نهوة الشيخ عياش

البارت الثامن والعشرون

#نهوة الشيخ عياش
(البارت الثامن والعشرون 28)
هَي تضحك
وفدوة لله بگلبي اگول ♥️.
       ¯ ➛♥️.•
جمارة : كعدت اليوم من الصبح نشطه كمت كالعاده اصلي واقره قرءان شويـة واجتني ريحان كالت جابو البدلات وام لصالون بـ9تجيييي كمت جهزت نفسي ونزلت صبحت عليهم كعدت اتريك شوية واجن الفساتين اخيراً فتحناهن يجننننن مو اني اعرف اثق بذوق عياش كمنه نكدر بالفساتين كلهن ع مقايسنه حته البنات عجبوهن صعدت فوك اضم الفستان مالتيي جان يندك الباب تفضل !!
عياش : صباح الخير حبيبي شلونج اليوم
جمارة : صباح النور تمام انته شلونك
عياش : بخير دامج بخير بشرييي شلون الفستان عجبج
جمارة : اي تسلم ايدك اني والبنات كولش حلوات وكلهم ع مقايسنه تسلم * بخجل
عياش : تدلل بنيتي سمعييي جمارة خاف صير هوسة بالبيت مااريد المحج واكفه باب المطبخ لو باب الحوش الله يرضه عليج لأن لو شفت وحده منجن واكفه بالباب ياليلجن وياسواد ليلجن سامعتنييي ! * بحده
جمارة : ( هسه مو جنت تسولف شحلاتك شمالك تنكلبب بدقيقة ) ماشي
عياش : سامعج انه ادري بيج شتحجين بس راح اعبرها بمزاجييي يلا انه رايح تردين شي
جمارة: لامااريد شي (طركاعه هذا مين يدري اني احجي عليه )
نور: جمارة وينج يلا تعايييي اجت ازل راح تروح للصالون
جمارة : اوكفي خل البس شال اجيت
ازل : صباح الخير بيت عيالي الجميل
سحر: يبوووووووو صرنة بيت عيالها قبل جنه بيت جدو هسه بيت عيالي شراح يخلصنه
ازل : راح امشيها الج غير اني اليوم عروس وفرحانة
سرور : اني سامعه العروس تخجل وتكون انيقة انتي شمالج مخسبكه
ازل : اوييييي ماتخلن واحد ياخذ راحته
زينة : عيني ست ازل تعاي زقنبي ورانه صالون وانتي سرور فضينه بسرعه
سرور: مكمله ماعندي شي خل تخلص الخاتون
ازل : مخلصه اصلاً مااشتهي اتريك يلا منو يودينه
غيث : انه راح اوديجن ومن تخلصن اتصلن عليه والله ابو مزعل كبرت وصرت عريس
ازل : غيث انجب لاتصيح ابو مزعل جم مره كتلك بطل هذا الاسم
غيث : يلا عمي ولايزعل عمي ابو عيسى امشيي صعدي
ازل : اهووووووو
نور : اي بلعباس كفوو غويث صدك تشبهين عمي ابو عيسى *بشقه
هناء: ولكم لاتقلدون عليها امشي يمه روحي وراج صاالون ذوله يعطلونج
ازل : فديتج عماتوو ..
.
.
.
.
.
حسن : اليوم كعدت فرحان كلش راح اعرس اخيراً ومن ياهي بنت عمتيييييي حب طفولة اوففففف شيجيب ليل نزلت تريكت وصبحت عليهم اخذت ايمن وغيث وليث ومهند ورحنه للحلاق حلقت وكملت وبين الشقة والضحك رحت جبت البدلة من الصالون ورجعت للبيت اتصلت ع حبيبتي الوو هاباباتي كملتي ـلا ؟
ازل : هلا عمري ـلابعد شوية هسه بس مكياج خلصت شوية اكمل ويجي علينه غيث
حسن : ماشي بنتي اخيراً ازول راح صيرين بنص حضني
ازل : ايييي حبيبيييي ممصدكة حيل فرحانة * بدموع
زينة : لك حسن وكتك خليتهم تلطم علينة
حسن : ههههههههههه كافي حبيبي لاتبجين لايخرب مكياجج ويطلعلي جبار اليوم
ازل : بسيطه مو صوجك والله دروح خل اكمل
حسن : يلا بنتي ديربالج صدك اوكفييي جابولكم اكل
ازل : لا محد جابلنه كتلنه الجوع
حسن: لاياناقص يااليث خوش بنتي روحي وهسه يجيكم اكل
سرور: بشريييي شنو راح يجي الاكل لا راح اموت من الجوع كتلجن خل اسوي اكل واجيبة ماتقبلن
ازل: هذا المطيي ليث ناسي وهسه حسن راح يخابره
زينة : مبارك واحد افهه من ثانييي شو بلا تعاييي ختعدلج البنية المكياج وكافييي بجيييي لج لايخرب
ازل : ماشي ، بدت البنية تشتغل بيه شوية واجه ليث جايب الاكل اكلنه وخلصنة والبنية بدت تسوي تسريحة بشعري ماشاءالله يعني اني شعري طويل طلعت امووووت صدك فدشييي اخيراً كملت والبنات هم زينة خابرت غيث اجة اخذنة للبيت ..
