نهوة الشيخ عياش

البارت الواحد وثلاثون

#نهوة الشيخ عياش
(البارت الواحد وثلاثون 31)
ربما أبدو لك غير مبالي
"بس انه والعباس كلش رايدك"
          -🤍🤍🪐.
عياش: هلااااا بالعريس الحمدالله انته شلونك الاهل شلونهم
فيصل : بخير شيخنة كلهم يسلمون عليك شني ياهو كلك انه عريس
عياش: انه الشيخ عياش ماينضم عنييي شي الي بكل مچان اذن ولو انه زعلان عليك
فيصل: افاااااا عزيزي ليش زعلان !
عياش : المفروض انه اول واحد يدري بس هيه صارت
فيصل: والله ملتهيييي بسالفة الخطوبة واله انته شتدري بيه صدك نسيت اكلك اخوييي
عياش: كول بعد اخوك خيرك
فيصل: ايمن راح يخطب لارا بنت ابو سحرر
عياش: بالمبارك الله يسعدكم ويهنيكم شايفين كل الخير
فيصل: تسلملييي حبيبي الغالييي شنو ماناوي تنزل نشوفك وتحضر الخطبة ويانه
عياش: والله ياخوييي عندي هواي شغل مااكدر وماصار هواي من اجيت ان شاءالله غير مره والف الف مبروك سلملييي ع اهل يلا هسه انه عندي شغل اترخص
فيصل: الله يبارك بيك العزيز ان شااءالله مرخوص الله وياك ..
الشيخ معصب : هااا بوية شكالك الشيخ
فيصل: مادري ياهو موصله يدري بس انه راح اخطب وهاي كدامك حجيتله ع ايمن
حسن: هاا اشوفنكم تباوعون علييه شمسوي
عاصم:ولك حسيون انته هاي سوالفك انته كايله
حسن: وداعت غويث مااكايله انه حجيت بس المروان
فيصل: اي موش اكول ماتكدر ضم سالفة
حسن: غير فرحان بيمم موش صوجكم
ايمن: هههههههههههه حبيبي ابو علاوي
.
.
.
.
جمارة: صار الظهر تغدينة سوالف وكعده كملناا الشغل كلمن صعد بغرفته يرتاح سويت كهوه واخذت سماعاتييي وتافوني وكعدت بالحديقة اشرب كهوه واسمع بتلفونييي
امانييي : شعندج كاعده هنااا ويامن تتغزلين ويه الحب
جمارة: ههههههه لا وين بس هيج ضايجه وماجايني نوم مااحب انام ضهر فَ اجيت كعدت هنا انتي شعندج موش تعبانة ومالج خلك
امانييي: لا ماتعبانة صرت احسن بس بيني وبينج كلش ضايجه اكول جمارة صبيلي كهوه وخنسولف
جمارة: هااج الزمييي احجي اسمعج شتردين سولفين
امانييي: اكلج اريد اعرف معلومات عن اخوج فيصل بس امانة الله ماتحجين البشر اني حجيت وياج هيج
جمارة: عمي والله مااحجي بس مثل شنو تردين تعرفين مافهمتج
امانيي: مثل يعني شنو يحب شنو يكره طبعه تصرفاته شنو لازم اصرف وياا ومن هالكلام كونج مخطوبة قبلي وتعرفين بهل امور
جمارة: اليسمعهااا انيي مجربة كلشي ماتدري بس اوكف يم الشيخ اتراجف 😬* شوفي حبيبة فيصل كلش قنوع وحباب واسهل واحد بااخواني يعني بس تسمعين كلمته كلشي مايريد ودائماً لو حجه وياج لاتعلين صوتج علييي ابد مايحب هذا السلوب مايحب البنية رعنه والاربعه وعشرين ساعة تتمضحك ويه هذا وذاك ابد خليج متوازنه ودائماً كوني سلسله وياا بتعامل يعني مثلاً طلب منج شي اليوم تكوين قميصه ايشي كان سويييي بهدوء وماتحجين ولاحرف واذا شفتي عصبيي لاجاوبيي وتلاسنينه خليج ساكتة وابد لاتحجين وصدكيني بحياتي ماشفت فيصل يحب بنية كد مايحبج هسه روحه كلش عزيزه ومايقبل ع غلط وهوه كلش ضد هاي الافكار مال نهوة الي مثل حظييي ومال فصلية والاجبار ع شخص كلش كلش ضد واخوي كلش مسالم مااحجيلج كونه اخوي بس والله هذا صدك هسه فهمتييي !!
