نهوة الشيخ عياش

البارت الثاني والعشرون

#نهوة الشيخ عياش
(البارت الثاني والعشرون 22)
آنه من حزني ارسم الدنيا التفرحك
شعندي غيرك،
آنه كل همي انتَ تضحك.
• 🤎🤎 ◝
جمارة : شربت العلاج وذبيت نفسي ونمت جنت كلش تعبـانة ومالي خلك اي بشرر احس كلبي كوه يتنفس الساعه تقريباً 2:30 فزيت بس سمعت صوت يم راسيييي عرفته صوت عياش سويت نفسي نايـمة سمعت كلامه كله انقهرت علييه بس مو بيدي مااجاي يدخل بكلبييي حياتييي يم قيس اني حسيت نفسي جاري احرك شخصين باايدي ضليت ابجي بداخلي وكتمت كلشي حسيته راد يكوم لزمت ايده وكتله ، عياش خليك اريد احجي وياك بس جيبلي مااي عفيـة عطشانة انطانييي مااي شربتـة وحجيت ، اسمعنييي شنو اريد اكول اسمع الاخر يلا تقاطعني وتحجي حاول تفهمني ماريدك تعصب منيي ادري بيك انته تحبنييي وتريدنييي واعرفك بيك شكد تخاف عليه بس اريد احجيلك كلشي لأن ماكدر بعد انيي قبل مااجنت اعرف قيس يحبني ويريدنيي لحد ماجـه اليوم الي اعترف بي اليه جنت رافضه فكره الحب كلش بس من اعترفلي ماعرف شنو صار بيه ماانكرر ابد استقبلته وحبيتـه صح * بدموع وهيه تضم شهكاتها * بس جنت ارسم احلامي ويااا وردت اعيش وياا بس لمن انته نهيت علييه حسيت كلشي ضاع مني مثل الحلم الي تبخر وراح خفت حيل منك وضجت وحقدت وماردتك اي اعترف بس مو بيدي والله اني احس لعبت بمشاعر شخصين باايدي اني مااريد هيج يصير الله يخليك حاول تفهمني اقدر حبك واعرف شكد تحبني وتريدني بس مااكدر افهمني اني بعدني صغيره جبيره عليه هل سوالف صحتي دتتتعب يوم عن يوم وتفكير مرضني الي اريده منك اعتكني عوفنييي بحالي مااريد اي شخص بحياتيييي بعد اريد اعيش مرتـاحة الله يخليك عوفنييي حلنييي تعبت [* بجييي وخنكه ] جنت احجي وهوه كاعد يسمع من بديت احجييي الحد ماخلصت ماقاطعنييي ولاجنت اكدر اباوع بعيونه لحظة وحده حسيت ايده ع ايدي ونزلت دمعته ع ايدي من شفت دموعه نصدمت ماجنت متصوره هيج يحبني ويخاف علييي ابد صح الي اعرفه يريدني بس مو بيدي ماجاي اكدر استقبله سحب نفس وحجه ..
.
.
.
عياش : حجت كللشييي وانه ساكت اسمعهااا حسيت كلبي تكطع ماادري شصارلييي بس ماريد ابتعد عنهاا ولااريدهاا تروح منيييي احبهاااا بس هيه هم مو بيدهااا { بجيت ايييي نقهرت اول مره اضعف كبال بشر ومو اي شخص بحياتي مانزلت دمعتي يم احد بس اميييي } جمارة حبيبتي عيون عياش انتي تعبت ليش ماترحمين بحاليييي تدرين من انتي وعمرج يوم وشفتج بلحضينة حسيتج نكتبتي بااسميي مااكدر اعوفج الشخص غيري مجرد اتخيل هذا تخيل روحي تروح تدرين من اسمع كلامج وحجيج عن قيس اتمنه اخلص عليه اموته باايدي ماريدج ضعفين لو تحجين ع بشر غيري اريدج بس اليييي انه من نهيت عليج مو قصـة اجبرج او غصبج تدرين انه ضد فكره نهوه والفصليه والهديـة وغيرها بس احترك كلبي من شفت قيس خاطبج اول مره احس شي بداخلي نكسرر صح موتت ابوي اذتني هواي لاكن انتي اجيتي بعد هل وجع كبرتيييي ردت الوجع يمج يخف مو يم اي شخص ردتج ملجئي وسندي اذا اجي تعبان الكه راحتي يمج ليش ماتكدرين سعديني والله ادري بيج لو تحاولين تعرفين غلطج وتكدرين حاولي الله يوفقج لاتخليني هيج بنار اشتعل بروحييي ولاتكولين عوفني اموت جمارة اموتتتتتت انه جنت بدوام انتظر يوم عن يوم حته اجيي اشوفج وجودج يمييي يحسسني بقمه السعادة الامان شوفتج عندي تسوه كلشي بلحياة احبج بس مو اي حب صرت اناني بيج ماريد شخص ثاني ياخذج منييي تدرين مقرر حته من نزوج ماريد جهال يشاركوني بيج انتي الي وبس فهميني 💔.  { بقهر ودموع }
.
