نهوة الشيخ عياش

البارت الثاني والثلاثون

#نهوة الشيخ عياش
(البارت الثاني والثلاثون 32)
عـَله اخبارك عشت
وأرتاح من ترتاح وأذا كالو مريض لـ وحدي أتمرض 💔.
                -🖤🖤🖤🥀'
الشييخ..: كل خير ان شاءالله بس اريدن من البنية تتوضه وتجي تكعد جداميييي حته اقره عليهاا
جمارة: ايييي عمو بس شلون وين اتوضه
الشيخ ..: فدك بوية دخلييي اخذي البنية خل تتوضة ورديها الييي
فدك : صارر
جمارة: دخلت علينة بنية اية من الجمال حبابة اسمها فدك اخذتني ورحت توضيت رجعت كعدت يمه وبده يقره ع راسي حسيت مثل الحراره بجسميييي وحيل دخت كمت مااشوف شي جدامي بس غواش ومعتيي تكلب تئذيت كلش وبعدين ماحسيت بشي
الشيخة امنية : يمه بنيتي شيخ صار شبيهااا
الشيخ ..: لاتخافين مابيها شي راح انطيج اوراق 6 وحده الصبح تسبح بيها والثانية الظهر والمااي ينطش بحديقة مايصير مفهوم وهااييييي الاوراق ثانية تتبخر بيهااا وهذا الدعاء شيله المده 21 يوم وعندج هذا الماييييي تشرب منه المدة 7 ايام ماشي ومابيها بس العافية وهسه تكعد لاتخافون
الشيخة امنية: ان شاءالله شيخ بس الهسه انه مادري البنية شبيها ماكتلي خير ؟
الشيخ ..: البنية عليها حسد وعين مو طبيعيات وعدها تابعة كلش قوية آن شاءالله اذا سوت هذن شغلات الي نطيتها الهاا تروح منهاا بس ديربالج تسبح المغرب لو تنام ماشي وهاي هيه الي واكفه بطريقها
الشيخة امنية: سوده عليه يمه ان شاءالله شيخ
جمارة: كعدت عبالك مثل شي الي خانكني بطني حيل تئذيني وراسي مصدع مااكدر اشوف ايشي
الشيخ ..: باباتييي شلونج هسه شتحسين
جمارة: عمو ماادري احس تعبانة وراسي يوجعنيييي ومختنكة بطني تئذيني
الشيخ ..: اشربي من هذا الماييييي وسمي بااسم الله قبل لاشربين منه ماشي
جمارة: شربت من هذا المايييي وكمت اريد اوكف ع حيلييييي لوتني بطنيييي وضليت اذب من راسي اشكال والوان اخضر واحمر واصفر وماعرف شنو هذا حسيت معتييييي كطعتني تكطع وحيل تئذيني صدك احتاجيت عياش بوكتها بقيت ابجيييي واتنخه الله واهل البيت بس ارتاح شوية الالم موتني عمو فدوه ساعدني
الشيخ ..: ميخالف باباتي تحمليييي هذا كله راح يروح وصير سوالف تحملييي بنتي
الشيخة امنية: بدموع * يمه ع كيفج شوية شوية اكعدي اكعدي ارتاحييي
سحر: من شفت جمارة هيج صدك نقهرت عليهااا واحنة طول الوقت عبالنه هيه من بحدها تصرف هيج حياتها كلها مخربطة ضليت ابجيييي عليهاا تمنيت الشيخ هنا ويشوف حالتها تكسر الخاطر
جمارة: ارتاحيت شوية وشربت ماايييي غير الي نطاني ياا الشيخ واخذنة الغراض ورحنه بس احس روحي ذابله مابيه حيل للحجييي طلعنه وبسياره كبل البيت اهل الشيخة اول مادخلت رحت سبحت وصليت الظهر تغديت ونمت مادري صار بعد..
.
.
.
.