امانيي: ححلو طبعه حسيت راح اتوالم وياا بس لازم اتعلم عليه شوية بالعشره تجيييي بصراحه اني مااكرهه ولااضوج منه بلعكس بس ماجانت بالي هاي كلهاا سواها بس من جبرني اذاني حيلل تتوقعين راح اكدر اعيش وياا
جمارة: انتي وشطارتج كسبي كلش عاطفيييي اخويييي مسكين والله طاح بحب وحده ثوله
اماني: هههههههه بقيت ساكتة صفنت شوية وبالييي راح يمه ويم شكله ونضراته الحاده وعيونه ياالله شكد حلو
جمارة: هااا الوووو وين وصلتي اشوفنج نغرمتي بااخوييي استحي بنتي
اماني : ههههههههههههه جمارة تحبين الشيخ صدك شلون خطبج ؟
جمارة: اخخ ياخيه خليها سكتة بوكتها جنت ازيد من حالتج شوفي حبيبة اني جنت احب ابن عمتي قيس وهوه هم يحبني يعني علاقه حب تجنن بيوم الي راد يخطبني قيس نزل الشيخ من دوام ونهه عليه بطريقة كل مااذكرهاااا كلبييي ينعصر حيل تئذيت بوكتها { سولفه سالفة بااختصار }
امانيي: سوده عليه وبعدين شصار من نهه عليج !
جمارة: عشت بسجن ياخيه كمت اليل ماانامه من وره تفكير مامتقبلته ابد صعبه امانييي الله لايخلي بنية بموقفي هذا المهم بعدين وره فتره نعزمنه بيت عمتي وسمعت قيس شايف بنية وياا بدوام وخطبهاا لأن هوه سافر دولة .. وهناا بديت استوعب انو لازم ابدي حياتي من جديد ومالازم افكر بي واني هسه ع ذمة زلمه وهوه صار عنده مره ومشت حياتي ..
امانيي: كلش قصتكم حلوه وتقهررر ياريت تحبييي نفس مايحبج
جمارة: منو كلج مااحبه بلعكس جاي اتقبله بس اكو شي بداخلي يمنع وحيل مئذيني * بدموع
اماني : تفرج حبيبتي ان شاءالله ترتاحين
جمارة: ان شاء الله عمره طويل شوفي اتصل
اماني: ههههههه اخليكم تاخذون راحتكم هم يلا اصعد اجهز ورايه روح للسوك
جمارة: ماشي كلبي ، الوووو هلا شيخ شلونك
عياش : هلا بنيتي حبيبتي شلونج بخير بوية
جمارة: الحمدالله زينة
عياش: جمارة صوتج ماعاجبني جنتي تبجين لو شصاير وياج
جمارة: لامابية شي { فلك مين تعرف بس لو ادريييي شهل حدس العندك جان اني بخير}
عياش: اعرف اعرف تربيتي انتي فَ كلش افتهمج وهذا الحدس تحجين عنه الهام وهسه كليلي ياهو وياج
جمارة: محد وياي جنت اسولف الاامانييي عليك وبس * بدمعه وخنكه
عياش : بس شنو احجي بوية ليش ساكته
جمارة: ماتحملت نفجرت بالبجييي عياش لشوكت اكدرت اعيش حالي حال البنات اختنكت حيلللل ماادري احس روحييي راح تطلع كلشوي مهتنكه لو احس احد يحجيييي وياي بس ماعرفه منو بس صوت يجي بالي ويروح كلش تعبانه ساعدنييي فدوة شوكت ارتاح  !!
