نهوة الشيخ عياش

البارت السادس عشر

#نهوة الشيخ عياش
(البارت السادس عشر 16)
الله مايهديچ وتحبيني
أستحي من الشيب خليتيني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني
꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷
_________________________
قيس : صار العصر وامي والبنات بقن لليل مروان يرجعهن خابروني جماعتي كالو تعال نريدك ترخصت من جدي والشيوخ وطلعت رحت يم الشباب لكيتهم مسوين حفلة صغيره بمناسبة خطوبتي من حبيبت روحييي جنه كاعدين وفرحانين متونسين شوية واجاني اتصال اباوع الشيخ عياش مو من عوايده يتصل علي بس يمكن سمع بلخطبه ويريد يباركليي ( خوش راح يباركلك 😂) رئسن فتحت الخط الو هلا شيخ شلونك
الشيخ عياش : لك ساقط انته وين * بصياح
قيس : يم جماعتي خيرك شبيك صيح صاير شي
الشبخ عياش : نذل تلكاني بيت المزرعه فررر وجهك وتعال بسرعه لااجي اخلص عليك
قيس : عياش احترم نفسك الحد هسه لازم الساني عنك كونك اكبر مني ماريد اجاوز عليك شتريد مني
الشيخ عياش : والكفل زينب عشر دقايق اذا ماشفتك كبالي اجيييي ادفنك بوادي السلام فتهمت * بعياط
قيس : سد التلفون بوجهييي ترخصت من الشباب ورحت البيت المزرعه اريد اعرف صاير وشكو هل عياط والغلط علي شمسويله انه وهيج ضايج مني رحت وصلت البيت المزرعه واول مادخلت للمضيف الي بمزرعه جدي اجاني بوكسي ع خشمييي .
الشيخ عياش : لك حقيررررر نذللل حيوان ساقط تخطب بنت كلبي وانه مادري استغليت غيابي ولك انته لو رجال اخذهاااااا وانه عايش ولك ماصير لك لو تموت والله اله اشرب من دمك سافلل ولك تعب عمري تعرف شنو تعب عمري وتالي اسمع بيها مخطوبه الك مافكرت ماكلت اكو انسان يموت بلياهاااا تدري شنو روح الي بداخل الانسان ييييي جمارة روحي والك احبهااااا مو بس احبهااااا اعشك التراب الي تمشييي عليه ولك شلون تاخذ شي مو الك اليوم اكضي عليك والله ، شبعته كتل وانه روحي كابه احس اريد اخلص عليه الحرس الي يحرسون مزرعه جدي اجو ع صوتنه فككو منييي ، اسمع لك سافل اذا ماتروح هسه وتكلهم ماريدهاا وتبطل الخطبه وابو الحسنين اخلص عليك احترم نفسك وروح خرب الخطبة سامعنيييييي ..
قيس: اسمع حجي عياش وانه روحي تشتعل شنو يحبهاااا وهيه حلاليي تخبل هذا كتله ، لو تموت سمعت لو تموت ماروح اخرب الخطوبة انه انتظرها سنة ع سنة تكبر وانته تجيييي ع حاظر تكول احبهاا واريدهااا تحلم عياش تحلم صير الك جمارة ، احنه مكتوبين البعض واحد يحب الثاني تخرب فرحتنة ليش* بعياط اله مسودن واروح اخرب خطوبتي من حب حياتييييي انه ماصدكت ع الله صير الي تجي انته تكلي خربهاااا دفعت الشباب وهجمت عليهههه وصار عياطنه ومضاربنه لستار شوية ومحمد خابر ع مروان اخوي ..
.
.
.
