نهوة الشيخ عياش

البارت التاسع

#نهوة الشيخ عياش
(البارت التاسع 9)
قيس: ماعرف حسن شجاني كلبي كلش يوجعني
حسن : اسم الله عليك خوية شجاك ماتكلي شجاي تحس
قيس : بعد ماتحمل حسن اريدهااا يوميه صورتهااا كبالي وخايف اتقدملها وترفض وخايف احجي ويه چدي ومايقبل
حسن : تريد نصيحتي يخوي انه اكول انتظر هيه بعد جم يوم عيد ميلادهااا بيومهاا اعترف الهاا وشوف رد البنية اذا وافقت روح حاجي جدي والله يقدم بي الخير
قيس : وانته شمدريك هيه عيد ميلادها بعد جم يوم
حسن : ازل تريد اخذهااا تشتريلهاا هدية
قيس : خوش حجي هيه يايوم عيد ميلادها
حسن : يمكن كالت يوم ٣/٢٤ يعني عكب باجرر
قيس : جااا ولك هسه تلغييي هم ياالله الحك اشتريلهااا هدية
حسن : شوف الحب عمي شيسوي هههههههههه
قيس: انجب وامشي ننزل جنه جدي رجع خنسلم عليه
حسن : يلا بويه امشينه هسه شحجينه
.
.
.
.
عياش : السلام عليكم
الجميع : وعليكم السلام شيخ
الجد مصعب : بويـة سحر فد كلاص ماايييي
سحر : حاظر جدي
الجدة امنية : هاا ابو امين بشرر شصار ع طلابـة حمزة
الجد مصعب : انه بعد مابيه احجي خلي عياش يسولفلكم
عياش : (حجه القصة بأكملهااا )
حسن : وهسه شيخ شراح سوي ويااا
عياش : انه ماريدد اصرف ايشي انتظره يصير زين والله كريم
الجدة امنية : هذا ماناوي يتوب دومه الله مطيح حظه حشه سامع دكوم يمه ارتاح بين مايصبن غده لبنات
مياده : وليدي محضرتلك الحمام كوم اسبح وصلي بين مايصير الغده
عياش : فدوه اروحلج يمه ان شاءالله هل كايم چدامج ،بالي يم جمارتييي ماشفتهاا من امس كلت خل ادخل للمطبخ اشرب مااييي دخلت وشفتهااا تسوي زلاطة شافتني ودارت وجهه انه كلش تعصبت بس سكتت ماريد اسوي شي وانه منطي وعد جدي ماامد ايدي عليهاا ضجت حيل من تصرفاتها بس كلت حقها ضايجة مني شربت مااي وصعدت ودكك عليه مهدي
📞:الو هلا مهدييي شلونك
مهدي 📞: هلا شيخ شلونك شلون صحتك
الشيخ 📞: الحمدالله بشر شنو اخبار دوام
مهدي 📞: والله ياشيخ رايدينك بدوام الفريق مالتنه
الشيخ 📞: عجل بوية انه جايييي العصر
مهدي 📞: هلا بيك في امان الله شيخنة ديربالك
الشيخ 📞: الله وياك حبيبي
-ضجت حيل مااراح احظر عيد ميلادهاا بس لازم اصعد للدوام سبحت وصليت ونزلت اتغده واصعد احضر ملابسي العصر طالع للدوام ...
الجد مصعب : ام عياش بوية يلا صيحي الشيخ هل صبيتو الغدة ماشوفنه
ميادة : اي عمييي هسه يجي جاي يصلي
عياش : نزلت تغدينة واباوعلها تاكل شوية شوية فدوه نزاكتهااا ياربيييي تسطررر اكبر بشررر  صحت اريد مااي وهيه يمهااا تعمدت احجي هيج بس انه جذب ماعطشان بس اريد اشوف عيونهااا لدوختني بيهااا
الجدة امنية : يمه جمارة بنيتي انطي للشيخ مااي
جمارة : حاضر بيبي * بغضب
عياش : انطتني مااي ورفعت راسهااا اباوع لعيونهاااا تيهت حته روحيييي باوعتليييي بخزره كوه لزمت اعصابييي بس مادري شون عديتهااا الهااا
الجد مصعب : بويـة عياش شني شوكت تصعد دوامك
عياش : والله ياجدي هل اتصلو عليه والعصر ان شاءالله رايح
ميادة : يمه بعدني ماشبعت منك وين رايح وعايفني
عياش : فدوه اروحلج الغالية ولاانه شبعت منكم بس هذا شغليي ان شاءالله بعد جم يوم انزل واريدج تحضرين جنطتي
ميادة : صار بعيوني
عياش : تسلم عيونج يل غالية ....