عياش: تفرج بنيتي ان شاءالله ترتاحين وانه ارتاح وياج تنحل بس كليلي الشيخة ماكالتلج شي
جمارة: بله كالت راح تاخذني للعماره اني وياها وسحر واسر ياخذنة بس مادري ليش !! شنو شبي روحتي للعماره انته تعرف بس ليش ماترضه تكلي
عياش : من تروحين بنيتي راح تعرفين وتفتهمين بس لاتعاندني الشيخة وشلعين كلبهاا الله يخليج انتي تردين ترتاحين وانه اريد ارتاح فَ سويييي الي طلبه منج ماشي بوية ولاتخافين انه وياج مااعوفج
جمارة: ان شاءالله خير ايييي شنو شجنت تسوي قبل لاتخابرني
عياش: ماجنت اسوي شي تغدينة وجانو الشباب يسولفون وشربنه چاي واجيتي بالي شتاقيتلج كلش هوااااااااي طاك كلبي ع شوفتج وحضناتج
جمارة: اني هم والله شوكت تجيييي عياش !!
عياش: انتي شنووووووووووو هم *بفرحة
جمارة: اني هم اني ان ان اي *بجيييي
عياش : شبيج بنيتي عليش هاالبجييي
جمارة: مادريييييي مااكدر مااكدر احجيي وياك لو اكلك شي كلبي يوجعنييي اكو شي يمنعني ليش ليش !! * بجييي وصريخ
عياش: تنحل بوية اوففففففف تفرج ان شاءالله المهم ديربالج ع نفسج وديربالج باجر ع لبسج اكو هواي عالم راح يصير بالبيت بعد خطبه اثنين مو واحد مثل ماوصيتج بنيتي لاضوجين منج
جمارة: ان شاءالله ديربالك ع نفسك
عياش: صار حبيبتي ، سديت الخط منهاا وانه روحي تشتعل نكسر كلبي عليهاا اخخخ ياربي شهل امتحان صعب بعد شنو يريد يصير كلبيي راح يتفطررر مايصير والله اختنكت والعبره لزمتني اففاااا عياش تبجي وانته زلمة تهون الله كريم خابرت جدتيي ولحظه وحده ماترددت الوو السلام عليكم شيخة شلونج
الشيخة امنية: وعليكم السلام هلا يمه حبيبي شلونك شخبارك شون دوامك
عياش: بخير يمه دامج بخير انتو شلونكم شخباركم
الشيخة امنية: بخي يمه مشتاقين شوفتك
عياش: والله انه اكثر شيخة اجيت اكلج شي
الشيخةامنية: كول وليدي امرنيي
عياش : استغفرالله مايأمر عليج ضالم . بس انه كلبي كلش مقبوض وحيل خايف ع جمارة وهيه من جاي تحجي وياي ماجاي تكدر تحجي ولاحرف ودومهااا متردده وخايفه وتكول اكو شي يخنكني ويمنعني متاكده لو اخذيتها الهذا الشيخ راح يعالجهاا انه حيل خايف عليهاا هيه كالت انتي تاخذيها وره خطبه الشباب
الشيخة امنية: يمه وليدي اسمعني ماله داعي تخاف عليها هذا شي طبيعيييي احمدالله وشكره كلشي باامر رب العالمين وبنسبه الهاي الخنكة والاشياء الماتكدر تحجييي وياك بيهن فَ هيه هاي توقف كلشي يمهاا وتاذيهاا وماتخليهاا تحجييي وياك نفس ماهيه تريد يعني واكف بطريقكم ان شاءالله الشيخ .. يحلهااا بحيل الله لايضل بالك وليدي مريتك بالحفظ والصون
عياش: امانة بركبتج هيه رايدها من الله واهل البيت ديربالج عليها شيخة ماعندي اغلا منهااا
الشيخة امنية: بعيوني وليدي لاتوصي حريص
ميادة: شيخة هذا عياش
الشيخة امنية: اي بنيتي هاج احجي وياا
ميادة: الوووو امييي ابني حبيبي شلونك يابعد اهلي كلهم شلون صحتك ان شاءالله بخير
عياش: بخير يمه حبيبتي انتي شلونج مشتاقلج
ميادة : بعد روح امك والله يايمه انه متبهذله بروحتك هاييييي مشتاقتلك شكثرر ماناوي ترجع
عياش: الله كريم يمه ماباقي هواي واجيكم ديربالج ع نفسج عندي شغل بعدين اخابركم يلا اترخص في امان الله
ميادة: ان شاءالله وليدي خلي بالك من نفسك مرخوص حبيبي ..