عياش: راحت بنيتي وانه بدوام وبالي يمهااا ياربييييي فدواتك طلبتك لاتردني رايدها منك بجيت ودعيت ربيييي بصلاتيييي يطلعلي ياها سالمة ومتعافية ادك ع اسر مايجاوب ادك عليها ماجاوب ضجت حيل وفارت اعصابي ليش محد يرددددد علي اتصل ع سحر نفس الشي الشيخة قافله تلفونها وانه روحي شاطت الله اريد اعرف صار بس لاشي وزين اموت غيررر ضليت انتضر تقريباً ساعتين ونص هناك اتصل اسر عليييي بس احس الروح ردتلييي من شفت رقمه اخيراً راح اعرف صار الووووووو هاااا اسر انتو وين ليش ماتردد تلفونك قافله مو شعلتوني صاررر بشررر ؟ *بصياح
اسر: والله ياخوية شكلك البنية حيل متئذية بحياتي ماشفت هيج شيخ ماشاءالله عليه ايده خفيفة بس جمارة كلش تعبانة
عياش: شنو يعني تعبانة هسه انه شفهم من كلامك بنتيييييييي وين كليييي صار احجيلي بتفاصيل
اسر : (حجه كلشي العياش ) وهذا كل الي صار وهسه تغدت ونامت كلش تعبانة
عياش: هوه يحجييي وانه دموعيييي مثل شلال مادري شصار بيه بوكتها حسيت الدنيا تفتر بيه ومشاعري تخربطت نقهرت عليهاا كلش دعيت ربي يحميها اليه ويطلعها سالمة من كل شر كلش خفت عليهاا ياربي ماعدي غيرها فدواتك ماشي ابو شباب رحمه الله والديك تعبتك خوية
اسر : شسالفة خوية انته اخوي وهيه اختي بخدمتكم عياش اريدك قوي ان شاءالله مااكو شي صير احسن والله صدكني الشيخ طمنه
عياش: ان شاءالله خوية يلا انه عندي شغل اترخص مع سلامه
اسر : الله وياك خوية ..
سحر: هااا شكلك ؟
اسر: شكلييي لو سمعين صوته تبجين عليه بحياتي ماشفت عياش هيج ضعيف ومنقهررر صدك اذانييييي
سحر: اي مو هينه اذا احنة الي عايشين وياها ماجنة نتوقع هذا كله يطلع بيهاا هوه شلون الله يعينه ولاتنسه هوه هم اجه للشيخ وشافه وحجه ويااا فَ اكيد يعرف قبلنه حقه لاتلومه مو هينه والله
اسر: الله كريم ربييي يفرجهاا ان شاء الله وتشافه
سحر: امين يارب
جمارة: نمت نومة بحياتي مانايمة هيج كلش تعبانة ومالي خلك اي بشر كعدت صليت وقريت قرءان شوية ارتاحت نفسيتي ولبست الدعاء الي كال عنه الشيخ ونزلت جوه يم البنات
رقية : هلا حبيبتي شلونج شلون صرتي
جمارة: الحمدالله عمريييي شحاي سوون
رقية : نسوي عشه انتي شنزلج صدك مو تعبانة
جمارة : كلت شوية اجي اغير جو يمكم واساعدكم
مريم : لاعمري شساعدينه اصلاً خلصنه روحي كعدي يمهم بين مانصب العشه ماشي
جمارة: خل اساعدكم ع اقل بصب العشه وياكم تعبتو انتو
رقية : ولج ماعدنة شي والله روحي كعدي هناك
جمارة: ماشي رحت كعدت  يم الشيخة وبدت تسئلني
الشيخة : ها بنتي شلون صرتي هسه
جمارة: الحمدالله احسن
الشيخة امنية: عساج يمة بالاحسن ديربالج بنيتي صحه وعافيه ان شااءالله
جمارة: حبيبتي بستها من راسها واجن البنات صبن عشه وبدينة ناكل سوا خلصنة وكمنه اني وسحر نساعدهم بالماعين صبينه چااي وكلنه التمينه بالصالة
ابو رقية : بوية رقاوييي تعاي هنا عندي حجاية وياج جدام عماتج والجميع
