نهوة الشيخ عياش

البارت السابع والثلاثون

#نهوة الشيخ عياش
(البارت السابع والثلاثون 37)
سواليفك ولاتنمل
چنك قصة شعبية⭐️"
-💧🔥🔥.
الساعـة 7:00صباحاً ..
قيس: كعدت من النوم شفت بنيتي نايمة يمي اروح فدوة نومتج صدك حسيت الله عوضنييييي باانسانة تشبه الملاك لاهيه ملاك شنو تشبه الملاك ساعدتني بهواي شغلات اخذت عهد ع نفسي مافديوم ابجيها لو انزل دمعه من عيونهاا كلش احبهه عوضتنييي عن كلشي فات بحياتيي بقيت كاعد اتأمل وجهااا وبرائتهاا واضحك ع سوالفهااا وحجياتها لترد روحييي بستها بوسة خفيفة وكمت سبحت وبدلـت وصليت واجيت كعدتهاا بنوتيييي حبيبي يلا كومييي كافييي صارت ساعة بـ7:32 وانتي نايمة
سالين: صباح النور حبيبي خليني شوية والله نعسانة
قيس: كافي بوية موش زين هالكثر تنامين يلا كوميي حته نطلع نتريك
سالين: اوفففف والله تعبانة يلا كايمة
قيس: يلا كافيييي كسلانه صايره
سالين: اكول حبيبي خابرت ايهاب ؟؟
قيس: لا ماخابرته هسه شوية ويتصل علييي ماتدرين بااخوج المخبل
سالين: هههههههههههه فدوه لعينه شكد فرحانه الخ تمنيت اهلي ويانه ويشوفون فرحته * بدموع
قيس: كسرت خاطري وهيه تحجي ع اهلهااا بستهاا من عيونهااا ومسحت دموعهاا بنتييي انه اهلج وروحج والدنيا كلها الج مااريدج تبجين شايفه من اشوف دموعج كلبي ينكسرر فدوه اروحلج كافيج ويلا كومي راح نتأخر لاضوجيني منج ونوب بس شوفين ايهاب تبجين خطيه تخربين فرحته
سالين: ماشي حبيبي ، طلعت ملابس وبدلت وصليت ورحنة نتريك حبيبي خل نمر ع ايهاب
قيس: خابرته جاي ورانه بالطريق هوه وسالييي
سالين: ماشي ، وصلنه مكان يجنن كلش فخم وحلو بقينه كاعدين شوية واجه ايهاب وسالي فدوه يخبلون جنهم عصافير
ايهاب: صباح الخيررر ياحلوين
الجميع : صباح النورر
ساالي: شلونكم شنو طلبتو لا !!
سالين: تمام حبيبتي انتو شلونكم لا ماطلبته ننتظركم
ايهاب: ماتطلب البخيل انه ميت من الجوع يلا وع حسابك هاا
قيس: خلفتك ونسيتك انه انته مو عرست وصرت زلمة يحضييي شمالك الله مطيح حظك من كل جهات
ايهاب: انه زلمه غصبن ع راسك وبعدين غير عريس وتعزمني
قيس: والي يسمك انه شايب وصارلي سبع سنين من معرس ماجنه امس عرسنه سوا
سالين: وكالعاده بقو يتناكرون ايهاب وقيس ونشاقه جان احلا يوم اكلنه وضلينه كاعدين نشرب كهوه
قيس: اييي صدك ايهاب انه ان شاءالله بعد هيج جم يوم اروح الاهلي انه وسالين ماتجي ويانه انته وسالي
ايهاب: صدككك يييييي والله زين سوي روحي بوية غيري جو احسلج والله ياخوية ماادري اشوف شركة وشلون راح صير والله كريم
قيس: انجب وامشي ويانة واذا ع شركة فَ خليها بيد عمار خوش هوه يتوله الموضوع
ايهاب: ماادري يجوز انته شوكت تروح ؟
قيس: والله ماعرف امس خابرت ابوي وسئلته ع عرس الشيخ ونشوف بعدين ارجع اخابر مروان واسئله
سالين: ايييي صدك لاتنسه ناخذلهم هدايه قبل مانروح
قيس: صار بوية حاطها بالي لاتخافين
سالي: عفية ايهاب خل نروح حالنه حالهم والله طكت روحي اريد اشوف وجوه حلوه
ايهاب: ليش يمه وشبيها الوجوه هنا تقزز
الجميع : ههههههههههههههههههه
سالي: لاحبي مو هيج بس قصدي نشوف العراق صار كومة مرايحه  مشتاقه لديرتي
ايهاب: الله كريم بوية
.