.
.
.
.
.
جمارة: دخلت جوه للبيت شفت البنات محضرات نفسهن وراح يطلعن للسوك شوية واجت لارا وامها سلمنه عليهم وراحو للسوك بقينه اني وسحر والبنات ضليت كاعده بغرفتي اكلب بالتلفون الحد ماصارت الساعة بـ 6ونص اذن صليت وقريت قرءان كملت صلاه شوية واندك الباب تفضل !؟
نور: قبل الله حبيبتي
جمارة: منه ومنج صالح الاعمال تعالي ادخلي ليش واكفه اكعدي شعندج
نور: لاماعندي شي هيج ضجت واجيت اشوفج شسوين شو وينهم طولو
جمارة: ماادري والله انطيني تلفوني خل اخابر هاي المخبله ازل اشوفها وينها اهلها راح يجون
نور: اي هاج تاخرو وابوي والشباب ع جيه شني اليوم ماكو عشه
ازل: الوووو هاا كبد
جمارة: هاا اكلج انتي وينكم تاخرتو شوكت ترجعون
ازل: هاي بطريق جايين شبيج تردين شي
جمارة: لا خيه ماريد شي بس ضل بالي
ازل: خوش اهلي اجو
جمارة: لا بعدهم
ازل: يلا باي
جمارة: بايات
نور: ها بشرري شنو وين هم
جمارة: جاين خيه بطريق
سحر : بناتت تعالن نسوي عشه يلا عمي اجه
جمارة: نزلنه جوه نسوي اكل خلصنه وكملنا اجن البنات بقت ام سحر يمنه تعشينه وضلينه كاعدين شوية واجت عنتي وزينه سلمنه عليهم وبقو يسولفون
منال: خيه بشرري شخبار قيس
مروه: والله ياخيه زين الحمدالله هسه عساس راح يعرس اسبوع الجاي
هناء : يااا شسالفه خيه ماصارله هواي شدعوه مستعجل
مروه: شمدريني شكد حجيت ويااا وهوه معند يريد عرسه ويه عرس اخوهااا
ميادة: الله يسعدهم حبيبة وتفرحين بيهم وشوفين اطفالهم ان شاءالله
مروه: رحمه الله والديج يوم الوليداتج ان شاءالله
جمارة: جنه كاعدين نسولف شوية واجت رسالة الييي من ايمن 📨: جورة حبيبتي اريد اشوف لارا
📨: شلون كلها كاعده هنا شون تطلع !
📨: ماادري خليها تطلع بااي طريقة اريد اشوفها فدوه اروحلج
📨: ماشي هسه اصرف
جمارة: اكلج لارا تعاي وياي بلا للمطبخ خل اجيب چااي شيخة تردون چااي
الشيخ مصعب : والله بوية عشتي ايييي انه اريد صبيلنه حبيبة
جمارة: صار تأمر امر يلا لارا امشي ، اوكفي اوكفي وين جايه اني اسوي جاي سمعيني ايمن بالحديقة الخلفية يريد يشوفج روحي ركضي
لارا: شلون اروح شيريد مني
جمارة: خيه روحي شوفي شيريد وتعاي بس ديربالج لااحد يشوفج
لارا: تمام ، طلعت من البيت رحت للحديقة ضلمه وبس ريحه زرع طالعه الحديقة تموت كلها اشجار ورد الشيخ كلش معتني بيها صافنه انتظر ايمن شوية واجه واحد حاوطني من خصري اريد اصرخ وحط ايده ع حلكييي ، شبيكك ايمن خوفتني
ايمن: اروح فدوه الج حبيبة شلونج
لارا: بخجل* الحمدالله وانته
ايمن: تمام بخير دامج بخير اي لارا اريد اسئلج جم سؤال واروح
لارا: استغربت شعجب اني سامعه لقاء الاول حبيبن مو هيج هوه ليش هيج حجه اسئل اسمعك
ايمن: انتي احد غاصبج عليييي يعني جابريج ترديني ماترديني اكو احد بحياتج يابنت ناس ماريد اصرف تصرف واغلط بيي بعدين فَ اذا اكو شي كليلي حته احل كلشي
لارا: صدك كبر بعينييي والشي الي جنت ماخذه نضره عنه موحلوه نمحت كتله ، لااا طبعاً انييي برضاتي موافقه عليك بس شلزوم هالحجي
ايمن: شوفي لارا من تعاشريني تعرفين طبعي انه اخاف الله وبنت الناس امانة عندي يعني مااريدج تنجربين بيه لو ماترديني وبعدين يأثر ع حياتنه هذا كله سامعتني
لارا: اييييييي سامعتك تدري ايمن ماجنت متوقعتك هيج جنت ماخذه عنك غير نضره لأن شكلك وتصرفك يبين يعني مادري شون اوصفها بس
ايمن: ادري شكليي جريء ومن هسوالف بس انه زلمة والييي يحب مره مالازم يجبرها ويئذيها سامعتني ! 