.
.
جمارة : نقهرت عليه هوه يبجي واني ابجييي مااعرف شجاي يصير سكتت خليته يكمل ع راحتـة خلص ضلينة ساكتين واحد صافن بوجه ثانييي شويـة سمعنه صوت اجتني الممرضـة ..
الممرضة : صباح الخير وردة لا اليوم احسن الحمدالله
جمارة : الحمدالله حبيبتي شوكت اكدر اطلع
الممرضة : ان شاءالله الضهر تطلعين بس هسه كليلي شلونج اليوم شتحسين احسن من قبل لو شنو !
جمارة : احسن الحمدالله بس تنفس كوه جاي اتنفس تعبانـة 😓
الممرضـة : اي حبيبتي هاي مال عمليـة هسه نشيلج الفتيلـة وترتاحين وعلاج لازم تاخذين وكته بوكته حته يخف الالم هم وان شاءالله ماكو شي عندج العافيـة عمري
جمارة : الله يعافيج حبيبتي ، راحت الممرضـة انداريت عليه وسئلته عياش اهلي وين ليش بس انته هناا  !
عياش : امج رجعت وابوج هم بقينه انه وفيصل وسرور ونور حجزتلهم بغرفه الي كبالج خليتهم يرتاحون وانه يمج محتاجـة شي
جمارة : هااا لا ماكو شي بس جوعـانة
عياش : يخسـة الجوع بنيتي هسه اجيبلج اكل بس اريد بشر يمج خل اشوف البنات
جمارة : راد يطلع واجت نور اخيراً وحده من البنات يمييي حسيت روحي بيه توحد ماكو بشر يمي بس هوه ومااكدر احجييي ويااا
نور : صباح الخير شيخ صباح الخير حبيبتي انتي شلونج
الجميع : صباح النور
جمارة : الحمدالله عمري انتي شلونج شنو سرور نايمـة
نور : اي خطية تعبانة شويـة عفتهاا نايمة واجيتج طول اليل بالي يمج بس مادري شوكت غفيت اكلتي لا احتج الممرضـة
جمارة : اي اجتني الممرضـة هاا لا بس راد يجيبلي اكل وماكو بشر يمي
نور : اي هاي اني يمج روح شيخ جيبلهاا ريوك خل تتريك وراها علاج
الشيخ : يلا بويـة ديربالجن مااتأخرر عشر دقايق ويمجن انه يلا في امان الله ..
نور : ماشي شيخ الله وياك
جمارة : كعدنـة نسولف اني ونور رحت للحمام واجيت شويـة واجه عياش تريكت اباوعله ماقبل ياكل ضل بالييي وجع اصفر ليش ماياكل بس كلاص جاي بيده شويـة وفاتت سرور ضلينه كاعدين نسولـف اجت الممرضـة والدكتور شالو الفتيلـة من عندي حسيت روحيييييييي طلعت بجيت وصرخت من الالم حسيت الالم يدك بكلبيي راح دكتور واجه فيصل كال راح اكمل الاجراءات علمود نطلع حضرن البنات كلشي ساعـة ونطلع كملت الاجراءات وبدلن البنات الييي وطلعنـة طول الطريق فيصل يسوق وهوه كاعد بصدر والبنات يمييي ساكت ماقبل يحجي اي شي وصلنه للبيت تلكتني الشيخـة وهيه تبجييي ذبحو يم رجليي ودخلت حواا بلصالة الكل مجمع يمنـة حته بيت عمي مروه ضليت كاعده شويـة يم البنات سووا غده تغدينـة وخلصنـة وصعدتني نور فوك اكلج نوير بيج شي
نور : لا حبيبتي مابيه شي بس شويـة تعبانة
جمارة : لاجذبين علييي وجهح يحجي مهند وياج مو !!
