نهوة الشيخ عياش

البارت الاول

#نهوة الشيخ عياش
(البارت الاول 1)

جمانة : نرجع لزمن شويـة بعام ٢٠١٧ بدت الاحداث من جان عمري ١٦ سنة جان بالي كله يم الاكل وطلعه والونسه حالي حال اي بنية وجنت كلش متفوقه بدراستي وبيوم جنت راجعه من الامتحانات اخير سنة وجنت كلش تعبانة وجوعانة اكلت وصعدت نمت كعدت تقريباً ساعه ب٤:٣٠ نزلت سلمت ع الكل لكيتهم بصاله مجتمعين
الجدة امنية : هلا ببنيتي يمه جمارتي شونج ماشفتج اليوم
جمانة : هل حبوبة جنت نايمة واجيت تعبانة وسئلت عنج كالو نايمة
الجدة امنية : تعاي حدري يمه بحداييي (يعني يمي )
الاب عاصم : باباتي شونج بالامتحانات ان شاءالله رفعتي راسنه
جمانة : اكيد باباتي ورحت بسته
الجد مصعب : يلا مدام كاعدين كلكم باجر نروح للمزرعة
جمانة : الفرحة جانت مواسعتني وكلش فرحنه اني والبنات ورحنه حضرنه العشه ومر اليوم بسلام ...
.
.
.
.
الشيخ عياش باجر اجازتي واني كلش فرحان راح التقي بجمارت كلبي جمانتي وصح نسيت اعرفكم ع نفسي .
اسمي عياش عمري ٣١ سنة اشتغل لواء بجيش من اني وعمري ٧سنين توفه ابوية الله يرحمة وماشبعت منه وجدي الله يخلي ويطول بعمره هوه رباني وسلمني المشيخه بعد من كبر لان يكول انته لوحيد الي اعتمد عليه واشوفه شيخ بمكاني مناسب وناس كلها تحترمنه وتهابنه كوننه شيوخ معروفين نزلت من شغلي ورحت للبيت سئلت عمو ابو عيسى يشتغل عدنه حارس
الشيخ عياش : سلام عليكم عمي ابو عيسى شون صحه شون الاهل ،عمي ماتكلي اهلي وين
العم ابو عيسى : هلا بشيخ والله ياابني شيخ مصعب اخذهم للمزرعة مالتكم
الشيخ عياش : ماشي عمي تسلم بدلت واخذت سيارتي وطلعت وراهم وصلت للمزرعة سلمت على الكل
الجد مصعب : هلا بوليدي هلا بويه شلونك شلون كيفك
الشيخ عياش : الحمدالله شيخنه الله يطول بعمرك انته شلونك ، امونة شونج
الجدة امنية : ولك دهر صابك شكدني وشكبرني تكلي امونة خايب استحي شايفني زعطوطة
الشيخ عياش : هههههههههههههه بعدج شباب امونة هاي بيبتي روحي من دنيا كلش احبهه من بعد امي
الام ميادة : يمه هلا برويحتي وسندي شلونك يمه اصبلك غده
الشيخ عياش : بست راسهاا وايدها اي والله يمه جوعان كلش
الام مياده : مو تدلل وليدي ثواني والاكل جاهز
الشيخ عياش : من دخلت واني عيني دور جمانة كلبي وينهااا اريد المح بس عيونها الاموت بيهن سئلت عليهاا جدتي ،امونة ماشفتي جمانة
الجدة امنية : هاولك يمدهور شعدك تسئل ع بت بس لاالبالي صحيح
الشيخ عياش : طبعاً جدتي امنية تعرفني احب جمانة كلش ،ههههههههه امونة لاوداعتج بس هيج اسئل عليهه اشوفنهه مختفية وماهيه يم البنات
الجدة امنية : هسه تجييي راحت ويه ازولة تبدل بلبيت وتجي يمنه
الشيخ عياش : صبو غده وسوالف وكعده وهناك وتفوت جمانة كلبي لابسه اسود ومكحله لعيون وشال حاطت ع راسهه والوجهه جنه فلعت كمر وماكلكم صار بكلبي اجت جايبه چاييي .....

#الكاتبة نيروز الكربلائيـة