لارا: اي سامعتك الله يخليك الي
ايمن: ويخليج الي بعد روحي يلا روحي لااحد يشوفج
لارا: دخلت جوه كلش فرحانه بطريقه كلامه حسيت روحي محظوظه بهيج انسان ملاك مو بشر
جمارة: هااااااا وين وصلتي بصفنتج بشري شصار اشو ماتاخرتي
لارا: اخوج اروع انسان شفته بحياتي
جمارة: اللهم صل ع محمد واله محمد ماتتعلم منج امانيييي درمها مشاكل هيه وفيصل
اماني : خيررر تحشن بيه سمعت اسمييي
جمارة: لاهيج خيه مو وياج بقينه نشاقه ونسولف لحد ماروح كلهم وصعدت حطيت راسي ع مخده وانه افكر بعياشييي كلش اشتاقيتله ياترى هسه كاعد نايم شجاي يسوي فتحت تلفوني ودزيتله رساله بدون تفكير
📨: هلاووو شنو نايم ..
📨: هلا حبيبتي لا كاعد هسه راح انام شعندج مانايمة
📨: ماجايني نوم كلت اشوفك شسويت ماسويت
📨: فدوة البنياتي التسئل علييي اي بوية شني باجر ترحين للصالون وياهن ؟
📨: ماادري يعني همه اليوم راحو للسوك وخليت سرور اجيب الي ملابس بس مااعتقد اروح يجوز اخلييي نور تمكيجني هناا
📨: ليش مارحتي وياهن غيرتي جو ؟؟
📨: خفت منك كلت خاف ماتقبل ومالي خلك المشاكل بقيت مارحت
📨: *بفرحة  بعد حيلي اليسمع الكلام هاي تربية الشيخ عياش كفوو زين بوية باجر روحييي وياهن للصالون لاضلين بحدج بس هاااا جمارة مااريد مكياج طوخ تخيلييي انه كلشوي واحد داز صورتج الييي لو تجيني اخبارج سامعتني
📨: صار مااخلي هوايييي
📨: وشعرج لاسوينه هوسه اريد مرتب
📨: {بكلبي والله لو يدري شسويت يعدمني باب الحوش } ان شاءالله
📨: اذا تردين فلوس فتحييي الغرفه اخذي المفتاح من امييي وبالكنتور اكو فلوس اخذي شكد ماتردين ماشي !!
📨: مااشي تصبح ع خير
📨: تلاكين الخير بنتي ..
جمارة: نمت وكعدت الصبح من وكت تريكت وصبحت ع جميع واماني تلجج فوك راسي كوه كامت من الفراش اجت لارا النه والكل متحضر حضرت نفسي ورحت اخذ فلوس من عياش فتحت الغرفه ورحت للكنتور لاحظت اكو صندوك حيل قديم وضامه ليفوك جبت الكرسي وصعدت عليه وجبت الصندوك حاولت افتحه نفتح وتطشرررر صور كومة اباوع بالصور وعيوني تدمع مادري فرحة ع بجيه هواي اشعار مكتوب عليهن وهواي صور الي من جنت صغيره من واني عمري يوم الحد هذا عمريييي هاي شاون يكصهن الييي تمنيت اكدر اجازي بااي طريقه وسااعده صدك دعيت ربي لايحرمني منه حيل نقهرت مااكدر اسوي شي بعدين البنات صاحني سديت الباب وطلعت طول الطريق افكر بصور وشلون هوه شايلني وضحكتي نقهرتت حيلل قاطعتني ازل
ازل: وين وصلتي شبيج
جمارة: ها خيه مابيه شي شوية دايخه
ازل: مااكلتي
جمارة: لااكلت هسه اصير احسن ..