نور : هااا ايييي بدموع
جمارة : ليش حبيبتي شصاير شكو ليش هل دموع
نور : انتي تعبانـة بعدين نحجييي ارتاحي هسه
جمارة : انجبي مابيـة شي نفس الحصان احجي ولصمي شكوو !
نور : مهند طلع يضحك علييي ويحب بنيـة غيري
جمارة : مهند مستحيللللل ولج هوه اكثر بشرر يكره هاي السوالف شلون يحب غيرج بلعكس حبيبتي يموت عليج بس انتي شنو لاكفته يعني متلبس بجريمة لو شنو الموضوع
نور: ايييييي البارحـة قبل لااجيج المستشفئ عمة ميادة انطتني الملابس كالت يمه صعدي صفطيهن بغرفـة الولد دخلت للغرفـة لكيت ليث كاعد ع لابتوب كعدت اصفط بلملابس شويـة اتصل تلفون ليث {مهند }سمعته يحجييي ويااا كله ..
ليث : هااا هنود وين انته
مهند : جااييي اصلح سيارة مسلم شلع كلبييي خرب يومه جابني كحف بس هيه مو سيارة ضيم بويـة تشك شك شحلاتـهاا شماله الشيخ مايشتريلي هيج سيارة
ليث : دوليييي خل يشتري الاخو بالاول بعدين يشتريلك هسه بس تكله يطيح حظك
مهند : هم صدك بس هيه موووووو سيارة بويـة نسحنت روحي من وراهااا شحلاتهااا ترد العافيـة شوفتهااااا شوكت يصير عندي مثلهاا وااخليها بيتنـة
ليث : ايييييي اشبع منهاااا انته يومية وحدة جايتك شوراك عميييي لا من شاف ولامن درة
مهند : انجب يلا لاتعطلني خل اشتغل وانته شوكت تلفيييي للمحل
ليث : اخلص واجيك وسلملي ع حب عيني زعجناك انته والست اخذو راحتكم
مهند : اكل خره وانجب يلا وليييي لاتتأخر
ليث : ههههههههههه يلا باييي حَـبيبي سلملييي عليهاا ...
نور : سمعت كل الحجي الي دار بينهم واني متت من القهر يعني عنده وحده غيري يحب وحده وهسه هوه يمهاا وين كلامه مااحب غيرج وماعندي غيرج وبس انتي حبيبتي وام بيتي تالي هيج اني الك مهند وطلعت من الغرفـة ميته قهر حته ملابسه ماسفطتهن شمرتهن بلكنتور وطلعت من الغرفـة رحت الغرفتي ميته بجييي بس مابينت يم بشر .*بجيييي وتعب
جمارة : معقولة والله ماجاي تدخل بعقلييي حبيبتي مسحي دموعج وخل يجي اله اطيح حظه ولاتشيلين عليه بخاطرج هل سكط هاي من شوكت هوه يصاحب بنات ويطلع ويطب وياهن والله لو يدريييي فيصل بيييه يعدمة السافل مسحي دموعج ولاتحجين ويااا ابد لو راسلج لاتردين اني اله هسه يلا مو نطيناج عين زايده تكسحي خل انام تعبانـة * بشقه
نور : ههههههههههههه حبيبتي انتي نامي ارتاحييي اذا تريدين شي اتصلي عليه واجيج ركض
جمارة : مححححيحححه حبيبتي ماشي ! ، ذبيت نفسي بتعب ونمت مادري شصار فزيت الساعـة بـ7:30 حته بيت عمتي ماشفتهم عدل نزلت جواا ميته من الجوع ..
منال : صح نوم بنيتي حبيبتي جوعانـة ماما تريدين اسويلج شي ليش نرلتي بحدج جان صحتي علي ع وحده من البنات
سحر : شنزلج انتي ماثبتين عود هسه سويتلج اكل اريد اصعد انطي الج واجيبلج العلاج
جمارة : شبيكم شبيكم والله مابيه شي بس ضجت ردت انزل شويـة اكعد يمكم شجاكم علييي هسه اكل بالصالة
الشيخة : شبيجن وياهاااا عوفنهاا بريحاتهاا تعاي بعد امج حبيبتي كعديييي حدييي شتحسين يمه شلونج هسه احسن من قبل !
