نهوة الشيخ عياش

البارت السابع والعشرون

#نهوة الشيخ عياش
(البارت السابع والعشرو 27)
خافن يُمر بيك التَعب بـ الحِلم طارِش وَدي
تلگانيّ واگفلك حِرز يم شعرك المِتبدي🖤
..........................🌿...........................
ازل : راح يخطب وياا بنية بالدوام هناك ..
جمارة : ضليت مصدومة اني الحد هسه ممتقبله عياش وهوه هيج بهل سهولة قبل وراح يزوج صدك تغيرت نضرتي بي وحيل نقهرت ونهضمت منه بقيت ساكته ودمعتي حاصرتني ماعرف شرد
نور : صدككك وابوج شنو كال وعمه شلون ؟؟
سرور : ياااحيوانات هاي كلها واحنة ماندري زين اكلج جدي اذا سمع شني موقفكم وياا والشيخ شلون !
زينة : مروان : اليوم يحاجي الشيخ وجدييي لأن بعد ماسوه شي وهوه خاطبها من اخوها البنية يتيمة ماعدها بس اخوهاا وتريد يصير عرسها وعرس اخوها سوه همه كلشي محضرين وبنسبه العمي وعمتي موافقين احتمال يبقون بالخارج عايشين
سحر : هاا خيه الله يوفقهم ان شاءالله يستاهل قيس كل الخير اباوع ع جمارة الوجه نكلب بس هوه هذا المفروض يصير من زمان سوا قيس زينة العقل عاشت ايده
ازل : شني جمارة اشوفنج ساكتة وين طكتج صفنه
جمارة : هاا لاماكو شي اكول امشن ننزل يمهم يلا عيب عايفيهم بحدهم واحنة فوك
البنات : يلا امشينة
جمارة : نزلنة جوه بقو يسولفون ويضحكون صبو العشة وكمت ساعدت البنات بس بالي مو يمهن كلش ضايجة من قيس بعدين سكتت ماحجيت شي الحد مااحجه اسر
اسر : شني يلا امشونة راح صير 11 تباتون هنا اليوم
مروان : خايب بعد وكت شسالفتك مستعجل
اياد : هم يلا ياخوي ورانه شغل ولازن نام نرتاح
جمارة : سلمنه ع عمة والبنات وطلعنة طول الطريق ودمعتييي مانشفت لاحظت عليييي سحر بس وصلنة نزلت اركض الغرفتي نزعت ملابسي وبقيت ابجيييي شوية ودخلت سحر وسدت الباب
سحر : سودة عليه حبيبة ادري بيج نقهرتي بس هذا اول وتالي يصير يااخية انتي هسه ع ذمة زلمة غيره ومو اي زلمة شيخ ونعم منه كولي ياالله لاتفكرين بيييي بعد فكري بمستقبلكم انتي وعياش ترا هوه يحبج وخوش زلمة وناس كلها تحلف براسه شمستفاده من هاي دوخة ومشاعرج مخربطة ابدي حياتج من جديد واني اكول لو تنسين قيس اشرفلج والله وتكسبين الشيخ ماكو مثله وتدرين لو اني بمكانج اضل معلكه بركبة الشيخ ماهدنة ابد بويهههه لايسمعني اسر كفيلج الله يعدمني باب الحوش 😂😂
جمارة : ههههههههههههههه شوفي منو وراج
سحر : خاب كلابجن خرعتني عبالي بعليييي عشتو جان نيمني اليوم بالحديقة
نور : تخونين اخوي ويه الشيخ سهلة
سرور : شلون ساكتة الها كلابج هسه تدكين مثل اخوي
سحر : عمي اكلان تبن ترحن فدوه زلمتييي اشاقه تعالن قنعن هاي ام راس اليابس طاحت وصله من الساني
سرور : اييييي جمارة كافي عوفي القيس مايصير هيج حبيية انتي ع ذمة زلمه اني دوم اشوف الشيخ متكدر وماله خلك انقهرر عليييي حته اني واياد اول البارحة نسولف بيكم هوه يكول اختي مادري شبيها ماجانت هيج وانتي فعلاً ماجنتي هيج خيه تغيري وكسبي زلمتج احسلج من هل دوخة وطلايب يومية
نور : فعلاً كلام اختي صحيح اكلجن كافي دوختن الفرخة ماتعبانات انتن كومن خنام اني دخت وراسي صار هلكده روحن زلمجن