رقية : اي بوية صار احجييي اسمعنك
ام رقية : خير يارجال صاير وياك شي
ابو رقية : كل خير ان شاءالله الموضوع كله ومابيي مساع اجاني سلام ابن ابو عقيل وطلبت ايد رقية ع سنة الله ورسوله والولد خوش ولد وانه موافق بصراحة وماعنديييي اي مانع مالكه احسن منه لبنيتي فَ انتو ياخوانها وياولد عمها احد رايدها بيكم وانتو ياخوانها موافقين ع ولد وياامها شتكولين ؟؟
اخوان رقية : بوية احنة موافقين سلام خوش رجال ونعم منه
ولد عمها : واحنة ماعدنة مانع الله يوفقهم ان شاء الله
ام رقية : والله مادري شكلك الموافقة بيدها بعد هيه كيفها انه ماريد اضغط عليها ونوب تكول امي جبرتني
ابو رقية : بارك الله بيكم هاا بوية كولييي شنهو رئيج ؟
رقية : اي بابا انه موافقة
ابو رقية : ع بركة الله بوية
البنات: كللللللللللللللوش
الجميع : هههههههههههههههههههه
جمارة: فرحت رقية حيل بنية تجنن من يوم الاجيت الحد هسه ماشفت منها اذية كلش حبابة بقينه نباركلهاا ونشاقه وياها صار اليل كلمن صعد نام فرشو النه ونمنه اليوم كله ماشفت تلفوني ابد حيل تعبانة ومابيه حيل احجي ويه بشر ذبيت روحي مثل الميتة عطشانه نون فديت لكيت الساعة بـ8الصبح كمت غسلت وصليت وصبت ع جميع شفت البيت مخبوص سئلت مريم ، اكلج اليوم شكو شو مخبوصين خبص ؟
مريم: ماتدرين عمه رقية ام رجلها راح تجيي يحددون يوم الخطوبة
جمارة: صدك والله فرحتلها يلا يوم الالج
مريم : ان شاءالله *باابتسامة
جمارة: من كلت المريم هيج نضراتها توجهن العلييي ابن عمهااا وهوه عيونه عليهااا ودنكت خجلانه عرفت بيهم واحد يحب الثاني الله يتمم الهم ع خير يارب تريكت ويه البنات ورحت بالبستان كعدت فتحت تلفوني واباوع المسجات والمكالمات محترك حرك من عياش رئسن اتصلت عليه اليوم شيخلصني ياربيي الوووو السلام عليكم * بخوف
عياش: وعليكم السلام هاا بوية شلونج شلون صحتج شلون صرتي ؟
جمارة: بااستغراب الحمدالله احسن انته شلونك بالدوام
عياش: هسه صرت زين من سمعت هااصوت الحلو منصبح
جمارة: بخجلل عياش اسفة والله ماجنت ادري بيك متصل هالكثر والمسجات جنت نايمة وحسل تعبانة
عياش: ولايهمج بويـة ادري كالتلي سحرر اتصلت علييي وحجتلييي
جمارة: {كفووو نقذتني مرت ابن عمي الصاكه 🤣😘} هاا زين عياش نسيت اكلك رقية بنت ابو حازم راح تنخطب الابن ابو عقيل بس مااعرف شوكت خطوبتها اليوم يجون نسوان يشووفها
عياش: هاااا بيهاا الخير بوية الله يتمم ع خير ويوم الالنه ان شاءالله
جمارة: ان شاءالله * بخجل
عياش: اذا تردين ترحين للسوك خاف يرحن روحي وصدك تعاي اكلج الفلوس الي اخذتيهن يكفنج لو اخابر مروان يحولج ومن ارجع انطيي !
جمارة: لا تخابر مروان كلش يكفني مااريد شدعوه
عياش: ماشي بوية اذا حتاجيتي بس خابريني والباقييي يمييي ديربالج ع نفسج بنيتي انه عندي غشل كلش هواي اليوم اذا خلصت وفرغت احاجيج ماشي !