جمارة : بشوفتج ياست الكل صرت زينـة
الشيخة : بعد اهليييي كلهم
جنت كاعده يم الشيخة اكل شويـة ودخل عياش وتلكته الشيخة والله عنده حظ الناس كلها تحبه شبي حضييي ولابشر يقلدنييي مثله دخل وبيده علاليك سكت وبقت سحر شربني شوربـة واباوع عليهم شلون يحجون ومنطلق ويه الشيخة بخت ..
الشيخة : هلا برفعـة راسي بعد امك يمه ليش ماتغديت يمنة من الظهر وانته ماكو
عياش : جبتلهاا ريوك تريكو وطلعنه للبيت طول الطريق مالي خلك بشر بالي وتفكيري بس يمهااا وصلنه للبيت ذبحوو يم رجلها لأن انه خابرت اسر كتله روح جيب ذبيحة والله لكيته محضرهاا دخلت للبيت هيه والبنات وانه وفيصل دخلنه للمضيف لكيت بيت عمتي هناك سلمت وكعدت شويـة يمهم شربت كهوة وترخصت دخلت للبيت من المطبخ سبحت وصليت وبدلت وطلعت خابرني المحامي ورحت للمحكمه كملت شغله بيت عمي ابو مرتضى وخلاص ارت القطعة بااسمه بحده وحليت سالفـة خابرت سعد وحجيت ويااا الوووو ها ابو شمس شلونك شلون صحتك
سعد : ياااهلاااااا ومرحبااا بالشيخ عزيزي الحمدالله انته شلونك الاهل شلونهم ان شاءالله بخير
الشيخ : الحمدالله والشكر زينين بشرني حمزة شلون صار
سعد : والله احسن يعني ع علاج ونشوف بعد الله كريم
الشيخ : ونعم باالله عيني ابو شمس بلغ اخوك ان شاءالله ورا صلاه المغرب راح صير الكعده مالته ومالت هذا ضربـة وتنحل بحيل الله انه هسه راح اخابر الشيوخ وابلغ جدي ويصير خير
سعد : ان شاءالله شيخ تعبناك رحمه الله والديك
الشيخ : هذا واجبي اخوي يلا انه اترخص عندي شغل
سعد : الله وياك شيخنة محروس ..
الشيخ عياش : كملت مخابره ويااا واخذت سيارة وطلعت للمطعم تغديت وكملت رجعت للبيت تعبان من التعب والنعاس ماشوف  شي جدامييي دخلت للبيت لكيتها كاعده يم سحر والشيخة تشرب شوربـة اباوعلهاا اروح فدوه البرائتج شليتي حاليييي حسيت عيونهااا علييي بلكعده تراقبني سويت نفسي ماشايفهاا بداخليي متت من الفرح حسيت نقطه اهتمام منها ولو بشوية كعدت شويـة يمهم وصعدت سبحت وبدلت خابرت الشيوخ معارفنـة وكتلهم الكعده هل مره بلمضيف مالتنـة نزلت حاجيت جديييي مساكم لله بلخير والبركة
الشيخ مصعب : هلا وليديييي مساك الله بالعافيـة شوكت رجعت
عياش : والله ياجدي ماصار هواي من رجعت صدك اجيت ابشرك نحلت طلابـة بيت عمي ابو مرتضى واليوم ان شاءالله بعد صلاه المغرب نحل طلابـة حمزة ويه هذا اليييي ضاربة وانه خابرت الناس الخيره وكلها راح تجيييي وبلغت اهل الولد وشيوخهم يجون
الشيخ مصعب : عاشت ايدك بويـة شلون هسه تحجييييي ياابني غير تبلغنيييي هم يلا ينضفون المضيف يسوون كهوه شون هيج تغدر بيه
عياش : ماصار شي جدي بعدوكت هسه ابلغ عمي ابو عيسى ينضف المضيف والكهوه هسه ام مهيمن سويهاا من ايدها الحلوه وتخلص سالفة وانته كوم اسبح وبدل بين مااتصير الصلاه وخلاص
