نهوة الشيخ عياش

البارت السابع عشر

# نهوة الشيخ عياش
(البارت السابع عشر 17)
بچفوفگ شگد شِعر
اسراره ما تنحچي
ثوره وقصيده وعشگ
طاحن بتالي العمر
ومسودن انه من احب
لو أموت لو انتصر
••••••••••••••••••••••••••••
قيس : بعد مااجه عياش وسمعنه العنده فارت اعصابي اخذت السويج وطلعت نسيت حته جمارتي تعبت نفسيتي خابرت مؤيد صديقي ورحت يمه للبيت ضليت بايت يمه اتصل مروان علي مارديت عليه قفلت تلفون وضليت بايت يم مؤيد لصبح فزيت حاس اكو شي رئسن فتحت تلفوني لكيت مروان واهلييي حاركين الدنيا كبل خابرت مروان الوو شصايررر هلكد متصلين علييي شبيكم
مروان : لك ساقط ارعن ماتكلي وينك من البارحه ولك ناوي تموت اميييي تعال ارجع للبيت المره راح تموت من وراك الله لايبارك بيك
قيس : هسه جايييي انه عند مؤيد مسافت الطريق ويمكم
مروان: بسرعه ونسيت اكلك تره جمارة بلمستشفى بس طلعوهااا وهسه هيه بلبيت ارجع بسرعة
قيس : سمعت هيج وانه ماكفت اشو شي جداميييي احس شياطين كلهااا تطافر من يمي انه الك عياش والله اله اخلص عليك اتصل ع جمارة ماترد ارجع اتصل ع شباب مايردون احاول اتصل بحسن 16 مكالمة بالاخير رد عليييي حيوان ماتكلييي انته وينك صار ساعه اتصل عليك
حسن : هاا قيس شبيك عندي شغل يعني ويني مااسمعك
قيس : جمارة وين وشنو وضع البيت وليش محد يرد عليييي
حسن : والله ياخوييي امس طاحت ورا ماطلعت واخذوهاا للمستشفى بس طلعوهااا وهسه هيه نايمة ماادري بعد انته وين
قيس : انه اعلمك عياششش * بصياح راجع للبيتنه ورايح مناك البيت جدييييي وهل ساقط بلبيت مو
حسن : اي بلبيت قيس فدوه الله يخليك مالنه خلك بعد مشاكل البارحه البنية رادت تموت من وراكم كافيييي
قيس : حسننن شنو الكافيييييييييي جمارتييييي هاااييي هذا من كل عقله انطييييهاااا اله لو تطلع روحه ماصير اله شنو هوه بكيفه دروح انته ثاني سديته بوجه واخذت سويج وطلعت وصلت للبيت وتلكتني امييي تعاتب بيه بس مروان اخوي ماشفته بيت جدي وابوي ضل يصيح ماهتمت الحد بالي وروحي كلها يم حبيبت كلبي ركضت بدلت وسبحت وكبللل لبيت جديييي واول ماوصلت دخلتت صحتت بصوت رج البيت رج عياششششششششششش انزل بسرعة * ..
.
.
.