جمارة: ان شاءالله حبيبي * كتلهه حبيبييييييي ايييييييي والله ايييي كلش فرحت انو كدرت اكله شي يسعده بجيت بذاك الوكت ونقهرت حيل ياربي ساعدني عياش يستاهل بنيك تسعده اكثر مني
عياش: بفرحة: ياروح حبيبج انتي اروحلج فدوة بعد اهلي وطوايفي كلهم يلا بوية روحييي يم البنات عيب انه عندي شغل في امان الله
جمارة: ديربالك ع نفسك باي .. .
.
.
.
.
سالين : صار جم يوم رجليه تكسرن يارايحه للسوك ياراجعه من السوك اثثننه اني وقيس الشقه تجنن صارت واهل حولو اله فلوس وايهاب ساعده شوية براتب وكملنا الحمدالله كلشي نفس منريد ومنضم واحسن ترتيبات حجزنه قاعة ملكية لأن احنة اثنين مو بس اني وقيس واخوي وسالي هم رتبنة كلشي بتمام اوفففف يمه تعبت والله بعد مااتحرك ولاخطوة
سالي : اني تكسرت شنو تعبت خيعونه الي يلزم المخده هسه راح اموت من تعب
سالين: اي والله كلش تعبت اكلج اتصلييي ع ايهاب شوفي وينهم اني ماعندي رصيد تأخرو كالو نجيب شغلات للشقق ونجي وينهم ! صار ساعة
سالي : جاي اتصل ولج ومحد يرد علييي ماكو شسالفة
قيسس: هاااا صبايا خلصتن ؟
الينات: ايييي
سالي: شسالفة وينكم تاخرتو هاي كلها شغلا
قيس: مووو ازدحام وناس هواييي كوه لكينة شغلات نريدها
سالين: قيسس شو باوعليي ليش احس ضام عني شي انته وهذا
قيس: لاحبيبتي هوه شكو قابل حته اضم عليج هسه ماتردن عشه احنه جوعانين
ايهاب : انه ميت من الجوع وين الكارصون خنطلب شي ناكله ونرجع تعبت كلش
سالين: طلبنة اكل ورجعنه للبيت كلش تونسنه دخلت للبيت تعبانة منهلكه ذبيت الغراض وغسلت وخليت راسي ع مخده وبعد مادري شصار بدنيا ثاني يوم دوام وهوسه مااعندي مجال احك راسي خابرني قيس الظهر ب2:30 اليوم هوه مامداوم
قيس: الوو ها حبيبي شلونج
سالين: ماشي حبيبي زينة انته شلونك
قيس: الحمدالله الله يساعدج مبين تعبانة
سالين: ميته تعب شنو تعبانة كلش مابيه حيل اتنفس اصلاً شنو انته وين
قيس : انه جاي اجهز نواقص الشقة كملت كلشي شعندج هسه ماتجين نطلع نتغده بره شوية ترتاحين
سالين: عندي شغل منو يكمله هسه ☹️!
