نهوة الشيخ عياش

البارت الثاني عشر

#نهوة الشيخ عياش
(البارت الثاني عشر 12)
قيس: باارتباك * هاا عن قريب تعرف خويه
اياد: اهاا انشالله ومر اليوم عادي بين شغل والبيت ...
جماره : كعدت الصبح ع صوت البنات يكعدون بيه ويصيحون الخاينة  وليش ماكلتيلنه كعدت ع جربايه كتلها شكو شصاير شبيجن منو الخاين
نور : انتي الخاينه قيس معترفلج وما تحجيلنه بس احنه كلشي نحجيلج
جماره : والله ردت احجيلجن بس ما صار وكت
نور : شلون عترفلج وشكلج
جماره: سولفت للبنات شلون عترفلي قيس وهنا فرحن
ريحانه : وهسه شنو قررتي وانتي تحبي لو لا؟
جماره : هااا اي اني معجبه بي واحس عندي مشاعر تجاهه وافقت عليه واليوم من يحجي راح احجي وياا واكله ع قراري
سحر: شلون تحجين وياا وكلها موجوده بلبيت ؟
جماره : اشوف منه لبعدين واذا ما كدرت اشوفه اراسله
سحر : هاا بس انتبهي اذا شفتي لا احد يجي ويشوفكم سوه ويسمعكم ويحجي للشيخ والله ما يرحمكم
جماره : اهووو هم جبتي طاري الشيخ خليني فرحانه شوي لا تنغصين علي فرحتي
سحر :وليش عيني انغص عليج فرحتج
جماره : بس تجيبين اسمه تضوجيني ياخي اكرها افهموني اكره اسمع اسمه واشوفه كبالي ليش متحسون بيه
سحر : جماره حترمي نفسج هوه ما سوه شي الج انتي ليش هيج ويه ابن عمج والشيخ هوه احترمي شوي
جماره : يي خطيه ما سوالي شي سوده علي بس ضربني وكسرني ابد ما سوه شي
سحر : لو ما انتي معصبته  جان ما يمد ايده عليج بس انتي عصبتي وتجاوزتي علي
جماره : وانتي ليش دافعين علي ؟
سحر : مو ادافع علي بس انتي الي غلطتي ويه واني جاي احجي الحق
جماره : خليت وطلعت من الغرفه ضوجتني بحجيها نزلت جوه وسلمت ع الي كاعدين بست ايد الشيخه وبست راسها وصبحت عليها ونوب بست راس امي وصبحت عليها وكعدت اتريك كوه لأن حجي سحر كلش ضوجني سوتني اني الغلطانه ويه الشيخ ودافع علي فوكاها حته الشيخة لاحظتني
الشيخة امنية : بنيتي شمالج ماتاكلين جنج بشه
جمارة : لاشيخة جااي اكل
الشيخة امنية : وينج يمه اكليييب اريد بيج لحمه رايحه كاضيه ...
جمارة : سمتت ماحجيت شي للن كلش ضجت من حجي سحر حته مالي نفس ...
.
.
.
قيس: كعدت من النوم وكبل رحت غسلت وبدلت وانه الحماس فول عندي نزلت اكلت بسرعه واخذت سويج سيارتي ورحت لشغلي ضليت اشتغل ع نار بس اريد اخلص واروح لبيت جدي الشيخ اشوفهم واشوف جماره واسمع جوابها كملت شغل ورحت كبل لبيت جدي الشيخ دخلت للبيت لكيتهم كلهم كاعدين سلمت عليهم وعيني دور ع جماره ميت ع شوفتها اريد بس اشوفها واحجي وياها شوي ودخلت جماره ضليت اباوع بعيونها بس اريد اعرف شي من عيونها ما كدرت اعرف شي...
.
.
.
جماره: كملت ريوك ورحت للمطبخ غسلت الماعين وكعدت اسولف ويه نور شوي وسمعت صوت قيس غمزتلي نور ضحكت عليها بس اني كلبي ضل يدك سريع شوي ورحت للستقبال سلمت ودخلت رحت كعدت يم الشيخه وكلساع ارفع راسي وعيني صير بعينه  كلش توترت من يباوع علي وطلعت من الستقبال بسرعه رحت لغرفتي كعدت العب بلتلفون شوي واجتلي رساله من قيس..