.
.
.
.
عياش : كعدت الصبح من ورا سامر كال اختييي شوية وهيه يمكم اجت البنية الحمدالله الفساتين عجبنهن للبنات بدلت ونزلت نستقبل بلضيوف صار الظهر تغدينة وركضه ركضه اليوم بين ماجابو ذبايح الصبح وكملنا حضرنة كلشي صار العصر صعدت ابدل سبحت وكملت ولبست ملابسي وكشخت ذيج الكشخه الحلوه خليت عطر واريد انزل شفت باب غرفة جمارة مفتوح دكيت الباب محد يرد دخلت اشوف منو بالغرفه وعسانيييي لادخلت ولاشفت احد يمهههه بذيج الساعة راد كلبي يطلع من مكانة ع حسن الشايلته هالبنية اللهم صل ع محمد واله محمد ضليت صافن عليها ماكدرت احجي شي سديت الباب وتقربت يمهاا حضنتهاا من خصرهااا وشميت شعرها الريحته تموت اختاريت يكون فستانهاا انيق وبنفس الوكت طويلل طالع عليها يموتتتت تسحررررنييي هاالبنية بكل حالاتهاا ..
.
.
.
.
جمارة : جنت البس حذائي كملت وكفت اتعطرر يم المراية شوية ونفتح الباب نداريت لكيت عياش بصراحه طالع يموت بس مادريييي خفت من نضراته حيلل تقرب يمي وحضنييي من خصرييييي وبده يهمس بااذني احلا الكلمات ذبت بتفاصيلة حسيت اكو شي تحرك اتجاهه عياش بس بنفس الوكت كل مااريد اخطي خوة اخاف وشي بداخلي يمنعني يئذيني ماعرف ليش عياش شجاييييي سوييي لحد يجييي  وخرر عني
عياش: حرام عليج خلينيي شوية اشم هل عطر الحلو
جمارة : عياش كافيييي الله عليك لايجن البنات يردن يبدلن بغرفتييي
عياش : خرب هسه وكتهن استغفرالله شو انتي دوري عليييي باوعيلي
جمارة: بخجل * هااا شنو
عياش : افتريييي وضلييي ساكته لاتحجين شي
جمارة : بقيت افتر دخت وراسي ضل يوجعني وهوه مجتف ايدي وصافن علييي هاا وين وصلت مو راسييي راح ينفجر كافي !!
عياش : جمارة اله تروحين للعرس ابقي بالبيت ومن يجون شوفيهم عفية بنتي
جمارة : لاعليك الله والله حرام كلها تريد تروح واني تبقيني هنا شسويتلك
عياش : باباتييي اخاف عليج ابقيي هنااا
جمارة : حباب خل اروح تقربت يمه ومادري شلون اجتني جرئة اول مره اسويها وبسته من خده وباوعتله بدلع 🥺 (نفس هلصمايل 🤣) الحمدالله بااخر لحظه راد يحجييي وندك الباب سحر يمه كلبيي ..
عياش : وكتهاااااا يصير خير حسابج بعدين !!
جمارة : ضليت اضحك علييي طلع من الغرفه وهوه ميت من العرك
سحر: مطييية انتي غيررر تكولين هنا الشيخ والله فشله اجيت ودرعمت عليكم
جمارة: لاعادي ولايهمج اصلاً هوه راد يروح خير زوجة ابن عمييي المؤدبه شتريدين نضراتج معجبتني
سحر : جمارة اسر مايقبل اروح للزفه هيج بلا كليلي هسه شسوي يكلي ماكو طلعه بهل لبس واني راح اموت اريد اروح للزفة مايخليني
جمارة : شنو بكيفه هوه انطيني تلفونييي بلا
سحر: هاج بس شراح سوين لاتتصلين علي الله يخليج مالي خلكه يسوي سالفه
نور: شني وينجن العالم كلها اجت راح نروح للقاعه والعروس بطريق فضنهااا
جمارة: سدي الباب وكرمينه بسكوتج شوية غير يرد ابن عمج توه هنا وين راح
عياش : الوووو هاابوية خيرج ؟
جمارة: الوو عيوش اسمعنيييي اريد اطلب منك طلب * بدلع
عياش : بوية لاتحجين هيج لاتخليني اعوف زلم واصعدلج هسه احجي فضيني شتردين
جمارة : مو اسر مايقبل سحر تروح ويانة للزفة وهيه خطيه تريد تروح وهوه معاند عفية احجيي وياااا خل تجي ويانة بسياره غيث
عياش : ماشي خليهاا علييي ديربالج اكو كومة زلم هنااا ستري نفسج خوش ليش ماتجين وياي بالسياره موش احسن
جمارة : لاعيني سيارتك ماتكفي راح تاخذ امييي والشيخ والشيخة وامك واني وين اكعد اروح ويه غيث هوه بس غيث وسحر واني ونور ومهند احسن
عياش : زين ديربالج يلا في امان الله
جمارة : يلا باي ..