.
.
.
جمارة: صار الصبح كعدت من النوم صليت ونزلت صبحت عليهم وكعدنة نتريك شوية ونزل شيخ كلبييي طالع ضيمممم بوية موش زلمة لاف الشماغ الرصاصي ومنقط والدشداشه رصاصييي وصخ والمحبس والساعة والعطرر بوية سلهمت عليه طالع يشك ياربيي هذا هيج راح يطلع والعالم تباوع عليه ييي لاهاهيه هسه مايضل بنيه ماتباوعله وتشمر حجيي عليه ربحنه
سحر: هااا تخبلنه رسمييي لو بعد شوية
جمارة: تخبلنه ابشرج شوفي المصيبة
امانيي: خيه مالومج صدك الشيخ طالع صاك لو هوه بنية واني زلمه جان نهيت عليه
البنات: هههههههههههههههههههه
الشيخة امنية: وكرص الكرصجن شمالجن ضحكن ضحكنه وياج
سحر: احمم لاشيخة ماكو شي هيج سالفة
فلك: انتي ماجوزين من حجايتج هل اكلنه رزاله من وراج
امانيي: اني شعليه محد كله يصير حلوو شني حلغوم موش شيخ
ازل: اكو بنية راح تنفجرر بسجن عنها خطيه
جمارة: خليها خليها راح اكوم اغط راسهاا بمايييي الدجاج الي بالحديقة 😂
البنات: هههههههههههه
اماني: عشتو تغارر
عياش: نزلت صبحت ع جميع وكعدت اتريك لاحظت جمارة تباوع عليه بعدين ضحكن والشيخة رزلتهن مادرت بال عندي شغل اليوم ولازم اطلع اكمله رفعت راسي لكيت بنت كلبي صافنه عليه هيه وعيونها نعسانات المصيبه الصدر كله طالع والدشداشه دلعه خزرتهاا هيه من الخزره ارتبكت ضحكت ياربييي شلون بيهاا بوية انه طالع رايدين شي ؟؟
الشيخ مصعب : وين ع الله وليدي مااكلت شي
عياش: دايمه ان شاءالله شبعت الحمدالله عندي جم شغله اكضيها واردن الكم
الشيخ مصعب : خير ان شاءالله
عياش: كل خير لاتخاف يلا محتاجين شي
الجميع : سلامتك
عياش: مع سلامة جمارة بوية تعاي
الشيخة امنية: وعمه نطرشتييي ماشوفين زلمة يصيح عليج كوميي شوفي زلمتج شيريد
جمارة: هاا ايييي رايحه
عياش: وكفت باب المطبخ انتضرها غير تجييي راح اتأخرر
جمارة: هاا شيخ !!
عياش: برفعه حاجب * مايحتاج تكليلي شيخ كولي عياش وبس
جمارة: صارر شنو ردت منيي ؟؟
عياش: ردت اشوفج وابوسج قبل لااطلع وهاي دشداشه تنزعيهاا لااجسر عضامج ودلعه مالتها شكثرهااا يلا جدامي تبدليهاا وديربالج من نفسج ولو ردتي شي خابريني خوش !!
