وجر الحب 🍒

الحلقة 29🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_29🍒
ممنوع النقل بدون اذن 🚫❌

يشوف فيها خبطت راسها فالطابلة
ضغط  على بوكس حتى رجعو مفاصلو بيض بقا مركز معاها وهي تهدر و متوترة حب يعرف مع من راهي تهدر
بعد دقايق حطت تيليفونها بقات تشوف مع الحيط و مركزة باينة تخمم شافت في عشاها هزاتو و راحت للكوزينة .... كي خرجت راحت ترقد ....
دخل من باب الجاردان و راح للكوزينة لقى العشاء فالفريجيدار .. يعني رقدت بلا عشاء ، طلع لشامبرتها لي عرفها اول مرة كي جا هنا .... حل الباب في عقلو و دخل لقاها في وسط السرير متكمشة فالغطا كي الصغار مشا جيهتها ، وقف يشوف فيها مع ضوء القمر كيفاه تبان نقية كي الما و صغيرة ...
تكا بجنبها و هز خصلة من شعرها يلعب بيها
كيفاه راح يقتلها .... كيفاه راح يشوف فيها و يجبد سلاحو و يقتلها
قلبو و عقلو متقبلوش صورتها مقتولة
جسدها بلا روح ... وجها بلا حياة ....
تحركت و حطت يدها على خدو
تكبس في بلاصتو .... يدها السخونة خلاتو يحس باحساس الدفئ ..  الدفئ لي حياتو كامل و هو يحوس عليه
قلبو بدا يدق بسرعة حتى انو خاف انها تنوض من صوتو ... ملامحها المليانة حنية حتى و هي نايمة خلاوه يدخل في عالم الاحلام و هو نايض
حلم بيها تاعو وحدو ... يعنقها وقت مايحب يبوسها وقت ما يحب  و يكون معاها دايما حتى حاجة ماتفرق بينهم ......
اما الاحلام كسرها صوت بداخلو
محمود هو لي راح يفرقكم .....
تفكر كي قالو انو لازم يخلص المهمة لي بداها .... انو راح يخلصها هو لو مقدرش انو يخلصها ....
حكم يدها و حطها فوف السرير و ناض بالعقل بش ماتفيقش
وقف و جبد سلاحو ....
ركب هداك الساكت بش مايعملش صوت و وجهو لراسها
بش يخلص عليها توا ....
بش تخرج من عقلو وقلبو ....
رصاصة وحدة راح تسكت قلبو لي كل ما يشوفها ينبض بالحياة ...
هو انسان ميت بالنسبة لبرشا ناس و بالنسبة لروحو بعد ... ميحتاجش سبب بش يعيش ....
شاف فيها شوفة اخيرة ... شوفة الوداع .....
حط صبعو على الزناد و ......