نهوة الشيخ عياش

البارت الرابع عشر

#نهوة الشيخ عياش
(البارت الرابع عشر 14)
قيس: هلا جمارتي شلونج حبيبي مشتاقلج موت
جماره: تمام الحمدالله انت شلونك اكلك قيس
قيس: دومج بنيتي كولي بعد روحي
جماره : هذا كله شغل شوكت تجي حيل مشتاقتلك كافي ارجع
قيس: عمري انتي شسوي هوه هذا شغل هيج ان شاءالله جم يوم وشوفيني يمج جمارة صدك انه بس ارجع احاجي جدي ع موضوعنه بعد مااتحمل كل هلبعد عنج
جمارة : الي تشوفه مناسب حبيبي سوي * بخجل
قيس : اروحلج فدوة بنيتي شوية وارجع اتصل بيج عندي شغل هسه
جمارة : الله وياك حبيبي مر اليوم عادي ...
.
.
.
جمارة : صار اسبوع ع روحت قيس البغداد كمل شغله بلكامل بهاي الفتره عرفت قيس شكد انسان لطيف وشكد حباب صدك حسيت وياا بالامان وحبيته والحلو بي متقبلني بكل حالاتي ومتفهم شنو اريد وشنو مااريد مرت الايام وقيس باجر يجيي جنت حيل فرحانة وحيل مرتاحة لان حبيبي حيجي واشوفة وكلش مشتاقتله بس رغم هذا كله اكو خوف بداخلييي احس مثل الغصة بيه بس مااعرف السبب شنو ضليت اوهم نفسي ويوم من الايام صادف يوم سبت قيس ابد متصل عليه جنت كلش خايفة عليه ياربي ليش ماتصل مختفي صار يوم كامل شنو صاير قرررت اتصل ع ازل واشوف اذا متصل ع بيت عمتي لو ـلا وقبل لااتصل سمعت صوت جوه نزلت وشفت حبيبي جايييي رغم انييي حيل مقهورة منه وضايجه مكلي راح اجييي بس جانت فرحتي اقوه من ضوجة...
.
.
.
قيس : بعد ماكملت شغلي بغداد قررت ارجع للبيت بااخر يوم الي بغداد رحت اشتريت هدية الجمارتيييي احتاريت شنو اخذ كلش يلوك الهااا جبت سنسله الهاا مكتوب عليها جمارتي فضة وجبتلهااا سوار مكتوب عليه تاريخ ميلادهااا كلت افاجئهااا بيهم بيومهاا تلفونييي السماعه مالته عطلت ويوم كامل انه ماسمع صوتهااا حيلل مشتاقلها يلا ماضل شي باجر اشوفهااا طلعت من بغداد الساعه 5:00 الفجر وصلت للبيت اكلت وسبحت ونمت وكعدت ثاني يوم من الصبح رحت البيت الشيخ اليوم لازم افض الموضوع ويه جدييي بعد مااتحمل اريدهاااا وصلت الهم سلمت ودخلت وانه ادورهااا وينهاا مشتاقلها شوية وسمعت صوت ع درج رفعت راسي وعساني لارفعته حورييييية ياربي مو بنية نزلت لابسة دشداشة بنفسجي وهيه بيضه طالعه تموت وشال وعيونها نعسانات ودخلت للصاله سلمت عليه اباوع ع ارتباكها ع خجلهاا بصراحه ذبت بيهااااا صدك مااتحمل بعد اريدهااا هناك حسن قاطعني طاحظه دومه مخرب لحظات ..