جمارة: ان شاءالله باسني من راسي وطلع ذبيت ورا مااييي ودخلت محروس بااسم الله للظهر ضلينه اني والبنات نشتغل ونحوس شوية ودخل مهند باوعت النور وابتسمت الها هاا اخييي كيف الصحه
مهند: الحمدالله جيبلي مااي
جمارة: هاك هذا مااي اي ماكتلييي شني وين ماوين
مهند: من الاخير شعندج
جمارة: شني شعندي ترا انته العندك مصلحه يمييي لو نسيت 😉
مهند: لابوية مانسيت عساس هسه انتي سويتيها
جمارة: الظهر بس ينامون روح شوفهاا بالمضيف لأن جدي العصر يجونه ضيوف وكال نضفن المضيف فَ اني اخذ نوير ونضفه
مهند: لككك هلا باالاخت زينة ابشرررييي بعد اخوج شتردين !؟
جمارة : شنو شريد لاوالله اريد طلعنه واذا ماطلعتنه اروح افتن عليك
مهند: تونه نمدحج شمالج كلبتي امري الله بوية انه احاجي الشيخ
جمارة: عفية ماتجي اله بلعين الحمره
البنات: هااااا صار
جمارة: اني بالوجود واخليجن بالبيت اصبرلييي اذا ماطلعتجن وبحساب ذولاك الناس مااسمه جمانة بنت عاصم ال..
البنات: والله ونعم
جمارة: يلا كملن شغل حته لو نريد نطلع ماعدنة شييي
البنات: اي هم ياالله
الساعة 12:30 ضهراً ..
عياش: جنت خال باالي اشترييي بيت الام فلك واخليها تعيش هناا كمت اشتغل بسكته ماخليت احد يدري اشتريت الها بيت يم بيت عمتييي كلش بصفهم بس حته بيت عمتي مايدرون وجهزته من كلشيي خطيه بعد ماكدر اخليها سافر وبناتها كلهن هناا وجهزته الها من اثاث من مااي من كهرباء من كلشي ونقلت اوراق البنات الهاا بالمحافظه الي احنة بيهاا كملت كلشي بقو بس يجيبون ملابسهم ويجون اليوم طلعت لكيت البيت كامل كل الاثاث حاضر طلعت اشوف البيت واشوف واحد يصيح عليي نداريت
مروان: هاااا الشيخ هناااا ولك حيوان ليش ماكلت انه جااييي
عياش: لكك هلااااا بزينة الشباب والله ياخوي مافرغت شخبارك
مروان: اسئل عنك انته شلونك
عياش: الحمدالله بخير
مروان: شعندك هنااا ولك شني ناوي تزوج ع جمارة*بشقة
عياش: هوه انه وحده ومركصتني نوب اثنين خليني ساكت يمعود
مروان: هههههههههههههه وسفه زلمه شكبرك مره تلعب بحالك اي ماكتلي شعندك
عياش: هذا الحب اعمه ، اجيت اكمل البيت مال ام فلك
مروان: شنييي شالت هناا يمنه
عياش: لا موش شالت بعدها اصلاً محد يدري بسالفه بس انه رتبت الوضع الها خطيه بناتها كلهن هناا راح يعرسن يعني مو مال اخليهاا ترجع المكانها صار اكثر من جم يوم اشتغل ع سالفه والحمدالله كمل اليون اودي الها الطابو مال بيت ويفض سالفة
مروان: خوية انه جايك بسالفه
عياش: امرنييي عزيزي شعندك
مروان: انه حامل وعندي سبع جهال ماتشتريلي بيت وتسوي الاثاث الي
عياش: ههههههههههههههههههههه الله يطيح حظك بعد شكبرك صير راح يجيك طفل وانته بعدك ع سوالفك طايح حظها
مروان: ههههههههههههه تعال يمنه اشربلك جاي شوية واكعد ونوب توكل
عياش: ياالله امشينه
مروان: يمه سوي محال اجه الشيخ عياش ابن اخوج المحترم
مروه: هلا يمه هلا وميه هلا ماعدنه احد خلي يدش
عياش: السلام عليكم
الجميع: وعليكم السلام
عياش: شلونج عمه شلون صحتج ان شاءالله بخير وانتي خوية زينة شلونج ان شاءالله زينة
الجميع: بخيررر
مروه: هاا يمه اشوفنك يمنه خير ان شاءالله صار زمان همزين ذكرت بيت عمتك
عياش: هههههههه والله ياعمه مالحك هواي شغل وكلها ركضه بركضه اجيت اشوفكم وارجع
مروه: الله يساعدك وليدي موش انه من اعتب عليك من كثر محبتي الك ابني
عياش: ادري بيج تمونين عزيزه وغاليه بعد روحيي بقينه نسولف بعدين ترخصت منهم ورجعت للبيت ..
