نهوة الشيخ عياش

البارت الثالث والعشرون

#نهوة الشيخ عياش
( البارت الثالث والعشرون 23)
على رويسات اصابيعي، اجيتك والسَلف نايم .
- 💞💞💞💞🙁:(
جمارة : انداريت علييه ارتبكت ومادري شصار بحالي اذا سئلني شراح اكله اباوعله يباوع عليييي حسيت بييي تقرب كلش اليييي جرنييييي من ايدييييي ودخلني للغرفـة خفت كلش من عنده لاكن مادري احس بالامان ويااا احسه صدك يسندني لو ردت احد يسندنيييي بنفس الوكت كل ماافكر بعياش يصير كبالي قيس ماادري مشاعري متخربطه حياتي مامتفهمه خليت بالييي انو لازم اصير هادئة ومالاسنة خليني اكون مجرد صديقة اله بلكت مشاعري تتغير اتجاهه ..
.
.
.
عياش : بعد ماشفتهااا طلعت من غرفتي ركضت عليهاا صحتهاا جمارة وين رايحـة اوكفيييي اندارت يبوووووو ع عمرك عياش لو ادري ماصايحهاا ومغلس اشوف الجسم مفاتنها كلها مبينه الوجه ياربييييي ارحم بعبدك ضعيف بعد روحي فارت من شفتها مادري شسوي لابسة دشداشه زيتوني وعاكسه ع وجهه ابتسمت ابتسامة خفيفة مدري توترها فضحهااا اباوع الغمازات الي طلعن يخبلن بخدودهاااا يمه كلبي راد يوكف بذيج الحظة جربتها من ايدهاا ودخلتها بالغرفه سئلتهاا بنيتي شعندج بهل ليل كاعده توني شفتج نايـمة وغطيتج شبيج محتاجـة شي يوجعج شيي ؟؟
جمارة : هااا ـلا مايوجعنييي شي ولابيه شي بس حبيت اجي يمك وشفتك جايييي تسبح اسفة
عياش : استغربت نفس الوكت فرحتي مانطيها البشر بس مابينت الهاا ، اييي باباتيييي ليش مااجيتيي انه رجلج موش غريب عنج حته تسدين الباب وطلعين كعديييي بنيتي
جمارة : ضليت كاعده اباوعله لابس تراك اسود ومشط واجة كعد يميييي ياربيييي الي يشوفه هسه ولايشوفه بدشداشه وعصبيييي ومايتحاجة عياش ممكن اسئل سؤال ؟
عياش : روحه وعمره اسئليييي
جمارة : شعجب لابس تراك يعني اني دائماً اشوفك بالدشاديش وبصراحه حلوات عليك
عياش : { باابتسامه خفيفه } بنيتي دنيا ليل واريد انام يعني شلبس دشداشه واغفه بيهاا
جمارة : لا مو هيج قصدي بس دشداشه احلا * بخجل وتوتر بعدين انتبهت ع نفسييي طاحظج السانج يفلت 😐
عياش : ابتسمت ع حجيهاا صار بويـة بعد البس دشداشه وانام ع امرج
جمارة : هههههههههههه لا حلو هيج هم مرتب زين اكدر احجي وياك
عياش : ايييي بويـة احجيي اسمعج
جمارة: احجيلي عن طفولتك ومن جنت صغير الحد ماكبرت هسه
عياش : صار سمعي بنتي ، انه من جان عمري 7 سنين ابوي توفـة من توفـة حالتي كلش تعبت ونفسيتي تئذت صرت مااعرف شسوي ومااكدر احجي ويه بشر تئذيت لدرجه بيوم من الايام حسيت نفسييييي وحيد ردت اموت انه كلش جنت متعلق باابوي فَ صارتلي كسرت ضهررر قويـة من ذيج وانه صرت حاد بطبعييي مااجامل احد ولااضحك هواييي تعبت حيل بوكتهااا بعدين مرت الايام صرت اداوم وادرس وملتهي بدراستي حته جماعة وياي بالمدرسة واصدقاء ماعنديييي وحدي كضيتها الحد الكليـة جنت انه ومروان انه بمدرسة وهوه بمدرسة بس هوه الرحيد الي اسولف وياا مشت الايام وراحت الايام دخلنة كليـة ودرسنة وتخرجنة بالكلية ضليت اختلطت ويا الناس اشوفهم واضحك واسولف بس شنو بعدها الكسره بداخلييي كبرت وتعلمت وصرت بالجيش وتعينت وهاي شوفت حالج وحبيت وحدك شلعت كلبييييي شلع وماخلتليييييي مجال بكلبها ولو شويـة تدرين انه الي احبهااا لو شويـة تنطيني فرصـة وتحاول شويـة وياي جانت حياتي تغيرت كل الي صار بسببهاااااا عصبيتي اعتزالييي كلشي هيه الوحيده المذنبـة بي تعرفين ليش ؟
جمارة : طول مايحجي هوا عيونه تدمع صدك نقهرت عليه حسيته حيل محتاج ابو الله يرحمه بعدين من ضل يحجييي عليه صفنت نقهرت بس بنفس الوكت مابينت ، ليش شسوتلك !