سحر: بشررررري حمامة غراب
جمارة : بابا انييي جمارة ال ... اكو شي يصعب علييه تروحين معليج بااسر
نور : الله ينطي الشيخ عود صارت بس هيه وبس 🤣
ريحان : بنات الشيخة تكول خل ينزلن ازل وصلت
جمارة : اجينة بس اوكفي سحرر خل اقفل الغرفه لزمييي ها الملابس وهذا المفتاح ضمي بجنطة مالتج مفهوم ..
سحر: يلا ماشي
جمارة : نزلنه وماشاءالله ازل طالعه تموت حته البنات كلنا حلوين طلعنه اجه حسن وبدت الهلاهل شوية شغلو ديجييي واخذهاا وطلعت الزفه لاحظت ايمن اخوييي وضعه مو طبيعيييي كلشوي يباوع ع اخت سحرر لارا شكيت بالموضوع
سحر: اكلج جمارة جاي شوفين جاي اشوفه لو بس اني هيج !!
جمارة: خيرر شكو ششوفين بلا تحفيني !
سحر: اشو ايمن عينه ع لارا وهاي الفاهيه صافنه عليه شسالفه ؟
جمارة: بلكت صير جنتنه ونرتاح من طلايب ايمن
سحر: كلابج والله فقير شمسويلج زلمة كولي نرتاح من طلايبج
جمارة: انداريتي علييي شكو
ازل: جمارة تعاي شوي
جمارة : هاحبيبي شكو شبي وجهج مخطوف
ازل: ولج كلبي راح يوكف خل يطفن الديجي صدعت اريد حبايه مال وجع راس
جمارة: هست اشوف عمه واجيبلج حبايه بس اهدئي شوية نورررر وينج بلا تعاي
نور: هاا شكوو شبيج !
جمارة: روحي سئلي عمه هناء عدهاا حبوب مال وجع راس وسمعيني جيب كلاص مي بارد وطفي الديجي بدربج
سرور: ليش طفنه شوفن العالم صفك وتركص فرحانين
زينة: ازل داخت وصدع راسهاا بالقاعة شغلنه ع راحتجن
سرور: خوش رايحه اطفييي
جمارة: طلعنه بالزفه رحنه ويه غيث احنة المجموعة والباقي كلمن هوه وعائلته مروان اخذ ابو وامه وزينة وعياش اخذ امه والشيخ والشيخه وامييي وفيصل هوه وابوي وعمه هناء وعميي احمد وايمن اخذ ليث وريحان وسرور وام سحر واخت سحر وياهم واسر واياد وابو سحر بسياره وجماعتهم البقية راحو بسيارتهم كلمن اخذ مجموعة وطلعنه بالزفه  وحسن اخذ ازل ويسوقون كبالنه صارت الزفة تموت راح يطكون صور واحنه هم اخذنة لقطه جماعية ويه ازل صار العرس فدشي دخلنة للقاعة وشغلولهم اغاني وبقو يركصون وقطعو الكيك مشه اليوم يموت جنه واكفين اني ولارا اخت سحر نسولف *ملاحظة : {سحرر بس هيه واختهاا لارا بالبيت وامها وابوها ماعدها اخوان ولاخوات غير لارا } جان اجت مره سئلت عليييي
المره : عفواً خالة انتي بنت عاصم الصغيره ؟
جمارة: اهلاً وسهلاً خالة اييي انيي تفضلي !
المره : يمه انتي شكد عمرج ؟
جمارة : 17 خالة ليش ؟
المره : فدوه ماشاءالله ماينطوج اهلج اريد اخطبج الابني كرار صلاوات ع محمد كامله والكمال الله وانه هل وليد الوحيد عنديييي واريد افرح بي يايمه واشوفن بزرته قبل لا الله ياخذ امانتة
جمارة: حبيبتي خالة عمرج طويل بس انييي قاطعتنيي لارا وسحر
سحر: خالة حبيبتي هاي مرت الشيخ عياش هيه مخطوبه اله
لارا : والله لو يدري الشيخ يكلبهااا فاتحة مو عرس
جمارة: اششش لاتحجين الحد عمي شيخلصنييي
سحر: صلاوات ع محمد اريد ابخرج والله مين هل عقل والادب اول مره اشوفج تحجين شي ينفع
جمارة: هسه عرس ليش ترديني اغرد
سرور: هااا خيرر شبيجن تتكافشن منو هاي المره جانت تحجييي وياجن
لارا : حبي هاي مره تريد تخطب جمارة الابنهااا
سرور: العب والشيخ لو يدري يسويهاا معركة بدر هنااا شكتلهاا
سحرر: يمكم المنقذ سحوره طبعاً كتلهاا لا مرت الشيخ هايييي اسم الله بس مظهر تراا خوفكم من داخل
جمارة: شقصدج بلااا ؟
سحر: لا حبي مو وياج يعني ويه فد وحده
البنات : ههههههههههههههه
زينة: وينجن عايفات ازل بحدها خطيه امشن يمهاا لاتبقن بحدجن سولفن راح تموت علينه
سرور: خيرر ازول شو الرجه صار اصفر بعد ساعة زفتكم بعد وكت ع خوف 🤣🤣
سحر: خيه اليوم عدامج يحطج حسن ويعدمج باب الفندق ويشبعج كتلل خلصيي منه احسلج مادام بعدكم
ازل : بجي * اريد اميييي اريد ارجع ماريد ازوج بطلت
زينة : خرب يومج سحر اني اسكتهه كوه هاي تبجيهاا
نور: حياتي مش دخول الحمام زي خروكو
جمارة: بقينه نشاقه ويه ازل الحد مااجت زفه وزفيناهم للعرسان ورجعنه وصلنه للبيت اني ميته تعبببببببب الكعب زرف رجليييي كبل صعدت ارتاح شوية واندك الباب خير ياستار توني دخلت تفضل !