.
.
.
.
جمارة: صلينه ورتبه كلشي بقه بس المضيف نضفه والحديقة خلينه سالفه عليه وع نويرر كاعدين ننتظر الشيخ شوكت يجييي متنه من الجوع وهوه بعده ياربيي وين صار هذا
ازل: اكلكم ترا اني ابني بعد مايتحمل راح اموع من الجوع شسالفته الشيخ طول
الشيخة امنية: ام بطن مايصير ثبتين شوية هسه يجي وزهرمي
ازل: بوية امنية هسه شحجينه تاكلين الواحد بكشوره
الشيخة امنية: نوب تكلييي امنية حاااف انتي عيونج اذا ماقلعتهن من مچانهن وجسرتج بهل عوجيه ارويج امنية مني
الجميع: هههههههههههههههه
عياش: الله بالخيررر
الجميع: الله بالخير والعافية
الشيخ مصعب : وينك بوية تاخرت
عياش: اي حقك عليه والله جان عندي شغل والحمدالله خلصت
ميادة: هاا يمه نصب الغده منتظريك
عياش: سوده علييي اي يمه صبوو بس ابدل واصلي وانزل
الشيخ : براحتك بوية يلا بنيات كومن
جمارة: صبينة غده وخلصنه نزل الشيخ تغدينة كاعدين جان يحجييي
عياش: خالة ام فلك شلونج اليوم
ام فلك: الحمدالله وليدي بشوفتك ترد العافيه اصير زينة
عياش: الله يخليج الخير والبركة عزيزتي انه جايج بشغله
ام فلك: امرني وليدي عيوني الك
عياش: استغفرالله مايأمر عليج ضالم ، بس اذا خلصنه غده انطيج شييي وشوفيي
ام فلك : خير ان شاءالله يمه
عياش: كل خير ..
عم الصمت
جمارة: بقينه ناكل واني كتلني الفضول اريد اشوف الشيخ شينطي الخالتي وليش ورا الغده موش كدامنه هسه اهوووو
سحر: وعلووووو شكثر دردمين ماتكليلي شكالج خنعرف نزهرم
جمارة: اي ماشوفين الشيخ يكل الخالتي وره الغده وهاي شني يريد يعرس
اماني: تخيلي يااخذ امي فوكج يبووويييي
البنات: ههههههههههههههههههه
جمارة: اكليخرا وانجبي ادبسزز غير هيه بمثابة امه حيوانة
اماني: واضح واضح راح تبجين جذب عمييي ماندري شيريد وره الغده نعرف
جمارة: خلصو بسرعه
سحر: ههههههههههههههههه بسجن لاتترزلن مثل صبح ..