عياش : خلتني اتعلق بيهاااااا حيل من هيه وجان عمرهاا يوم وشفتهاا وجانت تركض وتجييي يمي وماتنام اله يميييي وتضحك وتسولف وكله انه وياها حسيتت مثل ماربيتها وهيه صغيره اريد اربيهااا وهيه جبيره اريدها ام بيتي بس الاسف مااجاي تخليني اصرف ولاجاي تنطيني حل جمارة تعبت والله احبهاااا كليلي شسوييييي ؟ 💔
جمارة: زين اذا هيه طفلة وماتفهم ومشاعرها مخربطة وروحة وعقلها جانو يم شخص ثانييي شنو سويييي والي خطبهااا انسان حاد بطبعه ومايتفاهم وكلشي عنده بلقياده كلييي انته شلون حتصرف ؟
عياش : اعلمهاا بكلشي هيه بس تكول اييييي وعيوني اشلعهن الهاااا بسسس اخخخ ياكلبيييي { بحسره وقهر }
جمارة : عياش تحبنيييي ؟ بدموع
عياش : احبج !!!!! شنو يعني كلمة حب الانسان يحب مره وحده ويجوز يمل من هل حب انه مااحبج انه اكو شي يسمونه ادمان انه هيج شايفه انسان يدمن ع مخدرات ع اشياء تخصه او هيج شي انه هيج صرت جمارة انه بيوم الي مااشوفج احس روحييي تروح شلون تريديني اضيعج من بين ايدي انتي باايدج كلشي كسبينني والله ماتخسرين انسيج كلشي واعيشج احسن عيشة ومتاكد تحبيني بس الله يهديج علييي مستتعد انتضرج كل هل عمر !
جمارة: بجيييي * ياريت بس ماكدر انته خوش انسان تستاهل وحده تحبك تحترمك تهتم بيك ماشفت منك شي مو زين ونعم منك بس مجاي اكدر ومشكله محد يتفهم الي جاي احس بيييي احس روحي ضايعه ليش كلهاااا تلومنيييي ومحد يفهم مشاعريييي اني نفسيييييتييكلش مخربطة وتعبت شاون ! (بجييييي وحزن )
عياش : كافي بنيتي مسحي دموعج كلشييي بامر الله والقدر ان شاءالله يصلح كلشي فدوه اروحلج كافي دموع موو حركتيني جريتهاا الحضني وحضنتها ابد مامنعت ولاوخرت استغربت ع هدوئهااا بس صدك عجبتني هل مره شميت شعرهااا احس روحييييي طلعتتت اخ يااالله شكد جنت متاني هل يوم وهيه بحضني شوكت !
جمارة: سحبني الحضنة بس مامنعته ابد مو عيب رجلييي شم شعري قشعر جسمييي حسيته حيل يحبنيييي وحيل يريدني اكون يمه ياريت اكدر بلكت والله مشاعري شويـة تتحرك اذا مو بيدي شسوي يعني بجيت من كل كلبي واني بحضنه بعدين مادري شلون غفيت واني نايمة بحضنه ..