.
.
.
.
جمارة :طول مااحنة كاعدين نتغدة وانه مامرتاحة احس عيونه كلهاا عليه بعدين صاح اريد مااي انطيته الماي وانه اخزره ياربي شكد اكرههه خلصني منه  شوكت يروح  واخلص  ولمن سئله جدي ع دوامه وكال اروح العصر فرحتي مانطيهااااا البشررر يعني البس براحتي بعيد ميلادي محد يتحكم بيه  راح عياش لدوام واجه يوم عيد ميلادي واني صارلي يومين اني والبنات نحضر للعيد ميلاد ورحنه للسوك واشتريت كل الي بنفسي وخليت فيصل اخوي حبيبي يحجزلييي كيكة وجهزت كلشي وقبل عيد ميلادي بيوم خابرت ازل ..
ازل : شعجب عيني البذاته خابرتني اليوم شكو صاير بدنيا
جمارة : خايبة دسلمييي بل اول
ازل : ايييي وجع شعندج مخابرتني
جمارة : ههههههههه حبيبتي ازولتي مو تدرين احبج والله ملتهيه ونسيت اتصل عليج
ازل : يااابذاته تلتهين بشنو وتنسيني عود اني صديقتج وحبيبتج واختج هيج ماسئلين عليه
جمارة : حقج عليه والله واسفة واعتذر منج حبي
ازل : مامقبول اعتذرج 😒 هسه كولي شتريدين
جمارة : شكد نحيسة مو خابرتج حته اعزمج ع  عيد ميلادي
ازل : صدككك حسوين عيد ميلاد يعني
جمارة : اينعم غير باباتي حبيبي ميرفضلي طلب بس شنو فلسته سوده عليه هوه وفيصل مخليت شي بجيبهم
ازل : ههههههههههه اي يابه غير وحيدته اخيراً راح نلتم ياالله بهل مناسبة سعيدة اروح ابلغ زينة حته نحضر نفسنة صدك بيش ساعه عيد ميلادج
جمارة : ههههههه خوش ، ساعة بـ ٧:٠٠ وره صلاه المغرب بس انتو تعالو العصر حبابه وباتووو يمنة فدوة
ازل : اشوف اذا ابوي قبلل يلا نلتقي باجر حبي امي صيحني
جمارة : ماشي كلبي اخذي راحتج باي ...
.
.
.