حسن : ها ابو شباب وين وصلت بيك صفنه
قيس : دنجب شوية خليني اشوف هلجمال شبيك مثل البومة فوك راسي
حسن : ع كيفك عمييي هسه شحجينه بس ترا بت عمي ماارضه عليهاا عود من صير حلالك بكيفك اصفن
قيس : حسن امشي وياي للحديقة اريدك بموضوع
حسن : يمعود اشاقه اصفن براحتك
قيس : ههههههههه لا ولك امشي اريدك
الجدة امنية : ها ييمة وين رايح هستوك اجيتنة ماشفناك
حسن : لاشيخة ماارايح بس رايده بشغله بلحديقة
قيس : من رخصتكم
عاصم : اخذو رااحتكم بويـة
حسن : هاا شبيك ولك ماخليتنه كاعدين جوه شجاك ماتكلييي
قيس : اسمعنييي وكافي تحجييي انته تعرف انه عليمن جاي اليوم
حسن : لااا غير جاييي شوفنه عليمن قابل
قيس : ولك حمار جاييييي اخطب جمارة من جديييي اليوم اريد احجي ويااا واجيت اخذ رئيك بلموضوع اريد اشوف الوضع شلونه يناسب احاجي جدي
حسن : ياااااا صلاوات كللللوش ايييي يناسب ليش لا
قيس : فضحتنه طاحظه الي يحجي وياك ع شي
حسن : انجب هسه وجدي بلمضيف اذا تريد تروح تحجيييي ويااا روح بحدك ولاتخلي احد يشوفك عود جدي بعدين يحجي العمي عاصم وياخذ رئي وذيج الساعه صير الك وخلصنه موتتني
قيس : ولك جنك خبره بلموضوع
حسن : چاا اختك شون صارت الي
قيس : اييي هناا الحجي ،وصدك بعد  قررت احجي الجدييي رحت للمضيف دخلت لكيت بس جدي كاعد خوش فرصة اكدر احجي وياا بلموضوع السلام عليكم
الشيخ مصعب : وعليكم السلام ورحمه الله وبركاتو هلا وليدي
قيس : شيخ تسمحلييي ادخل احجي وياك
الشيخ مصعب : تفضل ابني
قيس : الله بلخير
الشيخ مصعب : الله بلخير والعافية
قيس : جدي انه اليوم جايك بموضوع ومادري شون افاتحك بي بس اتمنه ماتردني واكون ممنون الك
الشيخ مصعب : كول بويـة امرني اذا كدرت عليه اساعدك ليش لا احجييي اسمعك
قيس : شيخ انه اريد ازوج
الشيخ مصعب : هاي ساعة المباركة منهييي بوية كول وتدلل هسه امشي الاهلها اخطبها الك بس اشر وتدلل غريبة هية لو من عدنة
قيس : لاشيخ هيه مو غريبة من عدنه وحيل قريبة بس ياشيخ انه خايف منك ترفضني وخايف من اهلها ماينطوهااا الي
الشيخ مصعب : افاااا بوية جاي مناك ومعتني الشيخ مصعب وارفضك واهلها ماينطوها ماحبيتها منك وليدي انته بس كول ياهيييي والله يقدرنييي واساعدك احجي لاتستحي مني من البنات عاجبتك
قيس : بصراحة ياشيخ انه رايد جمارة بنت خالي عاصم كلش عاجبتني خوش بنية ومؤدبة ومافد يوم سمعنة عليها شي موزين واتمنه ماترفضني بس انه خايف من ابوها واخوانها خاف مايقبلون ويكولون بعدهي صغيره وهيه الي بكدها زوجت وخلفت وانه هم من حقي ازوج وافرح امييي ومالكه احسن من جمارة زوجه الي اتمنه ساعدني وماتردني
الشيخ مصعب : والله شكلك يابوية فاجئتني كل ضني نور بنت خالك بس ولايهمك تدلل اليوم احاجي خالك ع موضوع وتأمر امر ومن يمي الموضوع اعتبره منهي وين نلكه احسن منك البتنه وموش غريب بارك الله بيك وبااختيارك وليدي فعلاً جمارة مرتبة وخوش بنية وتربية عاصم بيها ماراحت ككفو منك وليدي ان شاءالله ورا صلاه المغرب احاجي خالك واردلك خبر
قيس : مشكور جدي مااعرف شلون اردلك المعروف هذا اترخص انه بس اتمنه يبقه بينه
الشيخ مصعب : تم بويـة اعتبرها صارت الله وياك ...
قيس : طرت من الفرح مااادريييي شصارليييي اريد اركص اريد اسمع الناس فرحتييي رئسن طلعت من بيت جدي وخابرت حسن كتله جيب الشباب وتعال  بمطعم ... عازمكم ع حسابييي  اجو الشباب تونسنة واكلنه وفرحانين هناك واتصل جدي عليه( الحد هسه جمارتي ماتدري بشي ) خير يارب اترخصت من الشباب ورديت ع جدي ، عليكم السلام ورحمه الله وبركاته تفضل شيخ
الشيخ مصعب : بويـة قيس انته وين اذا قريب علينه مرلي اريدنك
قيس : تم شيخ مسافت طريق  وانه يمك في امان الله ، ترخصت من الشباب وطلعت البيت جدي اركض اريد اشوف الخبر شنو دخلت ولكيت جدي وخالي عاصم وخالي احمد موجود والشباب ..
السلام عليكم..