البنات : يلا امشن
سحر : فكرييييي عدلل خية ان شاءالله خير يارب
جمارة : طلعن البنات وبقيت افكر بكلام سحر صح يعني اني هسه ع ذمة زلمة خليييي اجرب بلكت والله تتغير حياتي قررت بس يرجع عياش لأن طالع اروح احجي وياااا سبحت وبدلت وصليت ركعتين لوجه الله تعالى وطلبت من رب العالمين يحسن حياتي لأن كلش تعبت وبعد مالي نفس وبيوم كاعده اقره قرءان سمعت الباب نفتح كلت اخيراً اجه عياش باوعت لساعه ب2 نزلت لكيت اسر هلاو ابو امير شني عياش وين مو وياك ؟
اسر : هلا جمورة هسه يجي عياش راح يوصل مروان
جمارة : هاا خوش
اسر : اترخص خيتي
جمارة : اخذ راحتك خوية صعدت فوك انتضر عياش اففففف وين صرت هوه هذا بيت عمتي بس لايبات عدهم وانطك بوريييي والله كعدت اباوع بتلفون وقفلت باب الغرفة خفتت شوية واجة عياش سمعت رجليه ع درج شوية حسيت واحد واكف يم باب الغرفه عرفته هنه سمعته يكول اخخخ نوب قافله الغرفه هيج كارهتني وماتردين شوفيني تنهد وراح واني بوكتهااا طكيت من البجييي كلش نقهرت عليه عدلت ملابسي ومسحت دموعييي ونزلت جواا سويت كهوه الي واله وصعدت فوك دكيت الباب چان صاح تفضل بالبداية خفت ادخل بعدين تشجعت كاعدد !!
عياش : اي بنيتي دخلييي شمكعدج بهيج وكت
جمارة : هااا مو جنت اقره قرءان وسمعتك اجيت كلت اجييي اسئلك وسويتلك كهوه
عياش : بفرحة * تسلم ايدج حبيبي دخلييي بوية لاضلين واكفه كعدي
جمارة : عياش شوكت نروح لدكتور يشيل لخيوط والله ضلت تئذيني
عياش : اذا الله راد وسهل باجر لأن عكب باجر عرس حسن ومالحك بعد وراها دوام
جمارة : هاااا ماشي زين ، واحنة شوكت نعرس * غميت روحي عزاا بعينج ع هاي الحجايه هسه شكله
عياش : بضحكه * شني بوية تردين تعرسين
جمارة : هاا لاموهيج بس اكول حسن راح يعرس وانته بدوام فَ مادري هيج اجت بالي اسفة
عياش : ليش تعتذرين بنيتي من حقج تعرفين ان شاءالله اذا رجعت نحدد موعد ونعرس بييي دلليييي ، اكول شبيييي وجهج اصفر تريدين تحجين شي !
جمارة : طركاعة انته مين تدريييي والعباس هذا الزلمة يشتغل بسحر مالحك احجي شي اذا مايعرفه * باارتباك هاا اريد اكلك شي
عياش : خيرج بوية احجييي اسمعج
جمارة : اجة كعد يمييي واني صرت مثل سعفه مين مايلزمني ارجف عياش اني اس اس اسف اسفة والله ماعرف شصارلي بوكتهاا ماادري خفت خفت اي خفت ومدري احس كلبي يريد يطلع من مكانة من الخوف اصلاً ماجنت هيج مدري شنو الغيرني اني ماريد اضل هيج احس الناس كلها تريد تاكلنييي رغم كلكم موجودين يمي بس احس روحي وحيده ومختنكة ماعرف شجاي يصير * بجيييييي
عياش : رفعي راسج باباتي ع شنو تعتذرين ادري الصار مو بيدج ان شاءالله ورا مااروح جدتي هيه واسر ياخذوج فد مكان وانتي سمعي الكلام وروحي وياهم وبعدين ترتاحين من كل هذا ماشي بنتي لاتخافين ماكو شي وانه يمج مااعوفج وهاي الدموع بعد ماريد اشوفهاا خوش اتفقنه
جمارة : تفاجئت من طريقة كلامه الهادئة بالعاده دائماً يصيح اذا شاف دموعي * ماشيي بس لاتعوفنيييييييي بحدييييي اخاف ..