عياش : جنت نايم فزيت ع صوت قيس يصيح نزلت هذا شجابهه شنو يريد يموت هناااا نزلت ركضض خيرك شتريد جاي من الصبح ماعدك يمنه مره يلا فر وجهك وروح البيتكم يلا يابطللل
قيس : احترم نفسك واحجييي عدل مرتييي غصبن عليك وع راسك فتهمت لو لا ماصير الك تحلم كل بسبكك رادت تموت وانه مادري تردون تحرموهااا مني وتحرمونييي منهااا اتخبلت اخليهااا الك افتهم احنه مخلوقين البعض افتهم مستحيل بااحلامك صير الك سامعنييي
عياش : انته ماتمشي بلطيب { هجم ع قيس موته تموت } اطلع بره ساقطط رجال انته واخذها وانه اشم الهوا دفنتك صير ع هذني الايدين فاهم شجاي احجي ومره يمنه مالك ويلا هسه اطلع من البيت صارت هوسه وجدييي اجه من المضيف حاولو شباب يفكونة اجه جدي
الشيخ مصعب : عاشت ايدكم ياسباع والله خوش شفتي احفادج امنية صارو زلم ويتعاركون جدام الكبار وماخلو قيمة الاكبر منهم سباع بوية كملو كملو ليش وكفتو * ولكم ياحسافة شوارب الي بوجوهكم ولكم تتعاركون ع مره وين الرجولة بيكم انه هيج ربيتكم انته ياشيخ يااا لواءء يااناس كلها تحترمك وتحترم ثقافتك وادبك هيج تصرف والله وكفو منك كفوو مسويلي نادييي مال قتال بيتي انه مووو * بعياط جاوبونيييي ساكتين هاا  بعدنييي عايش وانتو واحد ذابح ثانييي باجر عكبه متتتت انه يصير الدم مطشرر هاي وانه مخليكم كلب ع كلب ورايدكم مثل الاخوه ياحسافة تربيتي بيكم وانته قيس افندي انطيناك مره يعني هاهيه بعدها ماصارت ع ذمتك لاتخليني اخرب كلشييي احترمو نفسكم جهال انتو * {بعياط والكل ساكت }
عياش : والله ياشيخ منو كال ماراح تخرب الخطوبة وهوه ههههههه ياخطوبة واصلاً ماصار شي ع جثتيييي اذا طلعت جمارت روحييي من البيتتتت والحاظر يعلم الغايب هل خطوبة  ماراح تم سامعيني وبنت عمييي مااصير غير الييي الي عنده حجايه يتفضل يحجيهااا عندكم مانع !!
قيس : انته بكيفك ماراح صير منو انته وتمنع شيخ وع روحك بنت خالي اليييي وانه اوله بيها من الغريببب مااصير الك بحلمك البنية تحبني وانه احبهااا ماتكدر تسعدها ماراح تحبك نفس ماانه تحبني وتريدنييي سامع ..
.
.
.
جمارة : كعدت الصبح واجتني سحر خطيه تعبتها وياي جايبتلييي اكل والادوية مالتي اكلت وضلت يمي سولف اكلج سحر شنو ابوي طلع شو ماكو حس بلبيت
سحر : اي حبيبة عمي والولد كلهم طالعين للدوام والشيخ بلمضيف يمه ناس وشيخ عياش { بعدها مامكمله وقاطعتها جمارة }
جمارة : ماسئلت عليييي ليش تريدين تحجيلييي عنه رجاءاً لاجيبلي اسمه ولاسيرته كارهه حته خلقته وماااريد اسمع صوته فدوه سحر فهمي
سحر : جمارة سؤال انتي ليش ماتردين الشيخ عياش والله يحبج شفتي البارحه سوه علمودج ترا ماتلكين هيج انسان يحبج ويريدج مثله ولاراح يكدر احد يسعدج ويخاف عليج نفسه والشيخ الكل تحترمه وتحبه وانتي من صغيره كله وياا شلون تردين يشوفج رايحه الغيره وهوه طالبج من عمييي
