نهوة الشيخ عياش

البارت السابع

ظيته عود انته چبير وشيخ عشيرة وتحكم بلعدل باجر عكبة اجتك فصلية اجتك دخيلة صارت طلابة شون راح تحكم بينهم هم هيج
الشيخ عياش : عليش هل بجييي عزيزتي وهاي بوسه ع راسج وانه اسف واعتذر وحقج عليه بس بنت ابنج هيه هم السانها طويل خلتني افقد اعصابي
الجدة امنية : ( وهيه ضربه باايدها ع راسه) مره ثانيه خلي اعصابك مربوطة لايفلتن وياهو شايفه جدامك كاتله احنه موش بحرب ويلا كوم تچسح من جدامي وراضي عمتك
الشيخ عياش : صار يااحلا واغلا امونـة بدنيااا ، رحت بست راس عمتي واعتذرت منها ومر اليوم بسلام ....
.
.
.
.
(نرجع لبطلتنة بس لانسيتوها)
جمارة : كعدت ولكيت ساعة بـ 6:30 الصبح كمت سبحت وصليت وقريت قران وانه ميته من الجوع اريد انزل اكل نزلت ولكيت بس جدي كاعد صباح الخير جدو
الجد مصعب : (سد كتاب القران وكلها ) صباح النور بنيتي شكعدج بهل وكت
جمارة : نزلت جوعانة واريد اكل
الجد مصعب : تعاي بويـة عندي حجي وياج شوفي انه كلش زعلان عليج شون هيج تجاوزين ع ابن عمج انه سمعت منه وارد اسمع منج انتي هم البارحه ماكدرت احاجيج جنتي نايمة هسه احجيلي
جمارة : اسفة جدو كلشي ولازعلك  بس هوه ضوجني يعني كلشي بلبيت يصيح جمارة شنو بس اني هناا وفوكاها يتحكم بيه ويهددني يزوجني شنو اني ماعندي اهل  جدو اني ماريده مااحبه والله مااحبه بجي * واسفة لان جاوزت عليه بس جبرني
الشيخ مصعب : عليش هل بجي بويـة الي صار صار مسحي دموعج بس انه اريدج تعتذرين منه وقبلها تطيني وعد بعد ماتجاوزين عليه ولاتراددي تره الشيخ كلش كلبه طيب ولو صاحج وراد منج شي لبيله لان ابن عمج ويمون عليج وانتي مره جبيره مو صغيره ياجدي
جمارة : اسمع كلامه واني اكول بكلبي لا كلش طيب صح ، وعد جدو بعد ماجاوز عليه وراح اعتذر 😒 بس ..
الجد مصعب : بس شنو بنيتي
جمارة : يعني هوه كلي ازوجج غصبن عليج واني ماريده
الجد مصعب : شنو غصبن عليج هيه هيته ماكو هيج حجي باباتي وهسه كومي سوينة چاي من ايدج الحلوه ومسحينة دموعج يلا بنيتي
جمارة : بستة وكتلة انته احسن جد بلعالم مو تدلل هسه اسويلك احلا چاي
كمت للمطبخ سويت چاي وريوك وصبيته شوية وكعدت بيبي ....
الجدة امنية : يمه شهل ريحة طيبة سودة عليه بنيتي سوي ريوك اليوم تسلم ايدج حبيبة
الجد مصعب وجمارة : صباح النور
جمارة : وايدج حبيبتي (وبستها من راسها ) يلا تعاي تريكييي شوية وكعدو البقية
الاب عاصم : هااايشنووو نشاط اليوم وشنو هل ريحة طيبـة من صبح عاشت ايدج يمه
الجدة امنية : ولك موش انه هاي عزيزة كلبي سوت الريوك شف  ريحه چاي المهيل ترد روح احسن من چاي سحيره يلعب نفس
الجميع ههههههههههههه
سحر : ها بيبي من صبح بلشتي وياي
الجدة امنية : سكتي ولج لابارك الله بيج
الاب عاصم : هههههههه كلهن بيهن الخير والبركة بناتنه عاشت ايدج باباتي
جمارة : الف عافية
الجميع : الله يعافيج
الجد مصعب : ام عياش بويـة الشيخ وينه
الام ميادة : والله ياعمي نايم كال لاتكعديني انه اكعد تعبان الجد مصعب : خلييي يرتاح شوية
جمارة : جابو سيرته واني  حته نفسي نسدت 😒..
.
.
.
قيس : اليوم داومت وانه مالي خلك مشتاق جمارتي وبس اريد يخلص دوام واروح اشوفها شوية وقاطع تفكيري صوت تلفون اباوع حسن ..
📞: الو هلا حسن شلونك
حسن 📞: هلا ابن العمة زين انته شلونك شخبارك
قيس 📞: الحمدالله اليوم شعجب ذاكرنه
حسن 📞: موش انته بذات وماتسئل اله احنه نسئل
قيس 📞: ولك شغل والله مالحك
حسن 📞: الله يساعدك حبيبي شنو ماتجي نشوفك مشتاقين
قيس 📞: ان شاءالله العصر يمكم
حسن 📞: هلا بيك اخوي يلا في امان الله
قيس 📞: مع السلامة ...
سديتة منه وخلصت دوام ورجعت للبيت بدلت وطلعت البيت جدي واول مادخلت شفت شون حوريـة كبالييي تموت لكيتهاا بلحديقـة ترش الزرع كتلهاا  يااابـه يكولون بيت جدي جايتهم حوريـة
جمارة : طلعت ارش زرع واغني وشوية واسمع صوت وراي انداريت شفته قيس ههههههههههه هلا قيوسي شونك
قيس : بكلبي يروحلج فدوه قيوسي شهل صوت الي يرد روح هلا بيج جمارة الحمدالله انتي شلونج
جمارة : الحمدالله بخير شنو جاي وحدك عمة وازل وزينة مو وياك
قيس : اي والله خلصت دوام واجيت اشوف جدي لا عفتهن بلبيت غير مرة ان شاءالله نجيكم
جمارة : هلا بيكم بكل وكت تفضل ادخل
.
.
.
الشيخ عياش : ...
# الكاتبـة نيروز الكربلائيـة 🖤.