عياش : مخبل اعوفج بحدج شايفتلج اب يعوف بنيته تعايييي بويه بحضنيي تعاي
جمارة : جرنييي ع حضنه وحضنته رئسن يمه ريحته تموت اويلييييييي نمت وهوه يسولف قصة الييي جانت احلا نومة حسيت انيييي باامان بحضنه كلش حبيت هذا الجو وغرفه لاارادياً اذا جان شتاء تخيلج تنامين غصبن عليج واذا صيف همات تجننن دافية
.
.
.
.
.
عياش : كعدت من النوم نزلت اكلت لكيت بس جدتي وجدي موجودين شني الموضوع البقيه وين هاا شيخ الله بالخير ماتكلي وين راحو ولابشر بالبيت شسالفة
الشيخ مصعب : والله ياابنييي اخذهم اياد واسر وحسن البيت عمتك معزومين ع عشه وانه مابيه حيل وامنية هل تعبانه وياك بالسفر بس ماكتولي وين رحتو
الشيخة : والله ياابو امين اخذته للشيخ .. زعم انه ماجاي تدخل بعقلييي سالفه جمارة وسالفته البنية من شوفه تسودن اليكول شايفه جنييي ورحت للشيخ بالمناسبة جثير يسلم عليك كعدنه سولفنه ويااا وكله هوه مسكييي مادري ياابن حرام وبنت حرام الي ساكيييي والبنية بيها تابعه وهل يخلص عرس حسن وماخذتها انه واسر ورايحه بيهااا اله ارد اشوفن الوين هاي الحالة راح صير
الشيخ مصعب : خير ان شاءالله الله كريم كلشي بيد رب العالمين وليدي لاتخاف كلشي ينحل
عياش : ان شاءالله شيخ بيها الخير
الشيخ مصعب : بالمناسبه انه خابرني اابو مروان رجل عمتك وبلغنييي قيس شايفله بنت حلال ورايح خاطبهااا وبصراحه انه كيفت البنت خوش بنيه وطلعت من ناس معروفه وابوها جان صاحب ابوك بالجيش وهم ميت وهيه ماعدها احد بس اخوهاا وقيس مستعجل لأن يريد يخلص عرسه ويه عرس اخو البنية
الشيخة : يااااا بيها الخير الله يسعده ويهني
الشيخ عياش: استغربت قيس شعجب مو هوه يصلخ ويذبح بس احسن شي سواا الله يتمم ع خير الهم
الشيخ مصعب : امين
.
.
.
.
.
قيس : بهاي الفتره الي تعرفت بيهاا ع سالين جانت احلا فتره صدك نستني كلشي بيوم الي اكعد بالبيت تجيب ايهاب وحبيبتة سالي ونروح نطلع ونفتر صدك تونست وياهم ارتاحيت هواي الحد مااجة اليوم الي قرر ايهاب يخطب سالييي جنه كاعدين بالمكتب واجه ايهاب
ايهاب : هلاووو شباب شلونكم
سالين : عود اسم الله المدير اول مره اشوف مدير اثول هلاو استاذ ايهاب خير
ايهاب : راح اعبرها بمزاجيييي لأن عندي خبر الكم يجننن ماريد اخرب فرحتي
قيس : ايهاب مو شلعته الكلبي احجييي شمالك شني عندك ولك
ايهاب : راح اخطب ..