ايمن: اختي كاعده ؟
جمارة: ادخلل خير شعندك
ايمن : اكلج جمورة اليوم هاي البنية الي اجت للعرس اخت سحرر شسمها وشكد عمرها وتدرس لا ؟
جمارة: هاااا عيني اشوفك تسئل خير 😉😉
ايمن: لا بس اكول يعني
جمارة: ياحبيبي اسمها لارا  عمرها 22 سنة بكدك تقريباً بس ليش تسئل اي تدرس كلية اداب نكليزي
ايمن : ححلو يعني انه رياضيات وهيه نكليزي لايكين مو بلا
جمارة : ههههههههههههههههههه ايي كول من الاول هيج حته افهم اي حبيبي لايكين وترا البنية ماتلكه مثلها تجنن وحبابه كلش خوش اختيار
ايمن : صدك تحجين يعني احجي ويه امي تخطبها الي
جمارة: ايمن شسالفه بسم الله توك شايفها شبيك مستعجل اخوي الثكل الثكل هههههههههه
ايمن : مو خاف البنية طير من ايدي
جمارة: ماطير من ايدك عمري اني باجر احجي ويه امي ويصير خير واحجي هم ويه سحر حته اخذ رقمها وتتعرف عليها يعني ونروح نخطبها تدلل جم ايمن عندي اني
ايمن: احبج يااحلا اخت بدنياا فدوه الكلبج
جمارة: حبيبي انته يلا هسه خل ابدل راح اموت من تعب
ايمن: اي اي اسف يلا تصبحين ع خير
جمارة : تلاكي الخير عمري ..
.
.
.
.
قيس: خطبت سالين من ايهاب وجنت متردد وخايف بنفس الوكت شراح يكول الحمدالله وافق
ايهاب : والله ياقيس انه مالكه احسن منك انته  ماكو مثلك رجال ونعم انه موافق بس نسمع موافقه البنية
قيس : ماشي اخذ راحتك حبيبي
سالين : صح اني حبيت قيس بس ماجنت متوقعه راح يخطبني وصح كدرت انسي بت خاله لان نكسر كلبي عليه الحمدالله ساعدته بشي بسيط بس مشت تمام اجه اخوي ايهاب سئلني جنه بالمطبخ اني وسالي نسولف بس ماعرف بذاك الوكت فرحه ع خوف ع مشاعر متلخبطة ماادري بس كتله موافقة حيل فرحت انو حصلت ع انسان المتفهم قيس يستاهل كل الخير بصراحة
قيس: اجه ايهاب وكال البنية موافقة قررت العرس يكون الشهر الجاي لأن خلاص اريد استقر حيل تعبت نفسيتي فرحت لأن صارت اليييي كتله ان شاءالله باجر العقد
ايهاب : هاهيه ان شاءالله نقره سوره الفاتحة
قيس: بدينه نقره سورة الفاتحة والفرحة الي بداخلي مانطيها البشر حسيت نفسي راح ابدي حياة جديدة وفعلاً ويه احسن انسانة جانت بنظره وحده تفهمني اما بالنسبة الجمارة فَ الله يوفقها ويه الشيخ ماكدر اسوي شي موومن تربيتي افكر باانسانة مزوجة ومنو يكول هيه ماحبت الشيخ هسه ..
.
.
.
.
منال : جمارة يمه كومي كعدي شلعتي كلبي راح تجي خالتج والعرسان راح يوصلون
جمارة: يمه هسه متكليلي شسويلهم يعني ماشيفتهم هيه ازل المسودنه وذاك المخبل
سحر: عمة عوفيهاا اكو منو يكعدهااا 😉
نور: ولج جمارة كومييييييي الشيخ جوااا ويكول اذا ماكعدت راح اصعد اكتلها نفس الكتلة الي نكسر بيها خشمج كومييييي بسرعة لاتنعلسين
جمارة : جذب بلعباس كايمة اوكفي وينه شنو منو !!