جمارة : بجي * سحرر فهميني الله يخليج مااحبه والله موبيدي يعني تعرفين شنو اكرههه شنو اكره اسمع صوته اكرهه اشوفه احقد علييي بعد كل هذا الي سوااا بيييييه وتكوليج يحبج يااحب هذا لو يحبني صدك يعتكني يعوفنييي امشيييي اشوف حياتي ويه الانسان الي احبه مو يوكف بوجهي وطريقي مااريدهه
سحر : شبيدي عليج والله راح تخسرين ع هذا حجيج الله يهديج حبيبتي
جمارة : جنه نسولف اني وسحرر شوية سمعنه عياط بلصاله جواا نزلت ويه سحررر اكدر امشي بس جسمي شوية يئذيني وكفت ع درج ماكدرت انزل واسمع عياش وقيس ومضاربهم رئسن تخربطت
سحرر : شيخ فدوه الحك جمارة مادري شبيهاا
الشيخ : شنزلهااااااا منو كلج تنزليهااا * بصياح
سحر : والله هيه ماقبلت والله * بجييييي
الشيخ : شلتهااا وصعدت الغرفتهااا خليتهااا تنام وضربتهاا ابره مهدء وسديت الباب وطلعت وماخليت ولابشر يمهااا وانه روحي مشتعله نار رجعت ع قيس وكتله ، كل الي جاي يصير بسببك وحق الحق اذا مارحت مناااا اوصلك الاهلك مجنز سامعنيييي
قيس : مو بكيفك جمارة الي ماصير الغيري سامعني انه اول خطبتها وانه الي عترفتلها وانه الي حبيتها وانه الي اريدهاا وتريدنييي وتبادلني نفس الشعور انته الي كارهتك وحاقده عليك ياحب هذاااااااااااااا
عياش : اسمع حجيهه وانه سجاجين بكلبي وشياطين تتطافر جدامييييي ضربت قيس بوكسي ونمت فوكااااا وكلها صيح تريد تتفاككنه هناك دخل عمي والشباب فاككونه وصاح عمييي
عاصم : البنية بنتي ولاالك راح صير ولاالك راح تموتها كافييييييييي مشاكل من وراكم وحيدتيييي وماعندي استعداد اخسرها من ورا تهوركم سامعين
عياش : من رخصتك عميييييي ومع احتراماتي الك والخوانها والجدي البنية بتنه وانه ابن عمها اول من الغريب انه ناهييييي عليهااا انه عياش امين مصعب ال ... انهييي ع بنت عمييي جمانة عاصم مصعب ال ... مااصير الغيري يعني مااصير الغيري فاهمين والي عنده حجايه يتفضل يحجيها هنااااا ..
الشيخ مصعب : عياش مستوعب شجاي تحجييييي فككك انهوه ابني هذا زواج مو لعبة شني بكيفك تنهييي عليهااا
فيصل : عياشششششش فكك نهوه اختي ماانطيهااا الك لو ع جثتييي مارايده روحهاا تعيش وياك ماكافي ضربتها وهنتهاا جدامنة مستحيل صير الك
قيس : { هوه يحاول يهجم ع عياش } فكك نهوه فكككككككهااااااا بنت روحي ماصير الك مستيحل جديييييي حاجييييييي احبهاااا ياناسس بانييييي كل احلامي وياهاااااا مااصير الك
عياش : انه العندي كلته والنهوه ماراح تنفك والعقد باجر وهذا اخر كلام يمه سويلي ريوك خليت وصعدت الغرفتي سبحت وبدلت ونزلت اتريك شوية ونزلت جمارة اسمع حجيهاا وانه عيوني صعدن الراسي كمت من العصبية ماشوف جدامي رئسن ضربتها راشدي ..
.
.
.