ازل : زينة ولج وينج تعاييي
زينة : هااا ازل ولج شبيج تركضين لاطيحين
ازل : تدرين باجررر شكووو
زينة : لامادري شكو ولج شعندج من اخبار هاي سوالف جمارة مخليتج مخبلة نفسهاا
ازل : عيني لاتحجين ع بنت خالي الكيك
زينة : هههههههههه عشتو هسه كولي شعندج
ازل : باجر عيد ميلاد جمارة ساعه ب٧:٠٠ وهسه خابرتني عزمتنة يعني باجر نبات بيت جدو
زينة : صدك تحجين اخيراً راح نطلع
ازل : اي ولج ماشوفيني فرحانة
زينة : اي والله فرحتيني اخخخ
ازل : شبيج زينة شبيهاا بطنج ولج تعاااي
زينة : بطني ضلت تاذيني دخلت للحمام واتقيئت وطلعت معدتي تكلببب وجهي اصفر لكيت عمتي وازل بلباب
مروة : ولج يمه حبيبتي شبي وجهج اصفر شصارلج
زينة : عمه والله ماادري جنت احجي ويه ازل وفجئه نفسي ضلت تلعب
ازل : عزاااا بس لابالي صحيح
زينة : وشنو بالج
ازل : دوكفي دقيقة ، لك قيس وينك كوم كوم
قيس : وجع وسم شكو شتريدين
ازل : كوم لصيدلية اريدك بسرعة دكوم شكد عجوزي
قيس : مابيه حيل ازل امشي ولي من وجهي
ازل : حباب قيوسي فدوه اروحلك كوم
قيس : امري الله بدت تتلوك احجي
ازل : اريد اختبار حمل من ابو صيدلية روح جيبه وتعال جيب ٤ بس لحد يحس بيك ويشوفك ماشي
قيس : وست ازل عيني هذا شسوين بي
ازل : هسه شعليك دروح شكد تلغييي
زينة : جاب قيس اختبار الحمل وعمتي خطيه تبجي وتدعييي وازل هم نفس الحالة دخلت حللت واني ميته خوف طلعت اول نتيجة ايجابي الفرحة بداخلي مو طبيعيه بس كلت خاف يجذب وجربتهن اربعتهن وكلهن نفس النتيجة طلعت ابجي وميته من الفرح تلكتني عمتي
مروة : ولج ها يمة بشري
زينة : انطيتها تحليل وشافته
مروة : كللللللللللللللللللوش يمه بلمبارك حبيبة والله حسيت بيج بعد امج تعاي بنيتي
ازل : يمه اخيراً راح اصير عمة كلللللليش
قيس : ولكم شكو صاير شنو صوت لهلال فرحونه وياكم يابه
مروة : ولك يمة مرت اخوك حامل
قيس : كللللليش راح اصيررر عم هلا هلا
ادهم : هاا خيررر صوت الهلاهل مالكم ليبرااااا طالع بشرونه وياكم صاير
ازل : بويه راح صير جدو زينة حامل
ادهم : ام مروان صدك سمعته
مروة : ايييي صحيح
ادهم : بنيتي حبيبتي بلمبارك بوية الله يكومج بسلامة
زينة : تسلم عمو ، ازل يلا امشي نسوي عشه
ازل : ولج ياعشه هسه دمشيييييي نحضرج حته تفاجئين مروان ،قيس  امشي جيب كيكه هذا شكل وروح جيب هاي سوالف كلهاا دزيتها الك واتساب
قيس : ياحبيبي شيخلصنه بعد قيس يشتغل عندج روح تعال
ازل : دروح شكد تلغييي خرب يومك
مروة : ولج يمة انتي عليمن طالعه مخبلة
زينة : عمه جمارة شصير منهااا يعني
ازل : مضغوطين مني ومن بت خالي
الجميع : ههههههههههههههههههههههههه
زينة : جهزتنيييي ازل ع اخر حبايه وجابت الكيكة مكتوب عليها you are  going to be a dad (ستكون اباً)ونفاخ ملون مرسوم عليه بيبي خطية مقصرت ويايه
ازل : وهسه شو باعيلي فدوه فدوه الايدج ازل مبدعة ياااربيييي فديتني
زينة : ههههههه متولين غير اني حلوه
ازل : عشتو هيه حلوه متكول اني سويتها حلوه
زينة : ههههههههههههههه يلا ولي قبل لايجي مروان
ازل : ماشي ياااب وعودين سولفيلي باجر وغمزتلي
زينة : يمه منهاا ومن لسانهاا راحت ازل واني بقيت كاعده انتظر مروان صارت ساعه ب١٢:٠٠ سمعت صوت سيارتة واني كلبي كله يدك شوية سمعته يصعد ع درج فتح الباب وضل صافن بوجهييي ..
.
.
.