.
.
.
.
سالين : من خطبني قيس واني احس امتلكت احسن انسان ع وجه الكره الارضيه احبه حيل هوااي وكلش مدللني دائماً نطلع ونطب حسيت وياا بالامان حسيته الام والاب الي اني مفتقده حنيتهم ومفتقدتهم همه هم صادف يوم خميس جنت كاعده بالبيت وايهاب وسالي طلعوو بقيت بحدييي وقيس عنده شغل شوية واتصل علييي
قيس : هلاو حبيبي شجاي سوين
سالين: هلا عمري مااسوي شي جنت كاعده اتفرج مسلسل انته وين
قيس: كاعد يم الشباب خابروني وكاعدين وهسه شوية ونرجع
سالين : امم زين حبيبي
قيس :  بنتي صدك حجه وياج ايهاب ؟
سالين : بخصوص شنووو !!
قيس: العرس اسبوع الجاييي
سالين: عفية لا وين الحك قيس شسالفة شدعوه مستعجلين
قيس: انتي صيري يمي والي تريدي يجرالج باباتييي شعندج بعد مامحضره
سالين: هواي شغلات ناقصيني
قيس: بهل يومين اتفرغلج وانه بيدي اخذج اشتريلج كلشي هيج احسن
سالين: اي بس شدعوه مستعجلين شكو
قيس: ولج بنت الذينة تكليلي شدعوه مستعجلين انه راح اموت ع ماصيرين يمي وبحضنييي واستفرد بيج بحديييي مو نوب مستعجل
سالين: كلش خجلت من كلامه 🙈 هههههههه استحي هيج قيس
قيس: اروح فدوه لليستحييي يلا بنتي انه رايح شوية واتصل عليج
سالين: ماشي حبيبي باي ..
.
.
.
.
جمارة: كملتنه ام صالون والبنات طلعو يخبلون لعابات اجو علينه كلمن اخذ عروسته وراح يطك صور شوية وصلنه للبيت اجه السيد عقدلهم وبعدين بدت الهلاهل والهوسة كلش فرحت الهم يستاهلون كل الخير خلص هذا اليوم ع خير صار اليل صعدت ابدل بغرفتي
سحرر: جمورة كاعده
جمارة: اي حبيبتي كاعده خير شعندج ؟
سحر: اسر يكول باجر نطلع نتوكل للعماره
جمارة: ماشي كلبي ماعندي شي هسه احضر ملابسي
سحر: خوش حبيبة اني انزل احجي ويه الشيخة
جمارة: ماشي بيش ساعه نروح
سحر: الفجر بـ5 ماشي
جمارة: ماشي حبيبتي ، سبحت. وكملت كعدت احضر ملابسي تأخر الوكت واني اليوم كله محاجيه ويه عياش حيل تعبانه حطيت راسي ونمت فزيت ع سحر تكعدنييي بـ4 ونص كمت سبحت صليت قريت قرءان وفتحت تلفوني لكيت 16 مكالمة من عياش ع شريحة و21 مكالمه ع واتساب و33 رسالة خير يمه صاير دزيتله رسالة صباح الخير صاير وكل هالمسجات والاتصالات بيك شي !!
📨: ماتكليلي وين جنتي كولي عذا الكواد ضال باله عليج كلبه مشعول بنت الكلب وين انتي من البارحه الهسه ماكو شعلتييني شعل
📨: كلش ضجت منه شنو يغلط ع ابوي * جنت نايمة اجيت تعبانة واجتني سحر كالت باجر نروح للعمارة حضرت ملابسي وغفيت بيها شي شدعوه هلكد مخابر
📨: هااا وشوكت ناويه ان شاءالله تكليلي من ترجعين ؟؟
📨: عياش شبيك من الصبح ناس صبح وانته بس صيح خير صاير
📨: استغفرالله بابا ميت مره اكلج لو ميته من التعب دزيلي رسالة طمنيني عنج تدرين من امس لليوم انه مانايم روحي مشتعله وبالي كله يمج
📨 : اسفة بعد ماتنعاد
📨: زين شوكت تروحون وحضرتي كل ملابسج ؟ والشيخة وياكم مو
📨: اي اني وياها وسحر واسر وحمودي وحضرت كلشي بالخمسه نطلع
📨: باباتي ديربالج ع نفسج وطمنيني اذا وصلتو ماشييي
📨: ان شاءالله لايضل بالك يلا اني نازله باي
📨: الله وياج ..