جمارة : بعد ماسمعت حجييي عياش وقيس ماتحملت سودت الدنيااا بوجهييي وكعت فزيت لكيت اميي تبجي يم راسي حضنتني وتبجي وعمتي مياده تبجي والشيخة يمي وسرور مافتهمت الصاير بس بالي وروحي كلها يم قيس يمه شبيج ليش تبجين صار يمه فدوه ردي علييي قيس وينه
منال : سوده عليه يمه شبيدي عليج حضج مصخم يابت بطنييي اويلي عليج بنيتي
الشيخة : كعدت تنوح وتبجيييي { ساحرين هل ببيت ربييي مشاكل ماجاي تفض شذنبهااا بنيتي }
ميادة : عمه والله هوه يحبج حبيبة فدوة اتحملي وسمعي كلامة * بجي
جمارة : انتو شجاي تحجون ماجاي افتهم منكم شي قيس وينه صارله شي ردو علييييييييي * بصياح وبجي
سرور : جمارة اهدي مو زين عليج حبيبة
منال : يمه الشيخ عياش نههه عليج يعني هسه انتي{ #نهوة الشيخ عياش } بجييي
جمارة : مثل صاعقه وضربتني شنو نهه علييي شنو نهوتة ماكمت استوعب ضليت اصرخ وابجييي عفت امييي وسرور والشيخة وعمتي فوك ونزلت جوااا لكيته يتريك صحت علييي انته مو بكيفك تنههه عليييي افتهم يااخييي مااريدك اكرهك مااحبك وهيه تضرب ع صدره* اكرهك ما اريدك ما احبك اموت منك ليش هيج سويت بشر ما يريدك ليش تجبره عليك ماااسمع غير راشدي فر وجهييي فررر ضربني كدام الكل وطلع  ...
.
.
.
عياش : ضربتهاا وطلعت من البيت انه روحيي فايره احبهااااااااااا شلون بيهااا مر اليوم يتصلون علييي وتلفوني مغلق رعت للبيت الساعه 2:30 بليل صعدت نمت وسبحت وبدلت وبعد ماشفتها ولاشافتني اله بيوم العقد الصبح الساعه ب7:28 قررت احجي ويه عمي نزلت صبحت عليهم محد يرد الكل ضايج منييي رحت يم عمييي كعدت وكتله ، عمي اسمعني عندي جم حجايه وياك وهسه جدام الكل راح احجيهاا انه البنيه احبهاا وهاويها ومن هيه بلحضينه ومتانيها تكبر وربت جدام عيني ماممكن اسمح انو صير الغيري انه رايدهااا والعصر راح يصير العقد ..
عاصم : ابني البنية ماهاويتك وماريدتك الله يخليك فك النهوه مامستعد اخسر بنتي وحيدتييي الله يخليك كافي ..
عياش : عمي العندي حجيته والنهوة ماراح تنفك جهزو نفسكم العصر يجي السيد ام امير انتي وام مهمين خوية اريدكم  تروحون لسوك بـ9 تشترن كل الي تردنه وترجعن العصر اريد كلشي جاهز ومعليكم بااسر واياد انه حاجيهم  ..
البنات : حاضر شيخ ان شاءالله..
.
.
.
جمارة : كاعده بغرفتيي وروحي رايحه شوية وندك الباب ابويييي شفته ودموعي رئسن وحدهن ضلن يصبن مااريده ليش ماتفهمون بوية فدوة كله هل يفك نهوة مااحبه شلون اعيش وياااا شلون تخلييي بنتك وحيدتك تامنهاااا يم هذا المتحوش بويةة الله يخليك حاجييييي ماااريد ليش محد يفتهم ليشششش * ضليت اصرخ والطم ع وجهي مااريده اكرهه
عاصم : كافي جمارة بعد ما يفيد لبجي بعد انتي اله مو بكيفج ولا بكيفنه خلاص نهه عليج والعصر عقدكم حضري نفسج باباتي * {وهوه يحاول يضم دمعته عنهاا }
جمارة : ضليت ادك والطم فكرت انتحر لو اشرد بهل يوم كرهت حياتي وكرهت اليوم الي شفته بيه بجيت بجيت ومحد حاول يوكف النهوة صعبه من تنجبر ع شخص انته ماراغبه ومارايده والاصعب من هذا من انته جنت تحب شخص وهوه يحبك وكلشي كامل ويجي انسان يهدم حياتك بثانيه تعبت من تفكير والبجييي روحي طلعت ماعندي احد احجيله ويفهمني كل الي اكلهم يكلولي انتي نهوتة كرهت الدنياا كلها حته اهلييي ماردت اشوفهم الساعه ب12:00 انه حابسه روحي بغرفتي  ..
