهمم شسوييييي وتحس بهل كلببببب (يضرب ع كلبه ويحجي ) اخخخ منك حبيت زعطوطه وركضتك كل هل سنين مروان تعرف شنو تحب انسان وتالي تلكا يحجي عن غيرك ومن تجي تحاسبه يطلع كارهك وحاقد عليك ولامهتم الك اسمع حجيهااا شون تكول اكرهك وانه شياطين تتطافر كبالي خناجير وبكلبي كلامهااا بچي *
مروان : وسفه ياخوي تبجي ع مود مره ماعرفتك هيج ضعيف صلي ع محمد تنحل ان شاءالله انته هم ع كيفك وياها تره بعدها صغيره لاشوفهاا جسم وشكل ولسان تره جمارة طفلة
عياش : وشطيح حظ هذا الكلب (وهوه يأشر عليه )غير هل طفلة ماخلتني اعرف راسي من رجليه لعبت بحالي لعب اخ ربي شهل امتحان صعب
مروان : ماتندمت من ضربتها
عياش : شون ماتندمت وانه بجيت ع بجيهاااا وروحي طلعت ومن اسمعها تكول عوفني بداعت عمه وانه روحي تروح ودي احضنها بس كلامها جان اقوى من كلشي
مروان : كوم ياخوي نتمشى وكول ياالله وتنحل وخل نرجع  للبيت هسه تلكه جدي وعمي خابصين دنياا  شفت شلون هل غيث يتصل جدامك مو كتلك خابصين دنيا هسه ..
.
.
.
.
📞: هلا غيوث  امر اخوي
غيث📞: انته وين مروان وشيخ وياك
مروان 📞: اي وياي راجعين للبيت
غيث📞 : خل يسلم ع روحه ويرجع جدي وعمي  كالبين دنيااا
مروان 📞: خير ان شاءالله راجعين
غيث 📞: بسرعه يكون افضل يلا في امان الله
مروان 📞: الله وياك اخوي ...

#بقلم الكاتبـة نيروز الكربلائيـة 🖤.