سالين : شنييييي خالة ماسمعت تخطب ياهيه تعيست الحظ بلا تقبل بيك
قيس : ولج اسكتي خنفتهم شني الموضوع اكعد فهمنه
ايهاب : قبل فتره مو كتلكم اريد اخطب سالي بس امها جانت معارضه ع موضوع فَ اليوم جنه نسولف انه وياها وكالت امي وافقت وباجرر رايحين نخطب
سالين : جذببببببب عزاااااا اخيراً ماعندي شي البسه شلبس اله باجر شكو مستعجلين
قيس : اييييييي اخيراً الف الف مبروك حبيبي تستاهل كل الخير يلا اليوم العزيمة ع حسابي بمناسبه هل خبر الي يشك
سالين : صار بيهاا عزيمة اني ملابس ماعندي وذوله يدورون عزيمة
ايهاب : انطييييي روحج صبرر بس تنكينن بالاول كولي مبروك اخوي تتساهل كل الخير شمالج ماتعرفين تحجين
سالين : ديلا هسه اخطب واكلك الف مبروك ويلا روح للمكتب نريد نشتغل لاتعطلنه بلا
قيس : هههههههههههههههههه * بقيت اضحك ع مناكرهم حسيت روحي صدك اني بوسط اهلييي كلش فرحتت الايهاب يستاهل كل الخير بنفس الوقت انه سولفت كلشي السالين عن جمارة ومن حجت وياي سالين وفهمتنييي تغيرت نظرتي كلش هيه صح هسه مخطوبه وع ذمة زلمة غيري لازم انه هم اشوف حياتي وابتعد عنها وعن تفكير بيها حرام علييي بهاي الفتره غيرت حياتي كلها سالين حسيت اكو مشاعر تجاهه بصراحه البنية ماناقصها شي مثقفه واعيه ومؤدبة وخلوقه وكلش متفهمه قررت اخطبهااا من ايهاب بمناسبه خطوبته من سالييي قررت اخابر مروان وخلي يحجي ويه اهلي بالمره ونروح نخطب البنية
مروان : هلااااا بالبذات هلااا بلوكيييي المصلحجييي الناسي اخو ومايخابره اله عنده مصلحه
قيس : بسم الله الرحمن الرحيم انطييي صبررر احجييي اخذتني حاصل فاصل ابو شاهينووو الغاليييي والله ملتهييي بشغل بشرني شلونك شخبارك
مروان : بخير بعد روحي انته شلونك ان شاءالله مرتاح ولك وينك كاطع بينه ماتسئل هيج الغربة تغيرك مع الاسف
قيس : والله مشغول وحال الضيم حاليييي بين شغل وبين البيت جايك بطلب انه ابو شاهين
مروان : الله يساعدك اخوييي امرنيييي حبيبي
قيس : مايأمر عليك عدو شوف خويه انه ماعرف الف وادور واجذب بصراحت وتريد صدك انه قررت ازوج 
مروان : صدككك تحجيييي منو هاي سعيده الحظ
قيس : بنية وياي بالدوام { حجاله كلشي } هااا شكلت اريد منك تشوفلي ابوي وامي وجدي والشيخ
مروان : عوفها عليييي وشايف كل الخير حبيبي ساعة المباركة
قيس : رحمه الله والديك عمريي ابو شاهين يلا انه اترخص بس يصير عندي مجال اتصل عليك
مروان : الله وياك خيو ، نزلت اكل الاهلي كلش فرحتله راح يغير حياته ومبينه البنيه بنت اصول يمه بوية وينكم
الجميع : ماتكلنه شبيك ع كيفك صاير
ادهم : بوية انطي روحك فنتك شكو شمالك
مروان : عندي الكم خبر يخليكم طيرون من الفرحة نفس ماانه طرت من الفرحة
مروة : ان شاءالله يمه دوم الفرحة بس شنييي ماكتلنه
مروان : { حجه كلشي بااختصاار }
ادهم : هاي ساعة المباركة اخيراً بس تعال اكلك البنية بنت ابو ايهاب ال ....