البنات : هههههههههههههههههههه
سحر : هيج الشيخ يخوف يمه يمه
جمارة : تدرن ماتستحن وحيوانات كعدتني من احلا حلم
نور: وبلا شنو جان الحلم ست جموره
جمارة : اخخ حلمانة ملتقية ويه جان يامان اخخ فدوه شلون جان رومانسي بالحلم وانيق يااربي خلي اشوفه ولو مره بالحقيقة 💔💔
سحر: هسه بلا هاي شحجي وياها انتي تدرين ع حجيج لو يسمعنه الشيخ يمه اله يسويج تعلاكه مال جان يامان مدري شسمة امشي غسلي وجهج بيت خالة روان ع جية وازل وحسن بطريق تستقبليهم بهل وجه المنحوس
نور: سبحييي وكملييي واني راح اسوي ريوك واصعده نتريك لأن حته اني مااكلت
جمارة : تمام عيني تمام دخلت سبحت وكملت شوية واجت نور بيدها صينية كعدنة نتريك اكلج نور شنو مانوين تنخطبون انتي ومهند
نور: بخجل * لا جمارة بعد وكت وبنفس الوقت خاف بابا ماينطيني خلي اكمل واكبر كم سنة ع اقل هسه بعد وكت خليني ملتهيه بدراستي
جمارة : والله عفية عليج سلاح المراءه شهادتهاا كمفو بنت عمييي وزوجت اخي العظيمة نسيت اكلج ايمن راح يخطب بس مو تحجين !
نور: شنييييييييييي ايمن المعقد اخوج يخطب شعجب
جمارة : انجبيييي ليش معقد بس انتو ماتعرفو هوه مايحب يختلط مو اجتماعي عكس اخواني البقية
نور: اي صح اشاقة وحمس هسه كليلي ياهيه سعيدة الحظ وامها داعيه عليها
جمارة : لارااااا !
نور: بصدمة * شنهيييييييييييييي لارااااا اخت سحررر هاااا ؟
جمارة : اي لارا اخت سحر  شمالج عيونج نكلبن
نور : ولج اسمعي الحجي بينه امس لارا جنة واكفين قبل لانصعد بالسيارات من شافت اخوج ايمن نوب هوه امس ماخذهم للقاعة ورجعهم سئلتني منو وشسمه وشكد عمره دخلتني تحقيق عرفت ست الحسن معجبه بيه نوب من لمحت الهاا خجلت اسم الله وراحت
جمارة : صدككك اي خوش حجييي اليوم راح احجي ويه امي لأن هوه كلش حابها وراح اخليي يخطبهاا نريد عرس شنيه يوميه صخام بيتنه
نور : اي والله زين سوين نوب جناينه كلهن حلوات ككفو والله
سرور : هاااييييي عليمن تحجن صار ساعة ؟
جمارة : ع وحده ماتعرف دك الباب وتدخل درعم ماتكول ناس عدها خصوصية
سرور: {ضربت جماره ع راسها خفيف }الزمي رزان وانجبي خل اروح اشر الملابس واسبح واجييي مو تعوفيهاااا حبابه
جمارة : شكراً فتهمنه روحيييي هاا حبيبة العمة شلون صباح حلو اويييي فدوه ريحتج
.
.
.
.
عياش : رجعت من العرس تعبان حيلل كبل صعدت بدلت ونمت كعدت الصبح بـ7 نضفو الشباب المضيف والبيت وترتيبات قبل لايجون العرسان بشوية صعدت فوك اريد اسبح وابدل حته انزل وانه صاعد ع درج صرت كبال غرفة جمارة لكيتها خاله رزان بنت اياد وكاعده تلعبهااا وتحجي وياها شكد تمنيت يجيني طفل منهاا واشوفها هيج كاعده تسولف ويا وتضحك نزلت دمعتي وانه اباوع عليهاا نكسر كلبييي شلون راح افاركهاا بهل ايام وانه تعودت عليهاا اخخ {بالمناسبة جمارة شالت الخياطات قبل عرس حسن } صعدت سبحت وكملت نزلت ويه جية العرسان سلمت عليهم وطلعت للمضيف مروان تعال وينك !!
مروان : هاا خوية امرنييي خير
عياش : بشرر صار ع سالفة قيس
مروان : والله ياخوية اليوم راح يخطب بنت ابو ...
عياش : بيها الخير الله يتممم ع خير
مروان : امين يارب وانته شوكت بلا ناوي تفرحنة
عياش : خل اروح هسه للدوام ويصير خير بعدها
مروان : ان شاءالله حبيبي ..
.
.
.
.