جمارك: كملناا غده وغسلنه الماعين التمينه كلنا بصاله وصبيناالهم چايي راح الشيخ فوك ونزل بيده اوراق شنهاييي ياترى يسويها البخت ويريد يعرس عليي بلعباس ابليي واحرك روحييي واحركه شنهاييي يمه غير يحجي
عياش: بماانو الكل موجىدين هينه انه اريد احجي بموضوع
الشيخ مصعب : كول بوية شنهي موضوعك نسمعك
عياش: انه صار اكثر من اسبوع وعشره ايام اشتغل ع شي يخصج ياخالة ام فلك انتِ وبناتج المحروسات
ام فلك: خير وليدي قلقتني شنهي سالفة
عياش: اول شي هذا سند البيت الي اشتريته الكم ونقلت كل بناتج هناا يداومون حدرج وبتخصص والكلية والمدرسة الي هنا يردنهاا والبيت يم بيت عمتيي اخذته الج وصار بااسمج بعد مااكدر اخليج سافرين هناك وبنياتج هناا وفوك كل هذاا الغربة ماتنحمل وانتي من عدنة وبينة وبنيتك تزوج هيناا موش عدل اعوفج بحدج ويه البنيات الاثنين
ام فلك: روح يمه الله يوفقك ويفتحها بوجهك ويرزقك من اعلا سمااا يحرسك الرحمن ابنييي الله يخليك سند الي صح انه مارزقت بولد بس يمه انته السند بعد امك * بدموع
عياش: انه موش اشتريت البيت حته اشوف دموعج انه اريدج تفرحين وبالعافيه عليج عزيزتي {باس راسها وايدها}
الشيخ مصعب: بارك الله بيك ابني هسه انه صدك مربييي زلمة
عياش: افاااا تربيتك ماتروح ع خالييي يلا انه اترخص اروح ارتاح شوية
جمارة: صدك فرحت هنيالي عليه والله صدك زلمه بعد حيليييي عسى الله يخلي الي ولايحرمنييي منه ☹️ كملناا چاي شلنه المواعين كلمن راح الغرفته بقينه انه ونور نجول اتصلت ع مهند كتله الحكنه للمضيف احنه طالعين خليت نور ومهند بالمضيف وانه رحت للحديقة اوكل البطوط والدجاج ..
مهند: صعدت فوك ارتاح اتصلت علييي جمارة كالت نور بالمضيف انزل نزلت بصكت الظهر حته لحد يشوفنييي وكبل للمضيف دخلت لكيتها مشكله دشداشتها ولافه شال ع شعرهاا وكاعده تنضف رحت من ورا حضنتها من خصرها رادت تصرخ خليت ايدي ع حلكها بوية شمالج انه مهند
نور: صدك جذب حمحم سويلك حركة وكفته الكلبي شمالك
مهند: اسم الله ع كلبج بعد حيليييي هاي شطالعه
نور: يعني شطالعه جاي انضف شنزلك مو عساس تعبان وتريد تنام
مهند: شون انام قبل لااشوف هل وجه الحلو شتاقيتلج
نور: انيييي هم والله 😢
مهند: اكلج حبيبي خلييي من يزوج الشيخ ويزوجون اخوانييي انه اخطبج من عمييي والشيخ وجديي ونفض سالفه ع اقل اشوفج علني موش بالختلات
نور: لا مهند عفية بعدني ادرس خل اكمل ع اقل والله مااركز يعني رجال ودراسه ماتنراد
مهند: بضوجه* ماشي بوية براحتج
نور: مو قصدي اكدرك والله بس صدكني مااركز عود اذا كملت تعال اخطبني قابل اني طايره من ايدك يعني 😁
مهند: شحدج طيرين من ايدي انتي هناا مسجله { يأشر ع كلبه } عشيقه هنوديييي باشااا
نور: هههههههههههههه فدوه لهنودي باشا
مهند: صوتجج لحد يسمعنه نور تدرين انه شكد احبج اريد اضمج من عيون الناسسس كلهاا شوكت تخلصين وصيرين بس اليييي والله اعيشج ملكه زمانج اخلي البنات كلها تحسدج اروح فدوه الج
نور: عمريييي الله لايحرمني منك ان شاءالله مابقه شي بقينه نسولف شوية واجت جمارة
جمارة: عيني عصافير الحب مو وكتكم فضونه ورانه طلعنه وانته استاذ مهند اني وفيت بوعدي بقيت انته
مهند: شمالج ماتعرفين دكين الباب ودشين شمالج دفشه
جمارة: راح اعبرها بمزاجييي بس مره ثانية اكسرك والله اشوف منو تخليك شوف ست الحسن ودلال
مهند: لاا انتي عزيزه روحي وين اكو مثلج
جمارة: ديلا بلا لواكة ونفس ماكتلك مو تنسه
مهند: فتهمنه ساعة سوده الكتلج بيهاا
نور: بقو يتناكرون شوية وراح مهند ضحكت عليهم شكد احب سوالفهم ضلينه كاعدين اني وجمارة نسولف ونضفنه المضيف كملنا ورحنه فوك
العصر5:30..