عياش : اباوعلهاا نامت بحضنيييي ودموعها ع خدهاااا مسحتهن وشلتهاا نومتها ع جربايه ونمت بصفهاااا وخرت شال عن راسها وضليت اشم بشعرهااا حضنتهاااا حضنه اريد ابقيهاااا بين ضلوعييي مااريد اخليهاا تطلع ابد لساعة بـ 4 وانه كاعد اتأمل وجهااا وملامحهاا سبحان الخالقهاا ياربيييي فدواتك شلعت كلبي اهديها اليييييي بوستهاا بكل مكان بوجهااا شميت شعرهاا وحضنتهاااا ومادري بس خايف عليهااااا بعدين مادري شلون نمت  ..
.
.
.
.
البيت الساعة بـ7:30 صباحاً
عاصم : نور باباتييي ماشوفين جمارة ليش ماكعدت الهسه عدهاا علاج
نور : اييي عمو صار هسه صاعده الهاا ، صعدت الغرفة جمارة دكيت البابهاي ماكو فتحت الباب واشوفهاا مو بلغرفة عزاا بعينج جمارة وين رحتيييي اريد انزل وشافتني سحرر
سحرر: ولج نويره شبي وجهج من الصباحيات يتخاطف
نور : ولج لحكيني همزين شفتج جمارة مو بغرفتها وعمي كلي شوفيهاا علمود علاجهاا هسه شكله
سحر : خرعتيني بغرفة الشيخ جمارة امس من ردت اروح انزل للمطبخ عطشانه فزيت ساعه بـ 12:23 دقيقة يمكن هيج شي سمعتهااا تحجي ويه الشيخ تانيتهم يرحون يلا نزلت وبعدين رجعت فتحت الباب الفجر من ردت اتوضه ومالكيتها فَ اكيد يمه نايمه دعوفيهم بلكت والله تصيري ادمية وتقنع بالشيخ
نور : صدك والله فرحت بلكت والله بس هسه عمي شراح اكله
سحر : وخريييي ، دخلت الغرفة جمارة خليت مخدات ونيمت لاعبه شعرها بلون شعر جمارة وغطيتها وطلعت لا من شاف ولامن دراا
نور : يمه عزااا مين تجيج هل افكار والله ينخاف منج
سحر : شحسبالج بنيتي اني سحررر ال... مو شوية
نور : والنعم عمييي امشي خل نتريك وانتي احجي ويه عني اني مادري شكله هسه يبين عليه
سحر : طبعاً صار بس امشي يلا جدامي
نور : نزلنه واني الخوف ماكلني رئسن سئلني عمي احتاريت شرد عليه
عاصم : هابنتي وينهاا مااشوفها وياج
سحر : مو عمي خطية بعدها تعبانة شوية وكالت كعدوني خليها تنام ترتاح
منال: اي يارجال عوفها ترتاح سوده عليه كوه نامت البارحـة من الوجع
عاصم : يلا عمي سكتنـة بس ضل بالي عليهااا
.
.
.
.
قيس : كعدت الصبح فتحت تلفون لكيت سالين دازتلي رسالة رديت عليهاا وكمت سبحت وبدلت تريكت وطلعت لدوام وصلت هناكك بدينة تشتغل ونسولف انه وشباب شويـة اجة مدير الشغل مالتنه وضل ينطيي اوامر بخصوص شركة بعدين صار عدنة اجتماع دخلنه الاجتماع ..
المدير : اهلاً وسهلاً بيكم بشركة ... ارحب بيكم جميعاً اليوم جمعتكم اريد اعرفكم ع ضيف موجود ويانه راح يكون موضف جديد اعرفكم ع ست سالين
سالين : اهلاً وسهلاً بالجميع اني سالين { عرفت عن نفسها } راح اكون موضفه جديده وياكم اتمنه اكون خفيفه ضل
قيس : سالين شسوين هنااا !!!