الشيخة : يلا مصعب كوم هاي حفيدك مخلص وكاعد وبعدين تكله اخرتنـة تكوم ياارجال
الشيخ مصعب : تموتين ع حفيدج بسرعه طبكين ويااا هل كايم لاتخبصوني
الشيخة : شعنديييي غيره بعد روحي روحه
الشيخ مصعب : امنية انه شني طرطور هنااا وتتغزلين بي جدامي
ليث : هااا شيخ تغار ع الشيخة والله عمي خوش
الشيخ مصعب : شني ماعندي احساس ومااغار عليها باوعلهاا جنهاا بنت العشرين شلون ماتريد اغار عليهاا هاي اخذتهااا بعد تعب وضيم اروحلها فدوة محد تحملنييي غيرهاا
مهند : والله عمي لو هيج الحب لو ماينراد شفايتلج امونـة عندج هيج حبيبي هلبت بشر يحبني هيج { يباوع النور الي هيه كارهه روحهاا من حجيه ودايره وجهه ودمعه حاصرتها }
ليث : بشرفك جدي اكعد احجي قصة حبكم
الشيخ مصعب : مو هسه من ارجع من المضيف اسولفلكم لاتعطلنه خن اروح شيفكنييي من عياش
عياش : هسه انه هيج جدي شحجيت
الجميع : ههههههههههههههه
(مر اليوم تمام .. )
.
.
.
.
قيس :بين الدوام والبيت يكضي الوكت بسرعه الصبح بالدوام ارجع ب6 العصر ارتاح واكل لكمتين وارجع اطلع اريد استكشف اماكن اكثر واكثر صار عندي ربع خوش ناس بس عرفت صداقتي تكون بيهم محدوده مشه الوكت عادي مشتاق الاهلييي هوايييي والهاا هم مشتاق رجعت كعدت بحديقـة وضليت صافن كل مايصير افكر بيهاا صارت ع ذمة زلمه غيري شسوي الكلبييييي موتنيييي ويحبهااا كاعد افكر بحدي سمعت صوت بنيـة وراي
سالين : مرحباا ممكن اكعد
قيس : اهلاً تفضلييي اكيد
سالين : اسمي سالين عمري 22 سنة وانته
قيس : تفاجئت احنه ماعدنة هيج بالعراق وحده تكعد يم واحد وتعرف ع نفسها وهايييي كتلها اسمي قيس عمري 23 سنة جراح وانتي شتتشتغلين
سالين : انييي اشتغل اداره اعمال شعجب كاعد وحدك زوجتك وين
قيس : هههههه مامزوج بس ليش مايصير واحد يكعد بريحاته
سالين : لا مو هيج قصدي بس عبالي مزوج حلو الجو اليوم مو
قيس : اي حلو صدك انتي عراقيه اشوفنج تحجين عراقي
سالين : اي اني عراقية من محافظه ... بس اجيت هناااا ادرس وكملت دراسه وجاي اشتغل بقيت هنااا كاعده وانته
قيس : اني هم عراقيييي وبابه عرب موش هيج 🤣 وجيت هناا اشتغل حالي حالج
سالين : الله يعني انتو عدكم سوالف شيوخ وهيج
قيس : شحسبالج احنه شيوخ اباً عن جد
سالين : والله ححلو عبالي بس بالخيال هل سوالف
قيس : ضحكت ع فطارتهاا صارت صديقتييي انتبهت عليهاا سبحان الخالقهاا عيونها وسط الحلك شوية متروس وهيه هم متروسه شوية وسط مو طويله تقريباً طولها نفس جماره من اذكرها كلبي يوجعنييي المهم ومحجبه ولبسهاا مرتب ولاعبالك بدولة اوربيـة صارت صديقتي بقينة نسولف لحد مارجعت للبيت اخذت رقمييي حسيت بيهاا خوش بنيـة ...
.
.
.
المضيف الساعـة 8:00 ليلاً ..