فيصل : جنت واكف بره بالباب اخابر صاحبي شوية وصلت سياره نسوان وبنات 3 نزلن وياها عرفتها خالتي روان بس شنو من بنية وياها تكل للكمر كوم خل اكعد مكانك يمه تسحن انه بحياتي ماخال سالفة الارتباط والزواج والصخام بعيني من شفتها تيهت صول جعابيي يمه كلبي راد يوكف شني جسم شني الاناقه شني البس صوفرت
روان : يمه فيصل حبيبي حبيب خالته شلونك وليدي شدون صحتك
فيصل : الحمدالله خالة بخير الله يسلمج { نضراته متوجهات البنت خالته 👀👀}
روان : الحمدالله يمه دامك بخير احنه بخير اعرفك وليدي هاي بنتي الچبيرة فلك وهاي الاصغر منهاا اماني وهاي اخر العنقود رانيا
فيصل : تشرفنه نورتو تفضلي خالة { بكلبه * اثاري الحلوه اسمهاا امانيييييي دخيل عيونج فدوه الكلبج شحلاتج ياربيي ذول ساقطين اذا شافوها
.
.
.
.
وهسه نعرفكم ع بطلتنة الجديدة ..
اماني : اني اماني اصير بنت خالة فيصل والباقي .. صار زمان ماااجين البيت خالتي اول مااامي كالت بصراحة كيفت احنه كاعدين بـ... لأن اني مااحب اختلط هواية بس احب كعدات الاهل والقرايب وسوالف خالاتي وبالاخص اموت ع خالتي ام اياد كلش حبابة بيوم الي وصلنه الهم نزلت من سياره واشوف رجال واكف بالباب يخابر هوه شافنه وسد تلفون يمكن حبيبتة بس يمه شنو من شاب يطكككككككك بالكاع اني بنية وسنحت عليه البقية شلون يااااااخرابييي كعد يسلم ع امي واني تيهت حته روحييي وضليت صافنه عليه عرفتة هذا فيصل ابن خالتي جنت قبل اموت من عنده بس هسه مدري شتغير المهم دخلنه وبقن وحده سلم ع ثانيه ومن هسوالف ...
سرور: ولجن تعالن شوفن منو جبتلجن
جمارة : امانيييييييييييييييييييييييييييي * بفرحة وشبكتها قوي
اماني : ولج كسرتي عظامي انطيني صبر بشرفجن هاي مخطوبه هاايييي الله يطيح حظه الخطبج
سحر : هههههههههههههههه صخام لايسمعج الشيخ يرجعج هسه البيتكم
اماني : بلا هذا ياهو الشيخ يمه
فلك : اماني شبيج شنو ياهو الشيخ عياش شنو ماتعرفي
اماني : صارلنه قرن ماجايين اكعد اذكرلج شو وخري اكلجن اني ميته من الجوع شنو ماعدكم اكل
فلك : صخام صخمج فضحتنة يمه
سحر : خليها حبيبة اي عمري هسه نصب اكل بس ارتاحو
اماني : دروحي قبل لاصبون اكل جيبلي شي ازقنبه كعدوني من الصبح ع لحم بطني
فلك : طركاعه ياهو الي ندحله ماعون مخلمه من صبح طول الطريق الله وكيلجن هيه ماساده حلكهااا بس تاكل
سرور: هسه خلنهاا تاكل اكلي حبيبة ياريت مبين بيها
اماني : اندري حاسديني ع لكمة شو وخرن اكلج جمارة اريد اسبح
جمارة : حبيبة هذا الحمام كبالج وهاي حنط مالاتج صعدوهن كومي سبحييي واني نازل اسلم ع خالتي والبقية
اماني : خوش خيه ..
جمارة : نزلت سلمت ع خالتي والبنات وضلينه نسولف حسن وازل اجو وبقو يباركولهم
البنات بالمطبخ ..
ازل : السلام عليكم !!
نور: شنووووووو السلام عليكم منو هاي بنات سمعن صوت لو بس اني
سحر : لاخيه يتراولج اشتغليييي
زينة : السلام عليكم !!!!!! خية شني مصخنة لو يعني عقلتي لو شنو الموضوع
ازل : بلعباس مو صوجن صوج المؤدبة االي جاية سلم عليحن عود كلت مزوجة خنصير مثقفه
سحر: خيه انتي ضلين معيديه وينج وين ثقافه ههههههههههههه
ازل : صخونة اي والله احترمتي غير چنة جديدة
جمارة : حبيبتي مو بس انتي چنة جديدة راح يصيرون 4 چناين بالبيت
ازل : شنو منو ياهنه هوه يوم عفتكم من وراي طركاعه
البنات : ياچناين ولج احجي شنو الموضوع
جمارة : اخوي ايمن يريد لارا اخت سحر ومهند راح يخطب نور وليث يريد ريحان وفيصل يريد اماني وغيث مچلب مايريد يعرس
البنات : شلوننن مين تدرين اشو احنة ماندري ؟؟
جمارة : بناتيييييي هاي سر المهنة حبيباتييي متعرفون بعدكم ها سحر شكلتي
سحر: خيه شكول اذا اختي البارحه سحلتنيييي سحل بتلفون بس سئل ع فيصل اني حته استحيت نوب اسر اخذ تلفون مني وسد النت بوجههه 🤣🙂
جمارة: هاهيه ع بركة الله نقره سوره الفاتحة
سرور: اوكفيييي ام العلوم وذني شني غير نفتهم
جمارة : بنسبة الفيصل فَ اني جنت حاسه يريد امانيييي لأن من طلعتن كلجن وقبل لاانزل سئلتني اماني ع فيصل شوية واجاني مسج من فيصل نفس سؤال اماني لبست الموضوع وفتهمت هاي شغله شي ثاني مهند من قبل حاط عينه ع نور وليث كذالك ..