.
.
.
.
عياش : سديت تلفون منهاا ورئسن خابرت اسر كلش روحي مشتعله وخايف عليها ياربي رايدها منك فدواتك تعبت والله بعد كل حيل مابييه الووو هاا ابو امير شلونك خوية صباح الخير
اسر: هلااا حبيب صباح النور الحمدالله انته شلونك
عياش: بخير دامكم بخير الاهل شلونها
اسر: كلنا بخير امرنيييي
عياش: مايأمر عليك ضالم شوكت طالعين ان شاءالله
اسر: هسه شوية ونطلع جاي يتريكون خير محتاج شي
عياش: لاسلامتك ديربالج ع جماعة وتوصلون بسلامه اسر امانة بركبتك جمارتييي ديربالج عليها وشيصير خابرني خوش !
اسر: لاتوصي حريص بعيوني اخيتي هاااي محتاج شي حبيبي الله عليك
عياش: لاسلامتك بعد اخوك توصلون بسلامة
اسر: الله يسلمك يلا في امان الله
عياش: الله وياك..
الشيخة امنية: ها يمة شعنده الشيخ
اسر: ماعنده شي يسئل بس يلا دام انتو خلصتو امشو صعدو حته نتوكل
جمارة: صعدنة بسياره حركنة وطول الطريق عياش ماسكت كلشوي يدزلي مسج انتو وين وصلتو اكلتي ومن هالحجيييي وصلنه للعماره تقريباً بـ12 الضهر ويه الاذان دخلنه صلينه وسلمنه عليهم كعدنة شوية تغدينة للعصر طلعنه اني والبنات للبستان يجننن هناك المكان يخبلل كلش حلو
رقية : هاا جمارة شلون شفتي المكان هنا
جمارة: خايبة يموت شحلات عيشتكم
رقية: هههههههههه حبيبتي والله تدرين شكد حبيتج جنت دوم اسمع يحجون عنج بس ماجنت متوقعتج هيج
جمارة: هههههه عمري اني هم حبيتكم كلكم شلون جنتي متوقعتيني
رقية: يعني حسبالي جثله مثل ذني نسوان الشيخة وتخوفين
جمارة: هههههههههههه شسالفة بقينه نسولف اني وياها شوية واجت سحر كعدنة بالبستان ريحة تموت بعدين دخلنه جواا صار وكت العشه ومر اليوم بسلام للصبح اجتني سحر
سحر: هاا عيني. جمورة يلا كعدي ورانا طلعه
جمارة: شنو وين نروح
سحر: مادري الشيخة كالت كعديها هسه ب7
جمارة: يلا كايمة رحت صليت وصبحت عليهم تريكنة وبدلت وطلعنه والحد هسه اني مادري وين رايحين وصلنه بيت جبير اول مادخلنه استقبلونا ذيج ضيافه الحلوه اجه رجال وسط سلم ع الشيخة حسيته يعرفها ويعرف عمي الله يرحمه { ابو عياش } وبده يحجي ويا
الشيخ .. : انتي جمارة بنت عاصم صح
جمارة: اي عمو اني هيه
الشيخ ..:بنيتي تعاي كعدي هنااا عندي جم حجاية وياج
جمارة: اي تفضل
الشيخ ..: باباتي شتحسين احجيلي كلشي
جمارة: حجيتله كلشي بالاحس بييي صفن شوية ورجع فتح القران
الشيخة امنية: هاا شيخنة اشوفن وجهك نكلب خيرك
الشيخ ..: ......
# الكاتبة نيروز الكربلائيـة.🖤