سالين : قيس هذا انته
المدير : شنو تعرفون بعض
سالين : اكيد نعرف بعض هذا صديقيي قيس المدير ايهاب اخوية ايهاب محاجة اعرفك ع موضفك
قيس : صدك تحجين اسف استاذ ماجنت اعرف اختك سالين
ايهاب : لاعادي ولاانه جنت اعرف انته زميل اختييي بهل مناسبة الحلوه عازمكم اليوم ع حسابي
سالين : صلاوات راح يحرك جيبة شويـة
قيس : ههههههههههههههه بس انتو ماتشابهون
سالين : اي صح مانشابهه لأن هوه من غير ام واني من غير ام
قيس : يعني ابوج مزوج اثنين
ايهاب : 3 وليش اثنين الاوله ميته وامي ثانيه وامها ثالثه
قيس : ماشاءاللله الله يحفظكم
ايهاب : يلا انطيتكم عين زايده كملو شغل وانتي باجر بلشي بس هسه روحييي ويه مرام تعلمج الشغل وتراويج الشركة ترا مديركم مو اخوكم هناا
قيس وسالين : هههههههههههههه حاضر استاذ ايهاب
مر اليوم عادي وحلو بس سبحان الله صح همه من غير امهات بس ماشفت مثلهم شلون هيه متعلقه بااخوها وهوه هم متعلق بيها يخاف عليها من نسمت الهواا حبيتهم اكثر واكثر خلصنه شغل ورحت ع بيت بدلت وكنلت صليت اجو عليه سالين وايهاب الساعة بـ8:22 دقيقة نزلت من الشقة ورحت وياهم الاماكن كلها راقية هنااا دخلنه اكلنه وبدينة نسولف وكلمن يعرف ع نفسة
ايهاب : اي قيس اعتبرني صديقك مو مديرك بالدوام صدك شلون عرفت اختي
قيس: جنت كاعد بحديقة .... واجت كعدت يمي وتعرفت عليهاا الله يحفظها الك
ايهاب : تسلم ياغاليييي طلعتي تتعرفين ع شباب واحنه ماندري
سالين : ديلا عساس مدري شمسوية هوه تعرفت ع قيس 🤣 شدعوه هلكد تغار عليه
ايهاب : لج اذا مو عليج اغار ع منو
سالين : ع سالي تغار اكيد ماتقبل غلط
قيس : لاحظت من حجت سالين بااسم هاي البنية ايهاب مادري شصارله ارتبك وجهه احمر ظاهر يحبهااا حيل . منو سالي
سالين : هاي عزيزي البنيـة صير بنت خاليييي بس تجنن وفطره وكلش حبابـة وبحياتهااا ماسوت تصرف مو لائق جانت حيل عاجبة ايهاب لحد اجة اليوم الي اخوي الله يسلمه ماتحمل وراح اعترف الهااا لاكن هيه بل بداية جانت متخوفه نوب وافقت عليه وهسه هوه العاشك الولهان اريد افتهم شوكت يخطبهاا محد يدري
ايهاب : ماشاءالله تحفظين السر
سالين : ههههههههههههه قيس مو غريب
ايهاب : هههههههههه خوش
قيس : الله يحفظكم يارب ويتمم ع خير
ايهاب : تسلم ياغالي اي وانته قيس ماتحب احد مابالك بشر
قيس : من كلييي هيج كلبي لچمني { لا جنت احب بنت خالي بس ماصارت القسمة الله يوفقها }
سالين : خطية الله يوفقها ويوفقك يارب بس من منو صوج
قيس : ماكو صوج احد هيه قسمة ومصارت وكلمن هسه عايش بمكان
ايهاب : بعدك تحبهاااا مبين
قيس : لا مو شغله احبها صارت ع ذمة زلمه غيري بس تبقه عزيزه والها مكانك خاصه
سالين : يلا كافي غيرو الموضوع امشوو خل نروح لسينمااا عاجبني اشوف فلم
ايهاب : تدلل اميرتي يلا قيسوو امشينة
قيس : رحنه نشوف فلم بصراحه صحبتهم حلوه همه هم حلوين يسولفون ويضحكون يعني حيل ارتاحيت الهم اباوع السالين حيل متعلقه باايهاب وهوه هم متعلق بيها الله يحفظهم كملما الفلم وطلعنه للبيت ..