البنات : بفرحة * ياالله راح يصيرن 4 يمه
جمارة : نسيتو عروستنه الخامسة
البنات : ياهية
جمارة : سالين مرت قيس شمالجن ثولات
زينة : جمارة يعني انتي ماضايجة من قيس لأن راح يزوج
جمارة : خية موش ماضايجة مااريد اجذب عليكم اني ضجت ونقهرت بس مابيدي شي خلاص اني نهه عليه ولا م اشو فحياتي وهوه شاب ومن حقه يفرح اهل ويشوف حياته وهسه لو يسمعني الشيخ يدفني بعتبت الباب اسلم ع روحي اشرفلييي الله يسعدهم بلعكس فرحانة الهم هواي والماضي ماضي بلكت الله يفتحها بوجهي ويه الشيخ
البنات : امين
ازل: فرحتيني القردة
جمارة: بقينة نسولف شوية ونضحك
اماني: هههااااااي صخلات
البنات : هلاااا
سحر : اكلج امانيييي شوكت تعقلين ياحبيبي جنه بااثنين صارن 3
اماني : مااعقل من ذني زوج يعقلن اني وياهن ع واهس
البنات : هههههههههههههههه
فلك : اكلج زيونة شوكت تجيبين
زينة : والله خية ماادري بقت يم الله ع ياساعة وتجيني الطلوك راح تطلع روحيييي صايره كلش ثكيله
البنات : الله يتمملج ع خير وتكومين بسلامه
زينة : امين يارب ..
.
.
.
.
.
سالين : كعدت من الصبح بدلت وكشخت ورحت لدوام العصر العقد مالتي كلش فرحانة ارل نادخلت طلع بوجهي قيس ماعرف حسيت روحي خجلانه منه سلمت عليه صباح الخير قيس
قيس: {شهالجمال فدوه } صباح النور عيني شلونج
سالين : تمام بخير وانته
قيس: الحمدالله
سالين : اترخص عندي شغل
قيس : لايابه اخذي راحتج
سالين : عبرت من يمه لكيته عازم الشركة كلهاااا بين الشغل والهوسة صار الظهر
ميار : لج سالين اكو مخبلة اليوم عقدهاا ولافيه للدوام ماتكليلي شسوين هنااا
سالين : يعن شنو شسوين غير عندي شغل وجايه اشتغل
نهى : ولج انتي تخبليني ناوية ماكو غيرج يشتغل يعني شو تعاييي وين اخوج خل يجيييي يسويلج اجازه وتكسحيييي لاتبقين هناا
ميار : تعاي وياي اني رايحه الايهاب حته نطلع سوااا نروح للصالون مابقه وقت شوكت جهزين راح صير 11
سالين : اخذني البنات اخذت اجازه وطلعت اجت وياي ميار اول شي رحنه تغدينة وصلنه للصالون ب12 بدت تشتغل بيه كملنا وخلصنه رجعنه للبيت لكيت ايهاب مخابر اهل تجهيزات الحفل مسوين الحديقة تموت والكيك جاهز كلشي مرتب ع اخر حباية كعدت ارتاح صارت ساعة بـ4ونص اجه ايهاب وسالي وعائلتهااا والبنات زميلاتي سالي وميار مقصرو يستقبلون بالضيوف واني رحت بدلت لبست فستاني وحضرت كلشي للـ 5 اجه قيس يمه شطالع خرب هذا الجمال كله الي ماتحمل هيج 🥺😂
ميار: ولج سالين هذا قيس طالع يشك عليج العباس خنسوي تبادل ادوار
سالين : انجبيييي بلا لاتحجين ع زوجيييي راح اموع لزمنييي
سالي : بوية ثكل ثكل يمه شكد خفيفة بنيتي استچني شوية
سالين : غير تستقر منيه الي خطبناها مناا طلعت ويه اخوي مناا
سالي : احنه غير عيني
سالين : استقريييييي وجه البومة ، اجه السيد وبقه يحجي حجييي ويه قيس وايهاب وبعدين ضل يحجيي ويه ايهاب وكالعاده نفس عاداتنا بالعراق ياس وميي وهيل ومدري شنو وقرءان فتحو باايدي خالة ام سالي فدوه العينها ماعافتني ولادقيقة شكد تمنيت بهاي الحظه يكونون اهلي وياي بس ماصارت بعد الله يرحمهم يارب 💔 اجه السيد يسئلي شيكول لازم اكول ورااا وافقت وعلكت الهلاهل ديوجه مو نسوان 😂 شوية وكالو راح يدخل يلبسج الذهب دخل قيس فدوه اروحله البنات كلها صافنات عليه اجيت اعيط بنص الحفلة غرت 💔 لبسني الذهب وكعد شوية ونوب طلع
قيس : مبروك عليج انه بعد روحييي
سالين : ليش مو مبروك عليك انييي استاذ قيس