الشيخ عياش: كمل جدي ورحنه للمضيف ننتضر الناس تجي سئلني جدي ع جماره
الشيخ مصعب: عياش شلونها جماره انشالله صارت زينه اليوم ما شفتها زين
عياش: زينه شيخ الحمدالله احسن من امس
الشيخ مصعب: الحمدالله وليدي دير بالك عليها هاي وحيده ابوها انتبهه عليها امانه عندك هاي لاتئذيها  انت مو تحبها اكو بشر يئذي ويقسي ع شخص يحبه
عياش: والله شيخ مو بيدي هيه تعصبني وتخليني افقد ما جاي تفهمني ابد بعدها تحب هذاك الساقط* استغفرالله وتحجي بي وانه من اسمعها امووت والله صعب تحب شخص وهوه ما يحبك يحب غيرك وانت تحبه وتنتضره يكبر وبعدين يجي شخص ع حاضر يحبه وياخذه اله صعبه شيخنة  حبيتها بس هيه حبت غيري افففف كلبي كلش ملجوم منها
الشيخ مصعب: الله يهديها وليدي انشالله تحبك مثل ما انت تحبها واكثر وتضل ما تكدر تعيش بدونك صدكني يا عياش بعدين  اذكرك بهل كلام راح تحبك وتضل ما تفاركك ولا دقيقه
عياش: اخخخخ انشالله شيخ انشالله الله يسمع منك والله عذبتني هل بنيه
الشيخ مصعب: الله كريم وليدي
عياش: اجو الناس والشيوخ وبدينـة نتفاهم ع سالفة حمزة وحليناهااا بتراضييي واخذنه فلوس واخذت عهد مايتعرضله مره ثانية ولاحمزة يداين من بشرر ثانييي يحتاج شي انه موجود يجي الييي وهوه فعلاً تغير راحو العالم والمضيف فرغ ..
الشيخ مصعب : شني بويـة راح ضل هينه ماتدخل للبيت تأخر الوكت
عياش : لاشيخ اريد ارتاح شويـة وبعدين اجييي
الشيخ مصعب : ع راحتك ابني ..
.
.
.
.
جماره: اكلت وكملت رحت غسلت وصعدت لغرفتي كعدت افكر بحجي عياش فكرت وكلت هسه قيس عافني وراح منو يكول ما حب غيري منو يكول ما تزوج هسه اكيد حب وحده اجنبيه زين اني ليش ما اطي فرصه لعياش؟ خل اطي فرصه وحده افففف يا ربي ما اكدر والله ما اكدر احس بلذنب ع عياش والله يستاهل وحده تحبه ما يستاهلني يي والله ما يستاهلني اني جاي اعذبه ما جاي انطي فرصه هوه يستاهل وحده تحبه وداري مو اني لا احبه ولا شي لا يعوفني ويزوج غيري ويرتاح ولا مريحني ويه افففف يا ربي افففف تعبت ونبي تعبت ربي فدوه اروحلك ريح كلبي دليني ع طريق الصح فدوه اروحلك ربي *بجي* بيني وبين نفسي حجيت خطيه عياش شكله تعبان حيلل من يرجع من المضيف اروح احجي وياا بلكت يرتاح شوي خطيه ييي بس يجي اروح احجي ويه واكعد يمه احاول اسولف وياا اتقرب منه  اشيل من تعبه شوي هاذ واجبي ولازم اسوي كزوجه اله كمت فتحت باب غرفتي علمود بس يجي عياش اشوفه من يجي واروح لغرفته احجي وياا انتضرته لل10 وهوه ماكو خليت راسي ع مخده وعيني ع باب غفيت وما ادري بروحي فزيت باوعت ع ساعه شفتها ب12كمت بسرعه لبست شالي وعدلت ملابسي ورحت امشي ع كيف خاف احد يشوفني وصلت لغرفته دكيت لباب ع كيف ما سمعت صوت فتحت لباب ع كيف لكيته توه طالع من الحمام بسرعه سديت الباب بصوت علي جاي اارجع الغرفتي وكفني صوته ..
.
.
.
.

الشيخ عياش : ضليت بلمضيف ل12 كمت دخلت للبيت لكيت لكل نايم جاي اروح الغرفتي ولكيت باب غرفت جماره مفتوح وهيه نايمه دخلت الغرفتها رحت يمها وخرت شعرها عن وجها وغطيتها وبستها من خدها وطلعت سديت الباب ورحت الغرفتي طلعتلي ملابس من الكنتور دخلت للحمام سبحت وكملت طلعت وسمعت الباب مال الغرفه نسد حيل رحت ركض اشوف منو شفتهاا بنت روحييي صحت عليهاا  ...
# الكاتبـة نيروز الكربلائية . 🖤
اعتذر عن التأخير 💐'