مروان : جنة كاعدين انه واياد نسولف بس حاس اكو شي لاحظت عياش ماموجود سئلت عليه كالو طلع شوية واجاني اتصال من محمد الي يحرس مزرعه جدي شسالفة صاير شي بلمزرعه وانه مادري شعجب متصل محمد علييي الووو هلا حمادة شلونك
محمد : الو استاذ مروان بسرعه الحك ع شيخ بمزرعه جدك
مروان : خير محمد صاير
محمد : الشيخ عياش وقيس اخوك راح يذابحون بلمزرعه فدوه الحك بسرعه ماجاي نكدر نوكفهم
مروان : تحجي صدك جايك جايك سديت الخط وكمت بسرعه
اياد : مروان شصاير فهمني شكو شبيك
مروان : ماكو شي ياخوي بعدين اخذت السياره وكبل حركت المزرعه جدي وصلت للمزرعه لكيتهم واحد ذابح ثانييي واحد نايم فوك ثانييي ودككك كتل صحت * (شبيكم تخبلتو جهال انتو فاككناهم بطلعان روح )
عياش : هلاا والله هلا بلدافنهاااا ويااا اخووو اكول انه اتصل عليك وتلفونك مغلق الصبح ومن اجيت وسئلتك تخزر ليث علمود مايحجي هاي ابن عمتي واخوي وصديق عمري وحافظ اسراري تلعبهاا من وراي ويامن ويه اخوك ولك انه الي حاسبك اقرب الي من نفسي هيج تغدرنييي كلكم استغليتوني  بس وحق الحق جمارة مااااااصير القيس لو تطلع روحه كبالي فهمتونييييي بصريخ * طلعت من المزرعه فاير وروحي طالعه بس اريد اوصل للبيت اريد الزمها لهاي الحيوانة طلعت روحييييي وكفت السياره يم البحر بجيت وصرخت اي انه الشيخ عياش الي ناس كلهااا تهاب مني وترجف تالي تبجيني مره ياااااااااربييييييي ساعدني شهل امتحان الصعببببببب الهييييييي احبهااااا ليش كل الي احبهم تاخذهم منيييي ليشششششش شنو سويتلهااا وماتريدني ضربتها عسى ايدي كسر وماتنمد عليهاااا ليش هيج ربييييييي ارحمنيييي دخيلك كعدت ادخن شوية صارت الساعه ب8:00 بليل اباوع جدي متصل عليه رئسن فتحت تلفون ورا دقيقه رجع جدي اتصل علي ..
الشيخ مصعب : الووووو وين انتههههههههه ارجع بسرعه للبيت * بصياح
عياش : جاااااييييي للبيت سديت التلفون من جدي واخذت سيارتيييي ورحت للبيت وصلت وانه اريد الزمهااا اذبحهاا باايدي لكيتهم كلهم مجمعين قيس وجههه ماينشاف من ورا الكتله الي اكلهااا مروان واكف الكل مجتمع صاحني جدييي للمضيف اول مادخلنه ضربني راشدي جدي بعمره وحياته مامد ايده علي هسه يلا مدهاا وضربنييي اي ضربنييي كتله ، اضربني بعد اضربنيييي احبهاااااااااااااا تعرف شنو احبهاااااااا شون ينطيك كلبك تزوجهاا الغيري شلون وانته تدريني احبهااا استغليتو غيابي ورحتو جهزتو كلشيييي خليتوهاا ع ذمت رجال لا ع ذمة ساقط وانه مااادري ليش شسويتلك كلشي الي تريده يتملك المشيخه ومااريدهااا اذا هيج بس بنت كلبيييييي ماصير الغيري فتهمتو * بعياط وبجييي
الشيخ مصعب : اصحه ع روحك انته شجاي تخربط جمارة خلاص صارت ع ذمة رجال احنه ماستغلينه احد زلمه اجه خطبها واحنه وافقنه والبنية موافقة واهلها هم انته موش صغير ورايح ضارب ابن عمتك عياش اصحه ع روحك جاي سويييي انته نزلت هيبتنه بين العالم خليت ناس كلها تحجي بينه مستوعب جاي تصرف هذا موش حل ياشيخ * بعياط
عياش : خليتو بيهاااا عيب خليتو بيهاا حلل اكله احبهااا تقبل انته شخص تحبهههه يجي احد ياخذه منك جديييي وروح ابويييييييييي احبهاااا وجمارة مااصيرررررر البشر غيري لو ع جثتييي وهذا اخر حجييي عندي وزلمه الي يصرف من وحده دخلت للبيت وانه عيني دورهااا صحت بااعلا صوت ...