قيس: ماشييي خليها عليي بس اذا اخابرج طلعيلي يم باب الشركة ماشي
سالين: ماشي ، شوية ورجع اتصل علييي الوو ها حبيبي
قيس: بنيتي انه باب الشركة طلعييي يلا
سالين: طلعت قيس شجابك مو جنت تجهز نواقص البيت ! شلون طلعت اني من دوام ؟
قيس: سهله بوية خابرت ايهاب واخذتلج اجازه وهسه يلا امشي للبيت ارتاحيي ساعة وانه ارجع اودي الغراض وامر عليج بدلي حته اخذج نتغده بره ماشي
سالين: ماشي ، رجعت للبيت بدلت وارتاحيت وصليت واجه قيس طلعنه ، اكلك هذا مو طريق الطمعم اني اندل وين ماخذني
قيس: مفاجئة حبيبي هسه نوصل وتعرفين
سالين : وصلنة مكان البحررر وكبالنه يختتتت كلش چبيررر صعدت باليختت والمنظر يجنن جان منطش ورد ع طول اليخت وميز طعام عليه اكل والجو يجنننننننن ولااروع من هيج اول مادخلت الكارصون قدملي ورد شكراً *بفرحة
قيس: ها بنتي شلونها المفاجئة
سالين: قيس هاي شنوو 🥺🙈
قيس: مفاجئة بسيطه وهدية الج بماا انو صارلج جم يوم تكافحين علمود بيتنة فَ كلت افرحج بشي بسيط
سالين: احبك كلش هواي الله لايحرمني منك انته احلاشي صار بحياتي
قيس : اكلج امشي نرجع للبيت مو احسن ناكل هناك بيتنة نسولف براحتنة يعنييي شعدنة هناا
سالين: ههههههههههههههههههههه لاحبيبي هاي مفاجئة متتتفوت 😂😘 جان احلا يوم يمر عليهم نعوفهم شوية ونروح البيت شيخ نشوف صاير هناك !؟
.
.
.
.
الشيخ مصعب: بوية مااتصلت ع الشيخة ماشفتو الاخبار صاير
اياد: جدي اتصلت ع اسر مساع وكال كلشي تمام ان شاءالله جم يوم ويرجعون
منال: بنيتي طاكه كلبي عليهااا ياربي رايدتها منك
عاصم: اذكري الله عيونيييي ان شاءالله مابيها شي وترجعلج بسلامه
منال: ان شاءالله عمت عيني عليها ماشفت يوم حلو بحياتها
عاصم: الحمدالله ع كل حال ان شاءالله ماكو شي وترجع احسن من قبل
الجميع : ان شاءالله
نور:والله مكانهاا خالي الجمارة كلش
امانييي: اييييي حته سحرر جانن مونساتنه
ازل: بعد بعد كلبنهااا مناحة اني لو اهاجر محد يكول عليه مكاني خالي وجمارة وذيج تتلوكن علمودها
سرور: انجبي غيرر نفتقدج هم لو من هسه اشتغلت الغيره
ازل: انجبيي زعلت والله متفقدني مثلهاا
اماني : هسه عليج لوسفة لو هاجرتييي هوه ياهو مكلبج غير هالمخبل مالتج
ازل:شفتن مو اكلجن هاي جلبه بسيطه يجي فيصل واشحنة عليج
اماني : عساس هسه خفت كلش ذاك فيصل ابن عمج وروحي احجي وياا
فيصل: شتحجين وياي ازل
اماني: يمه وكف كلبييييييي بذاك الوكت عيونة ينط منهن شرار خو اني صرت مثل البزونة الي ماتعرف وين تنطي وجهه بنات اني صاعده اذا تردون شي صيحوني
فلك: الخوف الخوف
البنات : هههههههههههههههههههه
ازل : هيج ابو شباب ماردت شي بس اكول ماجيبولنة شي من بره مابينة حيل نسوي عشه
فيصل: ابشري لاسوون عشه هسه شوية اخذ حسن واروح
ازل : عاش ابو غازي
اماني : صعدت فوك الغرفة نور واني الخوف ماكلني دخلت وسدي الباب شوية ونفتح الباب ااباوع فيصل كبالي مااادري وين انطي وجهييي شوكت اتوب ومااجفص اخخخخخ ياالسانيييي
فيصل: اي ست اماني شلونج
اماني: بخيرررر الحمدالله انته شلونك* ابتسامة