امانيي: جمارة فتحييي الباب هيوووووو وينج
جمارة: وسم سمج شتردين
امانيي: فتحيي الباب اريد انام بغرفتج هاييي المطيه ماتخليني انام فليكه
فلك: جمارة لاتخليها تنام موش زين راح يصير المغرب
جمارة: فتحت الباب الها واشوف الكوشة مالتها شكدهاا واكفه مبهذله وشايله مخدتها بيدها منظرها يموت ضحك صدك جذب دخلي لايشوفج فيصل ويبطل 😂
اماني: خل يبطللل ولاتخربون نومتيييي وخريييي
جمارة: دخلت سنحت ع جربايه ونامت ولايمهاا
فلك: ولج جمورة لاتخليهاا تنام موش زين
جمارة: يمعوده عوفيها خل نخلص منها شويه طلعنه وسدينه الباب عليها بقينه كاعدين جوا يم الشيخة نسولف
.
.
.
.
عياش: كاعد اشتغل بغرفتي اندك الباب منو تفضل !!
مهند: شيخ يصير ادخل
عياش : اي حبيبي ادخل
مهند: ارد احجي وياك بموضوع واتمنه ماتخجلني وتردني
عياش: تفضل ابنييي احجي اسمعك اذا كدرت اساعدك
مهند: تدري بيه صريح ومااعرف الف وادور البنات يردن يطلعن وهنا صارلهن هواي ماطالعات كلت ناخذهن كلنه ونطلع شوية يغيرن جو خطيه
عياش: برفعه حاجب * عرفت هاي سوالف جمارة ماتجي هيه تحجي تكل المهند سهله وين تردون ترحون ؟؟
مهند: بالحديقة ناخذهن ونفرهن نعشيهن ونردهن
عياش: وانته ويامن ؟
مهند: انه وليث وغيث وفيصل وايمن ومروان واسر واياد وانته اذا تريد تجي ويانه وحسن كلنا يعني
عياش: ماشيي بـ7:00 خل يبدلن الكل حاظر كون اذا صارت 7:30 ومامبدلات ماكو طلعه
مهند: عشت اخوي تسلم
جمارة: كاعدين نزل مهند يركض وعمه شمالك راح طيح
مهند: بـ7:30 اذا مامبدلات ماكو طلعه
جمارة: جذبببببببب يعني نروح ككككككفو
مهند: ايييي ترحن امشن
جمارة: هههههههههههاي اخيراً يلا كايمة نحضر الملابس كمنه حضرنه الغراض وضلينه كاعدين صارت بـ7:00 كلنه مبدلين وخلصانين نزل الشيخ طالع يموتت احح والولد كملنه كلنا وخابرنه زينة ومروان مناك نتلكاهم وطلعنه كلمن اخذ مرته بسياره ورحنه بس ليث وغيث ومهند اخذو ريحان ونور وفلك وياهن رانيا ماقبلت تروح مالت تعبانة وصلنه ضلينه كاعدين والشيخ بس يخزر بالي يباوعونه رحنه نتمشه اني والبنات واشوف شباب يذبون حجييي غلسنه عليهم ومشينه ضلو يذبون حجييي انداريت اريد افشلهم وماشوف غير الولد ممطول بالكاع والشيخ ومهند فوكاهم ..
# الكاتبة نيروز الكربلائية .🖤