قيس: جنت كاعد يم الشيخ والولد نسولف وعيني ع جماره ما نزلت ابد هيه شافتني وطلعت من الستقبال بسرعه انه ضحكت ع خجلها ودزيتلها رساله جماره تعاي وراي بلحديقه الخلفيه مادام الكل ملتهي
جماره : قريت رسالت قيس وكمت رتبت روحي وخليت شوي حمره ولفيت شالي ونزلت جوه طلعت للحديقه الخلفيه بدون ما احد ينتبه شفت قيس واكف رحت قريبه علي وصحت بسمه هوه لتفت علي
قيس: طلعت بره انتضر جماره وجنت داير ضهري والعب بلتلفون سمعت صوتها الناعم تصيح بسمي (بكلبي فدوه اروح لهل صوت شكد حلو اسمي بحلكها )
لتلفت عليها وشفت وجها اليموت بلكوه كضيت روحي ما حضنتها كالت
جماره: شلونك قيس
قيس: بخير دام انتي بخير يعيون قيس
جماره: خجلت وكتله عساك بخير
قيس: باارتباك *ايي جماره شنو قررتي ؟
جماره : بخوف وخجل* اموافقه
قيس: سمعتها كالت موافقه بدون وعي ركضت حضنتها وكتلها وعد يا جماره احطج بعيوني واخليج تعيشين احلى عيشه يروحي انتي وبستها من راسها وكتلها انشالله سبوع الجاي من ارجع من السفر اجي اطلبج من ابوج وجدي يكلبي انتي انشالله تصيرين مرتي وام بيتي واصبح بهل وجه الحلو يوميه
جماره : كلش خجلت من حجيه وفرحت بنفس الوقت بس ضجت من كال يسافر كتله ليش وين تروح ؟
قيس: عندي شغل بغداد اسبوع انشالله واخلصه واجي
جماره : ها ترجع بسلامه
قيس : الله يسلمج يعمري
.
.
.
عياش:طول ماانه اشتغل وكلبي مامرتاح حاس اكو شي حته الشباب الي وياي انتبهو بالي وعقلي كله يم جمارة فجئه تخربطت واخذوني الشباب المستشفئ صاير عندي هبوط بظغط وقله نوم ودكتور منعني من الجكاير وانه روحيي مشتعله طلعت من المستشفئ ع مسئوليتي بس مامرتاح حسيت جمارة تريد تروح مني حرت عليمن اتصل بدون تردد اتصلت عليهاا ..
.
.
.
جمارة : جنت كاعده طلعت ملابس ورحت سبحت وبدلت اجيت اشوف تلفوني عياش يتصل عليه شكو رئسن جاوبته بس خفت صوته مارتاحيتله ومبين كلش تعبان الو هاا عياش شتريد
عياش : جمارة شلونج بتعب*
جمارة : زينة شبيك شبي صوتك مريض
عياش : ههههه خايفه عليه يابعد حيلي انتي
جمارة : ماردت اسمعه حجييي لان خفت صوته يخوف عياش شبيك خوفتتي صاير شي اكول الاخواني
عياش : ضحكت عليهاا وع خوفهاا لاياعيون عياش مابيه شي بس حبيت اسئل عليج جمارة اريد اكلج شي
جمارة : شنو احجيييي
عياش : انتي اغلا شي عندييي حته اغلا من روحيييييي ديربالج ع نفسج
جمارة : شكو عياش شهل حجييي
عياش : اشش ماكو شي حبيبتي لتخافين روحي نامييي والله مابيه شي
جمارة : انته متاكد
عياش : اييي حبيبتي متاكد سدي تلفون ونامييي يلا تصبحين ع خير ....
جمارة : سد تلفون وضل كلامه براسي بس مادري شبي وحيل خفت ضليت افكر بكلامه لحد مانمت ...

#الكاتبـة نيروز الكربلائيـة 🖤.

(كلش اسفة ع تأخير واعتذر منكم تعطلت بسبب النت ).