مروان : اي بوية هيه
ازل : عزاااااا شكد حبابه اني شايفتهااا اخيراً كلللللللليش بس حرامات حيصير هناك منلحك نركص
زينة : ههههههههههه ركصيله هنااا وبعدين ليش ماتلحكين عرسج عكب باجر
ازل : اييييييييي صح * بخجل
مروة : يمه وليدي بعد روحي الله يسعده ويهنييييي تمنيت هوه يمنه والله اسويله عرس اخلي ديره كلهااااا تركص بعرسه حبيب امه يمه مروان خابره خل احجي ويااا
مروان : يمه هستوني سديت الاتصال منه عنده شغل يفرغ واخابرلج عليه تدللين
ادهم : بويـة باجر الصبح اخذك وياي للسوك نشتريله جم شغله وندزها اله ونحوله فلوس منااا ماشي ابني
مروان : ان شاءالله بوية يلا انه راح اطلع الشيخ واسر راح يجون عليييي هاي جاي يتصل ابن الحلال بذكره يلا في امان الله
الجميع : الله وياك
زينة : مروان لحظه
مروان : هااا ياعيون مروان شنو تريدين بنتي
زينة : كتبتلك ع واتس اني وازل شنو نريد مو ماجيبهن حباب
مروان : دور هم فلم وتخبلني بنص اليل
ازل : ها العشاك واكفين هناا شعدكم 😉
مروان : سمعي ازيله والعباس ابو فاضل اذا شغلين فلم الها وتخليهاا تتخبل مثل ذاك اليوم اخذج رجلج اذبج يمه واخلص منج سامعتني يلا انه طالع
البنات : هههههههههههههههههههههه
ازل : ديلا خوش فتهمنه 😂😒
.
.
.
.
اسر : هااا ابو شباب شنييي بعد وكت صار ساعه واكفين ندك هورن
مروان : انجب وبلا حجي زايد يلا حرك
عياش : هاا ابو شاهينووو وين نروح
مروان : بكيفكم امشونه ع بحرر اريد اكعد هناك
عياش : خيرك مروان اشوفنك موش ع بعضك
مروان : والله ياخوي خايف ع زينة ولادتها قربت ومادري محتار شسوي
اسر : كول ياالله ياخويييي صلي ع محمد ان شاءالله ماكو شي اختي سباعيه هسه تولد وتصير نفس الحصان
مروان : ادري بيك اخوها بس هاي مرتييييي شوية احترمني ع اقل
اسر : خاب انجب غير راح اصير خال ماكو احترام بالموضوع
عياش : يلا بلا جهال انتو بنص الشارع تصايحون
مروان : صدك نسيت اكلكم عوفونه من هذا الموضوع قيس راح يزوج
عياش : انه ادري جدي كاليييي ابوك مخابره
مروان : عفية ابوي شمسرع
اسر : ايييي ومنو سعيده الحظ
مروان :{ سولف سالفة من البداية للنهايه } وهاي كله سالفة ومابيها
عياش : الله يتممله ع خير زين يسوي
اسر : ييي والله يستاهل ابو شباب الله يفرح كلبه
الشباب: امين
عياش : رجعنه انه والشباب وصلت اسر للبيت ورحت وديت مروان ورجعت دخلت سبحت وبدلت شوية وسمعت الباب يندك اشوف بيتي واكفه بالباب وتتراجف وبيدها كلاصين كهوه دخلت وبدت تحجي وياي حضنتها نكسر كلبي عليهااااا حسيت بيها تريد تخطي خطوه بس ماجاي تكدر كلش كلبي وجعني عليهااا نامت بحضنييي وانه احجيلهاا قص اباوعلها جنهاا فراشة شلون نايمة بستها وغطيتها وحضنتها بكل قوه عندي اريدن ادخلها بحضني حيلل بالي يمها وخايف عليها صار الصبح كعدت قبلها بستها وغطيتها ورحت صليت وسبحت نزلت تريكت وصار عندي شغل وطلعت ..
.
.
.
.