.
.
.
جمارة : بعد ماراح حبيبي صعدنة فوك اني والبنات بقينه نسولف ونضحك شوية وسمعنه عياط جوه نزلنه لكينه عمتي تبجيييي والشيخة كاعده تنعي وتبجي والبيت مكلوب ضلينه وحده صافنه بوجه ثانيه شجاي يصير لحظات ودخل قيس سوده عليه وجههه ماينشاف من ورا ضرب رئسن لطمت ع وجهيييي شبيكككككك قيس احجي فهمني شبيككك فدوه احجي * بجي
قيس : حبيبتي مابيه شي خل اكعد مابيه شي وعيونج
جمارة : شلون مابيك شلون باوعليييي وجهك كله مدمييي مروان احجي جاي يصير فدوه جاوبوني * بعياط
مروان : زينة اخذي جمارة وصعديها فوك بغرفتها بسرعة
زينة : حاضر يلا جمارة امشي وياي
جمارة : مااتحرك خطوة وحده مناا قبل ماافتهم صاير لاتشلعون كلبي احجي قيس شبيك فدوه
قيس : حبيبتي مابيه شي مجرد جروح بسيطه تعاركت ويه واحد من الشباب وهسه اصير زين صعدي فوك ويه زينة سمعي الكلام عمري
مروة : يمه ياجروح صغيره شوف وجهك صاير بي سوده عليه احجيلي يابعد امك ويامن تعاركت
مروان : يمه شبيج كنالج مابي شي هسه انه اضل اسكت وحده تبجي ثانية شبيجن الخاطر الله مابي شي هل شوفنه صاحي جدامجن زينة اخذي جمارة وكبل فوك لاتنزلن لو دنيا تنكلب سامعه
زينة : حاضر امشي عفية
الشيخة : قويس تعال وراي كوم يمه تعال وراي للغرفه
قيس : صار شيخه هل جاي وراج
الشيخة امنية : احجيلي ويامن تعاركت موش جذب علي وتكلييي ويه واحد من الشباب اعرفنك فقير وماسويهاا ويامن تعاركت رد
قيس : شيخة راح اكلج علي ماريد احد يدري بييي لاامي ولاجمارتيييي تعاركت ويه الشيخ عياش بلمزرعة مال جدييي واجه مروان ورانه واجيت للبيت
الشيخة : لطمت ع وجهه *صخام صخمج امنية ولك يمه شجاكم من ورا مره تتكاتلون شبيكم يمه شعدنه حرب تخبلتو هاي هيج نسوان سوي بينكم عداوه جهال انتو
قيس : شيخة بعد صارت بس ماريد احد يدري بيهااا ، كاعدين نسولف انه والشيخة شوية وسمعنه صوت الشيخ بره يصيح
عياش : وينه هذا ساقط وينه .* بصريخ
قيس : طلعت من غرفه الشيخة ، شتريد انته شتريد مكفاك السويته
عياش : جدام الكل هسه تخرب الخطبة لااااا وعلييييي اليوم اشرب من دمك فاهمني شحجيت
الشيخ مصعب :عياش شهل حجييي هذاااا شنو هيه هيته احنه جاي نلعب لعب جهالل هذا زواج مو لعب شهل تصرفات هااييي *بعياط
عياش : شتريد اصرف هااا كلييييي شتريد اصرف جاوبنيييييي بعد مارحتو انطيتو بنت كلبيييييي وانه ماادري استغليتونيييي بكلشي وانه مادري
عاصم : عياش احترم نفسك شنو بنت كلبي هاي بنتي ازوجها بلي يعجبني وبكيفي مو بكيفك انته فتهمت !!
