نهوة الشيخ عياش

البارت الثاني

#نهوة الشيخ عياش
(البارت الثاني 2)

الشيخ عياش : من اجت جمارتي ودخلت سلمت ع الكل وكعدت يم ازل اباوعلها حركاتها الطفوليه ونضراتها البريئه بس اكو شي كلش ضوجني ونرفزني بيومها جانو بيت عمتي مروة جايين وطبعا اني علاقتي كلش قويه بمروان بس قيس اخو ما ارتاحله صح هوه اخو مروان وحباب مثله وما عنده سوالف مكسره وصاحب مهنة بس من شفته يباوع ع جماره كلبي (جمانه) احتركت وما اعرف شنو صار بيه اجيت اكوم افلش وجه واحنه بلكعده بس استحيت من جدي وترخصت وطلعت بره ورثت جكاره واحس روحي مشتعل نار من اذكر هل نذل  شلون يباوعلها ومن ذاك اليوم واني حاقد ع قيس بسبب هذا الموضوع واتخبل منه
.
.

.
.
ونرجع لجمانه
كعدت ساعة بـ٧ كلش متحمسه اروح هناك للمزرعة واشوف الزرع والاجواء كمت سبحت وبدلت وصليت ولبست حجابي  ونزلت لكيت بيبي وجدو كاعدين وابوي كاعد يمهم وامي جاي تحضر الريوك كلت صباح الخير يجماعة
الجميع : صباح نور
(طبعاً نسيت اكلكم اني اسمي جمانة بس يكلولي جمارة )
الام منال : ولج جميره شمكعدج من صباحيات منج من شيطان انتي بلدوم بدفرات يلا تكعدين شعجب اليوم مغبشه
جمانة : يمه شبيج هسه دكولي صباح النور ع اقل يعني شمكعدني مو تدرين جدو حبيبي كال راح نروح للمزرعة شلون تريدين مااكعد متحمسه مو بيدي
الام منال : اي مو اكول ماتكعدين اله عندج مصلحه لو مصيبه
الجده امنية : ولج امنيله شجاج ع جمارتي من صباحيات تعاي يمه تعاي حبيبة
جمانة : كعدت يم بيبي وبقينة نسولف اني وياها سوالفهه ترد روح شوية وكعدت عمتي ميادة صبحت علينة وساعدت امي بلمطبخ تريكنة وكملنه وكعدو البقيه وبدلنه ورحنه وصلنه للمزرعة وجانت تجنن الاجواء هناك شوية واجو بيت عمي احمد سلمت عليهم ورحنه اني والبنات نحضر الغده ونسولف طبعاً مزرعة جدي بيها بيت كلش چبير ومضيف كلش حلو احنه وجاي نسولف دخلت علينة ازل
ازل : هاا ياخاينات كاعدات تحجن عليه مو
سحر : هلا بذاته ماسئلين وينج مامبينه
زينة : هلا حبيبة شلونج مشتاقين
ضلينة وحدة تبوس ثانية
ازل : ولجن والله ملتهيه بلكليه وامتحانات وتعب
البنات : حقج خطيه الله يساعدج
ازل : اساعدكم بشي
نور : اي تعاي سوي زلاطة وياي
ازل : اي ست نور دللي
جمانة : واني كاعده اصب مركة نجفت ع ملابسي ورحت ابدل واجت ويايه ازل ..
.
.
.
(بيت المزرعة )
قيس :وصلنة البيت جدي سلمنة وكعدنة نسولف اني وشباب وصبو الغده تغدينة وطلعت اغسل وادعي كون اشوف جمارة اشو مختفية بس لا بيهه شي لو ماتريد اشوفهه شنو ماتجي سلم عليه بعدين جدي صاحنه بلبيت ندخل نسلم ع بيبتي ونسوان خوالي ضلينة كاعدين هناك وتفوت جمارة لابسة اسود بس غير جننن طالعة الاسود عليهه يشككك نسحرت بيهاا
حسن : هاا اخويي اشوفك سنحت
قيس : لا مابيه شي شنو سنحت صدك جذب حسن شبيك
حسن : شلك بيهاا قيوسي غير عيونك فاضحتك
قيس: صدك تحجي خرب حضي
حسن : تحبهااا
قيس : كمت مااعرف شحجيي عركت وعيونييي دمعن وكلبي يدك حيل وماعرف شجاوبه كتله مادري
حسن : وصلت اخييي ههههههههههههه
قيس: اسكت لا جدي يحس بينه
.
.
.
.
الجدة امنية: يبنيات يمه كومن جيبن الكيك العصير
سحر : اي بيبي صار يلا جمارة كومي وياي
جمارة : يلا امشينة
سحر : اكلج جمارة مو جنة قيس ابن عمة مروة نضراته مدري شلونها الج
جمارة : شتقصدين سحرر بنضراته تره قيس نفس اخويه
سحر : لامااقصد شي بس ظاهر معجب بيج او يجوز يحبج
جمارة : صدك تحجين شهل حجي لا يجوز متوهمة
سحر : زين انتي شنو رئيج بقيس
جمارة : هوه حباب ولطيف وشكله مرتب وكلش خوش ولد وينشد بي ضهر يعني زلمة حوك وعيونة كلش حلوة
سحر : شوف شوف المعنويات عيني
جمارة : ضحكت هههههههههه مخبله انتي هناك وسمعنه صوت  ...

الكاتبـة نيروز الكربلائيـة 🖤.