وجر الحب 🍒

الحلقة 100 والاخيرة 🍒

  🌷#وجر_الحب 🌷
♦️الكاتبة : #ايوتة ♦️
🍒#الحلقة_100_و_الاخيرة🍒
ممنوع النقل بدون اذن 🚫❌

بعد شهرين ...

بقات سمانو على العرس و توا روبين و هديل عند واحد من اشهر المصممين لي خيرهم اوار خاطر يحب حبيبتو تكون مميزة فيومهم ... اليوم لي ليهم شهرين و هما يوجو فيه قررو يعملوه فدار اوار بما انو كبيرة و جاردان نتاعو تصلح يعملو فيها بعد ماتافقو يعملو حفلة مش كبيرة برشا و هذا كان طلب روبين خاطرها ماتحبش لحوايج لكبار ....
دخلت و جربت الفستان لي صمموه خصيصا ليها خرجت و قت هديل هزت راسها انباهرت بيها و حلت عينيها على وسعهم
هديل : روبين ...انتي... طالعو تهبلي يا روحي
روبين وقفت و شافت روحها فالمراية بالحق الفستان تعدى الروعة 😍😍 هديل عينيها دمعو
روبين : افف هديل متبكيش يعيش اختي بش نبكي انا زادة
هديل مشات و عنقتها : انا متاكدة بلي طاطا و عمو احمد لو كانو هوني راح يكونو اسعد الناس
روبين كي ذكرت امها و باباها دمعو عينيها 😭😭

قص عليهم تيليفون هديل لقاتو ايهاب تبسمت
هديل : حبيبي الخراي
ايهاب : معادش تكبري انتي و تحشمي على روحك
هديل : لا
ايهاب: يا ربي صبرني عليك
هديل : امين
ايهاب ضحك : شتعمل حبيبتي
هديل : مع روبين تجرب فالاغوب
ايهاب : باهي كي تكملو شغلكم ايجو عند حميد
هديل : حميد متاعنا
ايهاب : ايه
هديل : باهي حبيبي
ايهاب : نحبك
هديل : وانا اكثر
دارت عند روبين لقاتها تتبسملها بشر 😈😈
روبين : طحتي و محدش سما عليكي يا ساقطة
هديل : بالاهي التى بروحك ساع 😒😒
روبين ضحكت .. و كملت تقيس فلاغوب

من جهة اخرى ...
عند حميد يوجدو فكلشي
ايهاب : فرايك راني نعمل فشي صحيح
اوار: 😒😒 تعرف قلقتني بسؤالك هذا لمرة لخامسة لي تسأل فيه
ايهاب: توترت
اوار ضحك : لي يقول عليك راح تزوج ليوم
ايهاب قحرلو : توا نشوفوك يوم عرسك
حميد : عجبني برشا القاطو
ايهاب: تعرف تاكل منو كرشك نحيهالك اصبر لين يجيو
حميد 😒😒 : ماقلت شي ...
ايهاب : عملت لي قتلك عليه
حميد ؛ جعفر يعمل فيه ...

نرجعو للبنات لي فوتو ليوم كلو يعملو شوبينغ  خاطر فكا برشا حوايج نساو يشريوهم توا حبسو الكرهبة قدام مطعم حميد الجديد
روبين كي نزلو ضحكت عرفت انو متاعو خاطرو كلو اخضر و اصفر افضل الوان عندو ..
روبين : بالحق عجبني من برا
هديل : تي استنى تشوف الداخل ... دخلوو روبين ضحكت كي شافت الديكور بالحق مجنون حميد رغم الالوان اما الديكور يفتح النفس و يخليك ترتاح شافو اوار و ايهاب كل وحدة مشات عند حبيبها
اوار عنقها : اممم توحشتك احبي
روبين باساتو على خدو : وانا زادة يا روحي
جا يهدر اما قص عليه حميد كي صاح
حميد : روبينتي اميرتي ... جا يجري عندها و عنقها عصرها اوار ولا يشوف حمر قدامو جبدها و وقف قدامو
حميد بلع ريقو : شنية
اوار  : جرب مسها مرة اخرى توا تشوف شنعمل فكرشك
حميد من الخلعة حكم كرشو و روبين ضحكت
روبين : يفدلك يا مومو
حميد عينيه ولاو قلوب كي قاتلو مومو : انتى قلتها و اخيرا ... جا يقرب عندها اما اوار جبدها عندو
حميد خاف : راح تزوج الغول هذا
روبين ضحكت : ايه
اوار قحر لحميد : شنوة قلت 
حميد : ماقلت شي ... جعففففففر  ... و راح يجري قصدي يتكعبر
روبين بدات تضحك
اوار: تضحك الالة
روبين : علاه تخوف فيه
اوار: منحب حتى ذكر يمسك يا روحي نهبل و نغير
روبين : بوزينو حبيبي خريطة لي يغير عليا
و باساتو من خشمو
اوار: عضها على خدها : نعشق فدين والديك اطفلة