جمارة: فزيت الصبح لكيت روحي بغرفه عياش كمت نضفت الغرفه وطلعت رحت الغرفتي صليت وقريت قرءان وعدلت نفسي ونزلت جوا صبحت عليهم عرفت عياش طالع بقينه نشتغل اني والبنات الحد الظهر تغدينة وكمنه نسوي كيك وعياش الحد هسه ماكو بيني وبين نفسي كلت هذا وينه ليش تأخر توني طالعه من المطبخ اريد اخابره ضل بالي وسمعت صوته انداريت لكيته وراي رئسن رحت مادري شصارلي حضنته وجنت خايفه حيل
عياش : اجيت تعبان من شغل صارت عندي شغله وطلعت وصلت ب3 الظهر شفت حبيبتي تريد تصعد الدرج صحت الله بالخير نزلت ركض من الدرج واجت حضنتني بادلتها الحضن وشلتهاا بستها من راسها خرب يومها شكد خفيفه كلش فرحت حلوه هاي مبادره منها
جمارة : عياش عيب نزلني لحد يشوفنه
عياش : ويشوفونه مسوي شي غلط مرتي وشايلها امشي وياي
جمارة : وين عياش عيب
عياش : اشش اخذت وصعدت الغرفتيييي لكيت الغرفة تنكط ورد ريحتها تجنن ومبخره اممم منو هاي منضف الغرفه والله نور بنت عمي تنحط ع راس عاشت ايدها خوش تنضيف
جمارة : اي خوش عليك بنت عمك تنحط ع راس خوش خليها ع راسك اني رايحه ختفيدك نور
عياش: ههههههههههههههه اشوفنج ضجتي شني تغارين منهاا ماصيرن نادره نفسها
جمارة : لا وع شنو خليهاا هيه نادره وهيه تحضرلك الحمام وصفط غراضك خليها خليها
عياش : اروح فدوه لليغارون شو تعاي ماتكليلي مين جيبين هلسوالف الحلوه بستهاا من راسها وحضنتها حيل فرحان منهاا كلش هواي تمنيت الفرحة تبقه وياي دائماً
جمارة : دخل يسبح بس صدك ضوجني من حجه ع نور خبيث طلعت من الغرفه وحت اسبح وابدل عطرت نفسي ونزلت جوااا سوينه الكيك اني وسرور وسحر نزلت هيه وجهال وبس صيح ع امير وعبدالله ماتكليلي شمالج وياهم بس صيحين عليهم
سحر : ولج راح يموتونييي يعني ابدل واعدل وهمه بالككو مدمرين الغرفه عود هذا الغبير الجبير المصخم اكله ديربالك ع اخوانك اجي الكاا ملتهي بالبلي وعايفهم يهوسون الغرفه والله نكسر ضهري خرا عليكم وع خلفكم
سرور : الخلفهم وراج
سحر : يمههههههههه
جمارة : هههههههههههههههههههههههه بلا لو جاي اسر هسه وسامعج شتكليله
سحر : مو اني شوكت حجيت هيج هذا بداخلي قرين هوه حجه
نور : هههههههههههههه ابد مو جذابه
سحر : شمدريني خيه يذبن ع راسي بلاوي اكلجن امشن نكعد يم الشيخة
الشيخة امنية : هااا خير شعدجن كابلتني وكعدتن
سحر : سويتلج كيكة تشكك ضوكييييي
الشيخة امنية : ايييي خوش طيبة وهسه شتردين انطيج
سحر : لاشيخه صدك جذب بالعافيه اهمشي عجبتج 
الشيخة امنية : هاا خوش هاجن يمه بنيات هاييي فليسات مصرف الجن
سحر : موش اني صار ساعه اسوي بالكيكة وحضي طاح ىبس الحفيداتج تنطين واني شني يمه
الشيخة امنية : من الاول وصيريييي ادمية موش تتعززين علييي ماعرف سوالفج
الجميع : ههههههههههههههههههههه
.
.
.
.
قيس : صار ثاني يوم وحضرنه نفسنه وكملنا الشغل بليل رحنه نخطبله البنية من اهلها اجو علييي ايهاب وسالين صفنت عليها سبحان الخالقهاا كمررررر اللهم صل ع محمد واله محمد تكل للكمر كوم اكعد مكانك تمنيت اكلها ماتروحين ويانه بدلييي غير لبس صعدت بالسياره وياهم وصلنه البيت سالي استقبلونه خوش استقبال خطبنة البنية منهم ولبسناهم حلقات وجان حيل فرحان ايهاب باركناله كلش فرحتله خوش ولد يستاهل كل الخير ايهاب خوية عندي طلب يمك بماانو كلنه مجمعين هناا اريد اطلب اريد اطلب ايد اختك سالين ع سنة الله ورسوله ..

# الكاتبة نيروز الكربلائيـة.🖤