نور : حبيبة كومي وياي الشيخة تريدج نزلي جوا ..
مالي خلك نور كليلها مالها حيلل عوفوني بحديييي ماريد اشوف بشر ..
نور : مايصير جمارة حبيبتي كومي بس شوفيها شتريد عيب هاي الشيخة شلون ترفضيلهاا طلب
جمارة: رحت ويه نور للشيخة نزلت جوااا بس شفتهااا رئسن حضنتهاا وضليت ابجيييي + فدوة الله يخليج كليله ماريده حاجييي انتي موتحبيني هوه يسمع منج فدوه بيبي ماريدنه ماطايقته شلون هيج الله يخليكم ساعدوني
الشيخة : يمه بعد مانكد انتي صرتي نهوتـة هاهيه العصر عقدكم ..
منال : اويلي عليج يمه هاي هم حضج وقسمتج سودة بوجهج منال البنية راح تروح من بين ايدج
الشيخة : اذكري الله ام اياد شهل حجييي ابن عمهاا ويخاف عليها وحريص عليها ان شاءالله ماكو شي خلاص اسكتي
منال : شلون ماكو شلون عمة ماشوفينه سوااا بيهااا راح تموت بنتيي ابنج السببببببببب اذا صار بنتي شي فَ ابنج السببب ناوين تموتوهااا جانت مثل الورده مفتحه وفرحانة بخطوبتهاا من ابن عمتهاا اجه ابنج خربهاااا بثانيتين * بجييي
ميادة : ام اياد ذكري الله بيدي شي وماسويته شبيدي عليهااا حسبالج انه مامقهوره عليهاا بس ابني يحبهااا ويريدهااا ومتاكده راح يعيشها احسن عيشه ويخاف عليها اكثر من روحه ..
.
.
.
جمارة : مره اليوم بين البجي والخنكة ومااطايقه اي بشر بيهم ولااريد اشوف اي شخص جنت بحدي افكررر بغرفتي اجن البنات من السوك جايبات غراض وياهن اباوعلهن بحزن احس روحي مطفيه ماكمت احس بشي الفرحة الي بداخلي ماتتت جنت فرحانة راح اصير الحبيبي هسه كلشي تغير بثانيتين قيس اتصل عليييي ماريد مااعرف اخباره شنو بالي كله يمه كلبي يوجعنييي ماريد كل هلشي يصير يارببببب ساعدنيييي ..
سرور : جمارة حبيبتي هاي الملابس جبنالج ياهن من السوك ان شاءالله يعجبنج شوفيهن حلوات * بحزن وقهر
سحر : حبيبتي احجي شييي كولي عجبوج لا ، لاضلين ساكته مو زين الجاي سوينه بروحج ..
جمارة : شتردوني اسويييي يعنيييييي حبيبي ومادري بي وين خربوووو فرحتيييي اذونيييي ونهة عليييييي وهسه عايشه جسد بلا روح شترديني اسوي هاا جاوبوني اكوم اركص واضحك وافرح واعيش حياتي هيج تريدون مووو * بعياط ..
نور : جمارة صوتج حبيبتي لايسمعج الشيخ ويكتلج فوك كتلت البارحة كافي مو زين كومي يلا نحضر الغده ونتغده حته اصعد اجهزج كومي حبيبتي ..
جمارة : ماريد عوفيني مااااااريد رجاءاً نزلو وخلوني بحديييي نزلن البنات وبقيت بحدييي لااكل ولاشرببب ماريد اشوف اي بشرر روحي وبالي كلهاا يم قيس حاولت اتصل باازل ماترد ..
.
.
.
قيس : بعد مانهه ع كسرت ضهريييي جمارت روحييي حسيت كلشي سود الدنياااا ضلمه صارت طلعت من بيت جدي ومادري وين اروح رحت ع مؤيد اخذته ورحنه البيت وسام صاحبنه ضلينه كاعدين تدخين وشرب اهلي يتصلون ماجاوبت ولابشر بيهم حته مؤيد كتله لاجاوب بشر ماارريد احد يعرف وين انه وسام انطيني كلاص ..