عياش : انته مالك حق تحجي ولاحرف طابخينها ورايحين منطيها الهل ساقط ( وهوه يهجم ع قيس ولازمي اياد ومروان ) وانه بدوام تدرون بيه مااقبل انطيهاا البشر تذكر من جانت صغيره اجيتك وكتلك عمي انته بمقام ابوي وانه جمارة حاجزها الييي وماريد بيوم تنطيها الغيري وكتلي ابشر وليدي وينه حجيك طلع كله جذببببببب كلكم ياااهل بيتي استغليتونيييييييي ورحتو انطيتوهااا الهذا السافل ليش ليش جاوبوني ليش !!!
فيصل : عياش احترم نفسك ابوي اكبر منك اعرف تحجيييي عدلل احسلك اختي مو لعبة بيدك واله بيد غيرك شنو طابخينهااا سوااا البنية وافقت وصارت ع ذمة رجال بعد انته مالك حق
عياش : ياارجال ولك فهمنيييي سمعونييييي الخطبه هايييي ماراح تم يعني مااراح تم وزلمة الي يسوي شي وانه موجود انه اعلمكم اشوف تاليها شلون وياككم طلعت من الصاله والكل صافن علي مايكدرون يحجون شي وكبل بوجهي لغرفتهاااا الهل حيوانة دخلت ولكيت زينة يمها عطت بيهااا { زينة خوية نزلي وسدي الباب وراج } .
زينة: بخوف * صار شيخ وعيني ع جمارة تكسر الخاطر شبعت بجي عليهاا نزلت خايفة وعفتهم فوك وبس العياط نسمع ..
منال : عاصم فدوه بنتي راح تروح بين رجلين فدوه كله خل يعوفهاااا وحيدتي يمهههه عمت عيني عليج ماعندج حظ يمه بنتيي * بجييي
عاصم : اسكتيييي يامره ماجاي شوفينه مشتعل مثل النار بنتييي سباعيه اعرفهااا ماراح تصرف بغلطط اسكتي * بصياح
منال : اخخ يمه عمت عيني عليج ولكم بنتي راح تروح عمي فدوه وكفه فدوه اروحلك * بجييي
الشيخ مصعب : بوية هدي كولي ياالله ترا الشيخ عياش مايصرف بغلط * هوه يحاول يهديهااا وهوه متاكد الشيخ راح يخرب عليهم خطوبتهم ماراح يسكت  ..
عياش : رحت جريتهااا من شعرهااا تردين صيرين اله مووو حيوانه حقيره ضربتها راشديييييي واحس روحي محتركة اريد اخلص عليهم وحق الكفل زينبببب ماتصيرين مره اله لو ع جثتي انتي فاهمه جاي احجي ولج انه  ربيتج ع هذن الايدين من عمرج يوم وانه اشوفج وكلت ماصير اله الك ياعياش يجي هذا نذل يريد ياخذ تعب عمريييييي هههههههههه لو تموتين انتي وياااا ماصيرين اله ، شسويتلج وماترديني شنو الشي الي بييي زين وبيه ماكو احجي فهميني لو لان ذنب هذا { يأشر ع كلبه } يحبج وانتي ماتردينه والله ماتستاهلين ذره وحده من الحب الييي بكلبيييي ياادبسززز بس انه اعلمج اذا ماندمتج ع كل تصرف سويتيي واستغليتي غيابي يصير خير وحضري نفسج للصدمة الي راح تجيج  ، طلعت من الغرفه وصعدت كبل الغرفتي شكو شي جدامي كسرته اريد اطفي النار الي بيه ماجاي اكدررر صرخت باعله صوت احس روحي طلعت ورثت جكاره وانه دموعي ابد ماوكفن ليش ياربييي ليش كل انسان احبه تحرمني منه ربيييي اخذني وخلصني ولاتراويني هل يوم الاكشر طفت روحييي شوية وسمعت الباب نفتح امي..