الجميع : وعليكم السلام ورحمة الله وبركاته
الشيخ مصعب : الله بلخير بويـة
الجميع : الله بلخير والعافيـة
الشيخ مصعب : بويـة انه جمعتكم هناا كوني اريد احاجيكم بموضوع وبالاخص انته ياعاصم رايدك بموضوع وانه ماريدنك تردنييي فشتكول ياعاصم جاهز تسمع طلبي ..
عاصم : بويـة ماعاش اليردك انته تأمر بس كول شنهي طلب
الشيخ مصعب : مثل ماتعرف الولد كبرو ورايد ازوجهم وانه اليوم عندي يمك طلب وطلبي هوه رايد اخطب جمارة بنتك الابن اختك قيس واتمنه ماتردني احنه ماراح نلكه احسن من جمارة القيس ولانلكه احسن من قيس الجمارة والله عزوجل كال بسم الله الرحمن الرحيم ( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ ) صدق الله العظيم . فَ ياوليدي احنه جاييك من الباب ورايدين بنيتك ع سنة الله ورسوله وبرضاتك ورضاتها اكيد فَ شتكول بوية موافق تنطي بنتك الابن اختك قيس ..
عاصم : ابشر بس والله يابويـة فاجئتني بصراحه انه وين الكه مثل قيس البنتي وحيدتي جمارة مالكه احسن من ابن اختي الوحيدتي اكدر امن عليها يم اختي وانه مغمض بس هم مايصير لازم اشورهاا واشور امهاا وان شاءالله محلوله
الشيخ عاصم : بارك الله بيك ابني وانتو يااخوانهاا عدكم شي حابين تكولو
الشباب : والله ياجدي احنه مانلكه احسن من قيس الاختنة الي شوفه زين امشي بي وكول ياالله احنه ماعدنة مانع موافقين
الشيخ مصعب  : بارك الله بيكم بوية وباابوكم وتربيتة ع بركة الله ..
قيس : طول الكعده وانه ميت خوف من رد خالي بس لمن حجه جدي الفرح الي بداخلي ماوسعتني بقت بس موافقتها الحبيبت كلبي راح خالي يسئلها واحنه كاعدين ع نارر ..
.
.
.
منال : جنت كاعده اسوي العشه ويه ام عياش والشيخة يمنه شوية ودخل عاصم صاح عليه استغربت مو من عوايده يجي هيج وكت للبيت اله من نخلص العشه
الشيخة امنية : روحي يمه شوفي رجلج شيريد
منال : صار شيخة هل رايحه
عاصم : ام اياد وينج تعاي اريدج بموضوع
منال : هلا ابو اياد هل جايتك اغسل ايدي واجيك ، خيرك ابو اياد عسى ماشر
عاصم : والله ياام اياد اليوم اجه قيس ابن مروة اجه وطلب ايد جمارة ع سنة الله ورسوله وتعرفين الي بمثلهاا هسه كبرن وزوجن وعدهن جهال وهوه ماعنده مانع تكمل بلعكس مشجعهاا وانه اجيت اخذ رئيج بلموضوع ورئي البنية فشتكولين
منال : والله بصراحه مالكه احسن من قيس الجمارة فعلاً خوش ولد ونعم تربية بس هم لازم اسئل البنية وكلامك صحيح الي بكدها زوجن بس دام هوه ماعنده مانع تكمل دراستها فَ انه موافقه بس اسئل البنية واجيك
عاصم : اخذي راحتج بويـة انتضرج هينه بلغرفه ..
.
.
.
جمارة : جنت كاعده بغرفتي  ضايجة اجت سحر كالت اخذي حمودي يمج شوية رايحه اغسل هدوم اخذته منها وضليت العب وياا شوية وندك باب غرفتي صحت تفضل
منال : هابنيتي اشوفنج كاعده وحدج
جمارة : اي يمه كاعده العب ويه حمودي خير بيج شي
منال :والله يايمه رايدتج بموضوع واريدنج تفكرين زين
جمارة : اي يمه كولي اسمعج
منال : اليوم قيس ابن عمتج مروة اجة الجدج وابوج وطلبج منهم وابوج واخوانج موافقين حته جدج وماعنده مانع يخليج تكملين بلعكس يشجعج وانه هم موافقه يايمه امنيتي اشوفج عروس ومالكه احسن من قيس يستر عليج وامنج يمه وعمتج خوش مرية ونعم منها ومن تربيتها الاولادها فَ هسه يمه شكلتي لان ابوج ينتظر ردج هسه كونه ابن عمتج وجدج كلهم ملتمين بلمضيف فَ شتكولين موافقة ع ابن عمتج ..