.
.
.
.
ازل : اليوم كعدت حيل ضايجة ومتكئبة اتصلت ع حسن اشوفه وين ميرد عليه ضل بالي نزلت جواا تريكت وبديت اساعد امي وزينة بشغل
زينة : ازو شبيج شو مو ع بعضج
ازل : والله مادري مامرتاحة وهذا حسن مدري وينه
زينة : ياحبيبي بالها يم الحب تلكي بشغل هسه بس يرجع يتصل عليج
ازل : بلكت ضل بالي { جاي نسولف اني وزينة واتصل حسن رئسن ركضت ع تلفون }
زينة : ابن الحلال بذكرة ولج خايبة ع كيفج لاطيحين انطي روحج صبر
ازل : مابيه شي ، الووو ها حسونتي شلونك
حسن : هلا ياروح حسونتج شلونج بنتي انه زين
ازل : دومك هسه صرت زينة * بخجل اكلك حبيبي
حسن : كولي باباتيييي دومج ان شاءالله
ازل: شوكت تفتح الموضوع ويه جدييييي يعني مو جنك طولت السالفة
حسن : هيج مستعجله ع حضني 😉 ان شاءالله بس ارجع من شغل افاتحه بالموضوع هوه والشيخ ونشوف نحدد اليوم
ازل : خجلت حيل من كلامه ايييي يماشي ايشي يصير كولييي مو تنسة
حسن : صار حبيبي خل اروح عندي شغل اكمل واتصل عليج
ازل : ديربالك عمري يلا باي ..
.
.
.
حسن : رجعت للبيت ميت من التعب نزلت تغديت وشفت جدي والشيخ كاعدين يشربون چاي وعمييي وابوي كاعد استغليت الفرصة كلت هاي ماكو احسن من هيج فرصة حته احجي وياهم بموضوعنع انه وحبيبت كلبي احمم الله بالخير
الجميع : الله بالخير والعافية
حسن : شيخ عندي وياك موضوع
الشيخ مصعب : كول وليدي امرني
حسن : مايأمر عليك ضالم بس انه اريد ازوج كافي طولتها هواي
الشيخ مصعب : هههههههههه چا شمالك بوية تحجيها بخجل هذا حقك علواه شفايتلييي اشوفنك عريس
الشيخ عياش : يلاااا كول يايوم تريد تعرس بي وكلشي علييي تدلل
حسن : الله يحفظكم الي يارب والله مادري انه اجيت اشوركم بالاول انتو الخير والبركة انه وازل متفقين ع كلشي وماعندهاا مانع هيه بس ننتظر اليوم اليييي نحدد بييي هيه كلشي مكمله
احمد : خير ان شاءالله هاا بويـة شني تكول
الشيخ مصعب : والله مادري يابوي بس دام الوضع ماشي وكلشي تمام نشوف اهلها ونتفق
الشيخ عياش : انه اكول لو العرس يصير الخميس الجاي احسن هواي طولتو وكافيييي لأن انه عندي شغل وخافن ماحضر العرس فَ هيج احسن وانه راح ابلغ عمييي ومروان ويصير خير ان شاءالله
حسن : خوش خويـة رحمه الله والديك { باس راس الشيخ وايده وباس عياش } اترخصت منهم ورحت اتصلت ع حبيبت كلبيي اريد ابشرها طاير من الفرح اخيراً راح صير يمي حبيبتي
ازل : الوو ها عمري
حسن : ها ياروحيييي ابشرج العرس الخميس الجاي
ازل : جذبببببب صدك تحجييييي شلون وشوكت
حسن : هسه حجيت ويه جدي والشيخ وكالو الخميس الجاااي
ازل : اخيراً يمه كلبي راح يطير من الفرح خل ابلغ اميييي وابوييي
حسن : لاابوج لاتبلغينه هسه عياش كال انه اتصل عايه وع مروان اخ ياقيس الخايس تمنيته ويانه
ازل : اي والله كلش مشتاقتله يلا ماشي حبيبي زين اكلك
حسن : كولي عيوني