ميادة : يمه وليدي حبيبي ليش هيج سويت بروحك بعد امك واهلها انه طلعت من الدنيا بيك وبااخوانك ليش يمه تريد تموتني انته احجي * بجييي
عياش : يمه كليلي ليش خليتيهم يخطبونهاا ليش يمه مو تعرفيني شكد احبهاا اكثر من روحيييي واخاف عليهااا تدرين شكد متانيها تكبر واشوفهاا بحضني وبين ادييييي ليش ماعندي حظ كل الي احبهم يرحون بعيد ليش حته انتي استغليتيني مانكسر كلبج علي ماكلتي ابني هيبتي حبيبي شراح يصير بييي يمه روحييي محتركة يمه اريدهاا راح اموتتت * بصريخ وبجي
ميادة : وليدي يمه بعد روح امك سامحني والله مابيدي شي حسبالك انه روحي مامحتركة من اشوفها فرحانة وتريد تزوج قيس يمه انه كل صلاه اندعيلك مابيدي شي عمت ععيني لو ابوك عايش جان كدر يوكف كل هذا بس مابيدي حيله بعد امك انته لاسوي بروحك هيج وتاذيني تردون تموتوني انته واخوانك والله كلبي خلص * بجييي
عياش : للااااا ماخليهااا صير القيس لو ع جثتيييي اذا ماندمتهااا مااتسمه الشيخ عياش ...
.
.
.
جمارة : صعدت ويه زينة للغرفة واني روحييي راحت تروح عرفت قيس مو ويه واحد من الشباب متعارك بس مادري ليش مايخليني اعرف روحي ممروده شبكت زينة وضليت ابجييي وخطية هيه تبجيييي وياييي مانمسع بس الصريخ والعياط روحي. راحت مايخلوني اطلع اشوف الصار شوية وماسمعت غير الباب نفتح واشوف عياش بوجهيييي كال الزينة طلعي راحت زينة واني ماودي تروح بعدني ماحاجيه وياااا شبعنييييي ضرب ، شتريد منيييي بس فهمنيييي ليش ماتخليني اعيش مرتاحه انته شتريد عوفني الله يخليك افتهمنييي مااحبك والله ماريدك ليش ضربته الله لاينطيك كسر ايديك وهوه ولايمه مستمر يضرب بيه ويحجي حجي مجاي استوعب افهمه طلع وعافنييي ضليت ابجي واصرخ لحظه حسيت كلشي اسود ماكمت اشوف فتحت عيني لكيت روحي بلمستشفى بس محد يمي  ، اجتني الممرضة  كتلها اريد امييي وينهااا عفية شجابني هنااا شبيه وين امييي * بجي
الممرضة : حبيبتي لاتبجين انتي تخربطتي وجابوج هنااا واهلج بره هسه اصيحهاا الج بس مو زين عليج البجييي وتعب ارتاحي حبيبتي ..
جمارة :سكتت بس جسمي كله مكسر حاطيلي مغذييي شوية ودخلت امييي عليه شفتها وماسيطرت ع نفسي رئسن بجيت
منال : سوده بوجهيي حبيبة شون صرتي * بجي
جمارة : منو جابنيييي هنااا عفية طلعيني منااا مااريد ابقه اختنك
مناال : سوده عليه يمه تخربطتي وانه وابوج والشيخ جبناج الهنااا
جمارة : ابوي وينه ليش مادخل وياج وقيس ليش مااجه
منال : يمه حبيبتي بعدين نحجي هسه موزين عليج ارتاحي حبيبة والله بعد مابيه ع شلعان الكلب فدوه اروحلج
جمارة : اجت الممرضة ضربتني مهدء ونمت الثاني يوم طلعنه اني وامي وابوي وعياش ابد ماطايقته وكارهته مااريد اشوفه لعب نفسي منااا حقدت عليه اكثر من لازم وكلش ضجت لان قيس مااجه يشوفنييي تعبت روحييي وكلبي كلش يوجعني راح فيصل يسوي الاوراق حته نطلع اجه دكتور علييي
دكتور سيف : مرحبااا شلونها الوردة اليوم ان شاءالله احسن
جمارة : الحمدالله دكتور
دكتور سيف : بنتي صاير عندج نقص بلفيتامينات وصاير عندج خفقان وكلش موزين عليج توتر والخوف والقلق والاعصاب حاولي  تبتعدين عن ضغوطات النفسية صحتج اهمشي وشي الثاني سبب كل هاي قلة الاكل صاير عندج فقر دم حااد ديربالج ع صحتج ومابيج غير العافية وتعاليلي بعد اسبوعين نرجع نشوفج شون صرتي كتبتلج ع علاج وان شاءالله ماكو بس العافية .