جمارة : طول ماامي تحجي ويايييي واني من الصدمة والفرحة ماعرفت شرد عليهاا ضليت بس صافنة معقوله سواها واجه طلبني من جدي معقوله هيج فرحانين اهليي وموافقين اخيراً ياربي فتحتها بوجهي وراح ازوج ومن منو شخص الي احبه واتمنه اعيش ويااا الحمدالله ياربي رئسن كلت الامي اي ماما  اني موافقة * بخجل
منال : كلللوش ع بركة الله بنيتي الله يقدملج بي الخير حبيبتي
جمارة : نزلت امي وبلغت ابوي وجدي اني موافقة وحددو كلشي وعمتي تجيي هيه والبنات باجر يشوفوني ويطلبونييي ونحدد يوم العقد كلش فرحانة ومانطي فرحتي البشر اخيراً ...
.
.
.

عياش:مابقه شي وانزل من الدوام كلشش مشتاق الجماره طاك كلبي عليها ومشتاق الاهلي هوايي ابد ما راح من بالي طول ما انه بلدوام افكر بيها انام ع صورتها وعندي مقطع صوتي الصوتها كل ما اشتاقلها واشتاق الصوتها اسمعه وارتاح وكل التعب يروح مني كاعد افكر بجمارتي واجه وائل  كعد يمي ..
وائل  : شكلك عاشك يخوي
عياش : يي والله وكعت ومحد سمه علي ولا ونوب وكعت بحب طفله انه الشيخ عياش كلها تهابني وماكو مره رجفلها كلبي هل طفله الوحيده الي رجفلها كلبي بس المشكله ما تحس بيه وتكرهني ما تدري انه ميت بحبها
وائل: اففف يخوي اففف وكعتك مو هينه الله يهديها عليك ويحن كلبها
عياش: اخخخخ انشالله وانت ما واكعت بلحب لو بس حضي
وائل :جر نفس طويلل *
اخخخ يخوي شكلك انه مشلوع كلب كلبي وحضي طايح مو بس هيج
عياش : حشاك خويه بس شكلها شالعه كلبك
وائل: يييي والله معذبتني منين ما اجيبها تمشي عكس اكللها ثور تكلي حلبه
عياش: الله كريم يخوي هوه احنه شطيح حضنه غيرهن
وائل :يي والله صدك محد طيح حضنه غيرهن يله خويه اعوفك ترتاح وانه هم اروح ارتاح شوي
عياش : الله وياك خويه راح وائل  ورجعت افكر بجماره بس ما مرتاح ابد احس اكو شي كلبي يكلي جماره راح تروح من بين ايديك وكلش هاذ الشعور جاي يذيني كاعد ع نار انتضر يخلص دوامي وانزل اشوفها ونمت وانه افكر بيها كعدت الصبح حضرت ملابس علمود باجر نزلتي ودخلت سبحت ورحت الدوام وانه ابد ما مرتاح ....
.
.
.
مروان : بعد مادريت قيس يريد يخطب جمارة وانه محتار مادري شراح اكل لشيخ لااكدر انطي بااخوي ولاكدر انطي باابن خالي ضليت مدوهن ومحتار شسوي اجتني زينة كعدت يمي ماردت ابين يمهااا تعبان ومحتار بس هيه مادري شون تعرف
زينة : حبيبي شبيك شو مو ع بعضك
مروان : لاياعيون حبيبج مابيه شي
زينة : مروان لاضم عليه بيك شي احجي خوفتني
مروان : بحسره * اذا حجيتلج شي ماراح طلعينه بره ويبقه بينه
زينة : شهل حجي مروان صدك انته تحجي اكيد ماراح اطلعه بره كول خير
مروان : قيس يريد يخطب جمارة بنت خالي ورايح محاجي جدي وخالي وكلهم موافقين حته هيه بس ..
زينة : بس شنو المفروض تفرحله اخيراً فكر يزوج ويفرحنة خطية عمتي هسه شكد راح تفرح بس انته ليش ضايج
مروان : مو شغلت ماافرحله اكيد فرحان اله بس عياش هم يحب جمارة ويريدها شلون اذا دره قيس خاطبها شراح اسوي حتاريت بين ابن خالي واخوي
زينة : عزاا هاي من شوكت الحجي وجمارة تدري هوه يحبها
مروان : اي تدري بس هيه ماتحبه وتكرهه (شوية واتصل عياش ) ابن الحلال بذكره هسه شراح اكله
زينة : رد عليه بس لاتجيبله سيره لاتخلي ينتضر جاوب ..
مروان : الو هلا شيخ حبيبي شلونك 
عياش :.....
#الكاتبـة نيروز الكربلائيـة 🖤.