قيس : ههههههههههههه يابه مبروك علينه اثنينه حبيبي شطالعه اكلج يمكن مبدليج اشو بالشركة غير وهنا غيرر
سالين : حوبييي مكياج هذا مكياج امسحه واطلعلك جبار تدلل
قيس : هههههههههههه فدوه اروح لجبار يلا حبي انه رايح يم الشباب
سالين : ديربالك
سالي : اوووووويييي شكد لايكين
ميار : اكلج سالين تخيلي عمتج تطلع عصبية وعمج نحس وهاي وعندج حموات كشرات
سالين : دنجبييييي اصلاً اهلهم جانو عايشين ويه اهلنه بس اني مااذكر ع قيس كل الي اذكره ع البنات وبس
سالي: زين ماناوين تروحون شوفون اهله
سالين : بله ناوين بس يمكن ورا مانزوج بعد مااعرف الله كريم اكلجن جعت جيبلي كيكه عصير بس انتن تعلسن
ميار: بابا ثكلييييي غير خطوبتج صيري شوية ثكيله
سالين : اهوووووو شدخل ثكل بالاكل
سالي : سدي حلكج وانتي كومييي من يمهاا
سالين : ببقن البنات يركصن وهاي الي تجي تباركلي جان اسعد يوم بحياتيييي ..
.
.
.
.
عياش : بقينة كاعدين بالمضيف الناس ابد ماخفت باالي وروحي يم جمارة شلون راح افاركها بهل ايام قاطع تفكيري صوت جدييي
الشيخ مصعب : يااابه بهل مناسبة السعيده عندي الكم خبر
الجميع : ياالله تفضل شيخ
الشيخ مصعب : يوم الاثنين ان شاءالله راح تكون عزيمة بيتي بمناسبة زواج حفيدي حسن
الجميع : الف الف مبروك الله يوفقهم ويحفظهم يارب
الشيخ مصعب : تسلمون امين يارب ، وليدي عياش شمالك وجهك متكدر ماعاحبني
عياش: لا شيخ مابيه شي بس شوية تعبان سالفة العرس وركض ركض ومناا دوامييي راح يصير الثلاثاء يعني سالفه مادري شلونهاا
الشيخ مصعب : تهون ابني تهون الله كريم
عاصم : بهاي المناسبة الحلوه والمة اريد اترخص منك يابوية عندي جم حجاية ويه ابو سحر
الشيخ معصب : اخذ راحتك وليدي نسمعك تفضل
ابو سحر : تفضل ابو اياد
عاصم : ياابو سحر انتو خوش ناس ونعم منكم واحنة من ناسبناكم الحد هذا اليوم ماشفنه شي موزين لامنكم ولامن محروستكم ام امير انه جاي اليوم انه وابني ايمن رايدين نخطب كريمتك الصغيرة الابني ايمن واتمنه ماتردني
ابو سحر: والله ياابو اياد انتو ناس تتخلون ع راس والله ونعم منك ومن تربيتك الابنائك اما بالنسبة الخطوبة ايمن اعتبرها تمت انه انطيتك من هسه بس اخذ موافقة البنية ويصير خير واردلكم خبر هاليومين
عاصم : رحمه الله والديك ابو سحر تسلملييي الله يقدم بي الخير ع بركة الله
الشيخ مصعب : سمعونة بوية قرءاه الفاتحة لتسهيل هذا الزواج
ايمن : من خطبلييي ابوي لارا حسيت الفرحة كلها ماسايعتنيييي ترخصت من الجميع ورحت للمطبخ احجي ويه جمارة اريد اشوف شسوت دخلت للمطبخ ولكيت جمارة وسرور ونور بحدهن السلام عليكم
البنات : وعليكم السلام
ايمن: جمارة شوية تعاي وياي للحديقة خوية بس استرييلي نفسج شيخصلني من الشيخ عياش
جمارة : صار خوية اجيت ، هاا ايمنيييي بشررر صار
ايمن : تمت كلشي ع خير ابوي طلبها الي وابوها انطاني وقرينه الفاتحه بس كليلي انتي شسويتي راح يوكف كلبي
جمارة: حبيبي بعد روحي اخوي الف الف الف مبروك ابشرك البنية هم تحبك لأن البارحة سائله ام امير عليك وماشي الوضع بس بقت بعدين احجي وياها
ايمن : اخيراً الله يسمع منج احلا اخت بدنيا انتي
جمارة : حبيبي والله فرحتني جنه نسولف اني وايمن سمعت صوت عياش يمه لو تذبحوني ماتلكون قطه دم بيه طالعه بالحديقة ولابسة دشداشة مخصره نوب بس شال ع راسي ليوم يعدمني
عياش :{ وهوه عيونه براسه حمرر } جمارة ....

# الكاتبـة نيروز الكربلائيـة .🖤