مروان : جنت طالع ويه جماعتي بعدين رجعت للبيت تعبان صعدت لغرفتي وفتحت لباب وعساني لافتحته شفت ملاك نازل من سماااا واكف كبالييي ويمه كيك وعصيررر ، يمكن هاي مو غرفتي داخلها بلغلط اسف ملاك اقصد اختي
زينة : هههههههههه لاحبيبي هاي غرفتنة وتقدمت نحوه اخذته من ايده وكتله عندي مفاجئ الك غمض عيونك
مروان : شنو هاي المفاجئ غمضت عيوني يلااا
زينة : وكفته يم الميز وكتله فتح عيونك
مروان : فتحت عيوني وضليت صافن ع كيكة زينة شنو هاااي
زينة : مثل مدشوف اقره شمكتوب وشمرسوم ع نفاخ
مروان : يعني شنوووووووووووو ستكون اباً زينة لاتخليني فدوه يعني انتييييييييييي حاملل موو * باارتباك وفرحة وبجييي
زينة : بجي * اييي حبيبي اني حاملللل ابنك هناا (واشرت ع بطنهاا )
مروان : ياروح حبيبج انتي فدوه اروحلج ولج ماتدرين شسويتي بيه هسه وانه جاي تعبان
زينة : شالني وضل يعيط ويبجي وفرحان فدوه اروحله وبعدين .... * طلعو بره عيب معلينه 😂🙂
.
.
.
.
جمانة : داحضر العيد ميلادي ومتظره باجر يجي ع نار هم اريد اشوف ازولتي حبيبتي مشتاقتلهاا وهم راح اكبر سنة كاعده اباوع بتلفوني ساعه بـ ١ وصلتني رسالة ع واتساب مكتوب مابقه شي ع باجرر وتكبرين سنة حبيبتي منو هذا رقم ياربييي كتبتله عفواً منو حضرتك وبعدين شنو حبيبتي اعرفك تعرفني متستحي انته ..
عياش: جنت كاعد افكر بجمارتييي وكلت خل ادزلهاا رسالة اخذت رقمهاا من جهاز اميي وكتبتلهاا ☝🏻 شوية واجاني رد ضجت حيلل منها
ولج منو مايستحي ادبسزز  وشنو تردين ع رقم غريب
جمارة : انته شعليك وشكو تراسل ماتستحي تحجي ويه بنات بنص ليل مين جبت رقمي منو انته
عياش : انجبي وامشي ولي من وجهي والله لو يمج جان دفنتج
جمارة: عرفت من طريقة كلامه 😒هذا عياش ، هوه انته راسلت اني شعليه هسه شتريد مني
عياش : مااريد شي عوفي تلفون وناميي اذا لكيتج متصل اقري ع روحج سلام
جمارة : سديت تلفون بوجهه ونمت شكد مكروه ياربي بكلشي يخلي روحه بس لو ااعرف مين جاب رقمي واجه الصبح ويوم عيد ميلادي والفرحة ماواسعتني راح اكبر سنة اخيراً كعدت  صليت وبدلت ونزلت  صباح الخير
الجميع : صباح النور
جمارة : ماما صبيلي چاييي لان ميته جوع
الام منال : يخسه جوع بنيتي دللي
جمارة : بديت اكل كملت ، اكول فيصل شعندك ساعه ب١٢
فيصل : خير ياطير ماعندي شتريدين
جمارة : شبيك مو اختك حبيبتك راح تجي ازل بعد كم ساعه توصلنه العصر للصالون
اياد: يعني عيد ميلاد لو عرس ورايحه الصالون
عاصم : بويـة شتريد منها خليهاا تروح تتونس روحي بويـة معليج بي
جمارة : ع عنادك وراح اخذ سرور وياي
اياد : لاماكو *بشقه ممنوع مو بكيفج
جمارة : طبعاً اخذها وهسه نشوف منو مايقبل
الجد مصعب : ههههههههههههههه ام لسان
عاصم : بنتي حبيبتي فلوس خليتلج يم امج اخذيهن وروحيي لصالون ماشي
جمارة : بسته من راسه * الله لايحرمني منك حبيبي عصومي
عاصم : ههههههههههه شجم جمارة عندي ...

#الكاتبـة نيروز الكربلائيـة 🖤.