الشيخ : شكراً دكتور انه راح اجيبلها العلاج ..
جمارة : راح المكروه { قصدها ع عياش مكتولة وماجوز من السانها 😂} يجيب العلاج بدلتلي امييي وابوي واكف يمي اجه فيصل مكمل الاجراءات طلعنه للبيت واول ماوصلت تلكتني الشيخة وكعدت تنعي وتبجي ..
الشيخة : غاليتي جمارتي عمت عيني عليج بنيتي الهييي  شهل بيت الي يمته ماجايله مصايب فوك راسنه تركع
عاصم : يمه فدوه اروحلج كافي شجاج هل شوفينها جدامج مابيها بس العافية روحي بابا لغرفتج ارتاحي
منال :  سرور سحر بنات اخذوهاا خل ترتاح اسويلج اكل يمه واصعدلج ..
جمارة : صعدت فوك الغرفتي ساعدتني سرور اسبح وبدلت وتمددت ع جرباية جابتلي سحر الادوية وسرو خطية نزلت ماكدرت تبقة يمي بنتها ضلت تبجي اجت امي جايبه الاكل اكلت شوية واخذت علاج ونمت ..
.
.
.
عياش : جنت نايم بحضن اميييي وروحي تلوب ماسمعنه اله صريخ عمتي نزلت لطابق ثانييي واشوفهاا بغرفه جمارة رجليه بعد مايشيلنيييي من الخوف رحت اركض شلتها وطلعنه بيها المستشفى طول طريق وانه دموعي ابد ماسكتن ضليت ابجي واندعي كون مابيهاا شي رحنه للطوارئ دخلوها للغرفه كالو تبات وثاني يوم تطلع طمنونه عليهاا عمتي ماقبلت ااه تباب وياهاا بس ماخلوهاا تبات بنفس الغرفة صعد ظغطهااا نامت بغير غرفة وعمي يمهاا بقيت يم حبيبت كلبيي وفيصل خليته يرجع للبيت دكتور منع احد يدخل الهااا ضليت منتظر لساعه ب3:30 اجت الممرضة شافتهاا كتلهاا يصير ادخل يمهاا شوية
الممرضه : حالياً اي تكدر تدخل يمهااا بس لاطول مايصير ضغط عليها ماتتحمل حالة المريضة
عياش : شكراً اختي ، دخلت للغرفه وانه دموعي ابد مابطلن روحي راحت كعدت يمها احاجيهاا ،ليش ياروح عياش ليش سويتي بيه هيج جمارتي حبيبتي بنيتي باباتي تسمعيني فتحي عيونج الحلوات خل اشوفهن ليش هيج خليتيني افقد اعصابي واضربج لو انتي سامعه الكلام وكل هذا ماصاير جان انتي هسه بحضني ويمي ليش ياروحه العياش كسر ايدي يوم الي نمدت عليج كسرتي ضهرييييي كعدييي بعد روحييي انتي اخخ ربيييي طلعت من الغرفه للصبح انه مانايم صارت الساعه ب7:00 اجه الدكتور كتبلها العلاج ورحت جبته الها بدلتلهاا عمتي وفيصل كمل الاوراق خروجنه من المستشفى وتوكلناا للبيت اول ماوصلناا راحت الغرفتهاا اخذنهاا البنات صعدت كتلهم لحد يكعدني سبحت وارتاحيت وصليت ركعتين شكر وحطيت راسي ونمت ثاني يوم كعدت ع صوت ...
#الكاتبـة نيروز الكربلائيـة 🖤.