مؤيد : قيس شجاي سوييييي تريد تشرب * انته طول عمرك تمنعني من الشرب نوب تريد تشرب انته وسام لاتنطييييي
وسام : يمعود عوفه خل يشرب بلكت يرتاح اشرب اخويييي والله راح ترتاح روحك
مؤيد : تخبلت انته مره سوي بيك هيج ماكو قسمه ونصيب بينكم يعني شلون تموت مايصير ياخوية اصحه ع روحك كافي وسام لاتنطي من خرب روحك ..* بصياح
قيس : تفتهم شنوووووووو احبهاااااااااا تفتهم روحيييييي راح تنطفيييييي من وراهاااا وتكليييي لاتشرببببب اييييي اشرب اريد اموت اريد ارتاحححح بنت كلبي اليوم خطوبتهاااااااااااااا وانه كاعد هنااا مااكدر اسوي شي مؤيد تعبت تعبتتتتتتتت * بصريخ وبجي
وسام : وسفة ياخوي مره تبجيككككك تعال يمي اشبعك نسوان صدك تحجييييييي
مؤيد : وسام انجب قيس مو نفسك خوية اصحه ع روحك انته جراح والناس كلها تحترمك وتحبك ومثقف ليش جاي تصرف هيج ..
قيس : شربت شرب لحد كمت مااستوعب جاي يصير ولااادري شجاي احجيييييي اتصلت ع جمارة ماترد كمت اصرخ وابجيييي اريدهااااا والله اريدهاااا تعبتتت يتصلون علييي اهلي ومااجاوب اي بشر ، اخذني مؤيد للبيت اول ماوصلنه تلاكني ابوي ومروان ..
ادهم : ولك قيس حيوان هااي شارب يااناقص انه هيج ربيتك من ورااااا مره هيج سويييي بروحك ادبسزززز
مروان : بويـةة اهدء لايصعد ضغظ مالتك هسه خل ندخله جواا فضحتونه بين العالم مشكور اخوييي مويد تعبناك
مؤيد : لاياخوييييي ياتعب هذاا بس امانه ديربالك عليييي قيس كلش تعبان
مروان : ان شاءالله خوي ممنون منك حبيبي ..
قيس : دخلنيييي مروان للبيت وانه مادري شجاي يصير شفت امي كاعده وتبجييي ويمهاا البنات رحتلهاا كتلهااا ، ليش مامبدله وحاطه حمره ومكياج اليوم بنت اخوج عروس روحييييييييي هلهلييي كللللوووشش يمه راح ياخذوهااا منييي يمه انتي مو تكليلي اتمنه اشوفك عريس ماصرت يمه الي احبهااا راحت ولج يمههههههه * بصريخ
مروه : يمه ابني سوده بوجهيييي الحكوله راح يموت ولك يمه شجاك سوده بوجهج مروة الولد راح يمون كون وليدي كوم حبيبي. الله يعوضك بالاحسن
قيس : ماااريد الاحسن ماااريد اخذوهااااا مني تقبليهاااا ليش يمه مو احبهااا وهيه تحبني ليشش
ازل : حالت قيس تكسر الخاطر وجمارة مادري شصاير بيهااا بحياتي ماشفت اخوي هيج منكسرررر قيس جان دائماً قوي اول مره اشوفها هيج حالت البيت مو طبيعيه الكل داخل بوضع الكتئاب الكل ضايج ع قيس وبنفس الوكت نقهرت ع جمارة فتحت تلفون ولكيتها هواي متصله عليييي مااردت احجي وياهااا لحظه وحده صح حسيت روحي انانيه انو مارديت ع اختي وصديقتي وبنت خالي وصندوك اسراري بس ماكدررررر هذا الي جاي يصير بااخوي كله بسببهاااا صح مابيدهاا شي بس مااعرف ..
