وجر الحب 🍒

الحلقة 53🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_53🍒
ممنوع النقل بدون اذن 🚫❌

اليوم الموعود
اليوم لي يستناو فيه الكل ...محمود بش يزيد يطلع اسمو بين المافيات ... صقر بش ينفذ وعدو لطفلة لي حتلت قلبو ...روبين بش تعرف
شكون حرمها من والديها و تخليه يتعاقب و تريح والديها في قبورهم ...

فدار تلبس في روب لي خيرتها ... جاية فالاخضر الغامق  شقة صدرو طويلة و فيه حزام من نفس اللون و زادة شقة توصل لفخذها و معاه طالون ذهبي اما بالنسبة لمكياجها سامبل و شعرها سرحاتو و رداتو على جهة وحدة
يعني بالحق جات تفتق
دخلت عليها مفيدة و هي تحط فاللمسات لخرين
مفيدة : زروديتي طالعة طيري لعقل
روبين : يعيشك خالتي
مفيدة : مقلتيليش مع من رايحة ؟
روبين : مع صديقي
مفيدة : الخريطة ؟
روبين : لا لي قتلك كان متكلف بقضية امي و بابا
مفيدة: اااا تقصد اكا البوليسي
روبين :اي هو
مفيدة : والخريطة يعرف
روبين : لا ميعرفش
جات تهدر اما قص عليها صوت التيليفون
روبين: جيت؟
.......
روبين: باهي توا نازلة ...و صكرت
روبين هزت بوشاتها و باست مفيدة
روبين: بش نطول شوي يا مفيد متقلقش عليا باهي
مفيدة : باهي بنتي بالسلامة
هبطت لقاتو قدام الباب .. شافها وانبهر بجمالها الدم تكبس في عروقو اي بالحق طلعت تفتق .. لبسها لي مبين جسمها الابيض كي لحليب و مفاتنها لي ذهلوه و شعرها كلشي فيها خلاه يغرق فيها
روبين: نعرف جيت مليحة 😎
صقر فاق من سرحتو : تي جيتي تفتقي بالحق ماشاء الله عليك 😍
روبين: مرسي برشا 😊 حتى انت جيت بوڨوص
كان لابس كوستيم اسود و شوميز بيضة مع زينو لي يذهل جا يهبل
صقر: نروحو .. و مد يدو بش تكروشيه
روبين: نروحو ... و كروشاتو
ركبو الكرهبة و ديمارا الديريكسيون للحفلة

.
.
.
وصلو قدام فيلا كبيرة محاوطة بالحراس من كل جهة و الكراهب من كل نوع
تحل باب من جيهتها نزلت و لحقها صقر كروشاتو و دخلو ... مع دخلت قابلتها قاعة كبيرة مزينة بالوان اسود و احمر الطوابل و الحيوط و الحوايج كلشي انيق ارضية كحلة و حيوط حمر (اتخيلو معايا) يعني حفلة دل على المافيا من جهة اليمين و اليسار دروج يطلعو للفوق مشاو لقاو طابلة فارغة وقفو و يشوفو فالمعاريض
روبين : باين عليهم ناس كلاس و مفخمين
صفر : بالطبيعة ماهم مافيا
روبين : اما ميبانش عليهم لي يقول اصحاب شركات كبار
صقر: ماهو هذا لي يعملوه يبانو اصحاب شركات و هوما صح اصحاب شركات اما كلشي بناوه من خدمة المافيا
كملو يحكيو  ...