فيصل: هااا زين اسئل عليح ماكتيلي تعرفين واحد اسمه فيصل يكولون عليه مخبل ومايشوف جدامة
امانيي: هاا لاامااعرفه ليش تسئل
فيصل: ماتعرفيييي مووووو خوش سهلة
امانيي: سحلنييي من شعرييييي وثبتني بين الكنتور والباب وقفل باب الغرفة ذبحونييي ماتلكون كطره دم بية من الخوف كمت ارجف
فيصل: هسه يعني ماتعرفين فيصل مووووو
اماني: بعدني مامكملة باسنييييي قطع انفاسي ونزل ع ركبتي ويه كل لمسة اذوب بين ايدية الحد ماحسيت روحي راح تطلع اريده يوخر ماكوو ادفع بييي مااكو شوية وخر منيييي يمه كمت اشهك اريد هوااا ماكووو شبيك فيصل صدك جذب خنكتني
فيصل: حته مرة ثانية من تردين تحجين شي تعرفين عقابه شنو فتهمتي ياحلوة
امانييي: عقابيش قابل اني شحجت انته ماتتفاهم
فيصل: اني هذا تفاهمييي لاتعودين لعقاب حته مايصير بيج هيج ماشي كلبي 😉
اماني: شكد مايستحييي ربي غمزليي وطلع بقيت كاعده بالغرفه كمت اباوع ع روحي بالمراية يمه شمسوييييييي بية وجهيييي وركبتي كلها زركة خفيته ونزلت يم البنات كل ماابوعله يغمزلييي استغفرالله ربييي
ازل: خير شبيج دردمين
اماني: هيج ماكو شي ادردم ع ابن عمج
ازل: وشبي ابن عمي معاجبج
امانيي: ماشوفينه كل شوية غامزليييي مايستحييي ناس كلها كاعده
ازل: اويييي فدوة لليستحييي وخجول واذا غير حلالج هسه اني اغمز  الحسن اصبريلي
امانييي: يمه اثاري انتو عائلة كلكم منحرفين 😬
ازل: ههههههههههههههههههه ع كيفج راح تموتين ..
.
.
.
.
جمارة : سديت الخط من عياش وكمت اشتغل ويه البنات مشه اليوم تمام للظهر اجت رقية محتارة راح تجي ام سلام شوفها شلون شبيج رقية ليش هيج خايفة
رقية: لج مادري شسوي مااعرف امكيج وكلش خايفة ومرتبكة
جمارة: ههههههههههه حبيبي اني امكيجج بس ع كيفج شدعوه هل خوف هيه راح شوفج ويحددون يوم للخطوبة وبس لاتوترين وتخربين كلشي
سحر: انتن ماخلصتن ولج انتي بعدج ماجاهزه المره شوية وتجييي كملييي
رقية: اييييي يلا جمارة راح ادخل اسبح وانتي حضري المكياج
جمارة: تمام كملت رقية واجت لبست فستان انيق ومرتب مكيجتهاا هيه حلوه ماتحتاج مكياج هواي طلعت كلش مرتبة وهاا هسه شلونييي ؟؟
رقية: عاشت ايدج كلش مرتب
سحر: يمه عين البارده عليج تخبلين حبيبي
مريم: اويييي اختييي عروسه يوم الالي ياربييييي مو كافي عنست والله
رقية: استحيييي شوية لاتجيج اميي بنعال
البنات: ههههههههههههه
ام رقية: كلللللوش اللهم صل ع محمد واله محمد عين البارده ربي يحرسج من العين بنتي شهلجمال
رقية: حبيبتي ماما * بدموع
سحر: خربتي المكياج عليش تبجين
جمارة: نقهرت ع رقية وذكرت امييييي حيل مشتاقتلهم نزلن البنات وام سلام وصلت كتلهم هسه انزل جهزت نفسي وقبل لاانزل اتصلت ع امييي الووو هلاو يمه حبيبتي شلونج
منال: هلا يابعد امج الحمدالله بنيتي انتي شلونج شخبارج
جمارة: الحمدالله بخير انتو شلونكم شخباركم
منال: كلنا بخير حبيبة شلون صرتي بنتي
جمارة: الحمدالله يمة اسئل عليكم مشتاقتلكم
منال: احنة اكثر بنيتي يمههههههههه الحكوليييي
جمارة: الوووووو يمة يمة شكووووو الوووووو ....
# الكاتبة نروز الكربلائية . 🖤