مروان : احتاريت بين اخوي وبين ابن خالي الي هوه اقرب من روحي تعبت كلش تعبت شلون راح تنحلل نكسر ضهريييييي وانه احاول اصحييي بهذا واصحييي بذاك تعبت نفسيتي كاعد بغرفتييي ورا ماوديت قيس الغرفته وامي بقت يمهاا ازل وضع البيت متكرهب صعدت زينة
زينة : حبيبي مو زين سوي بروحك هيج فدوه كافي * بجي
مروان : شترديني اسوي ماجاي شوفين حالت اخوي شلونهااااا والسبب كله من بنت خاليييي شراح اسوييييي زينة البيت وضعه مخربط عياش ماادري بييي وين مااكدر تعبت والله
زينة : سوده عليه حبيبي تنحل كول ياالله ارتاح احضرلك الحمام ..
مروان : حضرتلي الحمام زينة وكمت سبحت وبدلت للعصر خابرني عياش رديت عليييي الووو هاا عياش
عياش : هااا نذلل وينك ماتكلييي السيد راح يجي وكلهاا هناا توقعتك اول بشر يميييي بهل يوم ليش مااجيت
مروان : اعذرني ياخوي تعبان وماكدرت اجي الله يسعدكم سديت تلفون بوجه عياش ماكدر اروح تعبت زينة باباتي كومي بدلييي نطلع كويم راح طك روحييي
زينة : حاضر حبيبي ، ماكدرت اسئله وين رايحين لان كلش تعبان وضعه ماتخيلت بيوم اشوف مروان هيج تعبان ردت بس اخلي يرتاح شوية اشتاقيت لضحكته اليوم مررو بتعب وقهررر طلعنه من البيت اخذني الحديقة غيرنه جوو شوي طول الطريق هوه ساكت وانه ساكته مارضه يحجيييي شي ولارضيت اسئله شيييي بس حيللل نقهرت عليه مابيدي شي ياربيييي ساعده صعبه مناا اخووو مايكدر ينطي بييي ومناا ابن خاله الي هوه اغلا من روحهه ..
.
.
.
جمارة : خفت لاصاير شي ع قيس شلون ياربييي اريد اعرف ولو مجرد حجايه وحده اتصل بزينة ماترد منو الي اتصل بي ميرد عليه حاولت شكد ماكو احد صافنة ومحتارة ودموعيييي مابطلن ابد شوية ودخلت عمة ميادة ..
ام عياش : هاا يممة كاعده بريحاتج ماتجين تنزلين
جمارة : ماتريد انزل * بضوجة
ام عياش : بنيتي اريد احجي وياج بموضوع بس اتمنه ما تقاطعيني  وتفتهمين الكلام الراح احجي وياج
جمارة : تفضليييي عمة اسمعج
ام عياش : حبيبتي عياش والله يحبج ويخاف عليج اكثر من روحهه وانه متاكده راح تعيشين وياا احلا عيشه يايمه بس ماريدج تعاندييييي وتعصبينه ترا كلبه نظيف وبعمره وحياته ماشاال ع بشر اتمنه يايمه سمعين الكلام الي جاي احجي كسبي احسن الج وعيشي وياااا بعمرج هذاا متاكده راح تنسعدون سمعيييي الحجي  وماتخسرين وانه اوعدج ادللج احسن دلال يوم المنه اشوفج جنتي وام احفادي  اخليج  تفكرين عدل وبراحتج بنتي ..
جمارة : جمارة : الله كريم * بقهر طلعت عمتييي واني ظليت افكر بكلامهاااا بس هم مااريده والله مااحبه كلبي مقبوض حاسه يرييد يصير شي وبالي وروحي كلها يم قيس  صافنة وجان تلفونييي يرن باوعت لكيت ...

#الكاتبـة نيروز الكربلائية 🖤.