ازل : باقي شغلات خفيفه اريد اجيبهم من السوك عادي اروح اني وامي وزينة باجر
حسن : ماشييي باباتي من تردين طلعين كليلي مو يضل بالي ديربالج ع نفسج عندج مصرف لو اجيبلج
ازل : لاحبيبي عندي فلوس كافيات
حسن : اكيدددد مو جذبين علي وتالي يطلع ماكو شي
ازل : وعيونك عندييي يلا حب اروح زينة دصيح
حسن : ماشييي بنتي ديربالج يلاباي
ازل : باي روحي .. ، ولج زينـــــــة وينج خايبه هيووووووووو
زينة : وعمه وسم وجع شتردين طرشتيني
ازل : فلك هاي كلهااا علي يلا اعذرج ماريد اخرب فرحتي
زينة : اي ام فرحة هسه ماكتيلي شتردين
ازل : باجر نروح للسوك
زينة : مو كلتيييي الاربعاء نروح
ازل : لا مو حسن هسه خابرني الخميس عرسي
زينة : شلوووووووووون لج ماعندي البسه خرب هاي شوكت نكدر نجهز
ازل : بسمالله لج بابا يلا اليوم خميس يعني الخميس اليجي شبيج اكلتيني وشربتيني نكدر نجهز مشوفين اريد اخذكم احجز باجر وهسوالف
زينة : ماشي خل اكل المروان بليل
مروه : شمالجن صوتجن عالي يمه شبيجن نكرصتن
زينة :  عمه تتعاي سمعييي بنتج عرسها الخميس اليجي هسه وين نلحك
مروه : ياااا صخام صخمج ازيله وين الحك
ازل : يمه تلحكين هيه شعدنه شبيكم تلطمون
زينة : شعليج هيه بدله وتحجزين احنه ناكلها
ازل : ديلا دوختيني اروح انامم احسن
زينة : مبارك تمبل مال نوم ..
.
.
.
.
الشيخ عياش : صار الصبح كعدت ولكيتهااا نايمة ولازمه هدومييي ضحكت عليهااا اشوف البراءه مالتهاا فدوه اروحلج بنيتي جانت احلا نومة انامهاا وبنت كلبي يمي فدوه العمرهااا نايمة ماتدري بدنيا شصار كمت سبحت وبدلت وتوضيت وصليت ونزلت جوه تريكت وضليت كاعد شوية واجه الشيخ
الشيخ مصعب : هاا بويـة اشوفنك متأخر اليوم بالكعده
الشيخ عياش : والله ياجدي جنت حيل تعبان منا المستشفئ ومنااا شغل
ميادة : يمه وليدي اسويلك لكمة تاكلهاا
عياش : اي والله يمه ياريت
ميادة : صار من عيوني
الشيخ مصعب : صدك بويـة شوكت تصعد لدوام
الشيخ عياش : والله ياشيخ ان شاءالله مو هذا الاسبوع اليجي الورا بحيل الله بس قبل هاي اخذ جمارة تفك الخيوط ونجيك فحوصاتهاا واطمن عليكم واروح
الشيخ مصعب : الله يحفضك ابني
الشيخة امنية : بعد روحييييي ابن الغالييييي يمه الله يوفقك ويفتحها بوجهك ويفرحني بيك يابعد اهلي كلهم
عياش : اروحلج فدوه يمه انتي الخير والبركة ..
.
.
.
.
جمارة : كعدت من النوم لكيت الساعة 11:30 العب كمت اباوع عزا بعيني اني بغرفة عياش اباوع ع غرفته الله شكد حلوه حته جربايته مريحة ودي مااطلع منهاا تخبل كمت اتفتل بالغرفه فتحت الكنتور اباوع ملابسة كلها معطره ومبخره وشحلاتها تجنن هنيالي غرفته انضف من غرفتي وكنتوره ارتب من كنتوري والله لو يشوف هدومي صايرات معركة كلكامش 🤣 طلعت من الغرفة واني اتلفت خاف بشر يشوفني شوية سمعت صوت وراي ....

# الكاتبـة نيروز الكربلائيـة 🖤.